యోహాను 21:15 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁵ ୱାର୍‌ ଉଟି ୱେନ୍‌କା ଜିସୁ ସିମୋନ ପିତରତିଙ୍ଗ୍‌ ୱେନ୍‌ବାତାନ୍‌, “ଏ ଜୋହନତି ମାରିନ୍‌ ସିମୋନ, ନିନୁ ଇନିକା ନାଙ୍ଗିଁ ୱାରିମାଣ୍‌କୁ ନାଣ୍ତ ଜିବନ୍‌ନୋଜିନି ?” ୱାନ୍‌ ୱାନିଙ୍ଗ୍‌ ଇର୍ହାନ୍‌, “ହୁଁ, ପ୍ରବୁ,” ନାନ୍ ଜେ ନିଙ୍ଗିଁ ଜିବନ୍‌ନୋଜିନା, ଆକା ନିନ୍‌ ନେସ୍‌ନି । ଜିସୁ ୱାନିଙ୍ଗ୍‌ ଇର୍ହାନ୍‌, “ନା ମେଣ୍ତାପିଲେକାଙ୍ଗ୍‌ ସାରାକିଆ ।”

Konda: కొండ బాసదు నెగ్గి కబ్రు

¹⁵ వారు తిహి వెన్కా, యేసు సిమొన్‌పేతురుఙ్, “యోహాను మరిసి ఆతి సిమొను, నీను మహి సిసూర్‌ఙ ఇంక నీను నండొ నఙి ప్రేమిస్నిదా?”, ఇజి వెన్‌బాతాన్. “ఒఒ ప్రబువా, నాను నిఙి ప్రేమిస్న ఇజి నీను నెస్ని”, ఇజి వాండ్రు వెహ్తాన్‌. అందెఙె యేసు, “నా గొర్రె పిలెకాఙ్‌మేప్‌అ”, ఇజి వెహ్తాన్‌.

యోహాను 21:15 Referans Kwoze

ରୋମିୟ 15:1

ବିସ୍‍ବାସ୍‍ତୁ ବପୁ ଜେ ମାଡ୍‌, ୱାର୍‌ ସାକିସିଲି ବିସ୍‌ବାସ୍‌ ତଡ଼ାନ୍‌ତି ଦୋସ୍‌ ସାକିସିଲି ଉଣ୍ତିଙ୍ଗ୍‌ ଲାକ୍‌ତୁ ଆଦୁ । ଏନ୍‌ ନିଜେଦିଙ୍ଗ୍‍ଁ ୱେଡ଼ିକା କିନି ଉଣ୍ତିଙ୍ଗ୍‌ ବଦା କିମାକିନ୍‌ ।

୧ ଜୋହନ 4:19

ମାଡୁ ଜିବନ୍‌ନୋନିକା ଅଜାତାମାନାପ୍‌, ଇରିଙ୍ଗ୍‌ ମାପୁରୁ ନେ ଆଗ୍‌ଡ଼ି ମାଙ୍ଗିଁ ଜିବନ୍‌ନୋତା ମାନାନ୍‌ ।

୧ ପିତର 1:8

ମିର୍‌ ୱାନିଙ୍ଗ୍‌ ସୁଡ଼ୁଏଣ୍‌ଗା ଜିବନ୍‌ନୋଜିନିଦେର୍‌, ମାରି, ଇଲେଇବା ସୁଡ଼ୁଏଣ୍‌ଗା ୱାନିମାନୁ ବିସ୍‌ବାସ୍‌ କିଜିନିଦେର୍‌ । ଆମାକା ୱେର୍‌ତେଙ୍ଗ୍‌ ଆଟ୍‌ଇକା ବଲ୍‌ ମାରି ଗୌରବ୍‌ତି ୱେଡ଼ିକା କିଦୁ,

