మత్తయి 3:2 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

² ୱାନ୍‌ ଇର୍ହାନ୍‌, “ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ, ଇରିଙ୍ଗ୍‌ ମାପୁରୁଦି ରାଜି ଇଗା ୱାଜିନାତ୍‍ ।”

మత్తయి 3:2 Referans Kwoze

మత్తయి 4:17

ଆୟା ସମୟତାନ୍‍ ଜିସୁ ପ୍ରଚାର୍‌କିଜି ଇର୍ହାନ୍‌, “ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ, ଇରିଙ୍ଗ୍‌ ମାପୁରୁଦି ରାଜି ଇଗା ୱାଜିନାତ୍‍ ।”

మార్కు 1:15

ଜିସୁ ୱେର୍‌ତେଙ୍ଗ୍‌ ଆସ୍‌ତାନ୍‌, “ଦିନ୍‌ ଲାକ୍‌ତୁ ୱାତାତ୍‌ନି, ମାପୁରୁଦି ରାଜି ଇଗା ୱାଜିନାତ୍ ! ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ ମାରି ମାପୁରୁଦି ନେଗିକାବୁର୍‌ତୁ ବିସ୍‌ବାସ୍‌ କିଦୁ ।”

లూకా 24:47

ମାରି ଜିରୁସାଲମ୍‍ତାନ୍‍ ଆରାମ୍‌ କିଜି ୱିଜୁ ଜାତି ଲାକ୍‌ତୁ ୱାନି ଦର୍‌ତାନ୍‌ ପାପ୍‌କେମା ଉଣ୍ତିଙ୍ଗ୍‌ ମନ୍‍ତିଙ୍ଗ୍‍ ଡ଼େପ୍‍ନି ବିସୟ୍‌ତାନ୍‌ ଲୋକୁ ୱିକ୍‍ନାର୍‍ ।

మత్తయి 6:10

ନି ରାଜି ରାପିତ୍‍ । ନି ବଦା ମୁସ୍‌କୁପୁର୍‌ତୁ ଏଣ୍ତେସ୍‌, ଇୟା ଦୁନିଆଦୁ ବା ଆୟାୱାଜା ପୁରାଆପିତ୍‍ ।

2కొరింతి 7:10

ମାତର ଇୟାୱାଜାଦି ଦୁକ୍ ମାପୁରୁଦି ମାଡ଼ାନ୍ ବେବହାର୍‍ ଆଜି ତାନିମାଡ଼ାନ୍ ଜିବନ୍‌ ବାଦ୍‌ଲେ ଆତିଙ୍ଗ୍‌ ରକିୟା ପୁଟ୍‍ନାତ୍ । ଇବେନୁ ଚିନ୍ତାକିନି ବିସୟ ସିଲେତ୍‌ । ମାତର କେବଲ ଦୁନିଆଦି ଦୁକ୍ ସାନିକା ଗଟେକିନାତ୍ ।

మత్తయి 10:7

ୱାରିମାନୁ ପ୍ରଚାର୍‌ କିଜି ଇନ୍‍ଡ୍ରୁ, ମୁସ୍‌କୁପୁର୍‌ ଇଗା ୱାତାତ୍‍ !

అపొస్తు 3:19

ମାରି ଅନୁତାପ୍‍ କିଜି ମାପୁରୁ ତରିନ୍‌ ଡ଼େସି ରାଦୁ । ଆରିଙ୍ଗ୍‌ ୱାନ୍‌ ମି ପାପ୍‌ କେମା କିନାନ୍‌ ।

లూకా 15:10

ନାନ୍ ମିଙ୍ଗିଁ ୱେର୍‌ସିନା, ଇୟାୱାଜାନେ ଏନ୍‌ ମନତିଙ୍ଗ୍‌ ଡ଼େପ୍‍ତିଙ୍ଗ୍‍, ଇୟାୱାଜା ଅରେନ୍‍ ପାପି ଉଣ୍ତିଙ୍ଗ୍‌ ମାପୁରୁଦି ଦୁତ୍‌କୁ ୱେଡ଼ିକାକିନେ ।”

