మార్కు 8:34 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

³⁴ ଆୟାୱେନ୍‌କା ଜିସୁ ୱାନି ସିସୁରିଙ୍ଗ୍‌ ମାରି ଉଣ୍ତାତିମାର୍‍ଇ ଲୋକାଙ୍ଗ୍‌ ଲାକ୍‌ତୁ କୁକ୍‌ସି ଇର୍‌ଆନ୍‌, “ଏନ୍‍ବା ନାୱାଲେ ୱାଦେଙ୍ଗ୍‌ ବଦା କିନାନ୍‌,” ୱାଣ୍ତ୍ରୁ ନିଜେ ନାନ୍ ଇନିକା ସିଲେ ଇଜି ଅଡ଼୍‍ବିପିନ୍‍, ୱାଣ୍ତ୍ରୁ ନା ଉଣ୍ତିଙ୍ଗ୍‌ ଦୁକ୍‍ ମାରି ସାନିକା ବଦା କିଜି ୱାଲେ ୱାଲେ ରାପିନ୍‍ ।

Konda: కొండ బాసదు నెగ్గి కబ్రు

³⁴ నస్తివలె యేసు లోకాఙ్‌ విజేరిఙ్, సిసూర్‌ఙ వన్నిబాన్‌ కూక్సి ఈహు వెహ్తాన్‌.‌ ఎయెన్‌బా నావెట వాదెఙ్‌ ఇహిఙ వాండ్రు వన్ని సొంత ఇస్టమ్‌కు నఙి నమ్మితివందిఙ్‌ వన్నిఙ్‌ వాని ఇని మాలెఙ్‌బా ఓరిస్తెఙ్‌ తయారాజి నావెట వాదెఙ్.

మార్కు 8:34 Referans Kwoze

మత్తయి 10:38

ଏନ୍‌ ନା ଉଣ୍ତିଙ୍ଗ୍‌ ଦୁକ୍‍ ନି ସାନିକା ବଦା କିଜିନା ୱେନ୍‌କା ରେଏନ୍‌, ୱାନ୍‌ ନା ସିସୁ ଆଦେଙ୍ଗ୍‌ ଜଗ୍‌ ସିଲେନ୍‌ ।

యోహాను 10:27

ନା ମେଣ୍ଡେଙ୍ଗ୍‌ ୱିଜୁ ନା ବଲ୍ ୱେନେ ମାରି ନାନ୍ ୱାନିକାଙ୍ଗ୍‌ ନେସ୍‌ନା, ମାରି ୱାକ୍‍ ନା ୱେନ୍‌କା ୱେନ୍‌କା ବୁଲାନେ,

ଗାଲାତିୟ 5:24

ଏମେକାର୍‍ କ୍ରିସ୍ତ ଜିସୁଦିକାର୍‌, ୱାର୍‍ ୱିଜୁ ଆସାନି ଆସାଦି ଲୋକା ଗୁଣୁତିଙ୍ଗ୍ କ୍ରୁସଦୁ ଡାକ୍‍ତାମାନାନ୍‍ ।

ଗାଲାତିୟ 2:20

ଆଦେଙ୍ଗ୍‌ ଇଲେଇ ସତ୍‌ତାନ୍‍ ନାନୁ ମାରି ଜିଏ, ନା ବାନୁ କ୍ରିସ୍ତ ଜିବନ୍‌ ମାନାନ୍‌ । ନାନୁ ଇଲେଇ ଆମା ଜିଜି ମାଡ଼ିଜିନା, ଆକା କେବଲ ମାପୁରୁଦି ମାରିନ୍‌ତି ମୁସ୍‍କୁ ନା ବିସ୍‍ବାସ୍‍ତାନ୍ ଆତାମାନାତ୍‍, ଏନ୍‍ ନାଙ୍ଗିଁ ଜିବନ୍‌ନୋଜି ନା ଉଣ୍ତିଙ୍ଗ୍‍ଁ ୱାନି ଜିବନ୍‌ ସିତାମାନାନ୍‌ ।

