యోహాను 8:55 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁵⁵ ମାରି, ମିର୍‌ ୱାନିଙ୍ଗ୍‌ ନେସ୍‌ଇଦେର୍‌, ମାତର୍‌ ନାନ୍ ୱାନିଙ୍ଗ୍‌ ନେସ୍‌ନା । ମାରି, ନାନ୍ ୱାନିଙ୍ଗ୍‌ ନେସେଏ ଇଜି ଜଦି ଇନା, ଆତିଙ୍ଗ୍‌ ନାନ୍ ବା ମି ୱାଜା ମିସ୍‍ବାଦି ଆନା, ମାତର୍‌ ନାନ୍ ନେସ୍‌ନା ମାରି ୱାନି ବାକ୍ୟ ମାନାନା ।

Konda: కొండ బాసదు నెగ్గి కబ్రు

⁵⁵ మీరు వన్నిఙ్‌ నెస్‌ఇదెర్. గాని నాను వన్నిఙ్‌ నెస్న. నాను వన్నిఙ్‌ నెస్‌ఏ ఇజి వెహ్తిఙ, మీ లెకెండ్‌ ఒరెన్‌ అబద్దం వర్గినికాన్‌ ఆత మరి. గాని నాను వన్నిఙ్‌ నెస్న. వన్నిమాటెఙ వజ బత్కిజిన.

యోహాను 8:55 Referans Kwoze

యోహాను 8:19

ଆବେଟ୍‌ ୱାର୍‌ ୱାନିଙ୍ଗ୍‌ ୱେନ୍‌ବାତାର୍‌, “ମି ବୁବା ଏମେ ?” ଜିସୁ ଇର୍ହାନ୍‌, “ମିର୍‌ ନାଙ୍ଗିଁ ନେସ୍‌ଇଦେର୍‌ ମାରି ନା ବୁବେଙ୍ଗ୍‌ ବା ନେସ୍‌ଇଦେର୍‌; ଜଦି ନାଙ୍ଗିଁ ନେସ୍‌ତିଙ୍ଗ୍‌, ଆରିଙ୍ଗ୍‌ ନା ବୁବେଙ୍ଗ୍‌ ବା ନେସ୍‌ତିଦେର୍‌ମାନ୍ଦି ।”

యోహాను 8:44

ମିର୍‌ ମି ବୁବା ସୟତାନ୍ ମାଣ୍‌କୁ ଜନମ୍‍ ଆତିମାନିଦେର୍‍, ମାରି ମି ବୁବାଦି ପାଣି କିଦେଙ୍ଗ୍‌ ମି ବଦା । ୱାଦ୍‌ ଆଗ୍‍ଡ଼ିରାନ୍‍ ଲୋକାଙ୍ଗ୍‌ କାତ୍‍ନିକାତ୍‍, ମାରି ୱାଦ୍‌ ସତ୍‍ତୁ ତେବାଏତ୍‍, ଇରିଙ୍ଗ୍‌ ତାନେମାନୁ ସତ୍‌ ସିଲେତ୍‌ । ଏସ୍ତିୱାଲେ ୱାଦ୍‌ ମିସ୍‌ ଇନାତ୍‍, ନାସ୍ତିୱାଲେ ୱାଦ୍‌ ନିଜେଦି ମାଣାନ୍‌ ଇନାତ୍‍; ଇରିଙ୍ଗ୍‌ ୱାଦ୍‌ ନିଜେ ମିସ୍‍ଇନିକାତ୍‍ ନି ମିସ୍‌ ୱେର୍‍ନି ଲୋକା ବୁବା ।

ప్రకటన 3:9

ୱେନ୍‌ଡ୍ରୁ ! ଏସ ଲୋକୁ ମିଚ୍‌ତାନ୍‌ ନିଜେ ନିଜେଦିଙ୍ଗ୍ ଜିହୁଦି ଇଜି ଇନାର୍, ମାତର୍‌ ସତ୍‍ତାନ୍ ଜିହୁଦିର୍‌ ଆଏର୍‌, ସୟତାନ୍‍ଦି ଆୟା ଲୋକାଙ୍ଗ୍‌ ନାନୁ ମି ପାଦାମ୍‌ ଆଡ୍‍ଗି କିନା । ନାନୁ ମିଙ୍ଗିଁ ଜିବନ୍‌ନୋନା ଇଜି ୱାର୍‌ ୱିଜେରେ ନେସ୍‌ନାର୍ ।