లూకా 13:3

ନାନ୍ ମିଙ୍ଗିଁ ଇଜିନା, ସିଲେ, ମାତର୍‌ ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ଇତିଙ୍ଗ୍‍ ମିର୍‌ ୱିଜେରେ ଆୟାୱାଜା ନାସ୍ଟୁ ଆନିଦେର୍‌ ।

లూకా 11:20

ସିଲେ, ମାତର୍‌ ମାପୁରୁଦି ସାକ୍ତିଦାନ୍ ନାନ୍ ଦୁବେଙ୍ଗ୍‌ ଡ଼ିସିସ୍‍କିନା ମାରି ଇକା ପାର୍‍ମାଣ୍‍ ଆଜିନାତ୍‍ ଜେ ମାପୁରୁଦି ରାଜି ମି ଲାକ୍‌ତୁ ଇଗା ୱାତାତ୍‌ନି ।

అపొస్తు 17:30

ଲୋକୁ ମାପୁରୁଙ୍ଗ୍‍ଁ ନେସ୍‍ଇୱାଲେ ୱାନ୍‌ ଆୟା ଦସ୍‌ ଆସ୍‍ଏନ୍‌ ମାର୍ହାନ୍‌, ମାତର୍‌ ଇଲେଇ ଆୟାୱିଜୁ ୱିଜେରିଙ୍ଗ୍‍ଁ ୱାରି ପାପ୍‌ ସାରିଦାନ୍‍ ଡ଼େସିୱାଦେଙ୍ଗ୍‍ଁ ଇଜି ଆଦେସ୍‌ ସିଜିନାନ୍‌ ।

అపొస్తు 11:18

ୱାର୍‌ ଇକା ୱେର୍‌ଇ ୱେନ୍‌କା ମାରି ଜାଟି କିଏନ୍‍ଣ୍ତା ମାପୁରୁଦି ଦନ୍ୟବାଦ୍‌ କିଜି ଇର୍ହାର୍‌, “ଆରିଙ୍ଗ୍‌ ମାପୁରୁ ଅଣଜିହୁଦିରିଙ୍ଗ୍‌ ବା ଏତ୍‌କିଦେଙ୍ଗ୍‍ଁ ମାରି ଜିଦେଙ୍ଗ୍‍ଁ ସୁଜୋଗ ସିତାମାନାନ୍‌ ।”

అపొస్తు 2:38

ପିତର ୱାରିଙ୍ଗ୍‌ ଇର୍ହାନ୍‌, “ମିର୍‌ ୱିଜେରେ ପାପ୍‌ତାନ୍‌ ଡ଼େସିୱାଜି ମି ପାପ୍‌ କେମା ଆନି ଉଣ୍ତିଙ୍ଗ୍‌ ଜିସୁ କ୍ରିସ୍ତଦି ଦର୍‌ତାନ୍‌ ଡୁବନ୍‌ ଅତୁ; ଆର୍‌ତିଙ୍ଗ୍‌ ମିର୍‌ ମାପୁରୁଦି ଦାନ୍‌ ପବିତ୍ର ଆତ୍ମା ପୟ୍‌ନିଦେର୍‌ ।

లూకా 6:20

ଆୟାୱାଲେ ଜିସୁ ନିଜେଦି ସିସୁରି ତରିଣ୍ତ୍‌ ସୁଡ଼ୁଜି ଇର୍‌ଆନ୍‌, କାକୁର୍ତିଲୋକୁ ଜେ ମିର୍‌, ମିର୍‌ ଦନ୍ୟ, ଇରିଙ୍ଗ୍‌ ମାପୁରୁଦି ରାଜି ମିଦି ।

మత్తయి 13:52

ଜିସୁ ୱାରିଙ୍ଗ୍‌ ଇର୍ହାନ୍‌, “ଏମେ ଇଲୁଦି ମାଲିକ୍‌ ନିଜେଦି ଗୁଦାମ୍‍ତାନ୍‍ ପୁନିକା ନି ପାଡ଼ିଇ ଜିନିସ୍‌ ସପ୍‍ନାନ୍‍, ଦାର୍ମୁଗୁରୁ ଏନ୍‌ ମୁସ୍‌କୁପୁର୍‌ତୁ ସିସୁଆତାମାନାନ୍‍ ୱାନ୍‌ ଇୟାୱାଜା ।”