୧ ଜୋହନ 3:16

ଜିସୁ କ୍ରିସ୍ତ ମା ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତି ମାଣୁକୁ ମାଡୁ ଜିବନ୍‌ନୋନି ସିକ୍‌ୟା ପୟ୍‌ତାମାନାପ୍‌; ମାରି ତଡ଼ାନ୍‌କା ଉଣ୍ତିଙ୍ଗ୍‌ ମା ଜିବନ୍‌ ବା ସିନିକା ମାନାତ୍‌ ।

మత్తయి 16:24

ତାନେୱେନ୍‌କା ଜିସୁ ସିସୁରିଙ୍ଗ୍‌ ଇର୍ହାନ୍‌, “ଏନ୍‌ଆପିନ୍‌ ନାୱାଲେ ୱାଦେଙ୍ଗ୍‌ ବଦାକିନାନ୍‌, ଆର୍‌ତିଙ୍ଗ୍‌ ୱାନ୍‌ ନିଜେଦିଙ୍ଗ୍‌ ମାନାମାକିନି, ମାରି ନିଜେଦି କ୍ରୁସ ପିଣ୍ତିଜି ନା ୱେନ୍‌କା ୱେନ୍‌କା ବୁଲାଦେଙ୍ଗ୍‌ଆନାତ୍‌ ।

ପିଲିପିୟ 3:10

ଏଣ୍ତେସ୍‌ ନାନ୍‌ କ୍ରିସ୍ତଙ୍ଗ୍‌ ନେସ୍‌ନା ମାରି ୱାନି ମାରିଡ଼େସିଜିବନ୍‌ଆଜିନିଙ୍ଗିଁନି ସାକ୍ତି ଏତ୍‌କିନା; ୱାନି କାସ୍ଟୁ ବୋଗ୍‌ତି ଦଣ୍ତ୍‌ ଏତ୍‌କିଜି ସାନିମାନୁ ବା ୱାନି ୱାଜା ଆନା,

ରୋମିୟ 8:17

ଏନ୍ଦାଇରିଙ୍ଗ୍‍ଁ ମାଡ୍‌ ମାପୁରୁଦି କଡ଼ର୍‍, ୱାନି ଲୋକା ଉଣ୍ତିଙ୍ଗ୍‍ଁ ଟିକ୍‍ ଆର୍ସିବାଦ୍‍ତୁ ମାଡ୍‌ ମିସାନିକା । ମାରି କ୍ରିସ୍ତଦି ଉଣ୍ତିଙ୍ଗ୍‍ଁ ମାପୁରୁ ଆମାକା ଉଣ୍ତା କିଜି ଇଟ୍‌ତାମାନାନ୍‌, ଆବେନ୍‌ ବା ମା ବାଗ୍‍ ମାନାତ୍‌ । ଜଦି ମାଡ୍‌ ଜିସୁଦି ଦୁକ୍‍ବଗ୍‍ତି ବାଗ୍‍ ଆତିମାନିକା, ଆର୍‍ତିଙ୍ଗ୍‍ଁ ୱାନି ଗୌରବ୍‌ଦୁ ବା ମିସାନିକା ।

లూకా 9:23

ନାସ୍ତିୱାଲେ ଜିସୁ ୱିଜେରିଙ୍ଗ୍‍ ଇର୍‌ଆନ୍‌, ଏନ୍‌ ଜଦି ନା ୱାଲେ ୱାଦେଙ୍ଗ୍‌ ବଦାକିନାନ୍‌, ଆରିଙ୍ଗ୍‌ ୱାନ୍‌ ନିଜେଦି ଡ଼ିସିନ୍‍, ମାରି ଦିନାମି ନିଜେଦି ଦୁକ୍‍ କସ୍ଟଦିଙ୍ଗ୍‍ ପିନ୍‍ଣ୍ତ୍‍ଜି ନା ୱେନ୍‌କା ରାପିନ୍‍ ।

