ରୋମିୟ 11:14 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁴ ଇୟାମାଣାନ୍‍ ଜଦି ନା ନିଜେଦି ଜାତିଦି ଲୋକାଙ୍ଗ୍‍ଁ ରିସା ଆଦେଙ୍ଗ୍‍ଁ ଆଟ୍‍ନା, ଆନାତ୍‌ ୱାରି ଲୋଇ ଏସ ଲୋକାଙ୍ଗ୍‌ ରକିୟା କିଦେଙ୍ଗ୍‍ଁ ଆଟ୍‍ନା ।

Konda: కొండ బాసదు నెగ్గి కబ్రు

¹⁴ దేవుణు నఙి ఒపజెప్తి యా పణి కిజి ఎలాగబా నా సొంత జాతి ఆతి యుదురిఙ్‌ గోస పుటిస్తెఙ్‌ ఇజి నాను సుడ్ఃజిన. ఎందానిఙ్‌ ఇహిఙ మిఙి దేవుణు దీవిస్తిలెకెండ్‌ వరిఙ్‌ దొహ్‌క్తెఙ్‌ ఇజి వారుబా ఆస ఆతిఙ దేవుణు వరిలొఇ సెగొండారిఙ్‌బా రక్సిస్నాన్.

ରୋମିୟ 11:14 Referans Kwoze

1కొరింతి 7:16

କ୍ରିସ୍ତ ବିସ୍‌ବାସ୍‌ତି ଆଡ଼୍‌ସି, ନିନୁ ନିଜେଦି କନ୍‌ଲିଙ୍ଗ୍‌ ରକିୟା କିଦେଙ୍ଗ୍‌ ଆଟ୍‌ନି ଇଜି ଇନିକା ସତ୍‌ତାନ୍‌ ନେସ୍‌ତିମାନି ? ବିସ୍‌ବାସ୍‌ତି କନ୍‌ଲି, ନିନୁ ନିଜେଦି ଆଡ଼୍‌ସିଙ୍ଗ୍‌ କ୍ରିସ୍ତବିସ୍‌ବାସ୍‌ତିକା କିଦେଙ୍ଗ୍‌ ଆଟ୍‌ନି ଇଜି ଇନିକା ପୁରା ୱେର୍‍ତେଙ୍ଗ୍‍ ଆଟ୍‌ନି ?

1తిమోతి 4:16

ନିଜେଦି ବିସୟ୍‌ତାନ୍‌ ମାରି ନିଜେଦି ସିକିୟା ବିସୟ୍‌ତାନ୍‌ ଜାଗାର୍‍ତା ମାନ୍‌ଡ୍ରୁ, ଇୟାୱିଜୁ ବିସୟ୍‌ତାନ୍‌ ଲାଗେଆଜି ମାନ୍‌ଡ୍ରୁ, ମାତର୍‌ ଆକା କିତିଙ୍ଗ୍‌ ମିର୍‌ ନିଜେ ପରିତ୍ରାଣ ପୋଇନିଦେର୍ ମାରି ମିର୍‌ ଆଇୱାରିଙ୍ଗ୍‌ ରକିୟା ବା ପୁରା କିନିଦେର୍‌ ।

తీతు 3:5

ମା ସତ୍‍ପାଣିଦି ପଲ୍‌ ୱାଜା ଇକା ଆଏତ୍‍ । କେବଲ ୱାନି ଦୟାଦାନ୍‌ ପବିତ୍ର ଆତ୍ମାଦି ମୁଟ୍‌ନିମାଣାନ୍‌ ମା ପାପ୍‌ ୱିଜୁ ନରାଇ ଆତାମାନାତ୍‌ ମାରି ମାପ୍‌ ପୁନି ଜନମ୍‍ ପୟ୍‌ଜି ରକିୟା ପୟ୍‌ତାମାନାପ୍‌ ।

2తిమోతి 2:10

ମାପୁରୁଦି ଆସ୍‌କିତିମାନି ଲୋକ୍‌ କ୍ରିସ୍ତ ଜିସୁଦି ମାଣୁକୁ ପୟ୍‌ତିମାନି ପରିତ୍ରାଣ ମାରି ଏସ୍‌କାଙ୍ଗ୍‌ୱିଜ୍‌ଇ ଗୌରବ୍‍ ପୟ୍‌ଦୁ, ଇୟା ଉଦେସ୍‌ଦାନ୍‌ ନାନ୍‌ ୱିଜୁ କାସ୍ଟୁ ସାସ୍‌ କିଜିନା ।

1తిమోతి 2:4

ୱିଜେରେ ଏଣ୍ତେସ୍‌ ରକିୟା ମାରି ସତ୍‌ ବିସୟ୍‌ତାନ୍‌ ଜ୍ଞାନ୍‌ ପୟ୍‌ନାର୍‌, ୱାନ୍‌ ଇକା ବଦା କିନାନ୍‌ ।