మత్తయి 13:47

ମାରି, ମୁସ୍‌କୁପୁର୍‌ ଉଣ୍ତ୍ରି ମିନ୍‌କୁ ଆସ୍‌ନି ଜାଡ଼ିଦି ୱାଜା । ମିନ୍‌କୁ ଆସ୍‍ନିକାର୍‍ ଗାଡାଦୁ ଜାଡ଼ି ପକ୍‍ସି ରକମ୍‌ ରକମ୍‌ ଜାତିଦି ମିନ୍‌କୁ ଆସ୍‌ନାର୍‌ ।

మత్తయి 13:33

ଜିସୁ ୱାରିଙ୍ଗ୍‌ ମାରିଉନ୍‍ଡ୍ରି କାତା ୱେର୍‌ସି ଇର୍ହାନ୍‌, “ମୁସ୍‌କୁପୁର୍‌ ଇୟାୱାଜା । ଅରେତ୍‌ ଆଇମା କାଣ୍ତେକ୍‍ କମିର୍‌ ଅସି ଆଡା ଅଟା ଗୁଣ୍ତାଦୁ ମିସାକିଜି ପିଡ଼ିକ୍‍ସି ଇଟ୍‍ତାତ୍‍ । ଟିକ୍‌ ସମୟ୍‍ତୁ ୱିଜୁ ଦୁର୍‍ ଗୁଣ୍ତା ଆବେ ମିସାଜି ଉଦ୍‍ଜି ନିଙ୍ଗିଁତାତ୍‍ ।”

మత్తయి 12:41

ଆମା ନାଣ୍ତିଙ୍ଗ୍‌ ମାପୁରୁ ବିସାର୍‌କିନାନ୍‌ ନିନିବିତି ଲୋକୁ ମି ବିରଦ୍‌ତାନ୍‌ ଇନ୍‌ଡ୍ରେଙ୍ଗ୍‌ ଇଜି ନିନାର୍‍, ଇରିଙ୍ଗ୍‌ ଜୁନସ୍‍ତି ପ୍ରଚାର୍‌ ୱେନ୍‌ଜି ୱାର୍‌ ପାପ୍‌ ସାରିଦାନ୍‍ ଡ଼େସିୱାତାର୍‍ । ମାରି ସୁଡ଼୍‍ଦୁ, ନାନ୍ ମିଙ୍ଗିଁ ଇଜିନା, ଜୁନସ୍‍ତି ମାଣ୍‌କୁ ପେରିକାନ୍‌ ଅରେନ୍‍ ଇବେନୁ ମାନାନ୍‌ ।

2తిమోతి 2:25

ୱାନିଙ୍ଗ୍‌ ବିରୁଦ୍‌ କିଜିମାନି ଲୋକାନ୍ଦି ଦସ୍‌ତିବୁଲ୍‌ ୱାନ୍‌ ଡାଟ୍‌ତି ୱାଜା ସାସନ୍‌ କିନିକା ଟିକ୍‌, ମାତର୍‌ ଏତ୍‌କିଜି ସତ୍‌ ପାଣି କିଦେଙ୍ଗ୍‌ ଆର୍‌ତିଙ୍ଗ୍‌ ଅର୍‍ଲେନ୍‍ ମାପୁରୁ ୱାରିଙ୍ଗ୍‌ ସୁଜୋଗ ସିନାନ୍ ।

కొలొసి 1:13

ୱାନ୍‌ ମାଙ୍ଗିଁ ସିକାଟିଦି ସାକ୍ତିଦାନ୍‌ ଉଦାର୍‌ କିତାମାନାନ୍‌ ମାରି ତିର୍‌ତାନ୍‌ ମାଙ୍ଗିଁ ୱାନି ଲାଡ୍‍ତି ମାରିନ୍‌ତି ରାଜିଦୁ ତାତାମାନାନ୍‌,

అపొస్తు 20:21

ଜିହୁଦିଲୋକୁ ନି ଅଣଜିହୁଦି ଲୋକୁ ୱିଜେରିଙ୍ଗ୍‍ ନାନୁ ଆଟ୍‌ୱା ଜାଗାର୍‌ତା ସାକି ସିତାମାର୍ହା ଜେ, ୱାର୍‌ ପାପ୍‌ତାନ୍‌ ଡ଼େସି ଏତ୍‌କିଜି ମାପୁରୁ ତରିନ୍‌ ମନ୍‍ ସିନାର୍‍ ମାରି ପ୍ରବୁ ଜିସୁଦିମାନୁ ବିସ୍‌ବାସ୍‌ କିନାର୍‌ ।