ଏପିସିୟ 6:24

ମା ପ୍ରବୁ ଜିସୁ କ୍ରିସ୍ତଦି ଉଣ୍ତିଙ୍ଗ୍‍ଁ ଏମେୱାରି ଜିବନ୍‍ନୋନିକା ୱିଜ୍‌ଏତ୍‍, ୱାନ୍‌ ୱାରିଙ୍ଗ୍‌ ଉଣ୍ତିଙ୍ଗ୍‌ ଦୟା କିପିନ୍‍ ।

అపొస్తు 20:28

ମାରି ମିର୍‌ ନେତା ୱାଜା ନିଜେଦି ବିସୟ୍‌ତାନ୍‌ ମାରି ପବିତ୍ର ଆତ୍ମା ମି ଜାତୁନ୍‍ ଅତେଙ୍ଗ୍‌ ଏମେ ବିସ୍‍ବାସି ମାନ୍ଦାଦିଙ୍ଗ୍‍ ଡ଼ିସ୍‍ତା ସିତାମାନାନ୍‌, ଆୟା ୱିଜେରି ବିସୟ୍‌ତାନ୍‌ ଜାତୁନ୍‍ ଆଆ । ମେଣ୍ତା ଗାଉଡ଼ୁ ୱାଜା ମାପୁରୁଦି ମଣ୍ତଲିଦି ଜାତୁନ୍‍ ଅଆ । ଆୟା ମଣ୍ତଲିଦିଙ୍ଗ୍‍ ୱାନ୍‌ ୱାନି ମାରିସିଦି ନେତେର୍‌ତି ମାଣାନ୍‌ ନିଜେଦିକା କିତାମାନାନ୍‍ ।

୧ ଜୋହନ 5:1

ଏନ୍‌ ଜିସୁଙ୍ଗୁଁ ମସିହ ଇଜି ବିସ୍‌ବାସ୍‌ କିନାନ୍‌, ୱାନ୍‌ ମାପୁରୁଦି ମାରିନ୍‌; ମାରି, ଏନ୍‌ଆପିନ୍‌ ଅରେନ୍‌ ବୁବେଙ୍ଗ୍‌ ଜିବନ୍‌ନୋନାନ୍‌, ଆୟା ବୁବାସିଦି କଡ଼ଦିଙ୍ଗ୍‌ ବା ୱାନ୍‌ ଜିବନ୍‌ନୋନାନ୍‌ ।

యోహాను 16:27

ଇରିଙ୍ଗ୍‌ ବୁବା ନିଜେ ମିଙ୍ଗିଁ ଜିବନ୍‌ନୋନାନ୍‌, ଆଦେଙ୍ଗ୍‌ ମିର୍‌ ନାଙ୍ଗିଁ ଜିବନ୍‌ନୋତିମାନିଦେର୍‌ ମାରି ନାନ୍ ଜେ ମାପୁରୁଦି ଲାକ୍‌ତୁରାନ୍‌ ୱାତାମାନା, ଆକା ମିର୍‌ ବିସ୍‌ବାସ୍‌ କିତିମାନିଦେର୍‌ ।

୧ ପିତର 2:25

ଇରିଙ୍ଗ୍‌ ମିର୍‌ ମେଣ୍ଡେଙ୍ଗ୍‌ ୱାଜା ସାରିବାଣାତି ମାର୍‌ଇଦେର୍‌, ମାତର୍‌ ଇଲେଇ ମି ମେଣ୍ତେଙ୍ଗ୍‌ଗାଉଡ଼ୁ ମାରି ଆତ୍ମାଦି ରକିୟାକିନିୱାନି ୱେନ୍‌କା ସନି ଉଣ୍ତିଙ୍ଗ୍‌ ଡ଼େସି ୱାତିମାନିଦେର୍‌ ।

