మత్తయి 5:22 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²² ମାତର୍‌ ନାନ୍ ଇଜିନା, ଏନ୍‍ ଏମେ ତଡ଼ାନ୍‌ ମୁସ୍‌କୁ ରିସାଆନାନ୍‍, ୱାନ୍‌ ବା ବିସାର୍‍ଆନାନ୍‍ । ଏନ୍‌ ତଡ଼ାନ୍‌ତିଙ୍ଗ୍‌ ବାୟା ଇଜି କାଡ଼୍‍ନାନ୍‍, ୱାନ୍‌ ନାଣ୍ତ କୁଟୁମ୍‌ ଆଗ୍‌ଡ଼ି ଦଣ୍ଡ୍‌ ପଇନାନ୍‌ । ମାରି ଏନ୍‌ ତଡ଼ାନ୍‌ତିଙ୍ଗ୍‌ ପାଣିସିଇ ମୁର୍କୁ ଇଜି ଇନାନ୍‌, ୱାନ୍‌ ନରକ ସିସୁଦୁ ପକାନି ଦଣ୍ଡ୍‌ ମାନାତ୍‌ ।

Konda: కొండ బాసదు నెగ్గి కబ్రు

²² గాని ఏలు నాను మిఙి వెహ్నిక ఇనిక ఇహిఙ ఎయెన్‌బా, మరి ఒరెన్ వన్ని ముస్కు కోపం ఆతిఙ వన్నిఙ్‌ తీర్పు వానాద్. ఎయెన్‌బా మరి ఒరెన్‌ వన్నిఙ్‌ “పణిదిఙ్‌ రెఇకి”, ఇజి వెహ్తిఙ వాండ్రు సన్‌హద్రి సఙం ఎద్రు దన్ని వందిఙ్‌ సమాదనం వెహ్తెఙ్‌వలె. ఎయెన్‌బా మరి‌ ఒరెన్‌ వన్నిఙ్‌ “బుద్ది సిలికి”, ఇజి వెహ్తిఙ, వాండ్రు ఎలాకాలం సిసు కసి మంజిని బాడిఃదు అర్న మంజినాన్.

మత్తయి 5:22 Referans Kwoze

୧ ଜୋହନ 2:9

ଜଦି ଏନ୍‌ ନିଜେଦି ତଡ଼ାନ୍‌ତିଙ୍ଗ୍‌ କାଡ଼ାଜି ଇନାନ୍‌ ଜେ, ୱାନ୍‌ ଜାୟ୍‌ତୁ ମାନାନ୍‌, ୱାନ୍‌ ଇୟାସାନ୍ଧିବା ସିକାଟିଦୁ ମାନାନ୍‌ ।

యాకోబు 3:6

ୱେତଲ୍ ବା ସିସୁ ୱାଜା; ଇୟା ଦୁନିଆଦୁ ନାଣ୍ତ ତାଗ୍‌ଇ ବିସୟ୍‌ତୁ ପୁରାବର୍ତି; ମାରି ଆକା ମା ମେନ୍ଦଲ୍‌ ଲଇ ମାନିଙ୍ଗ୍‌ ତାଗ୍‍ଇ ମାଟେଙ୍ଗ୍‌ ୱେର୍‌ସି ମା ୱିଜୁ ମେନ୍ଦଲ୍‌ତିଙ୍ଗ୍‌ ମାଇସ୍‌ କିନାତ୍‌ । ୱେତଲ୍‌ତି ନରକ୍‌ସିସୁଦୁ ମା ୱିଜୁଦିନ୍‌ତି ଜିବନ୍‌ ୱେପିସ୍‌ କିନାତ୍‌ ।

తీతు 3:2

ଏ ନିଦା ମାଟା ୱାର୍‌ଗିଏଣ୍‌ଗା ସାନ୍ତି ମାରି ସଙ୍ଗ୍‌ତି ୱାଜା ସାଲାଦେଙ୍ଗ୍‌ ମାରି ୱିଜୁ ଲୋକା ଉଣ୍ତିଙ୍ଗ୍‌ ନେଗି ପାଣି କିଦେଙ୍ଗ୍‌ ୱାରିଙ୍ଗ୍ ଆଦେସ୍‌ ସିଦୁ ।

మత్తయి 10:28

ଏମେକାର୍‌ କେବଲ୍‌ ମି ମେନ୍ଦଲ୍‌ତିଙ୍ଗ୍‌ ନାସ୍ଟୁକିନାନ୍‍, ମାତର୍‌ ମି ଆତ୍ମାଦିଙ୍ଗ୍‌ ଇନି କେତି କିଦେଙ୍ଗ୍‌ ଆଟ୍‍ଏନ୍‍, ୱାରିଙ୍ଗ୍‌ ତିଲାମାଟ୍‌ । ମାତର୍‌ ଏମେ ମାପୁରୁ ମି ମେନ୍ଧଲ୍‍ ନି ଆତ୍ମା ରୁଣ୍ତିୱାନିକାଙ୍ଗ୍‍ ନରକଦୁ ଦଂସ କିଦେଙ୍ଗ୍‌ ଆଟ୍‍ନାନ୍‍, ୱାନିଙ୍ଗ୍‌ ତିଲାଦୁ ।

