యోహాను 14:23 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²³ ଜିସୁ ୱାନିଙ୍ଗ୍‌ ଇର୍ହାନ୍‌, ଜଦି ଏନ୍‌ ନାଙ୍ଗିଁ ଜିବନ୍‌ନୋନାନ୍‌, ଆରିଙ୍ଗ୍‌ ୱାନ୍‌ ନା ବାକ୍ୟ ମାନାନାର୍‌, ମାରି ନା ବୁବା ୱାନିଙ୍ଗ୍‌ ଜିବନ୍‌ନୋନାନ୍‌, ମାରି ବୁବା ନି ନାନ୍ ୱାନି ଲାକ୍‌ତୁ ୱାଜି ୱାନି ୱାଲେ ତେବାନାପ୍‍ ।

Konda: కొండ బాసదు నెగ్గి కబ్రు

²³ అందెఙె యేసు, “ఒరెన్‌ నఙి ప్రేమిస్తిఙ, వాండ్రు నా మాటెఙ్‌ వినాన్. అయావలె నా బుబ్బ వన్నిఙ్‌ ప్రేమిస్నాన్. నా బుబ్బని నాను వన్నిడగ్రు వాజి వన్నివెట మంజినాప్.

యోహాను 14:23 Referans Kwoze

యోహాను 14:21

ଏନ୍‌ ନା ମାଟାୱିଜୁ ମାନାଜି ସାଲାନାନ୍‌, ୱାନ୍‌ ନାଙ୍ଗିଁ ଜିବନ୍‌ନୋନାନ୍‌, ମାରି ଏନ୍‌ ନାଙ୍ଗିଁ ଜିବନ୍‌ନୋନାନ୍‌, ନା ବୁବା ୱାନିଙ୍ଗ୍‌ ଜିବନ୍‌ନୋନାନ୍‌, ମାରି ନାନ୍ ୱାନିଙ୍ଗ୍‌ ଜିବନ୍‌ନୋନା ମାରି ୱାନି ଲାକ୍‌ତୁ ନିଜେଦିଙ୍ଗ୍‌ ତରାୟାଆନା ।

యోహాను 14:15

ଜଦି ମିର୍‌ ନାଙ୍ଗିଁ ଜିବନ୍‌ନୋନିଦେର୍‌, ଆରିଙ୍ଗ୍‌ ନା ମାଟାୱିଜୁ ମାନାନିଦେର୍‌ ।

୧ ଜୋହନ 2:24

ମାରି, ମିରୁ ଆରାମ୍‌ତାନ୍‌ ଆମା କାବୁର୍‌ ୱେର୍‌ଇମାନିଦେର୍‌, ଆକା ମିମାନୁ ତେବାପିତ୍‌ । ମିରୁ ଆରାମ୍‌ତାନ୍‌ ଆମା କାବୁର୍‌ ୱେର୍‌ଇମାନିଦେର୍‌, ଆକା ଜଦି ମିମାନୁ ତେବାନାତ୍‌, ଆର୍‌ତିଙ୍ଗ୍‌ ମିରୁ ବା ମାରିନ୍‌ ନି ବୁବାଦିମାନୁ ତେବାନି ।

୧ ଜୋହନ 4:4

ଏ କଡ଼ର୍‌, ମିରୁ ମାପୁରୁଦିମାଣୁକୁ ଜନମ୍‌, ମାରି ମିରୁ ଆୟା ବଣ୍ତ୍‌ ବାବବାଦିରିଙ୍ଗ୍‌ ଆରାକିତିମାନିଦେର୍‌, ଇରିଙ୍ଗ୍‌ ମି ଜିବନ୍‌ତୁ ବାସାତି ମାନି ମାପୁରୁଦି ଆତ୍ମା, ଜଗତ୍‌ଦି ଲୋକା ଆତ୍ମାଆଙ୍ଗ୍‌ ମାଣୁକୁ ନାଣ୍ତ୍‌ ସାକ୍ତି ।

