ରୋମିୟ 1:14 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁴ ଗ୍ରିକ୍‌ କି ବର୍ବର, ସିକିତ୍‍ ନି ଅସିକିତ୍‍ତି ୱିଜୁଜାତିଦି ଲୋକା ଉଣ୍ତିଙ୍ଗ୍‌ ନା ଦାୟିତ୍‍ ମାନାତ୍‌ ।

Konda: కొండ బాసదు నెగ్గి కబ్రు

¹⁴ యూదురు ఆఇ వరిఙ్‌ విజేరిఙ్‌ సువార్త వెహ్తెఙ్‌ నాను ఉండ్రి అప్పు మన్నికాన్. గ్రీకు బాస నెస్తి వరిఙ్‌బా, నెస్‌ఇ వరిఙ్‌బా, పెరి సదువు మన్ని వరిఙ్‌బా, సదువు సిల్లి వరిఙ్‌బా వెహ్సి సీదెఙ్‌ ఇజి నఙి ఉండ్రి అప్పు మనాద్.

ରୋମିୟ 1:14 Referans Kwoze

కొలొసి 3:11

ଇୟାୱାଜା ଜିହୁଦି, ଅଣଜିହୁଦି, ସୁନ୍ନତ ମାରି ଅସୁନ୍ନତ, ନିଜେଦି ଦେସ୍‌, ଆଇଦେସ୍‌, ଗତିମୁରୁଲି ମାରି ଆରେଏମାନି ଲୋକ୍‌ତି ଲୋଇ ଆମାଇନି ଅଲଗା ସିଲେତ୍‌ । ମାତର୍‌ କ୍ରିସ୍ତ ୱିଜେରିମାନୁ ମାନାନ୍‌ ମାରି ୱାନ୍‌ ଆଜିନାନ୍‍ ୱିଜୁୱିଜୁନେ ।

అపొస్తు 9:15

ପ୍ରବୁ ୱାନିଙ୍ଗ୍‌ ଇର୍ହାନ୍‌, “ସାଙ୍ଗ୍ଆ, ଅଣଜିହୁଦି ମାରି ରାଜା ମାରି ଇସ୍ରାଏଲ୍‌ତି ଲୋକା ଆଗ୍‌ଡ଼ି, ନା ଦର୍‌ ୱେର୍‌ତେଙ୍ଗ୍‌ ଇଜି ମାରି ନା ସେବା କିଦେଙ୍ଗ୍‌ ନାନ୍ ୱାନିଙ୍ଗ୍‌ ଆସ୍‍କିତାମାନା ।

అపొస్తు 22:21

ପ୍ରବୁ ନାଙ୍ଗିଁ ଇର୍ହାନ୍‌, ସାଙ୍ଗ୍‍ଆ, ନାନୁ ନିଙ୍ଗିଁ ନାଣ୍ତ ଆକ ଅଣଜିହୁଦି ଲୋକା ଲାକ୍‌ତୁ ପକ୍‍ନା ।”

ରୋମିୟ 12:16

ୱିଜେରି ଉଣ୍ତିଙ୍ଗ୍‍ଁ ସାମାନ୍‍ ଇସାବ୍‍ତାନ୍‍ ସୁଡ଼୍‍ଦୁ । ଆକାର୍‍ ଅଡ଼୍‍ବିନିକା ଡ଼ିସ୍‍ସି ସାନ୍ତି ଇସାବ୍‍ତାନ୍‍ ତାଗ୍‌ଇ ପାଣିୱିଜୁଦିଙ୍ଗ୍‍ଁ ବା ଆସ୍‌ତୁ । ନିଜେଦିଙ୍ଗ୍‍ଁ ବୁଦିମାନିକାନ୍‍ ଅଡ଼୍‍ବିମାଟ୍‍ ।

2కొరింతి 11:19

ମିର୍‌ ବୁଦିଆଜି ବା ୱେଡ଼ିକାଦାନ୍ ବୁଦିସିଲିୱାରିଙ୍ଗ୍‌ ସାସ୍‌ କିଜିନିଦେର୍‌ ।

ରୋମିୟ 16:19

ସୁସମାଚାର୍‌ ଉଣ୍ତିଙ୍ଗ୍‍ଁ ମି ବିସ୍‍ବାସ୍‍ ୱିଜେରେ ୱେର୍‌ଆମାନାର୍‌, ଇୟାଉଣ୍ତିଙ୍ଗ୍‍ଁ ନାନୁ ୱେଡ଼ିକା । ନାନୁ ବଦାକିନା, ମିର୍‌ ନେଗି ବିସୟ୍‍ତୁ ବୁଦିମାନିକାର୍‍ ଆଦୁ ମାରି ଅସତ୍‍ ବିସୟ୍‍ତୁ ମିସାମାଟ୍‍ ।