మత్తయి 18:35

ଜିସୁ ୱିଜୁ ମାଟା ୱିସ୍‌ତାନ୍‌ନୋ ୱାରିଙ୍ଗ୍‌ ଇର୍ହାନ୍‌, “ମି ବିରଦ୍‌ତାନ୍‌ ଦସ୍‌ କିତିମାନି ତଡ଼ାନ୍‍ତିଙ୍ଗ୍‌ ଜିବନ୍‌ନୋନିୱାଜା ଜଦି କେମାକିଇଦେର୍‌, ଆର୍‌ତିଙ୍ଗ୍‌ ନା ମୁସ୍‌କୁପୁର୍‌ତି ବୁବା ବା ମି ଉଣ୍ତିଙ୍ଗ୍‌ ଇୟାୱାଜା ବ୍ୟବହାର୍‌ କିନାନ୍‌ ।”

୧ ପିତର 3:9

ନିସ୍ଟୁର୍‌ ବାଦ୍‌ଲୁ ନିସ୍ଟୁର୍‌ କିମାଟ୍‌, ଆନାଦୁରିଆ ବାଦ୍‌ଲୁ ଆନାଦୁରିଆ ଇଡ୍‌ମାଟ୍‌; ତାନି ବାଦ୍‌ଲୁ ଆସିର୍ବାଦ୍‌ କିଦୁ, ଇରିଙ୍ଗ୍‌ ଇୟାଉଣ୍ତିଙ୍ଗ୍‌ ମାପୁରୁ ମିଙ୍ଗିଁ କୁକ୍‌ତାମାର୍ହାନ୍‌ ମାରି ଇକା କିନି ମାଣୁକୁ ମିରୁ ଆସିର୍ବାଦ୍‌ ପୟ୍‌ନିଦେର୍‌ ।

ରୋମିୟ 12:10

କ୍ରିସ୍ଟିୟାନ୍‍ ତଡ଼ାନ୍‍ ନି ତାଙ୍ଗିଁକ୍‌ ୱାଜା ନିଜେନିଜେଦିଙ୍ଗ୍‍ ଜିବନ୍‍ନଦୁ ମାରି ନିଜେନିଜେଦିଙ୍ଗ୍‌ ସନ୍‌ମାନ୍‌ ତର୍‍ତେଙ୍ଗ୍‍ଁ ଇଜି ୱେଡ଼ିକା ଆଦୁ ।

୧ ପିତର 2:23

ୱାନ୍‌ ନିଦା ଆନି ୱାଲେ ଡ଼େସି ନିନ୍ଦାମାଟା ୱେର୍‍ଏତାନ୍; ୱାନ୍‌ ଦୁଃକ୍‌ବୋଗ୍‌ କିନିୱାଲେ ବାଦ୍‍ଲା ଅତେଙ୍ଗ୍‌ ତିଲିସ୍‌କିଏନ୍‌ ମାର୍ହାନ୍‌; ମାତର୍‌ ନ୍ୟାୟ୍‌ ବିସାର୍‌କିନି ମାପୁରୁଦି ମୁସ୍‌କୁ ପୁରା ଆସା ଇଟ୍‌ତାମାର୍ହାନ୍‍ ।

మత్తయి 18:21

ଅର୍‍ଲେନ୍‍ ପିତର୍‌ ୱାତାନ୍‌ନୋ ଜିସୁଙ୍ଗୁଁ ୱେନ୍‌ବାତାନ୍‌, “ପ୍ରବୁ, ଅରେନ୍‍ ତଡ଼ାନ୍‌ ନା ବିରଦ୍‌ତାନ୍‌ ବାର୍‌ବାର୍‌ ଦସ୍‌ କିଜିମାର୍ହାନ୍‌, ୱାନିଙ୍ଗ୍‌ ନାନ୍ ଏସ ଦେବେଙ୍ଗ୍‌ କେମାକିନା ? ଇନିକା ସାତ୍‌ଦେବେଙ୍ଗ୍‌ ସାନ୍ଦି ?”