ఎబ్రి 4:13

ମାପୁରୁଦି ମାଡ଼ାନ୍ ଇନି ବିସୟ ମାର୍‍ଗେଏତ୍‍; ୱିଜୁ ତିଆର୍‍ଆତିମାନୁ ୱିଜୁ ବିସୟ ୱାନି ୱିଜୁସୁଡ଼ୁଜିନି କାଣୁକୁ ଆଗ୍‌ଡ଼ି କେର୍‍ପାୟ୍‍ ଆଏତ୍‍ ମାରି ରେଆତାମାନାତ୍‍ । ଆୟା ମାପୁରୁଦି ଆଗ୍‍ଡ଼ି ମାଙ୍ଗିଁ ଇସାବ୍‌ ସିଦେଙ୍ଗ୍‌ ପୋଡ଼ାନାତ୍ ।

లూకా 22:32

ମାତର୍‌ ମି ବିସ୍‌ବାସ୍‌ ଏଣ୍ତେସ୍‌ ମାର୍‌ଗେଏତ୍‌, ଇୟାଉଣ୍ତିଙ୍ଗ୍‌ ନାନ୍ ମି ଉଣ୍ତିଙ୍ଗ୍‌ ପାର୍‌ତନା କିତାମାନା; ମାରି, ନିନ୍‌ ଡ଼େସି ୱାତି ୱେନ୍‌କା ନିଜେଦି ତଡ଼ାନ୍‌କାଙ୍ଗ୍‌ ସାକ୍ତି କିଦୁ ।”

ఎబ్రి 13:20

ଏନ୍‌ ନିଜେଦି ବଲିଦାନ୍‌ ମେଣ୍ତେଆଙ୍ଗାଁ “ପେରି ମେଣ୍ତେଙ୍ଗ୍‌ସାରାକିନିକାନ୍‌” ଆତାମାନାନ୍‌, ମା ଆୟା ପ୍ରବୁ ଜିସୁଙ୍ଗୁଁ ମାପୁରୁ ସାତିମାଣାନ୍‌ ମାରିଡ଼େସି ନିକ୍‌ତାମାନାନ୍‌ । ଆୟା ଜିସୁଦି ସାତି ବଲିଦି ନେତେର୍‌ତାନ୍‌ ଉଣ୍ତ୍ରି ୱିଜୁଦିନ୍‌ତି ନିୟମ୍‌ ଆତାମାନାତ୍‌ । ସାନ୍ତିସିନି ମାପୁରୁ ୱାନି ବଦା ମାନାନି ଉଣ୍ତିଙ୍ଗ୍‌ ମି ଦର୍‌କାର୍‌ତି ଇସାବ୍‌ତାନ୍‌ ୱିଜୁ ନେଗି ବିସୟ୍‌ ସିପିନ୍‌ ।

ରୋମିୟ 14:1

ବିସ୍‍ବାସ୍‍ତୁ ଏନ୍‌ ସାକ୍ତି ସିଲେନ୍‌, ୱାନିଙ୍ଗ୍‌ ଆସ୍‌ତୁ, ମାତର୍‌ ୱାନି ଜିବନ୍‍ତି ବିସୟ୍‍ତାନ୍‍ ୱାର୍‍ଗିମାଟ୍‍ ।

మత్తయి 16:17

ଜିସୁ ଇର୍ହାନ୍‌, “ଏ ଜୁନସ୍‍ତି ମାରିନ୍‌ ସିମୋନ, ନିନ୍‌ ଦନ୍ୟ !” ଇୟା ସତ୍‌ ନିନୁ ଆମା ଲୋକାମାଣାନ୍‌ ପୟ୍‌ଇ । ନା ମୁସ୍‌କୁପୁରୁତି ବୁବା ନିଜେ ଇକା ନିମାନୁ ୱେର୍‌ତାମାନାନ୍‌ ।

