యోహాను 4:14 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁴ ମାତର୍‌ ନାନ୍ ଏମେ ଏରୁ ସିନା, ଆକା ଏନ୍‌ଆପିନ୍‌ ଉଣାନ୍‌, ୱାନ୍‌ ଏସ୍‌କାଙ୍ଗ୍‌ବା ଏର୍‌କିସାଏନ୍‌, ମାରି ନାନ୍ ସିଜିମାନି ଏର୍‌ ୱାନି ଜିବନ୍‌ତୁ ଉଣ୍ତ୍ରି ଜିବନ୍‌ ସିନି ୱାଙ୍ଗ୍‍ଁନି ୱାଜା ଆନାତ୍‌ । ଆବେଟ୍‌କୁ ଉଟିଙ୍ଗ୍‍ ୱାନ୍‌ ଏସ୍‍କାଙ୍ଗ୍‍ୱିଜ୍‍ଇ ଜିବନ୍‌ ପୋଇନାନ୍‌ ।

యోహాను 4:14 Referans Kwoze

యోహాను 6:35

ଆବେଟ୍‌ ଜିସୁ ୱାରିଙ୍ଗ୍‌ ଇର୍ହାନ୍‌, “ନାନ୍ ଆୟା ଜିବନ୍‌ ସିନି କାଦି, ଏନ୍‌ ନା ଲାକ୍‌ତୁ ୱାନ୍‌ନାନ୍‌, ୱାନ୍‌ ମୁଡ଼ୁକେ ବାଙ୍ଗାଁ ସାଏନ୍‌, ମାରି ଏନ୍‌ ନା ମାନୁ ବିସ୍‌ବାସ୍‌ କିନାନ୍‌, ୱାନ୍‌ ମୁଡ଼ୁକେ ଏର୍‌କିସାଏନ୍‌ ।

ప్రకటన 7:16

ୱାର୍‌ ମାରି ଏସାଙ୍ଗ୍‍ବା ବାଙ୍ଗାଁ କି ଏରିକି ସାଏର୍‌ନି; ୱେଡ଼ା ତାତି ମାରି ଆଇ ଇନି ତାତି ୱାରିଙ୍ଗ୍‌ ଆଡ଼୍‍କ୍‍ତେଙ୍ଗ୍‍ କିଦେଙ୍ଗ୍ ଆଟ୍‍ଏତ୍‍ ।

యోహాను 11:26

ମାରି ଏନ୍‌ ଜିନାନ୍‍ ମାରି ନାବାନ୍‍ ବିସ୍‌ବାସ୍‌ କିନାନ୍‌, ୱାନ୍‌ ଏସାଙ୍ଗ୍‌ବା ସାଏନ୍‌; ଇକା ଇନିକା ବିସ୍‌ବାସ୍‌ କିଜିନି ?”

యోహాను 6:58

ଏମେ କାଦି ମୁସ୍‌କୁପୁରୁତାନ୍‌ ୱାତାମାନାତ୍‌, ଆୟାକା ଇକା; ପୁର୍ବେଦିଡକ୍‌ରାଦାଦାର୍‌ ଏଣ୍ତେସ୍‌ ଉଟାର୍‌ ସାତାସର୍ହାର୍‌, ଇକା ଆୟାୱାଜା ସିଲେ; ଏନ୍‌ ଇୟା କାଦି ଉଣୁନାନ୍‌, ୱାନ୍‌ ଏସାଙ୍ଗ୍‌ୱିଜ୍‌ଇଦିନ୍‌ ସାନ୍ଧି ଜିବନ୍‌ ତେବାନାନ୍‌ ।”

୧ ଜୋହନ 5:20

ମାରି ବା ମାପୁ ନେସ୍‌ନାପ୍‌ ଜେ, ମାପୁରୁଦି ମାରିନ୍‌ ୱାତାମାନାନ୍‌ ମାରି ସତ୍‌ତିଙ୍ଗ୍‌ ନେସ୍‌ନି ଉଣ୍ତିଙ୍ଗ୍‌ ମାଙ୍ଗିଁ ବୁଦି ସିତାମାନାନ୍‌; ମାରି ମାଡୁ ଆୟା ସତ୍‌ତି ମାପୁରୁଦିମାନୁ ମାରି ୱାନି ମାରିନ୍‌ ଜିସୁ କ୍ରିସ୍ତଦି ୱାଲେ ମାନାତ୍‌ । ୱାନ୍‌ ନେ ସତ୍‌ତି ମାପୁରୁ ମାରି ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ।

2కొరింతి 1:22

ୱାନ୍‌ ମାଙ୍ଗିଁ ୱେରେଏ କିତାମାନାନ୍ ମାରି ମା ଜିବନ୍‌ତୁ ୱାନି ପବିତ୍ରଆତ୍ମାଦିଙ୍ଗ୍ ଇଟିତାମାନାନ୍ । ପବିତ୍ରଆତ୍ମା ଆଜିନାତ୍, ମା ମୁସ୍‌କୁ ମାପୁରୁଦି ଅଦିକାର୍‍ତି ସିନା ମାରି ବବିସତ୍‌ଦୁ ମାଡୁ ଆମାକା ପୟ୍‌ନିକା, ୱାନି ୱିଜୁ ୱାଜା ।