ଜିହୁଦା 1:9

ମାତର୍‌ ୱିଜେରିଙ୍ଗ୍‌ପେରି ଦୁତ୍‌ ମୀଖାୟେଲ ବା ଇୟାୱାଜା ବ୍ୟବ୍‌ହାର୍‌ କିଏନ୍‌ ମାର୍ହାନ୍‌ । ମୋସାଦି ମାଡ଼ା ବିସୟ୍‌ତାନ୍‌ ସୟତାନ୍‌ତି ୱାଲେ ମାଟାଦିଙ୍ଗ୍‍ ମାଟା ଆନିବେଡ଼ାଦୁ ମୀଖାୟେଲ ନିନ୍ଦା କିଜି ସୟ୍‌ତାନ୍‌ତି ବିଚାର୍‌ କିଏନ୍‌ ମାର୍ହାନ୍‌ । ୱାନ୍‌ କେବଲ ନିସନେ ଇର୍ହାନ୍‌, “ପ୍ରବୁ ନିଙ୍ଗିଁ ଆଦ୍‌ରିସ୍‌ କିପିନ୍‌ ।”

୧ ଜୋହନ 3:10

ଇବେନୁ ଏନ୍‌ ମାପୁରୁଦି ମାରିନ୍‌ ମାରି ଏନ୍‌ ସୟତାନ୍‌ଦି ମାରିନ୍‌, ଇକା ତରାୟ୍‌ଆନାତ୍‌ : ଏନ୍‌ ସତ୍‍ପାଣି କିଏନ୍‌, ମାରି ନିଜେଦି ତଡ଼ାନ୍‌ତିଙ୍ଗ୍‌ ଜିବନ୍‌ନୋଏନ୍‌, ୱାନ୍‌ ମାପୁରୁଦି ମାରିନ୍‌ ଆଏନ୍‌ ।

అపొస్తు 17:18

ଏସ “ଏପିକ୍ୟୁରିଆନ୍‍ ନି ସ୍ଟୋଇକ୍‍” ସିକିୟା ଗୁରୁରି ୱାଲେ ୱାନି ଆସ୍‌ସିସାତାର୍‌ । ୱାରି ଲୋଇ ଏସଲୋକ୍‌ ଇର୍ହାର୍‌, “ଇୟା ବୁଦିସିଲିକାନ୍‌ ଇନିକା ଇନ୍‍ଡ୍ରେଙ୍ଗ୍‍ଁ ସଲ୍‌ସିନାନ୍‌ ?” ଆଇକାର୍‌ ଇର୍ହାର୍‌, “ଆଇଦେସ୍‍ତି ଦିୟାମ୍‍କା ବିସୟ୍‌ତାନ୍‌ ୱାନ୍‌ ସୁସମାଚାର୍‌ ପ୍ରଚାର୍‌ କିନିକା ୱାଜା ଆଜିନାତ୍‌ ।” ଜିସୁ ନି ୱାନି ମାରିଡ଼େସି ନିଙ୍ଗିଁନି ବିସୟ୍‌ତାନ୍‌ ପାଉଲ ପ୍ରଚାର୍‌ କିନିକା ୱେନ୍‌ଜି ୱାର୍‌ ଇକା ଇର୍ହାର୍‌ ।

1దెస్స 4:6

ଏମେ କ୍ରିସ୍ତ ବିସ୍‌ବାସ୍‌ତି ତଡ଼ାନ୍‌ ଉଣ୍ତିଙ୍ଗ୍‌ ଅନ୍ୟାୟ୍‌ପାଣି କିମାଟ୍‌, ମାରି ୱାନିଙ୍ଗ୍‌ ବାଣ୍ତିସ୍‍ କିମାଟ୍‌ । ଇୟା ମାଟା ମାପ୍‌ ଆଗ୍‍ଡ଼ିରାନ୍‍ନେ ୱେର୍‌ତାମାନାପ୍‌ ମାରି ଡାଟ୍‌ତାନ୍‌ ଜାଗାର୍‌ତା କିତାମାନାପ୍‌, ଆମାକାର୍‌ ଆୟାୱାଜା କିନାର୍‌, ପ୍ରବୁ ୱାରିଙ୍ଗ୍ ସାସ୍ତି ସିନାନ୍‌ ।

మార్కు 14:55

ଆୟାୱେନ୍‌କା ପେରି ଯାଜକର୍‌ ମାରି ଯିହୁଦି ସଭାତି ଲୋକୁ ୱିଜେରେ ଜିସୁଙ୍ଗୁଁ ଡାକ୍‌ତେଙ୍ଗ୍‍ଁ ଇଜି ୱାନି ବିରୁଦାନ୍‍ ସାକି ପ‍ଇଦେଙ୍ଗ୍‌ ଆସ୍‌ତାର୍‌, ମାତର୍‌ ପଇଏତାର୍‍ ।

