మార్కు 10:33 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

³³ ଜିସୁ ଇର୍ହାନ୍‌, “ୱେନ୍‌ଡ୍ରୁ, ମାପ୍‌ ଜିରୁସାଲମ୍‌ତୁ ସଲ୍‍ସିନାପ୍‍; ଆବେ ମନୁଷ୍ୟପୁତ୍ର ଜେ ନାନ୍ ପେରି ପେରି ଜାଜକ ମାରି ସାସ୍ତ୍ରିରି କିୟୁଦୁ ସେର୍‍ପାନା, ମାରି ୱାରୁ ନାଂଇ ସାନି ଦଣ୍ଡ୍‌ ସିନି ଉଣ୍ତିଙ୍ଗ୍‌ ଆଇ ଅଣଜିହୁଦି ଲୋକ୍‌ତି କିୟୁଦୁ ସର୍ପେ କିଜି ସିନାର୍‍, ନାଂଇ ବିଚାର୍‍ କିଜି ଡାକ୍‌ନାର୍‌ ।

Konda: కొండ బాసదు నెగ్గి కబ్రు

³³ “ఇదిలో మాటు యెరూసలేమ్‌దు సొన్సినాట్. లోకుమరిసియాతి నాను పెరి పుజెరిఙ, యూదురి రూలువెహ్ని వరిఙ్‌ ఒపజెప్నార్‌లె. వారు నఙి సావుదిఙ్‌ సిక్స సీజి యూదురు ఆఇవరిఙ్‌ నఙి ఒపజెప్నార్‌లె.

మార్కు 10:33 Referans Kwoze

మత్తయి 27:2

ୱାର୍‌ ୱାନିଙ୍ଗ୍‌ ସିକିଣିଦାନ୍‌ତର୍‌ସି ରୋମିୟ ସାସନ୍‌ତି ପେରିନେତା ପିଲାତ୍‌ଦି ଲାକ୍‌ତୁ ଅତାର୍‍ ।

మార్కు 8:31

ମାରି ଜିସୁ ସିସୁରିଙ୍ଗ୍‌ ବୁଜାକିଦେଙ୍ଗ୍‍ ଆସ୍‌ତାନ୍‌, “ନାନ୍ ମନୁଷ୍ୟପୁତ୍ର ନାଣ୍ତ କାସ୍ଟୁ ପଇନା ମାରି ପେରି ନେତାର୍‌, ପେରି ଯାଜକର ମାରି ସାସ୍ତ୍ରୀରି ମାଣାନ୍‌ ଦଣ୍ଡ୍‌ ପଇଜି ସାଦେଙ୍ଗ୍‌ ଆନାତ୍‌, ମାତର୍‌ ମୁନେଟି ୱେନ୍‌କା ମାରିଡ଼େସି ଜିବନ୍‌ଆଜି ନିଙ୍ଗ୍‍ନାନ୍‍ ।”

మత్తయి 26:66

ଇୟା ବିସୟ୍‌ତାନ୍‌ ମି ବଦା ଇନିକା ?” ୱାର୍‌ ଇର୍ହାର୍‌, “ୱାନ୍‌ ଦସି, ୱାନ୍‌ ସାନିଦଣ୍ତ୍‌ତି ଜଗ୍‌ ।”

మత్తయి 16:21

ଆୟା ସମୟ୍‌ତାନ୍‌ ଜିସୁ ନିଜେଦି ସିସୁରିଙ୍ଗ୍‌ ନେସ୍‌ନିୱାଜା ଇନ୍‌ଡ୍ରେଙ୍ଗ୍‌ ଆସ୍‌ତାନ୍‌, “ନାନ୍ ପୁରା ଜିରୁସାଲମ୍‌ତୁ ସନ୍‌ଡ୍ରେଙ୍ଗ୍ ଆନାତ୍‌ ମାରି ଦାର୍ମୁଜାଜକ, ଦାର୍ମୁଗୁରୁ ମାରି ନେତାର୍‌ରି, କିୟୁଦାନ୍‌ ନାଣ୍ତ ଦୁଃକ୍‌କାସ୍ଟୁବଗାଜି ସାଦେଙ୍ଗ୍‌ପଡ଼ାନାତ୍‌, ମାତର୍‌ ମୁନେଟି ୱେନ୍‌କା ମାରିଡ଼େସିଜିବନ୍‌ ଆଜିନିଙ୍ଗିଁନା ।”