ప్రకటన 2:23

ତାନି ୱେନେକା ବୁଲାନିୱାରିଙ୍ଗ୍ ବା ସାପିସ୍‌ କିନା, ଆର୍‌ତିଙ୍ଗ୍‌ ମଣ୍ତଲିଙ୍ଗ୍‌ ୱିଜୁ ନେସ୍ତେଙ୍ଗ୍ ଆଟ୍‍ନାର୍‌ ଜେ, ନାନ୍‌ ଜିବନ୍‌ତିକାୱିଜୁ ନେସ୍‌ନା, ଲୋକ୍‌ଦି ୱିଜୁ ଚିନ୍ତା ମାରି ପାଣି ନାନୁ ନେସ୍ତେଙ୍ଗ୍‍ ଆଟ୍‍ନା । ମିର୍‌ ୱିଜେରେ ଆମାକା କିତିମାନିଦେର୍‌, ଆୟା ଇସାପ୍‍ତାନ୍ ନାନୁ ମିଙ୍ଗିଁ କାସ୍ଟୁ ସିନା ।

୧ ପିତର 2:2

ଆଲ୍‌ଜନମ୍‌ଆତି କଡ଼ ୱାଜା ଆଦୁ, ୱିଜୁଦିନ୍ ପୁରାନେଗି ଦିନ୍‌କେରି ଆତ୍ମିକ ପାଲ୍‌ ଉଣ୍ତେଙ୍ଗ୍‌ ଇଜି ଏର୍‌କି ସାଦୁ । ଆର୍‌ତିଙ୍ଗ୍‌, ମିର୍‌ ପିର୍‍ଜି ରକିୟା ପୟ୍‌ନିଦେର୍‌ ।

ଗାଲାତିୟ 5:6

ଇରିଙ୍ଗ୍‍ଁ କ୍ରିସ୍ତ ଜିସୁଦି ୱାଲେ ମିସାଜି ଜିତିଙ୍ଗ୍‍ଁ, ସୁନ୍ନତ ମାରି ଅସୁନ୍ନତି ଇନି ଅଲଗା ସିଲେତ୍‍ । ଉନ୍‍ଡ୍ରେନେ ଦର୍‍କାର୍‍ ବିସୟ୍‍ ଆଜିନାତ୍‍, ବିସ୍‍ବାସ୍‍ତୁ ଡାଟ୍‍ ତେବାଜି ଜିବନ୍‍ନୋଜି ପାଣି କିନିକା ।

యోహాను 21:12

ଜିସୁ ୱାରିଙ୍ଗ୍‌ ଇର୍ହାନ୍‌, “ୱାଜ ଉନ୍‌ଡ୍ରୁ ।” ସିସୁରି ମାଣ୍‌କୁ ଏନ୍‌ ନିନୁ ଇଜି ୱାନିଙ୍ଗ୍‌ ୱେନ୍‌ବାଦେଙ୍ଗ୍‌ ସାହାସ୍‌ କିଏଜିମାର୍ହାର୍‌, ଇରିଙ୍ଗ୍‌ ୱାନ୍‌ ଜେ ପ୍ରବୁ, ଇକା ୱାର୍‌ ନେସ୍‌ତାମାର୍ହାର୍‌ ।

యోహాను 21:7

ଆବେଟ୍‌ ଜିସୁ ଆମା ସିସୁଙ୍ଗୁଁ ଜିବନ୍‌ନୋଜି ମାର୍ହାନ୍‌, ୱାନ୍‌ ପିତରତିଙ୍ଗ୍‌ ଇର୍ହାନ୍‌, “ଇକାନ୍‌ ତୋ ପ୍ରବୁ ।” ସିମୋନ ପିତର୍‌ ଇକାନ୍‌ ତୋ ପ୍ରବୁ ଇଜି ୱେନ୍‌ଜି ଡୁମ୍‍ଡା ମେନ୍ଧଲ୍‍ ଆତିମାନିଙ୍ଗ୍‌ ନିଜେଦି ଆଙ୍ଗିଁ ଆରାଜି ଏର୍‌ତୁ ଗାତ୍‌ତାନ୍‍;