కొలొసి 3:5

ମି ଜିବନ୍‌ତୁ ପାଣିକିନିକା ଦୁନିଆଦି ପାଣିଙ୍ଗ୍‌ ଅର୍ତାତ୍‌ ଦାରିପାଣି, ତାଗ୍‍ଇସିନ୍ତା, ମନ୍‍ତୁ ଲାଲାୟ୍‌ଆନିକା, ଲାଲାୟ୍‌ଆନିକା ମାରି ଲବ୍‌ତିଙ୍ଗ୍‌ ମିର୍‌ ସାପିସ୍‌ କିଦୁ । ଲବ୍‌ ବମା ପୁଜାଦି ଉନ୍‌ଡ୍ରି ରୁପ୍‌ ।

ପିଲିପିୟ 3:7

ମାତର୍‌ ଆମାକାୱିଜୁ ନା ଉଣ୍ତିଙ୍ଗ୍‌ ନେଗେତ୍‌ ଇଜି ଅଡ଼୍‍ବିଜି ମାର୍‌ଆ, ଆୟାୱିଜୁ ନାନ୍‌ କ୍ରିସ୍ତଦି ଉଣ୍ତିଙ୍ଗ୍‌ ତାଗ୍‌ଇକା ଇଜି ଅଡ଼୍‌ବିଜିନା ।

୧ ପିତର 4:1

କ୍ରିସ୍ତ ମେନ୍ଦଲ୍‌ତୁ ଦୁଃକ୍‌ ପୟ୍‍ତିମାନିଙ୍ଗ୍‌ ମିର୍‌ ବା ୱାନି ୱାଜା ମୋନ୍‌ତିଙ୍ଗ୍‌ଡ଼େପ୍‌ସି ନେଗେନ୍‌ ଆଦୁ ଜେ, ଇରିଙ୍ଗ୍‌ ଏନ୍‌ ମେନ୍ଦଲ୍‌ତୁ କାସ୍ଟୁ ସାସ୍‌ କିନାନ୍‌, ୱାନ୍‌ ମାରି ପାପ୍‌ତୁ ତେବାଏନ୍‌ ।

ଗାଲାତିୟ 6:14

ମାତର୍‍ ନାନୁ କେବଲ ମା ପ୍ରବୁ ଜିସୁ କ୍ରିସ୍ତଦି କ୍ରୁସ ବିସୟ୍‍ତାନ୍‍ ଗର୍ବ କିଜିନା; ଇରିଙ୍ଗ୍‌ ୱାନି କ୍ରୁସ ଉଣ୍ତିଙ୍ଗ୍‍ ଦୁନିଆ ନା ଉଣ୍ତିଙ୍ଗ୍‍ ସାତାମାନାତ୍‍ ମାରି ନାନୁ ଦୁନିଆ ଉଣ୍ତିଙ୍ଗ୍‍ ସାତାମାନା ।

1కొరింతి 15:31

ଏ ତଡ଼ାନ୍‌କୁ ନି ତାଙ୍ଗିଁକି, ମା ଜିବନ୍‌ ପ୍ରବୁ ଜିସୁ କ୍ରିସ୍ତଦି ୱାଲେ ମିସାତି ମାନିଙ୍ଗ୍‌, ମି ବିସୟ୍‌ତାନ୍‌ ନାନ୍‌ ଆମା ଗର୍ବ କିଜିନା, ଆବେଣି ପାର୍‌ମାଣ୍‌ କିଜି ୱେର୍‌ସିନା, ନାନ୍‌ ଦିନାମି ସାନି ସାରିଦୁ ବୁଲାଜିନା ।

ରୋମିୟ 6:6

ମାଡ୍‌ ନେସ୍‍ନିକା, ଜେ କ୍ରିସ୍ତଦି ୱାଲେ କ୍ରୁସ ମୁସ୍‌କୁ ମା ପାଡ଼୍‍ଇ ମେନ୍ଦଲ୍‌ତି ମୁର୍ତି ସାତାମାନାତ୍‍ । ଆବେଣାନ୍‍ ମା ପାପ୍‍ ଗୁଣ୍‍ ନାସ୍ଟୁ ଆତାମାନାତ୍‌ ମାରି ମାଡ୍‌ ପାପ୍‍ତି ଦାସ୍‍ତାନ୍‍ ଡ଼ିସାୟ୍‍ ଆତିମାନିକା,