1కొరింతి 1:21

ଇରିଙ୍ଗ୍‌ ମାପୁରୁ ୱାନି ପେରି ଜ୍ଞାନ୍‌ତାନ୍‌ ତିର୍‌ କିତାମାର୍ହାନ୍‌ ଜେ ଜଗତ୍‌ତି ଲୋକୁ ନିଜେଦି ଜ୍ଞାନ୍‌ଦାନ୍‌ ମାପୁରୁଙ୍ଗୁଁ ନେସ୍‌ତେଙ୍ଗ୍‌ ଆଟ୍‍ଏର୍‍ । ମାପୁ ପ୍ରଚାର୍‌ କିଜିମାନି ବାକ୍ୟଦି ତାଗ୍‌ଇମାଟା ସୁସମାଚାର୍‌ତୁ ବିସ୍‌ବାସ୍‌ କିଜିମାନି ଲୋକାଙ୍ଗ୍‌ ରକିୟା କିନି ଉଣ୍ତିଙ୍ଗ୍‌ ମାପୁରୁ ୱେଡ଼ିକା ଆତାନ୍‌ ।

ରୋମିୟ 11:11

ନାନୁ ୱେନ୍‍ବାନା, ଜିହୁଦିଲୋକୁ ତାକାନି ମାଣାନ୍‌ ଇନିକା ନାସ୍ଟୁ ଆତାର୍‌ ? ଏସାଙ୍ଗ୍ଁ ସିଲେ । ପାପ୍ କିତାର୍‍ଆକା, ୱାରିଙ୍ଗ୍‍ଁ ରିସା କିଦେଙ୍ଗ୍‍ଁ ଇଜି ଅଣଜିହୁଦି ଲୋକାଙ୍ଗ୍‍ଁ ରକିୟାଦି ଅଦିକାରି କିଆୟ୍‍ ଆତାତ୍‍ ।

యాకోబు 5:20

ଆର୍‌ତିଙ୍ଗ୍‌ ମନ୍‍ତୁଇଡ୍‍ଦୁ ଏନ୍‌ ତାଗ୍‌ଇସାରିଦାନ୍‌ ପାପ୍‌ଲୋକ୍‌ତିଙ୍ଗ୍‌ ଡ଼େସି ତାନାନ୍‌, ୱାନ୍‌ ଆୟା ପାପି ଲୋକ୍‌ତି ଆତ୍ମାଦିଙ୍ଗ୍‌ ସାନିମାଣୁକୁ ରକିୟା କିନାନ୍‌ ମାରି ୱାନି ନିଜେଦି ନାଣ୍ତ୍‌ ପାପ୍‌ କେମା ଆନାତ୍‌ ।

ରୋମିୟ 9:3

ନା ନିଜେଦି ଜିହୁଦି ଜାତିଦି ତଡ଼ାନ୍‍କା ଉଣ୍ତିଙ୍ଗ୍‍ଁ ନାନୁ ନିଜେ କ୍ରିସ୍ତଦି ମାଣାନ୍‌ ୱେର୍‍ଏ ଆଜି ମାପୁରୁଦି ମାଣାନ୍‌ ଆନାଦୁରିଆ ଆନି ଉଣ୍ତିଙ୍ଗ୍‌ ନାନୁ ବଦା କିଜିନା ।

పిలొమో 1:12

ୱାନ୍‌ ତୋ ନା ଜିବନ୍‌ତି ୱାଜା ନାନ୍‌ ଇଲେଇ ୱାନିଙ୍ଗ୍‌ ମି ଲାକ୍‌ତୁ ପୋକ୍‌ସି ସିନି ୱାଲେ ନା ଜିବନ୍‌ ଆଡ଼୍‍ବାତି ୱାଜା ଆଜିନାତ୍‌ ।

ରୋମିୟ 10:19

ମାରିଡ଼େସି ନାନୁ ୱେନ୍‍ବାନା, ଇସ୍ରାଏଲ୍‌ ଲୋକୁ ଇନିକା ଆକା ବୁଜାଏତାର୍‍ ନୋ ? ୱାର୍ ବୁଜାତାର୍ ନାଣ୍ତ ଆଗ୍‍ଡ଼ିରାନ୍‍ ମୋସା ତେନି ଉତର ସିଜି ରାସ୍‌ତାମାନାନ୍‌ : “ମା ଲୋକାଙ୍ଗ୍‍ ରିସା କିବିସ୍‍ କିଦେଙ୍ଗ୍‍ଁ ଇଜି ଉନ୍‍ଣ୍ତ୍ରି ନେସ୍‌ଇ ଜାତିଦିଙ୍ଗ୍‍ ବ୍ୟବହାର୍ କିନାପ୍‍ । ଆୟାୱାଜା ଉନ୍‍ଣ୍ତ୍ରି ବୁଦିସିଲି ଜାତିଦାନ୍‍ ୱାରିଙ୍ଗ୍‍ଁ ରିସା କିବିସ୍‍ କିନାନ୍ ।”