యాకోబు 5:6

ମିର୍‌ ଦସ୍‌ ସିଲି ଲୋକାଙ୍ଗ୍‍ ଦସ୍‌ ଆସ୍‌ସି ସାୟାମାର୍‌ଗାଡାକ୍‌ତିମାନିଦେର୍‌; ୱାର୍‌ ମିଙ୍ଗିଁ ବିରୁଦ୍‌ କିଦେଙ୍ଗ୍‍ ଆଟ୍‍ଏତାର୍‌ ।

అపొస్తు 20:22

ଇଲେଇ ପବିତ୍ର ଆତ୍ମାଦି ମାଟା ମାନାଜି ନାନୁ ଜିରୁସାଲାମ୍‍ତୁ ସଲ୍‍ସିନା, ନେସେଏ ଆବେନ୍‌ ନାନ୍‌ ଇନିକା ଆନାତ୍‌ନୋ ।

అపొస్తు 13:27

ମାତର୍‌ ୱାନ୍‌ ରକିୟାକର୍ତ୍ତା, ଜିରୁସାଲାମ୍‌ତୁ ତେବାଜି ମାନିକାର୍‌ ମାରି ୱାରି ନେତାର୍‌ ଆକା ନେସ୍‌ଏର୍‌ ମାର୍ହାର୍‌ । ୱାର୍‌ ୱିଜୁ ରମ୍‍ନିଦିନ୍‍ତୁ ପଡ଼ାଜି ମାନି ବାବବାଦିରି ମାଟାଦି ଅର୍ତ ବୁଜାଏଜି ମାର୍ହାର୍‌ । ଆରିଙ୍ଗ୍‍ଁବା ଜିସୁଙ୍ଗୁଁ ଦୋସ୍‌ କିଜି ୱାର୍‌ ବାବବାଦିରି ବାକ୍ୟଦିଙ୍ଗ୍‍ଁ ପୁରା କିତାର୍‍ ।

యోహాను 19:11

ଜିସୁ ଇର୍ହାନ୍‌, “ଜଦି ମାପୁରୁଦିମାଣାନ୍‌ ନିଙ୍ଗିଁ ଅଦିକାର୍‌ ରେଏତିଙ୍ଗ୍‌ ମାନ୍ଦି, ଆର୍‌ତିଙ୍ଗ୍‌ ନା ବିରଦ୍‌ତାନ୍‌ ନିଦି ଇନି ଅଦିକାର୍‌ ସିଲେତାତ୍‍ ମାନ୍ଦି; ଏନ୍‌ ନାଙ୍ଗିଁ ନି କିୟୁଦୁ ସର୍‌ପେ କିତାମାନାନ୍‌, ୱାନି ପାପ୍‌ ନାଣ୍ତୋସାନିୱାଜା ।”

యోహాను 18:28

ୱେନ୍‌କା ୱାର୍‌ ଜିସୁଙ୍ଗୁଁ କୟାପାଦି ଇଲ୍‌ତାନ୍‌ ଅସି ରମିୟ ରାଜାଦି ମେଡ଼୍‍ଇଲୁତୁ ଅତାର୍‍; ନାସ୍ତିୱାଲେ କରୁ କେଡ଼େପି ଆତାମାର୍ହାତ୍‌; ମାରି, ଜିହୁଦି ନେତାର୍‌ ଏଣ୍ତେସ୍‌ ତାଗ୍‍ଇକା ଆଏଣ୍‌ଗା ନିସ୍ତାର୍‌ ପଣ୍ତୟ୍‌ତି ବୋଜି ଉନ୍‌ଣ୍ତେଙ୍ଗ୍‌ ଆଟ୍‍ନାର୍‍, ଇୟାଉଣ୍ତିଙ୍ଗ୍‌ ନିଜେ ମେଡ଼େଇଲୁ ଲୋଇ ଡ଼ୁଗ୍‌ଏତାର୍‌ ।

లూకా 23:21

ଇରିଙ୍ଗ୍‌ ୱାର୍‌ ନାଣ୍ଡ୍ ଆଉଲି ଆଜି ଇଣ୍ତ୍ରେଙ୍ଗ୍‌ ଆସ୍‌ତାର୍‌, “ୱାନିଙ୍ଗ୍‌ କ୍ରୁସକାଟ୍‌ତୁ ଏକିସ୍‌କିଦୁ, କ୍ରୁସକାଟ୍‌ତୁ ଏକିସ୍‌କିଦୁ ।”

