మత్తయి 10:5 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁵ ଜିସୁ ଇୟା ବାରଲୋକ୍‌ ସିସୁରିଙ୍ଗ୍‌ ପକ୍‍ନିୱାଲେ ଆଦେସ୍‌ ସିଜିଇର୍ହାନ୍‍, “ମିର୍‌ ଅଣଜିହୁଦିରି ରାଜିଦୁ ସଲ୍‍ମାଟ୍‍ । ମାରି ଆମା ସମିରୋଣ ଗାଡ଼୍‌ତୁ ବା ସଲ୍‍ମାଟ୍‍ ।

Konda: కొండ బాసదు నెగ్గి కబ్రు

⁵ యేసు అయ పనెండు మన్సి సిసూరిఙ్‌పోక్నివలె ఈహు వెహ్తాన్‌. “యూదురు ఆఇవరి నడిఃమి మీరు సొన్మాట్. సమరియదివరి పట్నమ్‌కాఙ్‌బా సొన్మాట్.

మత్తయి 10:5 Referans Kwoze

యోహాను 4:9

ଆବେଟ୍‌ ସମିରୋଣିୟା ଆଇମା ଜିସୁଙ୍ଗୁଁ ଇର୍ହାତ୍‌, ନିନ୍‌ ଅରେନ୍‍ ଜିହୁଦି ମାରି ନାନ୍ ସମିରୋଣିୟା ଏଣ୍ତେସ୍‌ ନା କିୟୁଦାନ୍‌ ଏର୍‌ ଉଣ୍ତେଙ୍ଗ୍‌ ଲସ୍‌ସିନି ? ଇରିଙ୍ଗ୍‌ ସମିରୋଣିୟରି ୱାଲେ ଜିହୁଦିର୍‌ ମିସାଜିସାଏର୍‌ ।

1దెస్స 2:16

ଇୟାୱାଜା ଆମା ସୁସମାଚାର୍‌ ପ୍ରସାର୍‌ଦାନ୍‌ ଅଣଜିହୁଦିରି ରକିୟା ପୁରା ଆଦେଙ୍ଗ୍‌ ଆଟ୍‍ନାତ୍‍, ଆବେଣ୍‌କୁ ୱାର୍‌ ମାଙ୍ଗିଁ ବାଦା ସିନାର୍‌ । ଇୟାୱାଜା ୱାର୍‌ ୱିଜୁଦିନ୍ ନିଜେ ନିଜେଦି ପାପ୍‌ ପୁରା କିଜିମାନାର୍‌ । ସାରାସାରିୱେନ୍‌କା ଇଲେଇ ୱାରି ବିରୁଦ୍‌ତାନ୍‌ ମାପୁରୁଦି ରିସା କାସ୍‌ସିନାତ୍‌ ।

లూకా 17:16

ମାରି ଜିସୁଦି ପାଦାମ୍‌କା ଆଡ୍‍ଗି ଆର୍‍ଜି ୱାନିଙ୍ଗ୍‌ ଦନ୍ୟବାଦ୍‌ ସିଦେଙ୍ଗ୍‍ ଆସ୍‌ତାନ୍‌; ୱାନ୍‌ ଅରେନ୍‍ ସମିରୋଣିୟ ଲୋକୁ ।

అపొస్తు 10:45

ଅଣଜିହୁଦିରି ମୁସ୍‌କୁ ବା ମାପୁରୁ ୱାନି ପବିତ୍ର ଆତ୍ମାଦାନ୍‌ ସିନିମାନିକା ସୁଡ଼୍‌ଜି ପିତରତି ୱାଲେ ୱାତିମାର୍‌ଇ ଜପାଦି ଜିହୁଦି ବିସ୍‌ବାସ୍‌ସିର୍‍ କାବାଆତାର୍‌ ।

లూకా 9:2

ମାରି, ୱାନ୍‌ ୱାରିଙ୍ଗ୍‌ ମାପୁରୁଦି ରାଜିଦି ନେଗିକାବୁର୍‌ ୱେର୍‌ତେଙ୍ଗ୍‌ ମାରି ରୋଗ୍‍ତୁମାନି ଲୋକାଙ୍ଗ୍‌ ନେଗେଣ୍ତ୍‍ କିଦେଙ୍ଗ୍‌ ପୋକ୍‌ତାନ୍‌,

అపొస్తు 1:8

ମାତର୍‌ ମି ମୁସ୍‌କୁ ପବିତ୍ରଆତ୍ମା ରେତାତିଙ୍ଗ୍‌, ମିର୍‌ ସାକ୍ତିଦାନ୍ ପୁରା ଆନିଦେର୍‌ ମାରି ଜିରୁସାଲାମ୍‌, ସାରାୱିଜୁ ଜିହୁଦା ମାରି ସମିରୋଣ ମାରି ଦୁନିଆଦି ସାରାସାରିଇତି ସାନ୍ଦି ନା ଉଣ୍ତିଙ୍ଗ୍‌ ମିର୍‌ ସାକି ଆନିଦେର୍‌ ।”