ରୋମିୟ 13:8

ନିଜେଦିଙ୍ଗ୍‍ଁ ନି ଆଇୱାରିଙ୍ଗ୍‌ ଜିବନ୍‍ନୋନିକା ଡ଼ିସ୍‍ସି ମାରି ଇନି ବିସୟ୍‍ତୁ ଆମାୱାନି ରୁଣୁ ଆଜି ତେବାମାଟ୍‍ । ଏନ୍‌ ଆଇୱାନିଙ୍ଗ୍‍ ଜିବନ୍‍ନୋନାନ୍‍, ୱାନ୍‌ ନିୟମ୍‌ ମାନାନାନ୍‍ ।

ରୋମିୟ 8:12

ଆର୍‌ତିଙ୍ଗ୍‌ ଏ ତଡ଼ାନ୍‍କୁ ନି ତାଙ୍ଗିଁକି, ମା ପାଣି ଆଜିନାତ୍‍, ନର୍‍ ଗୁଣ୍‍ତି ଇସାବ୍‍ତାନ୍‍ ଜିଦେଙ୍ଗ୍‌ କେଏଟ୍‍, ଇରିଙ୍ଗ୍‍ଁ ଆକା କିତିଙ୍ଗ୍‍ଁ ମିର୍‌ ସାନିଦେର୍‍;

ରୋମିୟ 1:22

ୱାର୍‌ ନିଜେଦିଙ୍ଗ୍‍ ବୁଦିମାନିକାର୍‍ ଅଡ଼୍‍ବିନାର୍‍, ମାତର୍‌ ସତ୍‌ତାନ୍‌ ୱାର୍‌ ମୁର୍କୁ ଆତାର୍‌ ।

తీతు 3:3

ମାପ୍‌ ନିଜେ ଅର୍‍ଲେନ୍‍ ବୁଦିସିଲିକା, ମାନାଏଜି ମାରି ବାୟା ମାର୍ହାପ୍‌, ୱିଜୁ ରକମ୍‍ତି ସୁକ୍‌ବୋଗ୍‌ ମାରି ତାଗ୍‍ଇ ବିସୟ୍‌କାଙ୍ଗ୍‌ ୱିଜୁ ତେବାତା ମାର୍ହାପ୍‌; ଆକାର୍‍ ମାରି ରିସାଦାନ୍‌ ଦିନ୍‌କାଟେକିଜି ମାର୍ହାପ୍‌; ଆଇକାର୍‌ ମାଙ୍ଗିଁ କାଡ଼୍‌ଜି ମାର୍ହାର୍‌, ମାପ୍‌ ବା ୱାରିଙ୍ଗ୍ କାଡ଼୍‌ଜି ମାର୍ହାପ୍‌ ।

2తిమోతి 2:10

ମାପୁରୁଦି ଆସ୍‌କିତିମାନି ଲୋକ୍‌ କ୍ରିସ୍ତ ଜିସୁଦି ମାଣୁକୁ ପୟ୍‌ତିମାନି ପରିତ୍ରାଣ ମାରି ଏସ୍‌କାଙ୍ଗ୍‌ୱିଜ୍‌ଇ ଗୌରବ୍‍ ପୟ୍‌ଦୁ, ଇୟା ଉଦେସ୍‌ଦାନ୍‌ ନାନ୍‌ ୱିଜୁ କାସ୍ଟୁ ସାସ୍‌ କିଜିନା ।

2కొరింతి 10:12

ଏଣ୍ତେସ୍‍ବା ନିଜେଦିଙ୍ଗ୍ ପେରିକାନ୍ ଇଜି ଅଡ଼ବିନି ଲୋକାଦି ଦାଡ଼ି ଆନି ଉଣ୍ତିଙ୍ଗ୍‌ ବା ୱାରିୱାଲେ ନିଜେଙ୍ଗ୍‌ ତୁସ୍‍ତେଙ୍ଗ୍‍ ସାହାସ୍ ମାଦି ସିଲେତ୍‌ । ୱାର୍‌ ଏସ ବୁଦିସିଲିକାର୍‌, ଇରିଙ୍ଗ୍‌ ୱାର୍‌ ନିଜେଦିଙ୍ଗ୍‌ ନିଜେ ୱାଲେ ଇସାବ୍‌ କିନାର୍‌, ନିଜେ ଲେକିସ୍‍କିନି ବାଡିଗାଦାନ୍‍ ନିଜେନିଜେ ବିଚାର୍‌ କିଆୟ୍‍ଆନାର୍ ।