లూకా 14:33

ଆୟାୱାଜା ମି ଲୋଇ ଏନ୍‌ ଜଦି ନିଜେଦି ୱିଜୁ ଡ଼ିସ୍‍ଏନ୍‍, ୱାନ୍‌ ନା ସିସୁ ଆଦେଙ୍ଗ୍‌ ଆଟ୍‍ଏନ୍‍ ।

୧ ପିତର 4:13

ମାରି ୱେଡ଼ିକା ଆଦୁ, ଇରିଙ୍ଗ୍‌ ମିର୍‌ କ୍ରିସ୍ତଦି ଦୁଃକ୍‌ ପୟ୍‍ନିମାନୁ ମିସାଜିନିଦେର୍‌, ଆୟା ପାଣିଦିଙ୍ଗ୍‌ ୱେଡ଼ିକା ଆଦୁ, ୱାନି ମହିମା ତରାନି ୱାଲେ ବା ମିର୍‌ ନାଣ୍ତ୍‌ୱେଡ଼ିକାଦାନ୍‌ ୱେଡ଼ିକା ଆଦୁ ।

తీతు 2:12

ମାରି, ୱାନି ଆୟା ଦୟା ଉଣ୍ତିଙ୍ଗ୍‌ ଦାର୍ମୁସିଲିକା ମାରି ଦୁନିଆ ଆସାଦିଙ୍ଗ୍‌ ଡ଼ିସ୍‌ସି, ଇୟା ଜୁଗ୍‌ତୁ ନେଗିବୁଦି, ଦାର୍ମୁ ମାରି ଦାର୍ମୁ ୱାଜା ଜିନାଟ୍‍,

కొలొసి 1:24

ନାନ୍‌ ମି ଉଣ୍ତିଙ୍ଗ୍‌ ଆମାୱିଜୁ ଦୁଃକ୍‌କାସ୍ଟୁ କିଜିନା, ଆୟାଉଣ୍ତିଙ୍ଗ୍‌ ଇଲେଇ ୱେଡ଼ିକା କିଜିନା, ମାରି କ୍ରିସ୍ତଦି ଆମା ଦୁଃକ୍‌କାସ୍ଟୁ ମାରି ମାନାଦେ, ଆକା ନାନ୍‌ ୱାନି ମେନ୍ଦଲ୍‌ତିୱାଜା ମଣ୍ତଲିଦି ଉଣ୍ତିଙ୍ଗ୍‌ ନା ମେନ୍ଦଲ୍‌ତାନ୍ ପୁରା କିନି ଉଣ୍ତିଙ୍ଗ୍‌ ସାକା କିଜିନା ।

అపొస్తు 14:22

ୱାର୍‌ ବିସ୍‍ବାସିରିଙ୍ଗ୍‍ଁ ନିଜେଦି ବିସ୍‌ବାସ୍‌ତୁ ଡାଟ୍‌ତାନ୍‌ ମାନ୍‍ଡ୍ରେଙ୍ଗ୍‍ଁ ଇଜି ମନ୍‌ତିଙ୍ଗ୍‍ ୱେଡ଼ିକା କିବିସ୍‍କିତାର୍‍ । ୱାର୍‌ ସିକିୟା ସିଜି ଇର୍ହାର୍‌, “ମାପୁରୁଦି ରାଜିଦୁ ଡ଼ୁଗ୍‍ଦେଙ୍ଗ୍‍ଁ ଇଜି ମାଙ୍ଗିଁ ନାଣ୍ତ କାସ୍ଟୁଦୁକୁ ବା ସିଜି ସନ୍‍ଡ୍ରେଙ୍ଗ୍‍ଁ ଆନାତ୍‌ ।”