యోహాను 20:21

ଜିସୁ ୱାରିଙ୍ଗ୍‌ ମାରିଡ଼େସି ଇର୍ହାନ୍‌, “ମିଙ୍ଗିଁ ସାନ୍ତି ଆପିତ୍‌; ବୁବା ଏଣ୍ତେସ୍‌ୱାଜା ନାଙ୍ଗିଁ ପୋକ୍‌ତାତାମାନାନ୍‌, ନାନ୍ ବା ଆୟାୱାଜା ମିଙ୍ଗିଁ ପୋକ୍‌ତାତାମାନା ।”

యోహాను 7:35

ଆବେନୁ ଜିହୁଦି ନେତାର୍‌ ନିଜେ ନିଜେଦିମାନୁ ଇର୍ହାର୍‌, “ଇକାନ୍‌ ଏମେମାନୁ ସନ୍‌ଡ଼୍ରେଙ୍ଗ୍‌ ଇଜି ସତାମାନ୍‌ନାନ୍‌ ଜେ, ମାଡ୍‌ ୱାନିଙ୍ଗ୍‌ ପୋୟଇକା ? ଇକାନ୍‌ ଇନିକା ଗ୍ରିକ୍‌ରି ଗାଡ଼୍‌କାଙ୍ଗ୍‌ ଲୋଇ ଇନିଙ୍ଗାଁ ଆନିଙ୍ଗାଁ ଜିହୁଦିର୍‌ ଲାକ୍‌ତୁ ସୋଲ୍‌ସି ଗ୍ରିକ୍‌ରିଙ୍ଗ୍‌ ସିକିୟା ସିଦେଙ୍ଗ୍‍ ସତାମାନ୍‌ନାନ୍‌ ?

యోహాను 4:5

ଆଦେଙ୍ଗ୍‌ ୱାନ୍‌ ସଲ୍‌ସି ଜାକୁବ ନିଜେଦି ମାରିନ୍‌ ଜୋସେପ୍‌ତିଙ୍ଗ୍‌ ଆମା ବୁମିକାଣ୍ତେକ୍‌ ଦାନ୍‌ ସିତାମାର୍ହାନ୍‌, ଆବେଣି ଲାକ୍‌ତୁରି ସମିରୋଣଦି ସୁକାର ଦର୍‌ତି ଉଣ୍ତ୍ରି ନାର୍‍ତୁ ଇତାନ୍‌;

లూకా 10:33

ମାତର୍‌ ଅରେନ୍‍ ସମିରୋଣିୟ ଲୋକୁ ୱାନି ଲାକ୍‌ତୁ ୱାତାନ୍‌ନୋ ୱାନିଙ୍ଗ୍‌ ସୁଡ଼ୁଜି ନାଣ୍ତ ଦୁଃକ୍‌‍ କିତାନ୍‌,

మత్తయి 4:15

“ସବୁଲୁନ ଦେସ୍‌ ମାରି ନପ୍‍ତାଲି ଦେସ୍‌, ସାମ୍‌ଦୁର୍‌ ଲାକ୍‌ତୁରି, ନି ଜର୍ଦନ ଗାଡା ଆୟା ପାଡ଼ିଦି, ଅଣଜିହୁଦିରି ଗାଲିଲି !

అపొస్తు 8:1

ସ୍ତିପାନ୍‍ତି ସାନିଦଣ୍ତ୍‍ତିଙ୍ଗ୍‍ ସାଉଲ ଉନ୍‌ଡ୍ରେମୋନ୍‌ ଆତାନ୍‌ । ଆୟାନାଣ୍ତିରାନ୍‍ ଜିରୁସାଲାମ୍‌ତି ମଣ୍ତଲି ଉଣ୍ତିଙ୍ଗ୍‌ ନାଣ୍ତ କାସ୍ଟୁଦି ତାଡ଼ନା ଆରାମ୍‌ ଆତାତ୍‌ । ସିସୁରିଙ୍ଗ୍‌ ଡ଼ିସ୍‌ସି ଆଇ ୱିଜେରେ ବିସ୍‍ବାସିର୍‍ ଜିହୁଦା ନି ସମିରୋଣ ରାଜିଦି ଇନିଙ୍ଗାଁ ଆନିଙ୍ଗାଁ ଆତାସର୍ହାର୍‍ ।

యోహాను 8:48

ଜିହୁଦି ନେତାର୍‌ ଜିସୁଙ୍ଗୁଁ ୱେନ୍‌ବାତାର୍‌, “ନିନ୍‌ ଜେ ଅରେନ୍‍ ସମିରୋଣିୟ ମାରି ନିଙ୍ଗିଁ ଜେ ଦୁବା ଆସ୍‍ତାମାନାତ୍‍, ଇକା ଇନିକା ମାପ୍‌ ଟିକ୍‌ ଇନ୍‍ଏପ୍‌ ମାର୍ହାପ୍‍ ?”

