లూకా 3:22 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²² ମାରି ପବିତ୍ର ଆତ୍ମା ପାର୍‍ୱାଦି ୱାଜା ୱାନି ମେନ୍ଦଲ୍‍ ମୁସ୍‌କୁ ୱାଜି ବାସ୍‌ତାତ୍‌; ମାରି, ବାଦଡ଼୍‍ତାନ୍ ଇୟା ବଲ୍ ୱାତାତ୍‍, “ନିନୁ ନା ଲାଡ୍‍ତି ମାରିନ୍‌, ନିବାନୁ ନାନ୍ ନାଣ୍ତ ୱେଡ଼ିକା ।”

Konda: కొండ బాసదు నెగ్గి కబ్రు

²² వాండ్రు పార్దనం కిజి మహివలె, ఆగాసం రెయ్‌ ఆతాదె దేవుణు ఆత్మ ఉండ్రి పార పొటిఙ్‌ మూర్తి లెకెండ్‌ డిఃగ్‌జి వన్ని ముస్కు వాతాద్. అయావలె, “నీనె నాను ప్రేమిస్ని నా మరిన్. నీ వందిఙ్‌ నాను నండొ సర్‌ద ఆజిన”, ఇజి పరలోమ్‌దాన్‌ ఉండ్రి జాటు వాతాద్.

లూకా 3:22 Referans Kwoze

యోహాను 1:32

ମାରି ଜୋହନ ସାକି ସିଜି ଇର୍ହାନ୍‌, “ନାନ୍ ପବିତ୍ର ଆତ୍ମା ପାର୍‍ୱାଦି ୱାଜା ବାଦଡ଼୍‍ତାନ୍‍ ରେତାଜି ୱାଦ୍‌ ୱାନି ମୁସ୍‌କୁ ବାସ୍‍ନିକା ସୁଡ଼ୁତା ।

మత్తయి 17:5

ପିତର୍‌ ଇୟା ମାଟା ଇନିୱାଲେ ଖାଣ୍ତେକ୍‍ ବାଦଡ଼୍‍ ଇମ୍‌ଜି ୱାତା ଦୋ ୱାରିଙ୍ଗ୍‌ ବାଦଡ଼୍‍ତି ନିଡ଼୍‍ଗା ପିଡ଼ିକ୍‍ତାତ୍‍ ମାରି ଆବେଟ୍‌ତାନ୍‌ ଉନ୍‌ଡ୍ରି ବଲ୍ ୱାତାତ୍‍, “ଇୟାକାନ୍‌ ନା ଲାଡ୍‍ତି ମାରିନ୍‌, ୱେନିମାନୁ ନାନ୍ ନାଣ୍ତ ୱେଡ଼ିକା । ୱେନି ବାକ୍ୟ ୱେନ୍‌ଡ୍ରୁ ।”

అపొస్తు 10:38

ମିର୍‌ ନାଜରିତଦି ଜିସୁଦି ବିସୟ୍‌ତାନ୍‌ ମାରି ମାପୁରୁ ଏଣ୍ତେସ୍‌ ୱାନି ମୁସ୍‌କୁ ପବିତ୍ର ଆତ୍ମା ନି ସାକ୍ତି ସିତାମାର୍ହାନ୍‍, ଆକା ନେସ୍‌ନିଦେର୍‌ । ୱାନ୍‌ ୱିଜୁ ତରିନ୍‌ ସଲ୍‍ସି କାବାଆନି ପାଣି କିତାନ୍‌ । ସୟତାନ୍‍ତି ଅଦିକାର୍‍ତାନ୍‍ ମାନି ଲୋକାଙ୍ଗ୍‍ଗଁ ନେଗେନ୍‌ କିତାନ୍‌, ଇରିଙ୍ଗ୍‌ ମାପୁରୁ ୱାନି ୱାଲେ ମାର୍ହାନ୍‍ ।