మత్తయి 26:59

ପେରି ଜାଜକର୍‌ ନି ଜିହୁଦିର୍‌ ପେରିମିଟିଙ୍ଗ୍‌ତି ୱିଜେରେ ଜିସୁଙ୍ଗୁଁ ସାନିଦଣ୍ତ ସିନିଉଣ୍ତିଙ୍ଗ୍ ୱାନି ବିରଦ୍‌ତାନ୍‌ ମିସ୍‌ସାକି ପୟ୍‌ଦେଙ୍ଗ୍‌ ତେରେପେତେଆତାର୍‌ ।

యోహాను 11:47

ଆବେଟ୍‌ ପେରି ଜାଜକର୍‌ ନି ପାରୁସିର୍‌ ପେରିମିଟିଙ୍ଗ୍‌ କିଜି ଇର୍ହାର୍‌, “ମାଡ୍‌ ଇନିକା କିନିକା ? ଇୟା ଲୋକୁ ତୋ ନାଣ୍ତ କାବାଆନି ପାଣି କିଜିନାନ୍‍ ।

ప్రకటన 20:14

ତାନିୱେନ୍‌କା ସାନିକା ମାରି ସାନିପାତାଲ୍‌ତି ଆୟା ସିସୁଦି ସାମ୍‌ଦୁର୍‌ତୁ ପୋକ୍‌ତାର୍‌ । ଇୟା ସିସୁଦି ସାମ୍‌ଦୁର୍‌ ଆଜିନାତ୍, ରୁଣ୍ତି ଦେବେଙ୍ଗ୍‌ ସାନିକା ।

అపొస్తు 7:37

ମୋସା ନିଜେ ଇସ୍ରାଏଲ୍‌ ଦେସ୍‌ତି ଲୋକାଙ୍ଗ୍‌ ଇର୍ହାମାର୍ହାନ୍‌, ମାପୁରୁ ନାଙ୍ଗିଁ ଏଣ୍ତେସ୍‌ ପକ୍‍ତାମାର୍ହାନ୍‍, ଆୟାୱାଜା ମି ଲାକ୍‌ତୁ ଅରେନ୍‌ ବାବବାଦିଙ୍ଗ୍‌ ପକ୍‍ନାନ୍‍ ୱାନ୍‌ ମି ନିଜେ ତଡ଼ାନ୍‌କା ଲୋଇରାନ୍‌ ଅରେନ୍‌ ଆନାନ୍‌ ।

లూకా 12:5

ମାତର୍‌ ଏଙ୍ଗ୍‌ ତିଲାନିଦେର୍‌, ଆକା ନାନ୍ ମିଙ୍ଗିଁ ୱେର୍‌ନା; ସାୟାମାର୍‌ଗାଡାକ୍‌ତି ୱେନ୍‌କା ନରକଦୁ ପୋକ୍‌ନି ଉଣ୍ତିଙ୍ଗ୍‌ ଆମା ମାପୁରୁଦି ଅଦିକାର୍‌ ମାନାତ୍‌, ୱାନିଙ୍ଗ୍‌ ତିଲାଦୁ; ହୁଁ, ନାନ୍ ମିଙ୍ଗିଁ ସତ୍‌ ଇଜିନା, ୱାନିଙ୍ଗ୍‌ ତିଲାଦୁ ।

మత్తయి 5:44

ମାତର୍‌ ନାନ୍ ମିଙ୍ଗିଁ ଇଜିନା, ଜିବନ୍‍ନୋଦୁ ମି ସାତ୍ରୁରିଙ୍ଗ୍ । ଏମେକାର୍‌ ମିଙ୍ଗିଁ ତାଡ଼ନାକିନାର୍‍, ୱାରି ଉଣ୍ତିଙ୍ଗ୍‌ ପାର୍‌ତନା କିଦୁ ।

మత్తయి 5:34

ମାତର୍‌ ନାନ୍ ମିଙ୍ଗିଁ ଇଜିନା, ପାର୍‌ମାଣ୍‌ କିନିୱାଲେ, ପାର୍‌ମାଣ୍‌ କିମାଟ୍‌ । ମୁସ୍‌କୁପୁର୍‌ତି ଦର୍‌ତାନ୍‌ କିମାଟ୍‌, ଇରିଙ୍ଗ୍‌ ଆକା ମାପୁରୁଦି ବାସ୍‌ନି ଗଦି ।

మత్తయి 3:17

ତାନିୱେନ୍‍କା ମୁସ୍‌କୁପୁର୍‌ତାନ୍‌ ବଲ୍ ୱାତାତ୍‍, “ଇକାନ୍‌ ନା ଲାଡ୍‍ତି ମାରିନ୍‌, ୱାନିମାନୁ ନାନ୍ ୱେଡ଼ିକା ।”