2కొరింతి 6:16

ମାପୁରୁଦି ମନ୍ଦିର୍‌ତୁ ଏଣ୍ତେସ୍ ଦିୟାମ୍‍ ତିଆର୍‍ ଆନାତ୍‌ ? ମାଡ୍‌ ତୋ ଜିବନ୍‍ମାନି ମାପୁରୁଦି ମନ୍ଧିର୍‍, ଇରିଙ୍ଗ୍‌ ମାପୁରୁ ନିଜେ ଇର୍ହାମାନାନ୍‌, “ନା ଲୋକାୱାଲେ ନାନୁ ବାସାକିନା ମାରି ୱାରି ମାନୁ ତେବାନା; ନାନୁ ୱାରି ମାପୁରୁ ଆନା ମାରି ୱାର୍‌ ନା ନିଜେ ଲୋକ ଆନାର୍ ।”

యోహాను 10:30

ବୁବା ନି ନାନ୍ ଅରେନ୍‍ ।”

యోహాను 6:56

ଏନ୍‌ ନା କାଣ୍ତା ତିନ୍‌ନାନ୍‌ ମାରି ନା ନେତେର୍‌ ଉଣୁନାନ୍‌, ୱାନ୍‌ ନା ମାନୁ ତେବାନାନ୍‌ ମାରି ନାନ୍ ୱାନିମାନୁ ତେବାନା ।

యోహాను 14:17

ମାରି ୱାଦ୍‌ ଆଜିନାତ୍‍ ସତ୍‌ତି ଆତ୍ମା । ଇୟା ଜଗତ୍‌ ୱାନିଙ୍ଗ୍‌ ମାନାଦେଙ୍ଗ୍‌ ଆଟ୍‍ଏତ୍‍, ଇରିଙ୍ଗ୍‌ ଜଗତ୍‌ ୱାନିଙ୍ଗ୍‌ ସୁଡ଼ୁଏତ୍‌ କି ନେସେତ୍‌; ମାତର୍‌ ମିର୍‌ ୱାନିଙ୍ଗ୍‌ ନେସ୍‌ନିଦେର୍‌, ଇରିଙ୍ଗ୍‌ ୱାନ୍‌ ୱାଲେ ତେବାନାନ୍‌, ମାରି ୱାନ୍‌ ମି ଜିବନ୍‍ତୁ ତେବାନାନ୍‌ ।

ప్రకటన 21:22

ନାନୁ ଗାଡ଼୍‌ତି ଏମେ ମନ୍ଦିର୍‌ତିଙ୍ଗ୍‌ ସୁଡ଼ୁଦେଙ୍ଗ୍‌ ଆଟ୍‍ଏତା, ମାତର୍‌ ନିଜେ ସର୍ବସାକ୍ତିମାନ୍ ମାପୁରୁ ମାରି ମେଣ୍ତାଗଡ଼ୁଦି ୱାନି ମନ୍ଦିର୍‌ ଆନାତ୍ ।

ప్రకటన 22:3

ମାପୁରୁଦି ଅବିସାପ୍‍ତି ମାଟା ଏମେ ବିସୟ ଆୟା ଗାଡ଼୍‌ତୁ ସୁଡ଼ୁଦେଙ୍ଗ୍‌ ପୋୟ୍‌ଇକାନି । ମାପୁରୁ ମାରି ମେଷସାବକତି ରାଜାଗାଦି ଆୟା ଗାଡ଼୍‌ତି ନାଡ଼ିମି ତେବାନାତ୍‌ ମାରି ଆବେନୁ ୱାରି ସେବା କିନିକାର୍‌ ୱାନି ଆରାଦନା କିନାର୍ !

