10 ୱାର୍ କାଣୁକୁ କାଣା ଆଜି ଇନିକା ସୁଡ଼ୁଦେଙ୍ଗ୍ ଆଟ୍ମାପିର୍ । ୱିଜୁୱାଲେ ଦୁକ୍ କାସ୍ଟୁ ବଗାଜି ବଗାଜି ୱାରି ଜୁକି କୁବ୍ଡ଼ା ଆପିତ୍ ।”
ମାରି ୱାରି ମନ୍ ସିକାଟି । ମାପୁରୁ ସିତିମାନି ଜିବନ୍ତୁ ୱାରିନ୍ଦି ଇନିକା ମିସାଏତ୍ । ଇରିଙ୍ଗ୍ ୱାର୍ ପୁରା ବୁଦିସିଲିକାର୍ ମାରି ମାନାଇକାର୍ ।
ଏଣ୍ତେସ୍ ସାସ୍ତ୍ର ଇନାନ୍, “ସତେ ଏଣ୍ତେସ୍ ମାପୁରୁ ୱାରି ମନ୍ ନି ଜିବନ୍ତିଙ୍ଗ୍ଁ ଆଟୁୱା କିତାମାନାନ୍ । ଇୟାସାନ୍ଦି ୱାର୍ ସୁଡ଼୍ଦେଙ୍ଗ୍ ଆଟ୍ନାର୍ ନ ୱେନ୍ଡ୍ରେଙ୍ଗ୍ଁ ଆଟ୍ସିନାର୍ ।”
ୱାର୍ ମାପୁରୁଙ୍ଗୁଁ ନେସ୍ସି ବା ୱାନିଙ୍ଗ୍ ଟିକ୍ତାନ୍ ମାନାଏତାର୍ ବା ୱାନିଙ୍ଗ୍ ଆମା ବିସୟ୍ ଉଣ୍ତିଙ୍ଗ୍ ଦନ୍ୟବାଦ୍ ସିଏଜିନାର୍ । ମାତର୍ ୱାରି ସିନ୍ତାୱିଜୁ ଅସାର୍ ନି ୱାରି ମାନାଇ ମୋନ୍ ପୁରାସିକାଟି ।
ୱାର୍ ସାମୁଦୁର୍ତି ନିଙ୍ଗିଁଜି ୱାନି ଏରୁ ଉଲ୍କା ୱାଜା, ୱାର୍ ନିଜେ ନିଜେଦି ସେମାର୍ତି ପାଣିଙ୍ଗ୍ ପେପଲ୍ ୱାଜା ମୁସ୍କୁ ତର୍ଜିୱାନାତ୍ । ୱାର୍ ଇମ୍ଜିବୁଲାନି ସୁକା ୱାଜା; ମାପୁରୁ ୱାରି ଉଣ୍ତିଙ୍ଗ୍ ନାଣ୍ତ ସିକାଟି ୱିଜୁଦିନ୍ତିଙ୍ଗ୍ ଇଡାଆୟ୍ଆତାମାନାତ୍ ।
ମାରି ଆମା ମୁସ୍କୁପୁର୍ତି ଦୁତ୍କୁ ନିଜେ ନିଜେଦି ଅଦିକାର୍ତି ଲୋଇ ତେବାଏଣ୍ଗା ନିଜେ ନିଜେଦି ଡ଼ିସ୍ତେସରେଏ, ଦୁତ୍କାଙ୍ଗ୍ ଏତ୍ କିଦୁ । ୱାନିକାଙ୍ଗ୍ ମାପୁରୁ ପେରି ବିସାର୍ତି ୱିଜୁଦିନ୍ତି ଉଣ୍ତିଙ୍ଗ୍ ଜଇଲ୍ତୁ ନାଣ୍ତସିକାଟିଦି ୱିଜୁ ଦିନ୍ତି ସାନ୍ତି କିଜି ଇଟ୍ତାମାନାନ୍ ।