లూకా 11:13 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹³ ମିର୍‌ ତାଗ୍‌ଇ ଲୋକୁ ଆତିଙ୍ଗ୍‌ବା ଏସାଙ୍ଗ୍‍ ନିଜେ ନିଜେରି କଡ଼ରିଙ୍ଗ୍‌ ନେଗି ନେଗି ଜିନିସ୍‌ ସିଦେଙ୍ଗ୍‍ ନେସ୍‌ନିଦେର୍‌, ଆରିଙ୍ଗ୍‌ ଏମେ ବୁବା ମୁସ୍‌କୁପୁର୍‌ତାନ୍‌ ସିନାନ୍‍, ୱାନ୍‌ ୱାନିମାନୁ ଲୋସ୍‍ନି ଲୋକାଙ୍ଗ୍‌ ଏସୋ ନାଣ୍ତୱାଜା ପବିତ୍ରଆତ୍ମା ସିନାନ୍‍ !

Konda: కొండ బాసదు నెగ్గి కబ్రు

¹³ అహిఙ, మీరు సెఇకిదెర్‌ ఆతిఙ్‌బా, మీ కొడొఃరిఙ్‌ నెగ్గి ఇనాయమ్‌కు సీదెఙ్‌ నెస్నిదెర్. అహిఙ, ముస్కు మన్ని మీ బుబ్బ వన్నిఙ్‌ లొస్ని వరిఙ్‌ ఎసొనొ దేవుణు ఆత్మ సీనాన్”.

లూకా 11:13 Referans Kwoze

మత్తయి 7:11

ମିର୍‌ ତାଗ୍‌ଇ ଲୋକୁ ଆତିଙ୍ଗ୍‌ବା ଏସ୍ତିୱାଲେ ନିଜେଦି ନିଜେଦି କଡ଼ରିଙ୍ଗ୍‌ ନେଗି ନେଗି ଜିନିସ୍‌ ସିଦେଙ୍ଗ୍‍ ନେସ୍‌ନିଦେର୍‌, ଆରିଙ୍ଗ୍‌ ମି ମୁସ୍‌କୁପୁର୍‌ତି ବୁବା ୱାନି ମାନୁ ଲୋସ୍‍ନି ଲୋକାଙ୍ଗ୍‌ ଏସ ନାଣ୍ତ ନେଗି ନେଗି ଜିନିସ୍‌ ସିଏନ୍‍ନ !

యోహాను 4:10

ଜିସୁ ତାନିଙ୍ଗ୍‌ ଇର୍ହାନ୍‌, ମାପୁରୁ ଇନିକା ସିଦେଙ୍ଗ୍‍ ଆଟ୍‍ନାନ୍‍, ନିନ୍‌ ଜଦି ନେସ୍‍ତିମାନ୍ଦି ମାରି ଏନ୍‌ ନି କିୟୁଦାନ୍‌ ଏର୍‌ ଉଣ୍ତେଙ୍ଗ୍‌ ବଦାକିଜିନାନ୍‌ ଆରିଙ୍ଗ୍‌ ଜଦି ନିନ୍‌ ୱାନିଙ୍ଗ୍‌ ଲସ୍‌ତିମାନ୍ଦି, ମାରି ୱାନ୍‌ ନିଙ୍ଗିଁ ଜିବନ୍‌ତି ଏରୁ ସିତାନ୍‌ମାନ୍ଦି ।

ରୋମିୟ 8:32

ମାପୁରୁ ଏସାଙ୍ଗ୍‍ଁବା ମା ବିରୁଦ୍‍ ସିଲେ, ଇରିଙ୍ଗ୍‍ଁ ୱାନ୍‌ ନିଜେଦି ମାରିସିଙ୍ଗ୍‍ଁ ବା ରକିୟା କିଏନ୍‍ଣ୍ତା ମା ଉଣ୍ତିଙ୍ଗ୍‍ଁ ଦାନ୍‍ କିତାମାନାନ୍‌ । ଆର୍‍ତିଙ୍ଗ୍‍ଁ, ୱାନ୍‌ ଇନିକା ମାଙ୍ଗିଁ ୱିଜୁ ବିସୟ୍‍ଦାନ୍‍ କିଏନ୍‌ ନୋ ?