యోహాను 8:51

ସତ୍‌ ସତ୍‌ ନାନ୍ ମିଙ୍ଗିଁ ଇଜିନା, ଜଦି ଏନ୍‌ ନା ସିକିୟା ମାନାନାନ୍‍, ଆତିଙ୍ଗ୍‌ ୱାନ୍‌ ଏସାଙ୍ଗ୍‌ ବା ସାଏନ୍‌ ।”

మత్తయి 11:27

“ନା ବୁବା ନାଙ୍ଗିଁ ୱିଜୁ ବିସୟ୍‌ ସିତାମାନ୍‍, ବୁବେଙ୍ଗ୍‌ ଡ଼ିସ୍‌ତିଙ୍ଗ୍‌ ମାରିସିଙ୍ଗ୍‌ ମାରି ଏନ୍‌ ନେସ୍‌ଏର୍‌, ମାରି ମାରିସିଙ୍ଗ୍‌ ଡ଼ିସ୍‌ତିଙ୍ଗ୍‌ ମାରି ଏନ୍‌ ନେସ୍‌ଏର୍‌ । ମାରିସି ଏମେୱାରି ଲାକ୍‌ତୁ ବୁବେଙ୍ଗ୍‌ ୱେଙ୍ଗିଁସ୍‍କିନାନ୍‍, କେବଲ୍‌ ଆକାର୍‍ନେ ବୁବେଙ୍ଗ୍‌ ନେସ୍‌ତେଙ୍ଗ୍‌ ଆଟ୍‍ନାର୍‍ ।

୧ ଜୋହନ 5:10

ଏନ୍‌ ମାପୁରୁଦି ମାରିନ୍‌ତିମାନୁ ବିସ୍‌ବାସ୍‌ କିନାନ୍‌, ୱାନ୍‌ ନିଜେଦି ଜିବନ୍‌ତୁ ଇୟା ସାକି ପୟ୍‌ତା ମାନାନ୍‌; ଏନ୍‌ ମାପୁରୁଦି ସାକି ବିସ୍‌ବାସ୍‌ କିଏନ୍‌, ୱାନ୍‌ ମାପୁରୁଙ୍ଗୁଁ ମିଚ୍‌ୱେର୍‌ନିକାନ୍‌ କିତାମାନାନ୍‌, ଇରିଙ୍ଗ୍‌ ମାପୁରୁ ନିଜେଦି ମାରିନ୍‌ତି ବିସୟ୍‌ତାନ୍‌ ଆମା ସାକି ୱେର୍‌ତାମାନାନ୍‌, ଆବେନୁ ୱାନ୍‌ ବିସ୍‌ବାସ୍‌ କିଏନ୍‌ ।

యోహాను 15:21

ମାତର୍‌ ୱାର୍‌ ନା ପୋକ୍‌ତିମାନି ମାଲିକ୍‌ତିଙ୍ଗ୍‌ ନେସ୍‌ଏତିମାନିଙ୍ଗ୍‌ ନା ଦର୍‌ ଉଣ୍ତିଙ୍ଗ୍‌ ମିଙ୍ଗିଁ ଇୟାୱିଜୁ କିନାର୍‌ ।

୧ ଜୋହନ 2:22

ଆର୍‌ତିଙ୍ଗ୍‌ ମିଚ୍‌ୱେର୍‌ନିକାନ୍‌ ଏନ୍‌ ? ଜିସୁଙ୍ଗୁଁ ରକ୍‌ୟାକର୍ତ୍ତା କ୍ରିସ୍ତ ଇଜି ଏନ୍‌ ମାନାଏନ୍‌, ମାରି ୱାନ୍‌ କ୍ରିସ୍ତଦି ସାତ୍ରୁ ବୁବା ମାରି ୱାନି ମାରିନ୍‌ତିଙ୍ଗ୍‌, ରିଏରିଙ୍ଗ୍‌ବା ୱାନ୍‌ ଡ଼ିସ୍‌ନାନ୍‌ ।

୧ ଜୋହନ 2:4

ୱାନି ମାଟା ମାନାଏଣ୍‌ଗା ୱାନିଙ୍ଗ୍‌ ନେସ୍‌ତାମାନା ଇଜି ଏନ୍‌ ଇନ୍‌ନାନ୍‌, ୱାନ୍‌ ଅରେନ୍‌ ମିଚ୍‌ୱେର୍‌ନିକାନ୍‌ ମାରି ୱାନିମାନୁ ସତ୍‌ ସିଲେତ୍‌ ।

