మత్తయి 2:11 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹¹ ୱାର୍‌ ଆୟା ଇଲୁ ଲୋଇ ଡ଼ୁଗିତାର୍‍ ମାରି କଡ଼ଦିଙ୍ଗ୍‌ ଆଇସି ମରିୟମ୍‌ତି ୱାଲେ ସୁଡ଼୍‌ଜି ମେଣ୍ତେଙ୍ଗ୍‍ଗଟ୍‍କିଜି ୱାନିଙ୍ଗ୍‌ ମାଡ଼ିସ୍‍କିତାର୍‍ ମାରି ଅର୍‌ସେ ତାତିମାର୍‍ଇ ବାଙ୍ଗାଁରାମ୍‍, କୁନ୍ଦୁରୁ ନି ବାସ୍‌ନା ନିୟୁ ସପ୍‍ସି ୱାନିଙ୍ଗ୍‌ ଦାନ୍‍ ସିତାର୍‍ ।

Konda: కొండ బాసదు నెగ్గి కబ్రు

¹¹ ఇండ్రొ సొహారె అయ్‌సి ఆత్తి మరియ వెట మన్ని కొడొఃదిఙ్‌ సుడిఃతారె ముణుకుఙ్‌ ఊర్‌జి వన్నిఙ్‌ పొగ్‌డిఃజి మాడిఃస్తార్. నస్తివలె వారు ఒత్తిమహి పెటెఙ్‌ రేతారె బఙారం, సాంబ్రాణి, బోలాం ఇనికెఙ్‌ వన్నిఙ్‌ నొండిత సితార్.

మత్తయి 2:11 Referans Kwoze

లూకా 2:16

ଆବେଟ୍‌ ୱାର୍‌ ଦାପ୍ରେ ସଲ୍‌ସି ପଇଜି ଅସି ମରିୟମ୍‌ ମାରି ଜୋସେପତିଙ୍ଗ୍‌ ପ‍ଇତାର୍‌, ମାରି ସାଡ଼ାଦି ଟଙ୍ଗାଁଦୁ କଡ଼ଦିଙ୍ଗ୍‌ ଡରିତିମାର୍‌ଇକା ସୁଡ଼ୁତାର୍‌ ।

మత్తయి 2:2

ମାରି ୱାର୍‌ ୱେନ୍‌ବାତାର୍‌, “ଏମେ କଡ଼ ଜିହୁଦିର୍‌ ରାଜା ଆଦେଙ୍ଗ୍‌ ଜନମ୍‍ ଆତାମାନାନ୍‌, ୱାନ୍‌ ଏମେ ? ପୁର୍ବ ଦେସ୍‌ତୁ ୱାନି ସୁକା ସୁଡ଼୍‌ଜି ୱାନିଙ୍ଗ୍‌ ମାଡ଼ିସ୍‍କିଦେଙ୍ଗ୍‍ ମାପ୍‌ ୱାତାମାନାପ୍‌ ।”

ప్రకటన 19:10

ଆୟା ଦୁତ୍‌ତିଙ୍ଗ୍‌ ପୁଜାକିନି ଉଣ୍ତିଙ୍ଗ୍‌ ନାନୁ ୱାନି କାଲ୍‌କା ଆଡ୍‍ଗି ମାଡ଼ିସିକିତା । ମାତର୍‌ ୱାନ୍‌ ନାଙ୍ଗିଁ ଇର୍‌ଆନ୍‌, “ଆୟାୱାଜା କିମାଟ୍ । ମି ୱାଜା ମାରି ମି ତଡ଼ାନ୍‍କା ୱାଜା ନାନୁ ମାପୁରୁଦି ଅରେନ୍‌ ଦାସ ମାତ୍ର । ମି ୱାଜା ନାନୁ ବା ଜିସୁ ୱେର୍‌ତିମାନି ସତ୍‍ତିଙ୍ଗ୍‌ ମାନାତାମାନା । କେବଲ୍‌ ମାପୁରୁଦି ପୁଜା କିଦୁ । କେବଲ୍‌ ଜିସୁ ୱେର୍‌ତିମାନି ସାକ୍ୟ ସତ୍‌, ଭାବଭାଦିରି ମାଣାନ୍‌କୁ ସିକିୟା ସିଦୁ ।”

మత్తయి 14:33

ଆବେଟ୍‌ ଡଙ୍ଗାଁଦୁମାନି ସିସୁର୍‍ କାବାଆଜି ଜିସୁଙ୍ଗୁଁ ମାଡ଼ିସ୍‍କିଜି ଇର୍ହାର୍‌, “ନିନ୍‌ ସତେନେ ମାପୁରୁଦି ମାରିସି ।”

