లూకా 4:15 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁵ ମାରି, ଜିସୁ ୱାରି ପାର୍‍ତନାକିନି ଇଲ୍‌କାଙ୍ଗ୍‌ ସିକିୟା ସିଜି ୱିଜେରି ମାଣାନ୍‌ ଦନ୍ୟବାଦ୍‌ ପ‍ଇଦେଙ୍ଗ୍‌ ଆସ୍‌ତାନ୍‌ ।

Konda: కొండ బాసదు నెగ్గి కబ్రు

¹⁵ వాండ్రు యూదురి మీటిఙ్‌ ఇల్కాఙ్‌ నేర్‌పిస్తాన్. విజెరె వన్నిఙ్‌ పొగిడిఃతార్.

లూకా 4:15 Referans Kwoze

మత్తయి 4:23

ଜିସୁ ୱିଜୁ ଗାଲିଲି ରାଜି ସୁଡ଼୍‌ଜି ୱିସ୍‍ସି ପାର୍‍ତନାକିନି ଇଲ୍‌କାଙ୍ଗ୍‌ ସିକିୟା ସିଦେଙ୍ଗ୍‍ଆସ୍‍ତାନ୍‍ । ମାପୁରୁଦି ରାଜିଦି ସୁସମାଚାର୍‌ ପ୍ରଚାର୍‌ କିତାନ୍‌ ମାରି ରକମ୍‌ ରକମ୍‌ତି ରଗ୍‌ ନି କାସ୍ଟୁଦୁକା ଆତି ଲୋକାଙ୍ଗ୍‌ ନେଗେନ୍‌କିତାନ୍‌ ।

మత్తయి 9:8

ଲୋକୁ ଇକା ସୁଡ଼୍‌ଜି ତିଲାତାର୍‍ । ମାତର୍‌ ଲୋକ୍‌ତିଙ୍ଗ୍‌ ଇୟାୱାଜା ଅଦିକାର୍‌ ସିତାମାନାନ୍‍ଆକା ୱାର୍‌ ମାପୁରୁଦି ଦନ୍ୟବାଦ୍‍ କିତାର୍‍ ।

లూకా 13:10

ଅର୍‍ଲେନ୍‍ ଜିସୁ ରମ୍‌ନିନାଣ୍ତିଙ୍ଗ୍‌ ଉଣ୍ତ୍ରି ପାର୍‌ତନା ଇଲୁଦୁ ସିକିୟା ସିଜିମାର୍ହାନ୍‍ ।

మార్కు 1:45

ମାତର୍‌ ଆକାନ୍‍ ସତା ସର୍‌ଆନ୍‌ ନୋ ଇୟା ମାଟା ୱିଜୁ ତରିନ୍‌ ଇଜି ବୁଲାତାନ୍‌ ଜେ, ଜିସୁ ମାରି ପ୍ରଚାର୍‌ କିଦେଙ୍ଗ୍‌ ତରାଜି ଏମେ ନାର୍‍ତୁବା ସନ୍‌ଡ଼୍ରେଙ୍ଗ୍‌ ଆଟ୍‍ଏତାନ୍‍, ମାତର୍‌ ଜିସୁ ଆତ୍‌ରେ ସିମ୍ରା ବାଡିଦୁ ମାନ୍‌ଜି ମାର୍‌ଆନ୍‌; ମାରି ୱିଜୁ ତରିଣ୍‍ତି ଲୋକୁ ଜିସୁ ଲାକ୍‌ତୁ ୱାଦେଙ୍ଗ୍‌ ଆସ୍‌ତାର୍‌ ।