మత్తయి 3:17

ତାନିୱେନ୍‍କା ମୁସ୍‌କୁପୁର୍‌ତାନ୍‌ ବଲ୍ ୱାତାତ୍‍, “ଇକାନ୍‌ ନା ଲାଡ୍‍ତି ମାରିନ୍‌, ୱାନିମାନୁ ନାନ୍ ୱେଡ଼ିକା ।”

୧ ପିତର 2:4

ମିର୍‌ ଆମା ଜିବନ୍‌ମାନି କାଲୁ ୱାଜା ମାପୁରୁ ଦାରାସିଲିକା ଅଡ଼୍‍ବିଜି ଡ଼ିସ୍‌ତାର୍‌, ୱାନି ଲାକ୍‌ତୁ ରାଦୁ, ଇରିଙ୍ଗ୍‌ ୱାନ୍‌ ମାପୁରୁଦି ଲାକ୍‌ତୁ ଆସ୍‌କିଆୟ୍‌ଆତାମାନାନ୍‌ ମାରି ନାଣ୍ତ୍‌ଦାରା ମାନାନ୍‌ ।

మత్తయి 12:18

“ଇକାନ୍‌ ନା ଦାସ୍‌, ଏମେୱାନିଙ୍ଗ୍‌ ନାନ୍ ବାସେକିତାମାନା, ୱାନିଙ୍ଗ୍‌ ନାନ୍ ଲାଡ୍‍କିନା, ୱାନି ଉଣ୍ତିଙ୍ଗ୍‌ ନାନ୍ ୱେଡ଼ିକା । ନା ଆତ୍ମା ୱାନି ମୁସ୍‌କୁ ରେତାନାତ୍‍; ୱିଜୁ ଅଣଜିହୁଦି ଲୋକାମାନୁ ୱାନ୍‌ ନା ବିସାର୍‌କିନି ବିସୟ୍‌ ୱେର୍‌ନାନ୍‌ ।

కొలొసి 1:13

ୱାନ୍‌ ମାଙ୍ଗିଁ ସିକାଟିଦି ସାକ୍ତିଦାନ୍‌ ଉଦାର୍‌ କିତାମାନାନ୍‌ ମାରି ତିର୍‌ତାନ୍‌ ମାଙ୍ଗିଁ ୱାନି ଲାଡ୍‍ତି ମାରିନ୍‌ତି ରାଜିଦୁ ତାତାମାନାନ୍‌,

లూకా 4:21

ମାରି, ଜିସୁ ୱାରିଙ୍ଗ୍‌ ୱେର୍‌ତାନ୍‌, “ନାନ୍ ବଇଦି ଏମେ ବିସୟ୍‌ ଇଲେଇ ପଡ଼ାତା, ଆମାକା ମିର୍‌ ୱେରିଦେର୍‍ ଦାର୍ମୁସାସ୍ତ୍ରଦି ଇୟା ବାକ୍ୟ ଇଲେଇ ନେକ୍‌କା ଆତାତ୍‌ ।”

మత్తయి 27:43

ୱାନ୍‌ ନିଜେଦିଙ୍ଗ୍‌ ମାପୁରୁଦି ମାରିନ୍‌ ଇନ୍‌ଞ୍ଜି ମାପୁରୁଦି ମୁସ୍‌କୁ ଆସାଇଟ୍‌ତାମାନାନ୍‌ । ଆର୍‌ତିଙ୍ଗ୍‌ ସୁଡ଼ୁନାଟ୍‌, ମାପୁରୁ ଇଲେଇ ୱାନିଙ୍ଗ୍‌ ଜିପିସ୍‌ କିଦେଙ୍ଗ୍‌ ବଦାକିଜିନାନ୍‌ ନୋ ସିଲେ ।”

మత్తయి 3:13

ନାସ୍ତିୱାଲେ ଜିସୁ ଗାଲିଲିଦାନ୍‌ ୱାଜି ଡୁବନ୍‌ ଅତେଙ୍ଗ୍‌ ଜର୍ଦନ ଗାଡାଦୁ ଯୋହନତି ଲାକ୍‌ତୁ ଇଗା ୱାତାନ୍‌ ।