ప్రకటన 5:8

ୱାନ୍‌ ଇୟା ବଇ ଅନି ଦାପ୍ରେ ନାଲିଗି ଜାତୁଙ୍ଗ୍‌ ମାରି କଡ଼େ ନାଲିଗି ଲୋକୁ ପେରି ନେତାର୍‌ ମେଣ୍ତାପିଲାଦି ଆଗ୍‌ଡ଼ି ମେଣ୍ତେଙ୍ଗ୍‌ ଗଟ୍‌କିଜି ମାଡ଼ିସ୍‌ କିତାର୍‌ । ୱିଜେରି କିୟୁଦୁ ଉନ୍‌ଡ୍ରି ଉନ୍‌ଡ୍ରି ଟଇଲା ମାରି ମାପୁରୁଦି ସେବାକିନିୱାରି ପାର୍‌ତନାୱାଜା ଦୁପୁଣିଦାନ୍‌ ପୁରାବର୍ତି ଉନ୍‌ଡ୍ରି ବାଙ୍ଗାଁରାମ୍‍ତି ଡୁବାଇ ମାରାତ୍ ।

లూకా 2:38

କଡ଼ ଜିସୁ ମନ୍ଦିର୍‌ତୁ ସିଆଇ ଆନିୱାଲେ ହାନା ଆବେନ୍‌ ଇଜି ମାପ୍‌ରୁଙ୍ଗ୍‌ ଦନ୍ୟବାଦ୍‌ ସିତାତ୍‌ ମାରି ମାପୁରୁ ଜିରୁସାଲମ୍‍ତିଙ୍ଗ୍‌ ରକିୟା କିନାନ୍‍ ଇଜି ଏମେକାର୍‌ ବିସ୍‌ବାସ୍‌ କିଜି କାପ୍‌କିଜି ମାର୍‌ଆର୍‌ ଆୟା ୱିଜେରିଙ୍ଗ୍‌ କଡ଼ଦି ବିସୟ୍‌ତାନ୍‌ ୱେର୍‌ତାତ୍‌ ।

మత్తయి 1:18

ଇକା ଆଜିନାତ୍‍ ଜିସୁ କ୍ରିସ୍ତଦି ଜନମ୍‌ତି ମାଟା ଜିସୁ କ୍ରିସ୍ତଦି ଆଇସି ମାର୍ହାତ୍‌ ମରିୟମ୍‌ । ଜିସୁକ୍ରିସ୍ତଦି ଜନମ୍‌ ଇୟାୱାଜା ଆତାମାର୍ହାତ୍‍ । ମରିୟମ୍‍ତିଙ୍ଗ୍‍ ଜୋସେପ୍‌ତି ୱାଲେ ପେଡ଼ିଆଦେଙ୍ଗ୍‍ ଲସ୍‌ତା ମାର୍ହାର୍‌ । ମାତର୍‌ ପେଡ଼ିଆନି ଆଗ୍‌ଡ଼ି ୱେଙ୍ଗିଁତାତ୍‌ ଜେ ମରିୟମ୍‌ ପବିତ୍ର ଆତ୍ମାଦାନ୍‌ ଗାର୍ବୁଦୁତେବାତାମାନାତ୍‍ ।

మత్తయి 2:10

ସୁକାଦିଙ୍ଗ୍‍ ସୁଡ଼୍‌ଜି ୱାରି ଏସା ୱେଡ଼ିକା ଏସା ୱେଡ଼ିକା ଆଜି ନିଙ୍ଗିଁତାର୍‍ ୱାର୍‌ ୱାରି ଆଗ୍‌ଡ଼ି ଆଗ୍‌ଡ଼ି ବୁଲାଜି ସୁକା କଡ଼ ମାର୍‍ଇ ଇଲୁ ମୁସ୍‌କୁ ତେବାତାତ୍‌ ।

మత్తయి 12:46

ଜିସୁ ଲୋକା ୱାଲେ ୱାର୍‍ଗିଜିସାନିୱାଲେ ୱାନି ଆଇସି ନି ତଡ଼ାନ୍‌କୁ ଆୟା ବାଡିଦୁ ୱାଜି ୱାନିଙ୍ଗ୍‌ ଇନିକା ଇନ୍‌ଡ୍ରେଙ୍ଗ୍‌ ଇଜି ଆତ୍‌ରେ କାପ୍‌କିଜି ୱାନିଙ୍ଗ୍‌ କୁକିସ୍‍କିତାର୍‍ ।

యోహాను 19:39

ଆମା ନିକଦିମ ଆଗ୍‌ଡ଼ି ନାଡ଼ା ୱାନି ଲାକ୍‌ତୁ ୱାତାମାର୍ହାନ୍‌, ୱାନ୍‌ ବା ପୁରା ତିରିସ୍‌ କେଜି ବାସ୍‌ନାଦୁମିସାତି ନିୟୁ ଆସ୍‌ସି ୱାତାନ୍‌ ।