లూకా 18:22

ଜିସୁ ଇୟାକା ୱେନ୍‌ଜି ୱାନିଙ୍ଗ୍‌ ଇର୍‌ଆନ୍‌, ନି ଉଣ୍ତ୍ରିବିସୟ ଉଣାମାନାତ୍‌; ନିନ୍‌ ନିଜେଦି ୱିଜୁ ସମ୍ପତ୍ତି ପର୍‌ଜି କାକୁର୍ତି ଲୋକାଙ୍ଗ୍‌ ବାଟାକିଜି ସିଆ, ମାରି ନିନୁ ମୁସ୍‌କୁପୁର୍‌ତୁ ଦନ୍‌ ପୟ୍‌ନି; ମାରି, ୱାଜି ନା ୱେନ୍‌କା ରାଆ ।

లూకా 13:24

ସିପଡ଼ି ସେର୍‍ଲା ସିଜି ଡ଼ୁଗୁଦେଙ୍ଗ୍‍ ତେରେପେତେ ଆଦୁ, ଇରିଙ୍ଗ୍‌ ନାନ୍ ମିଙ୍ଗିଁ ଇଜିନା, ୱିଜେରେ ଡ଼ୁଗୁଦେଙ୍ଗ୍‍ ଇଜି ବଦା କିନାର୍‌, ମାତର୍‌ ଆଟ୍‍ଏର୍‍ ।

మత్తయి 27:32

ୱାର୍‌ ଗାଡ଼୍‌ତାନ୍‍ ସନିୱାଲେ ସାରିଦୁ କୁରିଣି ଗାଡ଼୍‍ଦି ସିମୋନ ଦର୍‌ତି ଅରେନ୍‍ ଲୋକ୍‌ତିଙ୍ଗ୍‌ ବେଟ୍‌ଆତାର୍‌ ମାରି ସନ୍ୟର୍‌ ୱାନିଙ୍ଗ୍‌ ଜିସୁଦି କ୍ରୁସକାଟ୍‌ ପିଣ୍ଡ୍‌ଦେଙ୍ଗ୍‌ ଇଜି ଜାସାପେଲାକିତାର୍‌ ।

ప్రకటన 2:10

ମିର୍‌ ଏମେ ୱିଜୁ ଦୁଃକ୍‌କାସ୍ଟୁ କିଦେଙ୍ଗ୍ ସଲିସିନିଦେର୍‌, ଆୟାଉଣ୍ତିଙ୍ଗ୍‌ ତିଲାମାଟ୍ । ୱେନ୍‌ଡ୍ରୁ ! ମି ମାଣୁକୁ ଏସ ଲୋକାଙ୍ଗ୍‌ ଜଇଲ୍‌ତୁ ନିରିସି କିଜି ସୟତାନ୍ ପରିକା କିନାତ୍‌ । ମାତର୍‌ ମି ଇୟା କାସ୍ଟୁ କେବଲ୍‌ ସାଣେକ୍‌ ଦିନ୍‍ସାଦି ତେବାନାତ୍ । ଇବେନୁ ସାନିତାନିଙ୍ଗ୍ ତିୟେଲ୍‌ ମାରିଙ୍ଗ୍‌ବା, ନା ଉଣ୍ତିଙ୍ଗ୍‌ ବିସ୍‌ବାସ୍‌ ତେବାତିଙ୍ଗ୍‌, ନାନୁ ମିଙ୍ଗିଁ ଜିବନ୍‌ନାନି ଟପି ସିନା ।

ఎబ్రి 13:13

ଆଦେଙ୍ଗ୍‌ ସାଦୁ, ମାଡୁ ବା ଗାଡ଼୍‌ ଆତ୍‌ରେ ୱାନି ଲାକୁତୁ ସନାଟ୍ ମାରି ୱାନି ୱାଲେ ନିନ୍ଧା, ଅପମାନ୍ ସାସ୍‌ କିନାଟ୍ ।