లూకా 15:7

ନାନ୍ ମିଙ୍ଗିଁ ୱେର୍‌ସିନା, ଆୟାୱାଜାନେ ଏମେଲୋକାଦି ମନତିଙ୍ଗ୍‌ ଡ଼େପ୍‍ତେଙ୍ଗ୍‍ ଦର୍‌କାର୍‍ ସିଲେ, ଇୟାୱାଜା ନବେ ନୋଗୋଟା ଦାର୍ମୁ ଲୋକା ବାଦ୍‌ଲୁ, ଜେ ମନତିଙ୍ଗ୍‌ ଡ଼େପ୍‍ନାନ୍‍, ଇୟାୱାଜା ଅରେନ୍‍ ପାପି ଲୋକ୍‍ ଉଣ୍ତିଙ୍ଗ୍‌ ମୁସ୍‌କୁପୁର୍‌ତୁ ନାଣ୍ତ ୱେଡ଼ିକା ଆନାତ୍‌ ।

లూకా 13:5

ନାନ୍ ମିଙ୍ଗିଁ ଇଜିନା, ସିଲେ, ମାତର୍‌ ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ଏତିଙ୍ଗ୍‍ ମିର୍‌ ୱିଜେରେ ଆୟାୱାଜା ନାସ୍ଟୁ ଆନିଦେର୍‌ ।”

లూకా 9:2

ମାରି, ୱାନ୍‌ ୱାରିଙ୍ଗ୍‌ ମାପୁରୁଦି ରାଜିଦି ନେଗିକାବୁର୍‌ ୱେର୍‌ତେଙ୍ଗ୍‌ ମାରି ରୋଗ୍‍ତୁମାନି ଲୋକାଙ୍ଗ୍‌ ନେଗେଣ୍ତ୍‍ କିଦେଙ୍ଗ୍‌ ପୋକ୍‌ତାନ୍‌,

మార్కు 6:12

ଇୟା ୱେନ୍‌କା ସିସୁର୍‌ ନାର୍‍କାଙ୍ଗ୍‍ଁ ସଲ୍‌ସି ପାପ୍‍ସାରି ଡ଼ିସ୍‌ସି ମନତିଙ୍ଗ୍‌ ଡ଼େପ୍‍ସି ରାଦୁ ଇଜି, ଆକା ଲୋକାମାନୁ ପ୍ରଚାର୍‌କିତାର୍‍ ।

మార్కు 1:4

ଆବେଟ୍‌କୁ ଏର୍‌ତୁ ଡୁବନ୍‌ ସିନି ଜୋହନ ବାଲିଭୁମିଦୁ ସର୍ହାନ୍‍ନୋ ୱେର୍‍ତାନ୍‌, ମାରି ଡୁବନ୍‌ ସିତାନ୍‌ । ୱାଣ୍ଡ୍‌ରୁ ପ୍ରଚାର୍‌ କିଜି ଲୋକାଙ୍ଗ୍‌ ଇନ୍‌ଡ୍ରେଙ୍ଗ୍‌ ଆସ୍‌ତାନ୍‌, “ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ, ମାରି ଡୁବନ୍‌ ଅତୁ ଆବେଟ୍‌ ମାପୁରୁ ମି ପାପ୍‌କେମା କିନାନ୍‌ ।”

మత్తయి 5:10

ଏମେକାର୍‌ ମାପୁରୁଦି ବଦାଦାନ୍ ପାଣିକିଜି କାସ୍ଟୁ ପଇନାର୍‌, ୱାର୍‌ ଦନ୍ୟ, ଇରିଙ୍ଗ୍‌ ମୁସ୍‌କୁପୁର୍‌ ୱାରିଦି ।