మార్కు 1:39

ଆୟାୱେନ୍‌କା ଜିସୁ ଗାଲିଲି ରାଜିଦି ୱିଜୁ ନାର୍‍କାଙ୍ଗ୍‍ଁ ବୁଲାଜି ବୁଲାଜି ୱାରି ୱିଜୁ ପାର୍‍ତନାକିନି ଇଲ୍‌କାଙ୍ଗ୍‌ ପ୍ରଚାର୍‌ କିତାନ୍‌ ମାରି ଦୁବେଙ୍ଗ୍‍ ଆସ୍‍ତି ଲୋକାଙ୍ଗ୍‌ ଡ଼ିସ୍‍ପିସ୍‍ତାନ୍‍ ।

మార్కు 1:27

ଆବେ ମାର୍‍ଇ ଲୋକ୍‌ଡର୍‌ କାବାଆତା ସର୍‌ଆର୍‌ନୋ ୱାରି ୱାରି ଲୋଇ ୱାର୍‍ଗିଜି ସାତାର୍‌, “ଇକା ଇନିକା ? ଇକା ତୋ ଉଣ୍ତ୍ରି ଅଦିକାର୍ ମାନି ପୁନି ସିକିୟା, ୱାନ୍‌ ତାଗ୍‌ଇ ଆତ୍ମେଆଙ୍ଗ୍‌ ବା ଆଦେସ୍‌ ସିନାନ୍‍, ମାରି ତାଗ୍‌ଇ ଆତ୍‍ମେଙ୍ଗ୍‍ ୱାନି ଆଦେସ୍‌ ମାନାନେ ।”

మత్తయి 13:54

ମାରି, ଜିସୁ ନିଜେଦି ବୁବାସି ଗାଡ଼୍‌ତୁ ୱାଜି ଲୋକାଙ୍ଗ୍‌ ୱାରି ପାର୍‍ତନା କିନି ଇଲୁଦୁ ଇୟାୱାଜା ସିକିୟା ସିତାନ୍‌ ଜେ, ୱାର୍‌ କାବାଆଜି ଇର୍ହାର୍‌, “ଇୟାୱାଜା ବୁଦି ମାରି ସାକ୍ତିଦି ପାଣି ଏମେଣ୍‌କୁ ପୟ୍‌ତାନ୍‌ ?” ୱାର୍‌ ୱେନ୍‌ବାତାର୍‌, “ଇୟା କାବାଆନିପାଣିଦି ବିସୟ୍‌ତାନ୍‌ ଇନିକା ?”

మత్తయి 9:35

ଜିସୁ ବୁଲାଜି ବୁଲାଜି ନାଣ୍ତ ଗାଡ଼୍‌କାଙ୍ଗ୍‌ ନି ନାର୍‍କାଙ୍ଗ୍‍ଁ ସର୍ହାନ୍‍ । ୱିଜୁ ବାଡିଆଙ୍ଗ୍‍ ୱାନ୍‌ ପାର୍‍ତନାକିନି ଇଲ୍‌କାଙ୍ଗ୍‌ ସିକିୟା ସିତାନ୍‌, ମାପୁରୁଦି ରାଜିଦି ନେଗିକାବୁର୍‌ ପ୍ରଚାର୍‌ କିତାନ୍‌ ମାରି ନବ୍‍ଆତିୱାରିଙ୍ଗ୍‍ ନି ରଗ୍‌ ଲୋକାଙ୍ଗ୍‌ ନେଗେନ୍‌କିତାନ୍‌ ।

లూకా 4:16

ଜିସୁ ଏମେ ନାଜରିତ ଗାଡ଼୍‌ତୁ ପିରିତା ମାର୍ହାନ୍‌, ଆୟା ବାଡ଼ିଦୁ ଆୟା ଦାପ୍ରେ ସର୍‌ଆନ୍‌ ମାରି ନିଜେଦି ରିତିଦାନ୍‌ ରମ୍‌ନିନାଣ୍ତିଙ୍ଗ୍‌ ପାର୍‌ତନା କିନି ଇଲୁଦୁ ଡ଼ୁଗିତାନ୍‌, ମାରି ସାସ୍ତ୍ର ପଡ଼ାଦେଙ୍ଗ୍‌ ନିର୍‌ଆନ୍‌ ।