୧ ଜୋହନ 5:16

ଜଦି ମି ଅରେନ୍‌ ତଡ଼ାନ୍‌ ପାପ୍‌ କିଜିମାନିକା ସୁଡ଼ୁତିଙ୍ଗ୍‌, ମାରି ଆୟା ପାପ୍‌ ସାନିନାନିକା ଆଏତ୍‌ ମାନାତ୍‌, ୱାନି ଉଣ୍ତିଙ୍ଗ୍‌ ମାପୁରୁଙ୍ଗୁଁ ପାର୍‌ତାନା କିଦୁ, ଏଣ୍ତେସାତିଙ୍ଗ୍‌ ମାପୁରୁ ୱାନିଙ୍ଗ୍‌ କେମା ସିଜି ରକ୍‌ୟା କିନାନ୍‌ । ମାରି ମାପୁରୁ ଏଣ୍ତେସ୍‌ୱାଜା ସାନିକା ପାପ୍‌ କିଇ ମାନି ଲୋକାଙ୍ଗ୍‌ ଜିବନ୍‌ ଦାନ୍‌ ସିନାନ୍‌, ଆୟାୱାଜା ୱାନିଙ୍ଗ୍‌ ବା ଜିବନ୍‌ ଦାନ୍‌ ସିନାନ୍‌ । ସାନିନାନି ପାପ୍‌ ମାନାତ୍‌; ଆୟାଉଣ୍ତିଙ୍ଗ୍‌ ୱାନ୍‌ ପାର୍‌ତାନା କିପିନ୍‌ ଇଜି ନାନୁ ଇନ୍‌ଏ ।

యాకోబు 2:20

ଏ ବୁଦିସିଲିଲୋକ୍‌ ! ପାଣି ଡ଼ିସ୍‌ସି ବିସ୍‌ବାସ୍‌ ଜେ ୱାରିକା, ଇୟାତାନି ପାର୍‌ମାଣ୍‌ ସୁଡ଼୍‌ଦେଙ୍ଗ୍‌ ମିର୍‌ ଇନିକା ବଦା କିଜିନିଦେର୍‌ ?

ఎబ్రి 12:25

ଆୟାଉଣ୍ତିଙ୍ଗ୍‌ ଜାଗାର୍‍ତା, ଏନ୍‌ ବାକ୍ୟ ୱେର୍‌ସିନାନ୍‌, ୱାନିଙ୍ଗ୍‌ ଡ଼ିସ୍‌ମାଟ୍ । ମୁସ୍‌କୁପୁର୍‌ତାନ୍‌ ବାକ୍ୟ ଆସ୍‌ସି ୱାଜି ଦୁନିଆଦୁ ତାନିଙ୍ଗ୍‌ ୱେର୍‍ତିମାନି ଲୋକ୍‍ତି ଉଣ୍ତିଙ୍ଗ୍‍ ଏମେକାର୍ ୱେନ୍‍ଏତାର୍, ୱାର୍‌ ଏର୍‍ବା ରକିୟା ପୋୟ୍‌ଏତାର୍ । ଆର୍‌ତିଙ୍ଗ୍‌, ଇଲେଇ ଏନ୍‍ ମୁସ୍‍କୁପୁର୍‌ତୁ ମାନ୍‌ଜି ୱାର୍‌ଗିଜିନାନ୍‍, ୱାନିଙ୍ଗ୍‌ ଡ଼ିସ୍‍ତିଙ୍ଗ୍‍ ମାଡୁ ଇନିକା ରକିୟା ପୋଇଦେଙ୍ଗ୍ ଆଟ୍‍ନିକା ?

ఎబ్రి 5:9

ଇୟାୱାଜା ମାପୁରୁ ୱାନିଙ୍ଗ୍‌ ଅରେନ୍‌ ନେଗି ପେରି ଜାଜକ ଇଜି ଜଗ୍‌ ଆସ୍‌କିତାନ୍‍, ୱାନ୍‌ ୱାନି ମାଟାମାନାନି ଲୋକା ଉଣ୍ତିଙ୍ଗ୍‌ ୱିଜୁଦିନ୍‍ତି ରକିୟାଦି ୱେଡ଼ିକା ଆତାନ୍‍ ।

1కొరింతి 6:10

ମାରି ଡଙ୍ଗାଁର୍‌ଏନ୍‌, ଦନ୍‌ଆସା, ମଦୁଆ, ସୁରିୱାର୍‌ଗିନିକା ମାରି ଆଇ ଲୋକା ଜିନିସ୍‌କୁ ଡଙ୍ଗାଁକିନିକାର୍‌, ଇୟାକାର୍‌ ମାପୁରୁଦି ରାଜିଦୁ ବାଗ୍‌ ପୟ୍‌ଏର୍‌ ।