మత్తయి 5:3

ମାପୁରୁମାନୁ ଏମାକାର୍‌ ଆସା ଇଡ୍‌ନି, ଲୋକୁ ଦନ୍ୟ, ଇରିଙ୍ଗ୍‌ ମାପୁରୁଦି ରାଜି ୱାରିଦି ।

ప్రకటన 2:21

ପାପ୍‌ଦାନ୍ ଡ଼େସିୱାନି ଉଣ୍ତିଙ୍ଗ୍‌ ନାନୁ ତାନିଙ୍ଗ୍‌ ସମୟ ସିତାମାନା, ମାତର୍‌ ୱାଦ୍‌ ନିଜେଦି ଦାରିପାଣିଦିଙ୍ଗ୍ ଡ଼ିସ୍‍ତେଙ୍ଗ୍‌ ଇଛାକିଏଜିନାତ୍ ।

మత్తయి 13:31

ଜିସୁ ୱାରିଙ୍ଗ୍‌ ମାରିଉନ୍‍ଡ୍ରି କାତା ୱେର୍‌ସି ଇର୍ହାନ୍‌, “ମୁସ୍‌କୁପୁର୍‌ ଇୟାୱାଜା ଉନ୍‌ଡ୍ରି ସାର୍‍ସୁ ପାଡ଼ୁଦି ୱାଜା, ଆମାକା ଅସି ଅରେନ୍‍ ଲୋକୁ ନିଜେଦି କିଡ଼ିଇଦୁ ୱିତ୍‍ତାନ୍‍

మత్తయి 13:11

ଜିସୁ ଇର୍ହାନ୍‌, ମୁସ୍‌କୁପୁର୍‌ତି ମାର୍‍ଗିତିମାନି ବିସୟ୍‌ ନେସ୍‌ତେଙ୍ଗ୍‌ ଇଜି ମିଙ୍ଗିଁ ବୁଦି ସିଆଇ ଆତାମାନାତ୍‌, ମାତର୍‌ ୱାରିଙ୍ଗ୍‌ ସିଆଇ ଆଏତ୍‍ ।

మత్తయి 6:33

ମାରି ମାପୁରୁଦି ରାଜି ବିସୟ୍‌ ମାରି ମାପୁରୁ ମି ମାଣ୍‌କୁ ଇନିକା ବଦାକିନାନ୍‌, ଇୟା ମାଟା ମି ମନ୍‌ତୁ ଆଗ୍‌ଡ଼ି ବାଡି ସିଦୁ । ଆରିଙ୍ଗ୍‌ ୱାନ୍‌ ମିଙ୍ଗିଁ ଆଇ ୱିଜୁ ବିସୟ୍‌ ଉଣ୍ତାକିନାସିନାନ୍‍ ।

ప్రకటన 2:5

ମିଦି ଏସା ଆଡିଗିଆତା ମାନାତ୍‌, ସିନ୍ତା କିଦୁ । ପାପ୍‌ତାନ୍ ଡ଼େସିୱାଜି ଆଗ୍‌ଡ଼ିରି ୱାଜା ସତ୍‌ପାଣି କିଦୁ । ଜଦି ପାପ୍‌ତାନ୍ ଡ଼େସି ରେଇଦେର୍‌, ଆର୍‌ତିଙ୍ଗ୍‌ ନାନୁ ମି ଦିୱାଦିଙ୍ଗ୍‌ ଆଇ ବାଡିଦୁ ଅନା ।

ఎబ్రి 6:1

ମାରି ମାଡୁ ଏଣ୍ତେସ୍‌କି କ୍ରିସ୍ତଦାର୍ମୁଦି ପାର୍‍ତୁମ୍‍ ବିସୟ୍‌କୁୱିଜୁ ଡ଼ିସ୍‍ସି ସତ୍‌ତି ମାଟେଙ୍ଗ୍‍ୱିଜୁ ଅଜାଦେଙ୍ଗ୍‌ ଆଗ୍‍ଡ଼ି ସନିକା ମାନାତ୍ । ମାଡୁ ଦାର୍ମୁବିସ୍‍ବାସ୍‍ତି ପାର୍‍ତୁମ୍‍ ବିସୟ୍‌କୁୱିଜୁ ଆତାତ୍‍, ତାଗ୍‌ଇ ପାଣିଦାନ୍‌ ତେବାଜି ମାପୁରୁଦିମାନୁ ବିସ୍‍ବାସ୍ କିନାଟ୍‌ ।