ରୋମିୟ 6:23

ପାପ୍‍ତି ବାଦ୍‌ଲୁ ସାନିକା, ମାତର୍‌ ମାପୁରୁଦି ଦୟାଦି ଦାନ୍‍ ଆଜିନାତ୍‍, ପ୍ରବୁ ଜିସୁ କ୍ରିସ୍ତଦି ୱାଲେ ମିସାନି ମାଣାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ।

୧ ପିତର 1:22

ଇଲେଇ ମିର୍‌ ସତ୍‍ତି ସାରିତରିନ୍‌ ବୁଲାଜିମାନିଙ୍ଗ୍‌ ନିଜେ ନିଜେଦିଙ୍ଗ୍‌ ନେଗେନ୍‌ କିଆତିମାନିଦେର୍‌ ମାରି ବିସ୍‌ବାସ୍‌ତି ତଡ଼ାନ୍‌କାଙ୍ଗ୍‌ ଜିବନ୍‌ ନୋଦେଙ୍ଗ୍‌ ବଦା ମାନାତ୍‌ । ନିଜେନିଜେଦିଙ୍ଗ୍‌ ଜିବନ୍‌ତାନ୍‌ ଜିବନ୍‍ନୋଦୁ ।

యోహాను 10:10

ଡଙ୍ଗାଁର୍‌ଏନ୍‌ ୱାନାନ୍‌ ଡଙ୍ଗାଁକିଦେଙ୍ଗ୍‌, କାତ୍‍ତେଙ୍ଗ୍‌ ମାରି ଦଂସ କିଦେଙ୍ଗ୍‌ । ନାନ୍ ୱାତାମାନା, ମିଙ୍ଗିଁ ଜିବନ୍‌ ସିଦେଙ୍ଗ୍‍, ମିର୍‌ ଏଣ୍ତେସ୍‌ ଜିବନ୍‌ତି ବିସୟ୍‌ତାନ୍‌ ୱେଡ଼ିକା ପୟ୍‌ଦେଙ୍ଗ୍‌ ଆଟ୍‌ନିଦେର୍‌ ।

ଏପିସିୟ 4:30

ମାପୁରୁଦି ପବିତ୍ର ଆତ୍ମାଦିଙ୍ଗ୍‌ ଦୁଃକ୍‌ ସିମାଟ୍‌ । ଇରିଙ୍ଗ୍‌ ପବିତ୍ର ଆତ୍ମା ମି ମୁସ୍‌କୁ ମାପୁରୁଦି ନିଜେଦି ଅଦିକାର୍‌ତି ସିନାଦି ୱାଜା ମାରି ମାପୁରୁ ଜେ ଅର୍‍ଲେନ୍‍ ମିଙ୍ଗିଁ ରକିୟା କିନାନ୍‌, ଇୟାକା ଆନାତ୍‌ଆକା ।

ରୋମିୟ 5:21

ପାପ୍‍ ଏଣ୍ତେସ୍‌ ସାନି ମାଣାନ୍‌ ନିଜେଦି ସାସନ୍‍ କିଜିମାର୍ହାତ୍‍, ଆୟାୱାଜା ମାପୁରୁଦି ଦୟା ପ୍ରବୁ ଜିସୁ କ୍ରିସ୍ତଦି ଦୟାଦାନ୍‍ ମାଙ୍ଗିଁ ଦାର୍ମୁଦିକାର୍‍ ଲେକିସ୍‍ କିଜି ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ସିନାତ୍‍ ।

మత్తయి 25:46

ଇୟାକାର୍‌ ୱିଜୁଦିନ୍‌ତି ଉଣ୍ତିଙ୍ଗ୍‌ କାସ୍ଟୁବଗାନାର୍‌, ମାତର୍‌ ଦାର୍ମୁଦିକାର୍‌ ଏସ୍‌କାଙ୍ଗ୍‌ୱିଜିଇ ଜିବନ୍‌ ପୟ୍‌ନାର୍‌ ।

మత్తయి 5:6

ମାପୁରୁଦି ବଦାଦାନ୍ ପାଣି କିଦେଙ୍ଗ୍‌ ଏମେୱାରି ନାଣ୍ତ ଆସା, ୱାର୍‌ ଦନ୍ୟ, ଇରିଙ୍ଗ୍‌ ମାପୁରୁ ୱାରିଙ୍ଗ୍‌ ୱେଡ଼ିକାକିନାନ୍‍ ।