1కొరింతి 10:33

ମିର୍‌ ନା ୱାଜା ବେବ୍‍ହାର୍ କିଦୁ । ଏଣ୍ତେସ୍‌ ନାନ୍‌ ବା ନା ସିନ୍ତା କିଏଣ୍‌ଗା ନାଣ୍ତଲୋକା ରକିୟାଦି ଉଣ୍ତିଙ୍ଗ୍‌ ୱାରି ନେଗିତାନିଙ୍ଗ୍‌ ସିନ୍ତା କିନା, ମାରି ୱିଜୁ ବିସୟ୍‌ତାନ୍‌ ୱିଜେରିଙ୍ଗ୍‌ ୱେଡ଼ିକା କିଦେଙ୍ଗ୍‌ ଜାତୁନ୍‍ କିନା ।

1తిమోతి 1:15

ପାପି ଲୋକାଙ୍ଗ୍‌ ରକିୟା କିନି ଉଣ୍ତିଙ୍ଗ୍‌ କ୍ରିସ୍ତ ଜିସୁ ଜଗତ୍‌ଦୁ ୱାତାନ୍‌, ଇକା ଉନ୍‌ଡ୍ରି ପୁରା ସତ୍‌ ଇୟା ବାକ୍ୟ ବିସ୍‌ବାସ୍‌ ମାରି ୱିଜେରେ ମାନାନାର୍‌; ଆୟା ପାପି ଲୋକା ଲୋଇରାନ୍‌ ନାନ୍‌ ୱିଜେରିମାଣୁକୁ ପେରିକାନ୍‌ ।

2తిమోతి 1:9

ମା ନିଜେଦି ସତ୍‌ପାଣିଦି ପୁର୍‌ସ୍କାର୍‌ ୱାଜା ୱାନ୍‌ ମାଙ୍ଗିଁ କୁକ୍‌ଏନ୍‌, କେବଲ୍‌ ୱାନି ଦୟାଦାନ୍‌ ୱାନି ଉଦେସ୍‍ ପୁରା କିଦେଙ୍ଗ୍‌ ମାଙ୍ଗିଁ ୱାନି ଲାଡ୍‍ତିଲୋକୁ ଆନି ଉଣ୍ତିଙ୍ଗ୍‌ ରକିୟା କିତାମାନାନ୍‍ ମାରି ଆସ୍‌କିତାମାନାନ୍‌ । କ୍ରିସ୍ତ ଜିସୁଦି କିତିମାନି ପାଣି ପୁର୍ବେ କାଡ଼ାଦାନ୍‌ ମାପୁରୁ ମାଙ୍ଗିଁ ଇୟା ଦୟା କିଜି ଇଟ୍‌ତା ମାର୍ହାନ୍‌ ।

ఎబ్రి 1:14

ଆର୍‌ତିଙ୍ଗ୍‌ ମୁସ୍‌କୁପୁର୍‌ତି ଦୁତ୍‍କୁ ଏର୍‌ ? ୱାର୍‌ ଆଜିନାର୍ ମାପୁରୁଦି ସେବାକିନିକାର୍‍, ରକିୟା ପୋଇତିମାନି ଲୋକୁଦି ସାକା ଉଣ୍ତିଙ୍ଗ୍‌ ମାପୁରୁଦି ମାଡ଼ାନ୍ ପକାତି ଆତ୍‍ମେଙ୍ଗ୍‍ ।

ఎబ్రి 2:3

ଆର୍‌ତିଙ୍ଗ୍‌, ଇୟା ପେରିରକିୟାଦିଙ୍ଗ୍‌ ଡ଼ିସ୍‌ତିଙ୍ଗ୍‌, ମାଡ୍‌ ଏଣ୍ତେସ୍ ରକିୟା ପୋଇନିକା ? ଇୟା ପରିତ୍ରାଣ ନିଜେ ପ୍ରବୁ ନିଜେ ଆଗ୍‍ଡ଼ିନେ ୱେର୍‍ତାମାନାନ୍ ମାରି ୱାନିମାନୁ ୱେର୍‌ଇମାନି ଲୋକୁ ୱାନି ପେରିସତ୍‍ ମା ଲାକୁତୁ ପାର୍‌ମାଣ୍‌ କିତାମାନାର୍‍ ।