అపొస్తు 26:20

ନାନ୍‌ ଆଗ୍‌ଡ଼ି ଦାମାସ୍‍କସ୍‍ ନି ଜିରୁସାଲମ୍‌ତୁ ମାରି ତାନେୱେନ୍‌କା ପୁରାୱିଜୁ ଜିହୁଦା ଦେସ୍‌ତୁ ମାରି ଅଣଜିହୁଦିରି ମାନୁ ପ୍ରଚାର୍‌ କିତା, ଏଣ୍ତେସ୍‌ ୱାର୍‌ ପାପ୍‌ତି ଉଣ୍ତିଙ୍ଗ୍‌ ମୋନ୍‌ ଡ଼େପ୍‌ସି ମାପୁରୁଦି ଲାକ୍‌ତୁ ଡ଼େସିୱାନାର୍‌ ମାରି ୱାର୍‌ ଜେ ଏତ୍‌ କିତାମାନାର୍‌, ଆୟା ପାଣିଦୁ ତର୍‌ନାର୍‌ ।

మత్తయి 22:2

ମାପୁରୁଦିରାଜି ଇୟାୱାଜା । ଅର୍‍ଲେନ୍‍ ଅରେନ୍‍ ରାଜା ନିଜେଦି ମାରିନ୍‌ତିଙ୍ଗ୍‌ ପେଡ଼ି ବୋଜି ତିଆର୍‌କିତାନ୍‌ ।

మత్తయి 25:1

“ଆୟା ବେଡ଼ାଦୁ ମୁସ୍‌କୁପୁର୍‌ତିରାଜି ୱାନିକା ଇୟାୱାଜା ଆନାତ୍‌ । ଦାସ୍‌ଲୋକ୍‌ ରିପାଆଇଲିକ୍‌ ୱିଜେକେ ଉନ୍‌ଡ୍ରି ଉନ୍‌ଡ୍ରି ଦିୱେଙ୍ଗ୍‌ ନିୟୁ ଅସି କାନ୍ୟାମୁରୁଲିଙ୍ଗ୍‌ ମିସାଦେଙ୍ଗ୍‍ ସତେ ସର୍‌ଏମାର୍‌ଏ ।

మత్తయి 23:13

ଏ ଦାର୍ମୁଗୁରୁ ନି ପାରୁସିର୍‌ ମି ୱେନ୍‌କାରି ଦସ୍‌ ଏସା ବୟ୍‌ଙ୍କାର୍‌ ! ଏ ସାଲାକି ଦାର୍ମୁଦଲ୍‌, ମୁସ୍‌କୁପୁର୍‌ରାଜିଦି ଡ଼ୁଗୁନି ସେର୍‌ଲା କେର୍‌ତିମାନିଦେର୍‌ । ମିର୍‌ ନିଜେ ଆବେ ଡ଼ୁଗୁଇଜିନିଦେର୍‌ ମାରି ଆମାକାର୍‌ ଡ଼ୁଗୁଦେଙ୍ଗ୍‌ ବଦାକିଜିନାର୍‌, ୱାରିଙ୍ଗ୍‌ ସାରି ଡ଼ିସ୍‌ଇଜିନିଦେର୍‌ ।

మత్తయి 20:1

ମୁସ୍‌କୁପୁର୍‌ ଇୟାୱାଜା । ଅରେନ୍‍ ଲୋକୁ ଅର୍‍ଲେନ୍‍ ଉଟ୍‌ଲା ନାଡ଼ାକାଦେ ୱାନି ଅଙ୍ଗୁର୍‌ କିଡ଼ିଇଦୁ ପାଣି କିଦେଙ୍ଗ୍‍ ଇଜି ବୁତିଲୋକାଙ୍ଗ୍‌ ପୟ୍‌ଦେଙ୍ଗ୍‌ ସୋତାନ୍‌ ।

మత్తయి 18:23

ଇରିଙ୍ଗ୍‌ ମୁସ୍‌କୁପୁର୍‌ ଇୟାୱାଜା । ଅର୍‍ଲେନ୍‍ ଅରେନ୍‍ ରାଜା ପାଣିକିନିୱାରି ଇସାବ୍‌ଆକୁ ସୁଡ଼ୁଦେଙ୍ଗ୍‌ ଇଜି ବଦାକିତାନ୍‍ ।