యోహాను 4:10

ଜିସୁ ତାନିଙ୍ଗ୍‌ ଇର୍ହାନ୍‌, ମାପୁରୁ ଇନିକା ସିଦେଙ୍ଗ୍‍ ଆଟ୍‍ନାନ୍‍, ନିନ୍‌ ଜଦି ନେସ୍‍ତିମାନ୍ଦି ମାରି ଏନ୍‌ ନି କିୟୁଦାନ୍‌ ଏର୍‌ ଉଣ୍ତେଙ୍ଗ୍‌ ବଦାକିଜିନାନ୍‌ ଆରିଙ୍ଗ୍‌ ଜଦି ନିନ୍‌ ୱାନିଙ୍ଗ୍‌ ଲସ୍‌ତିମାନ୍ଦି, ମାରି ୱାନ୍‌ ନିଙ୍ଗିଁ ଜିବନ୍‌ତି ଏରୁ ସିତାନ୍‌ମାନ୍ଦି ।

యోహాను 4:11

ଆୟା ଆଇମା ୱାନିଙ୍ଗ୍‌ ଇର୍ହାତ୍‌, ଆଜ୍ଞା, ଏରୁ ଆନ୍‌ନି ଉଣ୍ତିଙ୍ଗ୍‌ ନି ଲାକ୍‌ତୁ ଇନି ଗିନା ବା ସିଲେତ୍‍, ମାରି କୁଇକାଲ୍‌ ତୋ ନାଣ୍ତ ଆଡ୍‍ଗି; ଆଦେଙ୍ଗ୍‌ ନିନ୍‌ ଏମେମାଣ୍‌କୁ ଆୟା ଜିବନ୍‌ତି ଏରୁ ପଇତିମାନି ?

యోహాను 4:13

ଜିସୁ ତାନେଙ୍ଗ୍‌ ଇର୍ହାନ୍‌, ଏନ୍‌ଆପିନ୍‌ ଇୟା ଏରୁ ଉଣାନ୍‌, ୱାନ୍‌ ମାରିଡ଼େସି ଏର୍‍କିଆନାନ୍‌;

యోహాను 4:36

ଇଲେଇବା କୟ୍‍ନିକାନ୍‍ ମୁଲ୍‌ ପୟ୍‍ଜିନାନ୍‍ ମାରି ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ଉଣ୍ତିଙ୍ଗ୍‌ ପଲ୍‌ ଉଣ୍ତା କିଜିନା, ଏଣ୍ତେସ୍‌ ୱିତ୍‍ନିକାନ୍‍ ମାରି କୟ୍‍ନିକାନ୍‍ ରିଏର୍‌ ମିସାଜି ୱେଡ଼ିକା କିନାର୍‌ ।

యోహాను 6:27

ଆମା କାଦି ସେଏଣ୍ତ୍‍ ଆନାତ୍‌ ଆୟାଉଣ୍ତିଙ୍ଗ୍‌ ପାଣି କିମାଟ୍‌ ମାରି ଆମାକା ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ସିନାତ୍‌, ଆୟାଉଣ୍ତିଙ୍ଗ୍‌ ପାଣି କିଦୁ; ଆୟା କାଦି ମନୁସ୍ୟପୁତ୍ର ମିଙ୍ଗିଁ ସିନାନ୍‌, ଇରିଙ୍ଗ୍‌ ବୁବା ମାପୁରୁ ଇୟାଉଣ୍ତିଙ୍ଗ୍‌ ୱାନିଙ୍ଗ୍‌ ଅଦିକାର୍‍ ସିତାମାନାନ୍‌ ।

యోహాను 7:37

ପଣ୍ତୟ୍‌ତି ୱିଜିନି ନାଣ୍ତିଙ୍ଗ୍‌, ମାରି, ପଣ୍ତ୍‌ୟତି ନେଗି ନାଣ୍ତିଙ୍ଗ୍‌, ଜିସୁ ନିଙ୍ଗିଁତାନ୍‌ନୋ ନାଣ୍ତ ଆଉଲି ଆଜି ଇର୍ହାନ୍‌, “ଏନ୍‌ ଜଦି ଏର୍‌କି ସାନାନ୍‌, ଆଦେଙ୍ଗ୍‌ ୱାନ୍‌ ନା ଲାକ୍‌ତୁ ରାପିନ୍‍,

ప్రకటన 7:17

ଇରିଙ୍ଗ୍‌, ସିଂହାସନ୍ ବାସ୍‌ତିମାନି ମେଷସାବକ ୱାରି ମେଣ୍ତାଗାଉଡ଼ୁ ଆନାନ୍ । ୱାନ୍‌ ଜିବନ୍‌ ସିନି ଏର୍‍ତି ସନି ଲାକୁତୁ ୱାରିଙ୍ଗ୍‌ ସାରିଦୁ କୁକୁନାଅନାନ୍ ମାରି ମାପୁରୁ ୱାରି କାଣାଗ୍‍ଦି ୱିଜୁ କାଣେର୍‍ଙ୍ଗୁଁ ତେଲ୍‍ନାସିନାନ୍ ।”