అపొస్తు 2:38

ପିତର ୱାରିଙ୍ଗ୍‌ ଇର୍ହାନ୍‌, “ମିର୍‌ ୱିଜେରେ ପାପ୍‌ତାନ୍‌ ଡ଼େସିୱାଜି ମି ପାପ୍‌ କେମା ଆନି ଉଣ୍ତିଙ୍ଗ୍‌ ଜିସୁ କ୍ରିସ୍ତଦି ଦର୍‌ତାନ୍‌ ଡୁବନ୍‌ ଅତୁ; ଆର୍‌ତିଙ୍ଗ୍‌ ମିର୍‌ ମାପୁରୁଦି ଦାନ୍‌ ପବିତ୍ର ଆତ୍ମା ପୟ୍‌ନିଦେର୍‌ ।

మత్తయి 6:14

ମି ବିରଦ୍‌ତାନ୍‌ ଦସ୍‌ କିତିମାନି ଆଇୱାରିଙ୍ଗ୍‌ ଜଦି ମିର୍‌ କେମାକିନିଦେର୍‍, ମି ମୁସ୍‌କୁପୁର୍‌ତି ବୁବା ବା ମିଙ୍ଗିଁ କେମାକିନାନ୍‍ ।

మత్తయి 6:32

ଏମେକାର୍‌ ମାପୁରୁଙ୍ଗ୍‍ଁ ନେସ୍‌ଇମାନି ଅଣଜିହୁଦି ଲୋକୁ ଇୟାୱିଜୁ ବିସୟ୍‌ ପୟ୍‌ଜି ଅନାର୍‍ । ମାରି ଇୟାୱିଜୁ ବିସୟ୍‌ ଜେ ମି ଦର୍‌କାର୍‌ମାନାତ୍‌, ଆକା ମି ମୁସ୍‌କୁପୁର୍‌ତି ବୁବା ନେସ୍‌ନାନ୍‌ ।

లూకా 11:2

ଆବେଟ୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, ଏସ୍ତିୱାଲେ ମିର୍‌ ପାର୍‌ତନା କିନିଦେର୍‍, ନାସ୍ତିୱାଲେ ଇନ୍‍ଡ୍ରୁ, ବୁବା, ନି ପବିତ୍ର ଦରୁ ପେରିକାଆପିତ୍‍ । ନି ରାଜି ରାପିତ୍‍ ।

మత్తయి 6:30

ମାତର୍‌ ନେର୍‌ ଆମା ଲାଟା କିଡ଼ିଇଦୁ ମାନାତ୍‌, ୱିଗେରିଙ୍ଗ୍‌ ତେବାଏତ୍‍ କୟାୟ୍‍ଆଜି ସିସୁଗୁଟାଦୁ ପୋକ୍‌ନାର୍‌ । ମାତର୍‌ ଆୟାୱିଜୁ ବା ମାପୁରୁ ଏସା ସୁନ୍ଦର୍‌ ଆଙ୍ଗିଁଆଣ୍‍ ରସ୍‍ତାମାନାନ୍‍ । ମିଙ୍ଗିଁ ଆଙ୍ଗିଁପାସିୟା ସିଦେଙ୍ଗ୍‍ ଇଜି ୱାନ୍‌ ଇନିକା ନାଣ୍ତ ସୁଡ଼ୁଏନ୍‌ ? ମି ବିସ୍‌ବାସ୍‌ ସତେ ଏସା ଉଣା !

మత్తయి 5:45

ଇୟାୱାଜା କିତିଙ୍ଗ୍‌ ମୁସ୍‌କୁପୁର୍‌ତି ବୁବା ମାପୁରୁଦି କଡ଼ର୍‌ ଇଜି ୱେଙ୍ଗିଁନିଦେର୍‍ । ଇରିଙ୍ଗ୍‌ ମାପୁରୁ ନେଗିୱାରି ନି ତାଗ୍‍ଇୱାରି ଲୋକାମୁସ୍‍କୁ ୱାନି ୱେଡ଼ା ଜାୟ୍‌ ସିନାନ୍‍, ମାରି ସତ୍‍ପାଣି ନି ତାଗ୍‌ଇପାଣି କିନି ୱିଜେରିଙ୍ଗ୍‍ ପିର୍‍ରୁ ସିନାନ୍‍ ।