2కొరింతి 4:6

ଇରିଙ୍ଗ୍‌ ଆମା ମାପୁରୁ ଇର୍‌ଆମାନାନ୍‌, “ସିକାଟିଦି ଲୋଇରାନ୍‌ ଜାୟ୍‌ତିକା ଆନିକା,” ଆୟା ମାପୁରୁ କ୍ରିସ୍ତଦି ମୋକମ୍‌ତାନ୍ ସାକ୍ତିଦି ମହିମା ସୁଡ଼ୁନି ଉଣ୍ତିଙ୍ଗ୍‌ ମା ଜିବନ୍‌ତୁ ଜାୟ୍‌ କିତାମାନାନ୍ ।

అపొస్తు 17:23

ନାନ୍ ମି ଗାଡ଼୍‌ ବୁଲାଜି ସୁଡ଼୍‍ତି ୱାଲେ ମି ପୁଜାକିନି ବାଡିଦୁ ସୁଡ଼ୁତା । ଉନ୍‍ଣ୍ତ୍ରି ପୁଜା ସିନି ବେଦି ମୁସ୍‌କୁ ଉନ୍‍ଣ୍ତ୍ରି ନେସେଇ ମାପୁରୁଦି ଉଦେସ୍‍ତାନ୍‍, ରାସାତି ମାନିକା ବା ସୁଡ଼ୁତା । ମିର୍‌ ନେସ୍‍ଏନ୍‍ଣ୍ତା ଆମା ତାନିଙ୍ଗ୍‍ଁ ପୁଜା କିଜିନିଦେର୍‌, ଇଲେଇ ୱାନି ମାଟା ମି ଲାକ୍‌ତୁ ପ୍ରଚାର୍‌ କିଦେଙ୍ଗ୍‍ଁ ସଲ୍‍ସିନା ।

యోహాను 17:25

ଏ ଦାର୍ମୁଦି ବୁବା, ଜଗତ୍‌ ନିଙ୍ଗିଁ ନେସ୍‌ଏତ୍‌, ମାତର୍‌ ନାନ୍ ନିଙ୍ଗିଁ ନେସ୍‌ତାମାନା; ମାରି, ନିନ୍‌ ଜେ ନାଙ୍ଗିଁ ପୋକ୍‌ତାତିମାନି, ଇକା ଇୟାକାର୍‌ ନେସ୍‌ତାମାନାର୍‌;

యోహాను 16:3

ମାରି, ୱାର୍‌ ଇୟାୱିଜୁ କିନାର୍‌, ଇରିଙ୍ଗ୍‌ ୱାର୍‌ ବୁବେଙ୍ଗ୍‌ ମାରି ନାଙ୍ଗିଁ ନେସ୍‌ଏର୍‌ ।

యోహాను 15:10

ନାନ୍ ଏଣ୍ତେସ୍‌ ମା ବୁବାଦି ମାଟାଦିଙ୍ଗ୍‌ ମାନାଜି ୱାନି ଜିବନ୍‍ନୋନିମାଣାନ୍‍ ତିର୍‌ ଆତାମାନା, ଆୟାୱାଜା ମିର୍‌ ଏସ୍‌କାଙ୍ଗ୍‌ ନା ମାଟାଦିଙ୍ଗ୍‌ ମାନାନିଦେର୍‌, ଆରିଙ୍ଗ୍‌ ନା ଜିବନ୍‌ନୋନିମାଣାନ୍‍ ତିର୍‌ ଆନି ତେବାନିଦେର୍‌ ।

యోహాను 10:15

ଆୟାୱାଜା ନାନ୍ ନା ନିଜେଦି ମେଣ୍ତେଆଙ୍ଗ୍‌ ନେସ୍‌ନା, ମାରି ନା ନିଜେଦି ମେଣ୍ଡେଙ୍ଗ୍‌ ନାଙ୍ଗିଁ ନେସ୍‌ନେ, ମାରି ମେଣ୍ତେଆଙ୍ଗ୍‌ ଉଣ୍ତିଙ୍ଗ୍‌ ନାନ୍ ନା ଜିବନ୍‌ ସିଦେଙ୍ଗ୍‍ ରାଜିମାନା ।