మత్తయి 3:16

ଜିସୁ ଡୁବନ୍‌ ଅସି ଏର୍‍ତାନ୍‍ ନିଙ୍ଗିଁଜି ୱାତି ଦାପ୍ରେ ୱାନ୍‌ ସୁଡ଼ୁତାନ୍‌ ମୁସ୍‌କୁପୁର୍‌ ରେଆତାମାନାତ୍‍ ମାରି ପବିତ୍ର ଆତ୍ମା ପାର୍‍ୱାଦି ୱାଜା ରେତାଜି ୱାଜି ୱାନି ମୁସ୍‌କୁ ବାସ୍‌ତାତ୍‌ ।

మార్కు 1:9

ନାସ୍ତିୱାଲେ ଜିସୁ ଗାଲିଲି ରାଜିଦି ନାଜରିତ ଦର୍‌ତି ନାଟାଣ୍‍କୁ ୱାଜି ଜର୍ଦନ ଗାଡାଦୁ ଜୋହନମାନୁ ୱାନ୍‌ ଡୁବନ୍‌ ଅତାନ୍‍ ।

మార్కు 1:11

ନାସ୍ତିୱାଲେ ବାଦଡ଼୍‍ତାନ୍‍ ଉଣ୍ତ୍ରି ବଲ୍ ୱେଙ୍ଗିଁତାତ୍‍, “ନିନୁ ମା ଲାଡ୍‍ତି ମାରିନ୍‌, ନିବାନ୍‍ ମାପୁ ନାଣ୍ତ ୱେଡ଼ିକା ।”

మార్కు 9:7

ମାରି, ଖାଣ୍ତେକ୍‍ ବାଦଡ଼୍‍ ଇମ୍‌ଜି ୱାତା ଦୋ ୱାରିଙ୍ଗ୍‌ ବାଦଡ଼୍‍ତି ନିଡ଼୍‍ଗା ପିଡ଼ିକ୍‍ତାତ୍‍; ମାରି ଆୟା ବାଦଡ଼ତାନ୍‍ ଉଣ୍ତ୍ରି ବଲ୍ ୱାତାତ୍‍, “ଏ ନା ଲାଡ୍‍ତି ମାରିନ୍‌, ୱାନି ବାକ୍ୟ ୱେନ୍‌ଡ୍ରୁ ।”

లూకా 2:14

“ମୁସ୍‌କୁପୁର୍‌ତୁ ମାପୁରୁଦିଙ୍ଗ୍‌ ମହିମା ଆପିତ୍‌, ମାରି ଇୟାୱିଜୁ ଦୁନିଆଦି ଏମେ ଲୋକା ମୁସ୍‌କୁ ମାପ୍‌ରୁ ୱେଡ଼ିକା ମାନାନ୍‌ ଆୟା ଲୋକାମାନୁ ସାନ୍ତି ରାପ୍‌ତି ।”

యోహాను 5:37

ମାରି, ଏମେ ବୁବା ନାଙ୍ଗିଁ ପକ୍‌ତାନ୍‌, ୱାନ୍‌ ନା ବିସୟ୍‌ତାନ୍‌ ସାକି ସିତାମାନାନ୍‌ । ମିର୍‌ ଏସାଙ୍ଗ୍‍ ବା ୱାନି ବଲ୍ ୱେନ୍‍ଇଦେର୍‍ କି ୱାନି ମକମ୍‌ ସୁଡ଼ୁଇଦେର୍‍ ।

యోహాను 12:28

“ବୁବା, ନିନ୍‌ ଦର୍‌ ଦନ୍ୟବାଦ୍‌ କିଆ । ଆବେଟ୍‌ ବାଦଡ଼ତାନ୍‍ ଇୟା ବଲ୍ ୱାତାତ୍‍ ମାପ୍‌ ଆକା ମହିମାନିତ କିତାମାନାପ୍‍, ମାରିଡ଼େସି ମହିମାନିତ କିନାପ୍‍ ।”