1కొరింతి 6:6

ମାତର୍‌ ତଡ଼ାନ୍‌ ମାରି ଅରେନ୍‌ ତଡ଼ାନ୍‌ତି ବିରୁଦ୍‌ତାନ୍‌ ନିୟ୍ୟାୟ୍‌ କିନିବାଡିଦୁ ୱେର୍‌ନାନ୍‌, ଆକା ମାରି ଅବିସ୍‌ବାସ୍‌ସିର୍‌ ଆୟାତାନି ବିଚାର୍‌ କିଜିନାର୍‌ ।

అపొస్తు 5:27

ୱାର୍‌ ପ୍ରେରିତ ସିସୁରିଙ୍ଗ୍‌ ଲୋଇ ଅସି ପେରିମିଟିଙ୍ଗ୍‌ ଆଗ୍‌ଡ଼ି ନିଲ୍‍ପ୍‍ତାର୍‍ ମାରି ୱିଜେରିଙ୍ଗ୍‍ପେରି ଜାଜକ ୱାରିଙ୍ଗ୍‌ ମାଟା ୱେନ୍‍ବାତାନ୍‌,

యోహాను 15:25

ମାତର୍‌ ୱାର୍‌ ମାଟାସିଲିକାବା ନାଙ୍ଗିଁ କାଡ଼ିତାର୍‌, ୱାରି ଦାର୍ମୁସାସ୍ତ୍ରଦୁ ରାସ୍‍ତିମାନି ଇୟା ବାକ୍ୟ ଏଣ୍ତେସ୍‌ ପୁରା ଆନାତ୍‌, ଇୟାଉଣ୍ତିଙ୍ଗ୍‌ ଇୟାୱାଜା ଗଟାଜିନାତ୍‌ ।

యోహాను 8:48

ଜିହୁଦି ନେତାର୍‌ ଜିସୁଙ୍ଗୁଁ ୱେନ୍‌ବାତାର୍‌, “ନିନ୍‌ ଜେ ଅରେନ୍‍ ସମିରୋଣିୟ ମାରି ନିଙ୍ଗିଁ ଜେ ଦୁବା ଆସ୍‍ତାମାନାତ୍‍, ଇକା ଇନିକା ମାପ୍‌ ଟିକ୍‌ ଇନ୍‍ଏପ୍‌ ମାର୍ହାପ୍‍ ?”

యోహాను 7:20

ଲୋକ୍‌ ୱିଜେରେ ଇର୍ହାର୍‌, “ନିଙ୍ଗିଁ ଦୁବା ଆସ୍‍ତାମାନାତ୍‍, ଏନ୍‌ ନିଙ୍ଗିଁ ଡାକ୍‌ତେଙ୍ଗ୍‍ଁ ବଦାକିଜିନାନ୍‌ ?”

మార్కు 15:1

ସାଲ୍‍ଦି ଆତି ଦାପ୍ରେ ୱିଜେରେ ପେରି ନେତାର୍‌, ସାସ୍ତ୍ରିରିୱାଲେ ପେରି ଜାଜକର୍‌ ୱିଜେରେ ଉଣ୍ତାତାରୋ ୱାର୍‌ଗିଜି ସାଜି ଜିସୁଙ୍ଗୁଁ ତର୍‍ତା ଅତାରୋ ପିଲାତ୍‌ କିୟୁଦୁ ସର୍‍ପେ କିତା ସିତାର୍‍ ।

మత్తయి 25:41

ତାନେୱେନ୍‌କା ରାଜା ଡେବିରି ତରିନ୍‌ମାନି ଲୋକାଙ୍ଗ୍‌ ଇନ୍‌ନାନ୍‌, ଏ ମାପୁରୁଦି ଆନାଦୁରିଆ ପୟ୍‌ତି ଲୋକୁ ! ନା ଆଗ୍‍ଡ଼ିରାନ୍‍ ଆକ ସାନ୍‌ଡ୍ରୁ । ସୟତାନ୍ ନି ତାନି ଦୁତ୍‌କା ଉଣ୍ତିଙ୍ଗ୍‌ ଆମା ଏସ୍‌କାଙ୍ଗ୍‌ୱିଜ୍‍ଇ କାସ୍‌ସିମାନି ସିସୁ ତିଆର୍‌ ଆତାମାନାତ୍‌ ଆବେନୁ ସାନ୍‌ଡ୍ରୁ ।

మత్తయి 23:33

ଏ ସାରାସ୍‍କୁ ! ଏ ବିସ୍‌ମାନି ସାରାସ୍‍ତି କଡ଼ର୍‌ ! ମିର୍‌ ନରକ ଦଣ୍ତ୍‌ତାନ୍‌ ରକ୍ଷାପୟ୍‌ନାପ୍‌ ଇଜି ଆସାକିଜିନିଦେର୍‌ ?