యోహాను 4:20

ମା ପୁର୍ବେଦିଡକ୍‌ରାଦାଦାର୍‌ ଇୟା ଗରନ୍‌ତୁ ଉପାସନା କିତାର୍‌, ମାରି, ମିର୍‌ ଜିହୁଦିର୍‌ ଇଜିନିଦେର୍‌, ଏମେ ବାଡିଦୁ ଉପାସନା କିନି ନିୟମ୍‌, ଆକା ଜିରୁସାଲାମ୍‌ ମନ୍ଦିର ।

లూకా 10:1

ଇୟା ୱେନ୍‌କା ପ୍ରବୁ ମାରି ସତୁରୁ ରୁଣ୍ତି ଲୋକାଙ୍ଗ୍‌ ବାସ୍‍ସିକିତାନ୍‍ ମାରି ନିଜେ ଏମେ ଏମେ ଗାଡ଼୍‌କାଙ୍ଗ୍‌ ମାରି ବାଡିଦୁ ସନ୍‌ଡ଼୍ରେଙ୍ଗ୍‌ ବଦାକିତାମାର୍ହାନ୍‍, ଆୟା ଆୟା ବାଡିଦୁ ରିଏର୍‌ ରିଏର୍‌ କିଜି ୱାରିଙ୍ଗ୍‌ ୱାନି ଆଗ୍‌ଡ଼ି ପୋକ୍‌ତାନ୍‌ ।

మత్తయి 22:3

କୁକ୍‌ତିମାରିଇ ଲୋକାଙ୍ଗ୍‌ ବୋଜିଦୁ କୁକ୍‍ସ ତାତେଙ୍ଗ୍‌ ଇଜି ୱାନ୍‌ ସାକର୍‌କାଙ୍ଗ୍‌ ପୋକ୍‌ତାନ୍‌ । ମାତର୍‌ ଆୟା ଲୋକୁ ୱାଦେଙ୍ଗ୍‌ ବଦା କିଏତାର୍‌ ।

మార్కు 6:7

ୱେନ୍‌କା ଜିସୁ ସାରିବେଡ଼୍‍ତି ନାର୍‍କାଙ୍ଗ୍‍ଁ ନାର୍‍କାଙ୍ଗ୍‍ଁ ବୁଲାଜି ଶିକ୍ଷା ସିଦେଙ୍ଗ୍‍ ଆସ୍‌ତାନ୍‌ । ଆୟାୱାଲେ ଜିସୁ ବାରଲୋକ୍‌ ସିସୁରିଙ୍ଗ୍‌ ଲାକ୍‌ତୁ କୁକ୍‍ତାନ୍‍ନୋ ୱାରିଙ୍ଗ୍‌ ରିଏର୍‌ ରିଏର୍‌ କିଜି ପୋକ୍‌ତେଙ୍ଗ୍‌ ଆସ୍‌ତାନ୍‌ ମାରି ୱାରିଙ୍ଗ୍‌ ତାଗ୍‌ଇ ଆତ୍‌ମେଙ୍ଗ୍‌ଆଙ୍ଗ୍‌ ପେର୍‍ଦେଙ୍ଗ୍‍ ଅଦିକାର୍‍ ସିତାନ୍‌,

లూకా 9:1

ଆୟାୱାଲେ ଜିସୁ ବାର ଲୋକୁ ସିସୁରିଙ୍ଗ୍‌ କୁକ୍‌ସି ଉନ୍‌ଡ୍ରେମାନୁ ଉଣ୍ତା କିଜି ୱାରିଙ୍ଗ୍‌ ୱିଜୁ ଦୁବେଙ୍ଗାଁ ଡ଼ିସ୍‍ତେଙ୍ଗ୍‍ଁ, ମାରି ରୋଗ୍‍ତିଙ୍ଗ୍‍ ନେଗେଣ୍ତ୍‌ କିଦେଙ୍ଗ୍‌ ସାକ୍ତି ମାରି ଅଦିକାର୍‍ ସିତାନ୍‌ ।

యోహాను 17:18

ନିନ୍‌ ନାଙ୍ଗିଁ ଏଣ୍ତେସ୍‌ ଦୁନିଆଦୁ ପୋକ୍‌ତାତିମାନି, ନାନ୍ ବା ୱାରିଙ୍ଗ୍‌ ଆୟାୱାଜା ଦୁନିଆଦୁ ପୋକ୍‌ତାତାମାନା ।