1కొరింతి 14:16

ଆକା ଆଏତିଙ୍ଗ୍‍ ମାପୁରୁଙ୍ଗୁଁ କେବଲ ମି ଆତ୍ମାଦାନ୍‌ ଦନ୍ୟବାଦ୍‌ ସିଦୁ, ଆବେନ୍‌ ମାନି ଅରେନ୍ ସାମାନ୍‌ତି ଲୋକୁ ଏଣ୍ତେସ୍ ମି ୱାଲେ ଆମେନ୍‍ ଇନାନ୍‌ । ଇରିଙ୍ଗ୍‌ ମିର୍‌ ଇନିକା ଇଜିନିଦେର୍‌, ଆକା ୱାନ୍‌ ନେସ୍‌ତେଙ୍ଗ୍‌ ଆଟ୍‍ଏନ୍ ।

1కొరింతి 14:11

ଜଦି ନା ୱାଲେ ୱାର୍‌ଗିସାଜି ମାନି ଲୋକ୍‌ତି ବାସା ନାନୁ ବୁଜାଦେଙ୍ଗ୍ ଆଟ୍ଏ, ଆର୍‌ତିଙ୍ଗ୍‌ ଆୟା ଲୋକୁ ନା ଲାକ୍‌ତୁ ନେସ୍‌ଇନାନି ଲୋକୁ ୱାଜା ଆନାନ୍‌, ନାନୁ ବା ୱାନି ଲାକ୍‌ତୁ ନେସ୍‌ଇନାନି ଲୋକୁ ୱାଜା ଆନା ।

1కొరింతి 3:18

ଏନ୍‌ ନିଜେଦିଙ୍ଗ୍‌ ବାଣ୍ତିସ୍‌ କିମାକିନ୍‌ । ଜଦି ଏନ୍‌ ଇୟା ଦୁନିଆଦୁ ମି ଲୋଇରାନ୍‌ ନିଜେଦିଙ୍ଗ୍‌ ବୁଦି ଇଜି ଅଡ଼୍‌ବିନାନ୍‌, ଆର୍‌ତିଙ୍ଗ୍‌ ୱାନ୍‌ ଏଣ୍ତେସ୍‌ ବୁଦି ଆଦେଙ୍ଗ୍‌ ଆଟ୍‍ନାନ୍‍, ଇୟାଉଣ୍ତିଙ୍ଗ୍‌ ୱାନ୍‌ ମୁର୍କୁ ଆଦେଙ୍ଗ୍‌ ପଡ଼ାନାତ୍‌ ।

1కొరింతి 2:13

ଆଦେଙ୍ଗ୍‌ ନେସ୍‌ତିମାନି ବୁଦିଦି ଲୋକା ଲାକ୍‌ତୁ ନେସ୍‌ତି ସତ୍‌ତିକା ୱେର୍‌ନିୱାଲେ ମାପୁ ଦୁନିଆଦି ବୁଦିଦାନ୍‌ ମାଟା ଇନ୍‌ଏପ୍‌ ମାନାପ୍‌, ମାତର୍‌ ଆତ୍ମିକ ବିସୟ୍‌ୱିଜୁ ଆତ୍ମିକ ବିସୟ୍‌ଦାନ୍‌ ବୁଜାକିଜି ପବିତ୍ରଆତ୍ମାଦାନ୍‌ ନେସ୍‌ତିମାନି ବାକ୍ୟଦାନ୍‌ ୱେର୍‌ନିକା ।