యోహాను 8:29

ନା ପୋକ୍‌ତାତିମାନିକାନ୍‍ ନା ୱାଲେ ମାନାନ୍‌; ୱାନ୍‌ ନାଙ୍ଗିଁ ଅରେନ୍‍ୱାନିଙ୍ଗ୍‍ ଡ଼ିସ୍‌ଏନ୍‌, ଇରିଙ୍ଗ୍‌ ନାନ୍ ୱିଜୁୱାଲେ ଆମାକା ୱାନି ୱେଡ଼ିକାଦି ପାଣି କିନା ।”

యోహాను 6:46

ତେନି ଅର୍ତ ଆଏତ୍‍ ଜେ, ୱାନ୍‌ ବୁବେଙ୍ଗ୍‌ ସୁଡ଼ୁତା ମାନ୍‌ନାନ୍‌, ଏନ୍‌ ମାପୁରୁଦିମାଣ୍‌ନା ୱାତାମାନ୍‌ନାନ୍‌, କେବଲ୍‌ ୱାନ୍‌ନେ ବୁବେଙ୍ଗ୍‌ ସୁଡ଼ୁତାମାନ୍‌ନାନ୍‌ ।

యోహాను 1:18

ଏନ୍‌ ଏସାଙ୍ଗ୍‍ ମାପୁରୁଙ୍ଗ୍‍ଁ ସୁଡ଼ୁଏନ୍‌, ବୁବାସି ଗାତୁଦୁ ମାନି ଅରେନ୍‍ନେ ୱାନି ଲାଡ୍‌ ମାରିସି, ୱାନିଙ୍ଗ୍‌ ନେସିସ୍‍ କିତାମାନାନ୍‍ ।

లూకా 10:22

“ନା ବୁବାଦି ପାଣି ୱିଜୁ ନା କିୟୁଦୁ ସିତାମାନାନ୍‌; ମାରି, ମାରିନ୍‌ ଏନ୍‌, ଇକା ବୁବେଙ୍ଗ୍‌ ଡ଼ିସ୍‌ତିଙ୍ଗ୍‌ ଏନ୍‌ ନେସଏନ୍‍, ମାରି ବୁବା ଏନ୍‌, ଇକା ମାରିନ୍‍ତିଙ୍ଗ୍‍ ଡ଼ିସ୍‌ତିଙ୍ଗ୍‌ ଏନ୍‌ ନେସ୍‌ଏପ୍‌, ମାରି ମାରିନ୍‌ ଆମାୱାନି ଲାକ୍‌ତୁ ୱାନିଙ୍ଗ୍‌ ତର୍‌ତେଙ୍ଗ୍‍ଁ ବଦାକିନାନ୍‌, ୱାନ୍‌ ନେସ୍‌ନାନ୍‌ ।”

యోహాను 8:52

ଜିହୁଦିର୍‍ ଜିସୁଙ୍ଗୁଁ ଇର୍ହାର୍‌, “ଇଲେଇ ମାପ୍‌ ନେସ୍‍ତାପ୍‍ ଜେ ସତେନେ ନିଙ୍ଗିଁ ଦୁବା ଆସ୍‍ତାମାନାତ୍‍, ଅବ୍ରାହାମ ମାରି ବାବବାଦିର୍ ସାତା ମାନାର୍‌, ମାରି ନିନ୍‌ ଇଜିନି, ଜଦି ଏନ୍‌ ନା ସିକିୟା ମାନାନାନ୍‍, ଆତିଙ୍ଗ୍‌ ୱାନ୍‌ ଏସାଙ୍ଗ୍‌ ବା ସାଏନ୍‌ ।

୧ ଜୋହନ 1:6

ୱାନି ୱାଲେ ମା ସହବାଗିତା ମାନାତ୍‌, ଇକା ଇନ୍‌ଞ୍ଜି ଜଦି ମାଡୁ ସିକାଟିଦି ମାନିକା, ଆର୍‌ତିଙ୍ଗ୍‌ ମାଟାଦୁ ମାରି ପାଣିଦୁ ମାଡୁ ମିଚ୍‌ଆନିକା । ମାରି ସତ୍‍ ବ୍ୟବ୍‌ହାର୍‌ କିଏପ୍‌ ମାନାପ୍‌ ।