మత్తయి 18:10

ଇୟା ଇସ୍ରିକଡ଼ରି ମାଣ୍‌କୁ ଅରେନ୍‍ୱାନିଙ୍ଗ୍‍ ବା ନିସାର୍‍ କିମାଟ୍‌ । ନାନ୍ ମିଙ୍ଗିଁ ସତ୍‌ ଇଜିନା, ଇୟାୱାରିଙ୍ଗ୍‌ ଜାତୁନ୍‌କିଜିମାନି ମୁସ୍‌କୁପୁର୍‌ତି ଦୁତ୍‌କୁ ୱିଜୁଦିନ୍‌ ନା ବୁବା ମାପୁରୁଦି ଲାକ୍‌ତୁମାନେ ।

ଏପିସିୟ 4:14

ଗାଲିଦି ସନିକା ମାରି ଉଲୁକାଏରୁ ଆତ୍‌ଡ଼ାତିଙ୍ଗ୍‌ ଇନିଙ୍ଗାଁ ଆନିଙ୍ଗାଁ ଆଜିମାନି ଇସ୍ରିକଡ଼ରି ୱାଜା ମାଡୁ ମାରି ତିର୍‌ ଆଇକା । ଆଇୱାରିଙ୍ଗ୍‌ ସେଇସାରିଦୁ ପୋକ୍‌ସିମାନି ବେମ୍‌ରିକିନିୱାରି ବାୟାନାନି ସିକିୟାଦୁ ମାଡୁ ଇନିଙ୍ଗାଁ ଆନିଙ୍ଗାଁ ଆଇକା ।

1కొరింతి 8:11

ଆର୍‌ତିଙ୍ଗ୍‌ ଆମା ଦୁର୍ବଲ୍ ବିସ୍‌ବାସ୍‌ତି ତଡ଼ାନ୍‌ ଉଣ୍ତିଙ୍ଗ୍‌ କ୍ରିସ୍ତ ସାତା ମାର୍‌ର୍ହାନ୍‌, ୱାନ୍‌ ମି “ବୁଦିଦାନ୍‌” ନାସ୍ଟୁ ଆଜିନାତ୍‍ ।

యోహాను 8:42

ଜିସୁ ୱାରିଙ୍ଗ୍‌ ଇର୍ହାନ୍‌, “ମାପୁରୁ ଜଦି ମି ବୁବା ଆତାନ୍‍ମାନ୍ଦି, ଆରିଙ୍ଗ୍‌ ମିର୍‌ ନାଙ୍ଗିଁ ଜିବନ୍‌ ନତିଦେର୍‍ମାନ୍ଦି; ଇରିଙ୍ଗ୍‌ ନାନ୍ ମାପୁରୁ ମାଣ୍‌କୁ ୱାଜି ଇଲେଇ ଇବେ ମାନା; ନାନ୍ ନିଜେଦି ଅଦିକାର୍‍ତାନ୍‍ ରେଏ, ମାତର୍‌ ୱାନ୍‌ ନାଙ୍ଗିଁ ପକ୍‌ତାନ୍‌ ।

మార్కు 14:29

ମାତର୍‌ ପିତର୍‌ ଜିସୁଙ୍ଗୁଁ ଇର୍‌ଆନ୍‌, “ୱିଜେରେ ଡ଼ିସ୍‌ତିଙ୍ଗ୍‌ ବା ନାନ୍ ନିଂଇ ମାତର୍‌ ଡ଼ିସ୍‍ଏ ।”

లూకా 12:32

ଏ ଇସ୍ରି ମାନ୍ଦା, ତିଲାମାଟ୍‌, ଇରିଙ୍ଗ୍‌ ମିଙ୍ଗିଁ ଆୟା ରାଜି ସିଦେଙ୍ଗ୍‍ ଇଜି ମି ମୁସ୍‌କୁପୁର୍‌ତି ବୁବା ବଦା କିଜିନାନ୍‌ ।