ରୋମିୟ 11:25

ତଡ଼ାନ୍‍କୁ ନି ତାଙ୍ଗିଁକି, ଇୟା ବିସୟ୍‌ତାନ୍‌ ଉନ୍‍ଣ୍ତ୍ରି ମାର୍‍ଗିତି ସତ୍‌ ୱେକ୍‍ନାତ୍‍ । ଆକା ୱେରିଙ୍ଗ୍‍ଁ, ମିର୍‌ ନିଜେଦିଙ୍ଗ୍‍ଁ ମାରି ବୁଦିମାନିକାନ୍‍ ଇଜି ଅଡ଼୍‍ବିଦେଙ୍ଗ୍‍ଁ ଆଟ୍‍ଇଦେର୍‍ । ଇସ୍ରାଏଲ୍‌ ଲୋକା ଅମାନ୍ୟ ୱିଜୁଦିନ୍‍ ତେବାଏତ୍‍ । ଅଣଜିହୁଦିର୍‍ ୱିଜେରେ ମାପୁରୁଦି ଲାକ୍‍ତୁ ୱାନି ସାନ୍ଦି ୱାର୍‌ ଆୟାୱାଜା ତେବାନାର୍‍ ।

అపొస్తు 28:4

ଆବେ ବାସାତିଲୋକୁ ପାଉଲ୍‍ତି କିୟୁଦୁ ଦୁଙ୍ଗ୍‍ଁଜିମାନି ସାରାସ୍‌ତିଙ୍ଗ୍‍ଁ ସୁଡ଼୍‌ଜି ୱାରିୱାରି ଲୋଇ ଇନ୍‍ଜିସାତାର୍‌, “ଇକାନ୍‌ ସତେନ୍‍ ଅରେନ୍‌ ଲୋକାଙ୍ଗ୍‌ କାତ୍‍ତିକାନ୍‍ ଆନାମାନାନ୍‌, ୱାନ୍‌ ସାମ୍‍ଦୁର୍‍ତାନ୍‍ ରକିୟା ପୟ୍‌ତି ସର୍ହିମାରିଙ୍ଗ୍‍ଁ ବା ଦାର୍ମୁ କିୟୁଦାନ୍‌ ମାରି ଜିଏନ୍‍ ।”

అపొస్తు 28:2

ଆବେଣି ପୁର୍ବେଦାନ୍‌ ବାସାତିଲୋକୁ ମା ଉଣ୍ତିଙ୍ଗ୍‍ଁ ଜିବନ୍‌ନୋନିକା ତର୍‍ତାର୍‍ । ନାସ୍ତିୱାଲେ ପିରୁ ୱାଜି ପିନି ଆଜିମାର୍ହାତ୍‍ । ଆଦେଙ୍ଗ୍‍ଁ ୱାର୍‌ ସିସୁ କାସିସ୍‍କିଜି ମାଙ୍ଗିଁ କୁକ୍‍ତାର୍‍ ।

లూకా 10:21

ଆୟାୱେନ୍‌କା ଜିସୁ ପବିତ୍ର ଆତ୍ମାଦିମାଣାନ୍‍ ୱେଡ଼ିକାଦାନ୍‌ ପୁରାଆଜି ଇର୍‌ଆନ୍‌, “ଏ ବୁବା, ମୁସ୍‌କୁପୁର୍‌ ମାରି ଦୁନିଆଦି ପ୍ରବୁ, ନିନ୍‌ ବୁଦିମାନି ଲୋକାମାଣ୍‌କୁ ଇୟାୱିଜୁ ବିସୟ୍‌ ମାର୍‍କ୍‍ସି ଇଡ୍‌ଜି ଇସ୍ରି କଡ଼ରିମାନୁ ୱେକ୍‌ତି, ଇୟାଉଣ୍ତିଙ୍ଗ୍‌ ନି ଦନ୍ୟବାଦ୍‌ କିଜିନା; ହୁଁ ବୁବା, ଇରିଙ୍ଗ୍‌ ଇକା ନି ନାଣ୍ତ ବଦା ।

మత్తయి 11:25

ଆୟା ସମୟ୍‍ତୁ ଜିସୁ ପାର୍‍ତନାକିଜି ଇର୍ହାନ୍‌, “ଏ ବୁବା, ମୁସ୍‌କୁପୁର୍‌ ମାରି ଦୁନିଆଦି ପ୍ରବୁ, ଇୟାୱିଜୁ ମାଟା ନିନ୍‌ ବୁଦିମାନି ମାରି ପଡ଼ାତି ଲୋକାମାଣ୍‌କୁ ମାର୍‍କ୍‍ସି ଇଡ୍‌ଜି ପଡ଼ାଇ ଲୋକାମାନୁ ୱେକ୍‍ତିମାନି ଆକା ନାନ୍ ନିଙ୍ଗିଁ ଦନ୍ୟବାଦ୍‌ ସିଜିନା ।