2దెస్స 3:11

ଇୟା ମାଟା ମାରି ୱେର୍‌ସିନାପ୍‌, ଇରିଙ୍ଗ୍‌ ମାପ୍‌ କାବୁର୍‌ ୱେର୍‌ଆମାନାପ୍‌ ଜେ, ମି ଲୋଇରାନ୍‌ ଏସଲୋକ୍‌ ଗାଡ଼ିଆ ଜିବନ୍‌ତାନ୍‌ ଜିଜିନାର୍‌ ମାରି ଆଇ ଲୋକା ପାଣିଦୁ ଆର୍‍ଏ ତେବାନିକା ଡ଼ିସ୍‌ସି ଆଇକା ଇନିକା କିଏର୍‌ ।

1కొరింతి 9:19

ନାନ୍‌ ଅରେନ୍‍ ଜିବନ୍‌ତି ଲୋକ୍‌, ଏମେୱାନି ପାଣିକିନିସାକର୍‌ ଆଏ, ଏଣ୍ତେସ୍‌ ନାନ୍‌ କ୍ରିସ୍ତଦି ଉଣ୍ତିଙ୍ଗ୍‌ ନାଣ୍ତ ଲୋକାଙ୍ଗ୍‌ ପୟ୍‌ନି ଉଣ୍ତିଙ୍ଗ୍‌ ୱିଜେରି ଦାସ୍‍ ଆତାମାନା ।

1కొరింతి 8:13

ମାରି ଜଦି ଆମା କାଦି ନା ତଡ଼ାନ୍‌ତି ୱେର୍‌ଏ ଆଜି ୱାନିଙ୍ଗ୍‌ ପାପ୍‌ ସାରିଦାନ୍‌ ତର୍‌ସି ଅନାତ୍‌, ଇୟାଉଣ୍ତିଙ୍ଗ୍‌ ନାନ୍‌ ଏସ୍‌କାଙ୍ଗ୍‌ବା କାଣ୍ତା ତିନ୍‌ଏ ।

యోహాను 19:17

ମାରି, ଜିସୁ ନିଜେ କ୍ରୁସ୍‌କାଟ୍‌ ପିଡିତାନ୍‌ନୋ “ତାଲାଦି କାପାଲ୍‌ ନାନି” ଦର୍‌ତି ବାଡିଦୁ ସୋର୍ହାନ୍‌, ଏବ୍ରି ବାସାଦାନ୍‌ ଆୟାବାଡିଦିଙ୍ଗ୍‌ “ଗଲ୍‌ଗଥା” ଇଜି ଇନାର୍‌ ।

లూకా 20:45

ୱେନ୍‌କା ଜିସୁ ୱିଜୁ ଲୋକା ଆଗ୍‌ଡ଼ି ସିସୁରିଙ୍ଗ୍‌ ଇର୍‌ଆନ୍‌,

మార్కు 10:21

ଜିସୁ ୱାନି ତରିଣ୍ତ୍‍ ସୁଡ଼୍‌ଜି ୱାନିଙ୍ଗ୍‌ ଲାଡ୍‍କିଜି ଇର୍‌ଆନ୍‌, “ନି ଉଣ୍ତ୍ରିବିସୟ ଉଣାମାନାତ୍‌, ସାଙ୍ଗ୍‍ ନି ୱିଜୁ ଦନ୍‌ ସମ୍ପତ୍ତି ପର୍‍ସୋ କାକୁର୍ତି ଲୋକାଙ୍ଗ୍‌ ଡାବୁଙ୍ଗୁଁ ବାଟାକିଜି ସିଆ, ଆବେଟ୍‌ ନିନ୍‌ ମୁସ୍‌କୁପୁର୍‌ତି ଦନ୍‍ ପଇନି; ମାରି, ୱାଜି ନା ୱେନ୍‌କା ବୁଲାଆ ।”

మార్కు 7:14

ଅର୍‌ଲେନ୍‌ ଜିସୁ ଲୋକାଙ୍ଗ୍‌ ଲାକ୍‌ତୁ କୁକ୍‌ସି ୱାରିଙ୍ଗ୍‌ ଇର୍ହାନ୍‌, “ମିର୍‌ ୱିଜେରେ ନା ମାଟା ୱେନ୍‌ଡ୍ରୁ ମାରି ବୁଝାଦୁ ।”