మత్తయి 23:15

ଏ କପଟି ଦାର୍ମୁଗୁରୁ ନି ପାରୁସିର୍‌, ମି ଦସ୍‌ ଏସା ତାଗ୍‌ଇକାଆନାତ୍‌ । ମିର୍‌ ସାମୁଦୁର୍‌ ନାସି ଆଇ ଦେସ୍‌କାଙ୍ଗ୍‌ ସୋଲ୍‌ସି ଅରେନ୍‍ୱାନିଙ୍ଗ୍‍ ମି ଦାର୍ମୁଦୁ ମିସାକିଦେଙ୍ଗ୍‌ ଇଜି ପୟ୍‌ଜିବୁଲାଜିନିଦେର୍‌ । ମାତର୍‌ ଆୟାୱାଜା ଅରେନ୍‍ୱାନିଙ୍ଗ୍‍ ପୟ୍‌ତିଙ୍ଗ୍‌, ୱାନିଙ୍ଗ୍‌ ନରକଦୁ ଦଣ୍ଡ୍‌ ପୟ୍‌ଦେଙ୍ଗ୍‌ ମିମାଣାନ୍‌ ଦୁଇଗୁଣୁ ନାଣ୍ତ ସାକା କିଜିନିଦେର୍‌ ।

మత్తయి 17:5

ପିତର୍‌ ଇୟା ମାଟା ଇନିୱାଲେ ଖାଣ୍ତେକ୍‍ ବାଦଡ଼୍‍ ଇମ୍‌ଜି ୱାତା ଦୋ ୱାରିଙ୍ଗ୍‌ ବାଦଡ଼୍‍ତି ନିଡ଼୍‍ଗା ପିଡ଼ିକ୍‍ତାତ୍‍ ମାରି ଆବେଟ୍‌ତାନ୍‌ ଉନ୍‌ଡ୍ରି ବଲ୍ ୱାତାତ୍‍, “ଇୟାକାନ୍‌ ନା ଲାଡ୍‍ତି ମାରିନ୍‌, ୱେନିମାନୁ ନାନ୍ ନାଣ୍ତ ୱେଡ଼ିକା । ୱେନି ବାକ୍ୟ ୱେନ୍‌ଡ୍ରୁ ।”

మత్తయి 12:24

ପାରୁସିର୍‌ ଇକା ୱେନ୍‌ଜି ଇର୍ହାର୍‌, “ୱାନ୍‌ ଦୁବେଙ୍ଗାଁ ପେରିକାନ୍‌ ବାଲ୍‍ଜିବୁଲ୍‍ ସାକ୍ତି ପୟ୍‌ଜି ଦୁବେଙ୍ଗ୍‍ ଡ଼ିସିସ୍‍କିଜିନାନ୍‍ ।”

మత్తయి 10:17

ଜାଗାର୍‌ତା ମାନ୍‌ଡ଼୍ରୁ, ଇରିଙ୍ଗ୍‌ ଲୋକୁ ମିଙ୍ଗିଁ ତର୍‌ସି ବିସାର୍‌ କିନି ସଭାଦୁ ଅନାର୍‍ର ସର୍ପେ କିନାର୍‌ । ପାର୍‍ତନାକିନି ଇଲ୍‌କାଙ୍ଗ୍‌ ୱାର୍‌ ମିଙ୍ଗିଁ କର୍‍ଡା ଡାକ୍‌ନାର୍‌ ।

లూకా 22:66

ସାଲ୍‍ଦି ଆତିଦାପ୍ରେ ଲୋକା ପେରିଡକ୍‍ରାର୍‍, ମାରି ପେରି ଜାଜକର୍‌ ମାରି ସାସ୍ତ୍ରିର୍‍ ଉଣ୍ତାଜି ତାମେ ପେରି ଲୋକାମିଟିଙ୍ଗ୍‍ତୁ ଜିସୁଙ୍ଗୁଁ ଅସି ଇର୍ହାର୍‌, “ନିନ୍‌ ଜଦି କ୍ରିସ୍ତ, ଆରିଙ୍ଗ୍‌ ମାଙ୍ଗିଁ ଇନ୍‌ଆଁ ।”

అపొస్తు 4:15

ଆବେଟ୍‌ ୱାର୍‌ ସିସୁରିଙ୍ଗ୍‌ ମିଟିଙ୍ଗ୍‍ ଇଲ୍‌ତାନ୍‌ ସପ୍‍ସି ସିଜି ୱାରି ବିସୟ୍‌ତାନ୍‌ ନିଜେ ନିଜେମାନୁ ୱାର୍‍ଗିଦେଙ୍ଗ୍‍ ଆସ୍‌ତାର୍‌ ।