లూకా 9:22

“ମନୁସ୍ୟପୁତ୍ରଦିଙ୍ଗ୍‍ ନାଣ୍ତ ଦୁକ୍‍ ପୋଇଦେଙ୍ଗ୍‍ ଆନାତ୍‌ ମାରି ନେତାର୍‍, ପେରିଜାଜକ୍‍କୁ ମାରି ସାସ୍ତ୍ରିର୍‍ ସେମାର୍‌ କିଜି ଡାକ୍‌ନାର୍‌, ମାରି ମୁନେଟାନ୍‍ ମାରିଡ଼େସିଜିବନ୍‌ ଆଜି ନିଙ୍ଗିଁନାନ୍‍ ।”

మార్కు 15:1

ସାଲ୍‍ଦି ଆତି ଦାପ୍ରେ ୱିଜେରେ ପେରି ନେତାର୍‌, ସାସ୍ତ୍ରିରିୱାଲେ ପେରି ଜାଜକର୍‌ ୱିଜେରେ ଉଣ୍ତାତାରୋ ୱାର୍‌ଗିଜି ସାଜି ଜିସୁଙ୍ଗୁଁ ତର୍‍ତା ଅତାରୋ ପିଲାତ୍‌ କିୟୁଦୁ ସର୍‍ପେ କିତା ସିତାର୍‍ ।

మార్కు 14:64

ମିର୍‌ ତୋ ୱାନ୍‌ ମାପୁରୁଙ୍ଗୁଁ ନିନ୍ଦାକିନିକା ୱେର୍‌ଇଦେର୍‌; ଇଲେଇ ମିର୍‌ ଇନି ବିସାର୍‌ କିନିଦେର୍‌ ?” ଆବେଟ୍‌ ୱାର୍‌ ୱିଜେରେ ଇର୍ହାର୍‌ ଜିସୁ ସାନିକା ଜଗ୍‌ ମାନାତ୍‌ ।

మార్కు 9:31

ମାତର୍‌ ୱାନ୍‌ ୱାନି ସିସୁରିଙ୍ଗ୍‌ ଇୟା ମାଟା ସିଜି ଶିକ୍ଷା ସିତାନ୍‌ । ମାରି ୱାନ୍‌ ଇର୍‌ଆନ୍‌, “ନାନ୍ ଯେ ମନୁସ୍ୟପୁତ୍ର ଲୋକା କିୟୁଦୁ ସର୍ପେ ଆଦେଙ୍ଗ୍‌ ସଲ୍‌ସିନାନ୍‌, ମାରି ୱାରୁ ନାଂଇ ଡାକ୍‌ନାର୍‌, ମାରି ନାନୁ ସାନା ମାତର୍‌ ନାନୁ ମୁନେଟି ୱେନ୍‌କା ମାରିଡ଼େସି ଜିବନ୍‌ଆଜି ନିଙ୍ଗ୍‍ନା ।”

మార్కు 9:12

ଆବେନୁ ଜିସୁ ସିସୁରିଙ୍ଗ୍‌ ୱେର୍‌ତାନ୍‌, ଏଲିୟ୍‌ ଆଗ୍‌ଡ଼ି ୱାନାନ୍‍ନୋ ୱିଜୁ ବିସୟ ମାରିଡ଼େସି ତିଆର୍‌ କିନିକା ସତେନେ । ମାତର୍‌ ନାନ୍ ଯେ ମନୁସ୍ୟପୁତ୍ର ନାଣ୍ତ ଦୁଃକ୍‌‍ ବୋଗାଜି ନିନ୍ଧା ପଇନା ମାରି ସେମାର୍‌ ପୟନା, ଇୟାକା ଏଣ୍ତେସ୍‌ ୱାନି ବିସୟତାନ୍ ରାସ୍‌ତିକା ମାନାତ୍‌ ?

యోహాను 18:32

ଜିସୁ ଏଣ୍ତେସ୍‌ ନାନି ସାନିଦଣ୍ତ କିଦେଙ୍ଗ୍‌ ସୋଲ୍‌ସିନାନ୍‌, ଆବେଣି ସିନା ସିଜି ୱାନ୍‌ ଆମା ବାକ୍ୟ ଇର୍ହାମାର୍ହାନ୍‌ ଆକା ଏଣ୍ତେସ୍‌ ପୁରା ଆନାତ୍‌, ଇୟାଉଣ୍ତିଙ୍ଗ୍‌ ୱାର୍‌ ଇକା ଇର୍ହାର୍‌ ।