మత్తయి 11:20

ଏମେ ଗାଡ଼୍‌କାଙ୍ଗ୍‌ ଜିସୁ ୱାନି ନାଣ୍ତ କାବାଆନି ପାଣି କିତାମାର୍ହାନ୍, ଆୟା ରାଜିତି ଲୋକୁ ୱାରି ପାପ୍‍ତି ଉଣ୍ତିଙ୍ଗ୍‌ ମନ୍‍ତିଙ୍ଗ୍‍ ଡ଼େପ୍‍ଇକା ସୁଡ଼୍‌ଜି, ଜିସୁ ଆୟା ଗାଡ଼୍‌କାଙ୍ଗ୍‌ ବାସେକିଦେଙ୍ଗ୍‍ଆସ୍‍ତାନ୍‍ ।

లూకా 21:31

ଆୟାୱାଜା ମିର୍‌ ବା ଇୟାୱିଜୁ ଗଟନା ସୁଡ଼ୁତିଙ୍ଗ୍‌ ମାପୁରୁଦି ରାଜି ଜେ ଇଗା ୱାତାତ୍‍, ଇକା ନେସ୍‌ତୁ ।

లూకా 16:30

ଆବେନ୍‌ ୱାନ୍‌ ଇର୍ହାନ୍‌, ଏ ବୁବା ଅବ୍ରାହାମ, ଆକା ନାଣ୍ତ ଆଏତ୍‍; ମାତର୍‌ ଜଦି ସାତିମାନିଲୋକା ଲାକ୍‌ତୁରାନ୍‌ ଅରେନ୍‍ ୱାରି ଲାକ୍‌ତୁ ସନାର୍‌, ଆତିଙ୍ଗ୍‌ ୱାର୍‌ ମନ୍‍ତିଙ୍ଗ୍‍ ଡ଼େପ୍‍ନାର୍‍ ।

మత్తయి 25:14

ଆୟା ସମୟ୍‍ତୁ ମୁସ୍‌କୁପୁର୍‌ ଇୟାୱାଜା । ଅରେନ୍‍ ଲୋକୁ ନିଜେଦି ସାକର୍‌କାଙ୍ଗ୍‌ କୁକ୍‌ସି ନିଜେଦି ସମ୍ପତ୍ତି ୱାନି କିୟୁଦୁ ଡ଼ିସ୍‌ତା ସିତାନ୍‌ନୋ ଆଇଦେସ୍‌ତୁ ସନ୍‌ଡ଼୍ରେଙ୍ଗ୍‌ ସୋତାନ୍‌ ।

మత్తయి 13:24

ଜିସୁ ମାରିଉଣ୍ତ୍ରି କାତା ଇଜି ଇର୍ହାନ୍‌ । ମୁସ୍‌କୁପୁର୍‌ ଇୟାୱାଜା ଅରେନ୍‍ ଲୋକୁ ୱାନି କିଡ଼ିଇଦୁ ନେଗି ଗଦ୍‍ମୁ ୱିତୁ ୱିତ୍‍ତାନ୍‍ ।

మత్తయి 4:23

ଜିସୁ ୱିଜୁ ଗାଲିଲି ରାଜି ସୁଡ଼୍‌ଜି ୱିସ୍‍ସି ପାର୍‍ତନାକିନି ଇଲ୍‌କାଙ୍ଗ୍‌ ସିକିୟା ସିଦେଙ୍ଗ୍‍ଆସ୍‍ତାନ୍‍ । ମାପୁରୁଦି ରାଜିଦି ସୁସମାଚାର୍‌ ପ୍ରଚାର୍‌ କିତାନ୍‌ ମାରି ରକମ୍‌ ରକମ୍‌ତି ରଗ୍‌ ନି କାସ୍ଟୁଦୁକା ଆତି ଲୋକାଙ୍ଗ୍‌ ନେଗେନ୍‌କିତାନ୍‌ ।

లూకా 1:16

ମାରି ୱାନ୍‌ ଇସ୍ରାଏଲ୍‌ତି କଡ଼ରି ମାଣ୍‌କୁ ୱିଜୁଲୋକାଙ୍ଗ୍‌ ପ୍ରବୁ ୱାରି ମାପୁରୁମାନୁ ଡ଼େସି ତାନାନ୍‌ ।