అపొస్తు 5:21

ପ୍ରେରିତ ସିସୁର୍‍ ୱାନି ମାଟା ମାନାଜି ସାଲ୍‍ଦି ମନ୍ଦିର୍‌ତୁ ଡ଼ୁଗୁଜି ସିକିୟା ସିଦେଙ୍ଗ୍‍ ଆସ୍‌ତାର୍‌ । ୱିଜେରିଙ୍ଗ୍‍ପେରି ଜାଜକ ନି ୱାନି ୱାନି ପାଣିକିନିକାର୍‍ ପେରିମିଟିଙ୍ଗ୍‍ତି ଇନ୍‌ଡ୍ର ପୁରା ବାସ୍‌ନି ଉଣ୍ତିଙ୍ଗ୍‌ ଇସ୍ରାଏଲ୍‌ତି ୱିଜେରେ ଲୋକୁ ଜିହୁଦି ନେତାରିଙ୍ଗ୍‌ କୁକିସ୍‍ କିଜି ତାତାର୍‌ ମାରି ତାନିୱେନ୍‍କା ପ୍ରେରିତ ସିସୁରିଙ୍ଗ୍‌ ଆୟା ମିଟିଙ୍ଗ୍‍ତୁ ତାତେଙ୍ଗ୍‌ ଇଜି ପାଣିକିନିୱାରିଙ୍ଗ୍‌ ଜଇଲ୍‍ତୁ ପୋକ୍‌ତାର୍‍ ।

అపొస్తు 6:12

ଇୟାୱାଜା ୱାର୍‌ ଲୋକାଙ୍ଗ୍‌, ଦାର୍ମୁ ନେତାର୍‍ ମାରି ଗୁରୁରିଙ୍ଗ୍‍ ଉତ୍‍ତାର୍‍ ମାରି ସ୍ତିପାନତିଙ୍ଗ୍‍ ଆସ୍‌ସି ପେରିମିଟିଙ୍ଗ୍‍ତୁ ଅତାର୍‌ ।

అపొస్తు 6:15

ନାସ୍ତିୱାଲେ ଆବେନ୍‌ ବାସ୍ତିମାର୍‍ଇ ୱିଜେରେ ଅର୍‌ସେ ସ୍ତିପାନ୍‍ତି ତରିନ୍‌ ସୁଡ଼ୁତାର୍‌ ଜେ ୱାନି ମକମ୍‌ ମୁସ୍‌କୁପୁର୍‌ତି ଦୁତ୍‍ତି ମକମ୍‍ତି ୱାଜା ତର୍‍ଜିମାର୍ହାପ୍‍ ।

అపొస్తు 22:30

ଜିହୁଦି ଲୋକୁ ପାଉଲତି ବିରଦ୍‌ତାନ୍‌ ଇନି ଦାବି କିତାମାନାର୍‍, ଆକା ସତେନେ ନେସ୍‌ତେଙ୍ଗ୍‌ ସନ୍ୟରି ନେତା ମାରିନାଣ୍ତିଙ୍ଗ୍‍ଁ ପାଉଲତିଙ୍ଗ୍‍ଁ ଗାଟି ୱିଜୁ କୁତ୍‍ତାନ୍‍ ପେରିସଭାଦି ପୁରା ମିଟିଙ୍ଗ୍‍ଁ କୁକିସ୍‍ କିଦେଙ୍ଗ୍‌ ଇଜି ପେରି ଜାଜକରିଙ୍ଗ୍‍ଁ ଆଦେସ୍‌ ସିତାନ୍‌ । ତାନିୱେନ୍‍କା ପାଉଲ୍‍ତିଙ୍ଗ୍‍ଁ ଅସି ୱାରି ଆଗ୍‌ଡ଼ି ନିଲ୍‌ପ୍‍ତାର୍‌ ।

అపొస్తు 23:1

ପାଉଲ ପେରିସବା ତରିନ୍‌ ସିଦା ସୁଡ଼୍‌ଜି ଇର୍ହାନ୍‌, “ଏ ଇସ୍ରାଏଲ୍‌ତି ତଡ଼ାନ୍‌କୁ ! ନେର୍‌ ସାନ୍ଦି ମାପୁରୁଦି ଆଗ୍‌ଡ଼ି ନାନୁ ଏଣ୍ତେସ୍‌ ଜିତାମାନା, ଆୟା ବିସୟ୍‌ତାନ୍‌ ନା ମନ୍‍ ପୁରା ନେଗିକା ।”

అపొస్తు 24:20

ମାରି, ନାନୁ ଏସ୍ତିୱାଲେ ପେରିସଭା ଆଗ୍‌ଡ଼ି ନିର୍‍ଆ ମାର୍‌ର୍ହା, ନାନୁ ଏମେ ତାଗ୍‌ଇମାଟା ପାଣିଦୁ ଦସି ଇଜି ୱେଙ୍ଗିଁତା, ଆକା ଇବେମାନି ଇୟା ଲୋକୁ ଇନିର୍‍ ।