మత్తయి 5:16

ଆୟାୱାଜା ମି ଜାୟ୍‌ ଲାକ୍‌ତୁ ତରାଇଆପିତ୍‍ । ଆରିଙ୍ଗ୍‌ ମି ସତ୍‍ପାଣି ସୁଡ଼୍‌ଜି ୱାର୍‌ ମି ମୁସ୍‌କୁପୁର୍‌ତି ବୁବା ମାପୁରୁଦି ଦନ୍ୟବାଦ୍‌ କିନାର୍‍ ।

ରୋମିୟ 7:18

ନାନୁ ନେସ୍‍ନା, ନା ଲୋଇ ମାରି ନା ଲୋକ୍‍ ଗୁଣ୍‍ତୁ ଇନି ନେଗିକା ସିଲେତ୍‍, ଇରିଙ୍ଗ୍‌ ନେଗିପାଣି କିଦେଙ୍ଗ୍ଁ ନା ବଦା ମାରିଙ୍ଗ୍ଁ ବା ଆକା କିଦେଙ୍ଗ୍‍ଁ ଆଟ୍‌ଏଜିନା ।

ରୋମିୟ 5:17

ମାରିବା ଅରେନ୍‍ ଲୋକ୍‍ତି ପାପ୍‍ ଉଣ୍ତିଙ୍ଗ୍‍ଁ, ସାନି ସାସନ୍‍ କିନିକା ୱାତାତ୍‍; ମାତର୍‌ ମାରି ଅରେନ୍‍ ଅର୍ତାତ୍‍ ଜିସୁ କ୍ରିସ୍ତ ଆମାକା କିତାମାନାନ୍‌, ଆକା ଏସା ପେରିକା । ଏମେ ୱିଜେରେ ମାପୁରୁଦି ପେରି ଦୟାଦାନ୍‍ ଆର୍‍ଏନେ ମାପୁରୁଦି ଲାକ୍‍ତୁ ଦାର୍ମୁତିକାର୍‍ ଆନାର୍‍, ୱାର୍‌ କ୍ରିସ୍ତଦି ୱାଲେ ଜିଣାନି ଜିବନ୍‌ କାଟେକିନାର୍‍ ।

తీతు 3:3

ମାପ୍‌ ନିଜେ ଅର୍‍ଲେନ୍‍ ବୁଦିସିଲିକା, ମାନାଏଜି ମାରି ବାୟା ମାର୍ହାପ୍‌, ୱିଜୁ ରକମ୍‍ତି ସୁକ୍‌ବୋଗ୍‌ ମାରି ତାଗ୍‍ଇ ବିସୟ୍‌କାଙ୍ଗ୍‌ ୱିଜୁ ତେବାତା ମାର୍ହାପ୍‌; ଆକାର୍‍ ମାରି ରିସାଦାନ୍‌ ଦିନ୍‌କାଟେକିଜି ମାର୍ହାପ୍‌; ଆଇକାର୍‌ ମାଙ୍ଗିଁ କାଡ଼୍‌ଜି ମାର୍ହାର୍‌, ମାପ୍‌ ବା ୱାରିଙ୍ଗ୍ କାଡ଼୍‌ଜି ମାର୍ହାପ୍‌ ।

లూకా 11:12

ମାରି କରୁ ଗୁଡୁ ଲୋସ୍‍ତିଙ୍ଗ୍‍ ୱାନ୍‌ ୱାନିଙ୍ଗ୍‌ ସର୍‍କୁପି ସିନାନ୍‍ ନୋ ?

లూకా 18:7

ମାରି ମାପୁରୁଦି ଏମେ ସେବାକିନି ଲୋକୁ ୱେଡ଼େନାଡ଼ା ୱାନିଙ୍ଗ୍‌ କୁକ୍‍ସିମାନାର୍‍, ୱାନ୍‌ ନୋ ୱାରି ଉଣ୍ତିଙ୍ଗ୍‌ କିତିମାନି ତାଗ୍‌ଇ ପାଣିଦି ଉଣ୍ତିଙ୍ଗ୍‌ ୱାରିଙ୍ଗ୍‌ ସାକା କିଏନ୍‍ ନୋ, ୱାନ୍‌ ୱାରିଙ୍ଗ୍‌ ସାହାଜ୍ୟ କିଦେଙ୍ଗ୍‌ ୱେଡ଼ା କିନାନ୍‌ନୋ ?