మత్తయి 10:37

“ଏନ୍‌ ବୁବାସି ନି ଆଇସିଙ୍ଗ୍‍ ନା ମାଣ୍‌କୁ ନାଣ୍ତ ଜିବନ୍‍ନୋନାନ୍‍, ୱାନ୍‌ ନା ସିସୁ ଆଦେଙ୍ଗ୍‌ ଜଗ୍‌ ସିଲେନ୍‌, ମାରି ଏନ୍‌ କଡ଼ଦିଙ୍ଗ୍‌ ନି ଆଇଲିଦିଙ୍ଗ୍‍ ନା ମାଣ୍‌କୁ ନାଣ୍ତ ଜିବନ୍‍ନୋନାନ୍‍, ୱାନ୍‌ ନା ସିସୁ ଆଦେଙ୍ଗ୍‌ ଜଗ୍‌ ସିଲେନ୍‌ ।

యోహాను 13:37

ପିତର୍‌ ୱାନିଙ୍ଗ୍‌ ୱେନ୍‌ବାତାନ୍‌, “ପ୍ରବୁ, ନାନ୍ ଇଲେଇ ଏନ୍ଧା ନି ୱେନ୍‌କା ୱେନ୍‌କା ସନ୍‌ଡ଼୍ରେଙ୍ଗ୍‌ ଆଟ୍‍ଏ ? ନାନ୍ ନି ଉଣ୍ତିଙ୍ଗ୍‌ ନିଜେଦି ଜିବନ୍‌ ସିଦେଙ୍ଗ୍‍ ବା ରାଜି ।”

యోహాను 1:42

ୱାନ୍‌ ୱାନିଙ୍ଗ୍‌ ଜିସୁ ଲାକ୍‌ତୁ ତାତାନ୍‍ । ଜିସୁ ପିତର୍‌ ତରିନ୍‌ ସୁଡ଼ୁଜି ଇର୍‌ଆନ୍‌, “ନିନ୍‌ ସିମୋନ୍‌ ଜୋହନତି ମାରିସି । ନିନ୍‌ କେପା ଦର୍‌ତାନ୍‌ ୱେଙ୍ଗ୍‍ଁନି ଅନୁବାଦ କିତିଙ୍ଗ୍‌ ତେନି ଅର୍ତ କାଲୁ ।”

మత్తయి 26:35

ପିତର୍‌ ଇର୍ହାନ୍‌, “ନି ୱାଲେ ସାଦେଙ୍ଗ୍‌ ପଡ଼ାତିଙ୍ଗ୍‌ ବା ନାନ୍ ଏସ୍‌କାଙ୍ଗ୍‌ ନିଙ୍ଗିଁ ନେସ୍‍ଏ ଇଜି ଇନ୍‌ଏ ।” ଆଇ ସିସୁର୍‍ ୱିଜେରେ ବା ଆୟାୱାଜା ଇର୍ହାର୍‌ ।

మత్తయి 26:33

ପିତର୍‌ ଜିସୁଙ୍ଗୁଁ ଇର୍ହାନ୍‌, “ଆଇକାର୍‌ ୱିଜେରେ ନିଙ୍ଗିଁ ଡ଼ିସ୍‌ତି ସରିଙ୍ଗ୍ ବା ନାନ୍ ମୁଡ଼ୁକେ ସୋଲଏ ।”

అపొస్తు 20:29

ନାନୁ ନେସ୍‌ନା, ନାନୁ ସର୍‍ରି ୱେନ୍‌କା ମି ଲୋଇ ବୟ୍‍ଙ୍କାର୍‍ ବେନ୍‍ଡ୍ରରକିଙ୍ଗ୍‍ ୱାନେ ମାରି ମାନ୍ଦାଦିଙ୍ଗ୍‍ କାଣ୍ତିଆକାବ୍‍ରା କିଏନ୍‍ଣ୍ତା ଡ଼ିସ୍‍ଉ ।