యోహాను 8:51

ସତ୍‌ ସତ୍‌ ନାନ୍ ମିଙ୍ଗିଁ ଇଜିନା, ଜଦି ଏନ୍‌ ନା ସିକିୟା ମାନାନାନ୍‍, ଆତିଙ୍ଗ୍‌ ୱାନ୍‌ ଏସାଙ୍ଗ୍‌ ବା ସାଏନ୍‌ ।”

యోహాను 8:52

ଜିହୁଦିର୍‍ ଜିସୁଙ୍ଗୁଁ ଇର୍ହାର୍‌, “ଇଲେଇ ମାପ୍‌ ନେସ୍‍ତାପ୍‍ ଜେ ସତେନେ ନିଙ୍ଗିଁ ଦୁବା ଆସ୍‍ତାମାନାତ୍‍, ଅବ୍ରାହାମ ମାରି ବାବବାଦିର୍ ସାତା ମାନାର୍‌, ମାରି ନିନ୍‌ ଇଜିନି, ଜଦି ଏନ୍‌ ନା ସିକିୟା ମାନାନାନ୍‍, ଆତିଙ୍ଗ୍‌ ୱାନ୍‌ ଏସାଙ୍ଗ୍‌ ବା ସାଏନ୍‌ ।

యోహాను 14:24

ଏନ୍‌ ନାଙ୍ଗିଁ ଜିବନ୍‌ନୋଏନ୍‌, ୱାନ୍‌ ନା ବାକ୍ୟଦିଙ୍ଗ୍ ମାନାଏନ୍‌, ମାରି ଏମେ ବାକ୍ୟ ମିର୍‌ ୱେନ୍‌ଜିନିଦେର୍‌, ଆକା ନାଦି ଆଏତ୍‍, ମାତର୍‌ ନା ପୋକ୍‌ତାତିମାନି ମାଲିକ୍‌ତି ବୁବାଦି ।

యోహాను 15:10

ନାନ୍ ଏଣ୍ତେସ୍‌ ମା ବୁବାଦି ମାଟାଦିଙ୍ଗ୍‌ ମାନାଜି ୱାନି ଜିବନ୍‍ନୋନିମାଣାନ୍‍ ତିର୍‌ ଆତାମାନା, ଆୟାୱାଜା ମିର୍‌ ଏସ୍‌କାଙ୍ଗ୍‌ ନା ମାଟାଦିଙ୍ଗ୍‌ ମାନାନିଦେର୍‌, ଆରିଙ୍ଗ୍‌ ନା ଜିବନ୍‌ନୋନିମାଣାନ୍‍ ତିର୍‌ ଆନି ତେବାନିଦେର୍‌ ।

యోహాను 16:27

ଇରିଙ୍ଗ୍‌ ବୁବା ନିଜେ ମିଙ୍ଗିଁ ଜିବନ୍‌ନୋନାନ୍‌, ଆଦେଙ୍ଗ୍‌ ମିର୍‌ ନାଙ୍ଗିଁ ଜିବନ୍‌ନୋତିମାନିଦେର୍‌ ମାରି ନାନ୍ ଜେ ମାପୁରୁଦି ଲାକ୍‌ତୁରାନ୍‌ ୱାତାମାନା, ଆକା ମିର୍‌ ବିସ୍‌ବାସ୍‌ କିତିମାନିଦେର୍‌ ।

ଏପିସିୟ 3:17

ନାନ୍‌ ପାର୍‌ତାନା କିନା, ଏଣ୍ତେସ୍‌ ମି ବିସ୍‌ବାସ୍‌ତି ବପୁଦାନ୍‌ କ୍ରିସ୍ତ ମି ଜିବନ୍‌ତୁ ବାସା କିନାନ୍‌ । ନାନ୍‌ ପାର୍‌ତାନା କିନା, ଏଣ୍ତେସ୍‌ ମି ମୁଲ୍‌କୁନାଦିକାଲୁ ଜିବନ୍‌ନୋନିମାଣୁକୁ ତିଆର୍‌ ମାରି ଡାଟ୍‌ ଆନାତ୍‌ ।

୧ ଜୋହନ 2:5

ମାତର୍‌ ଏନ୍‌ ୱାନି ବାକ୍ୟ ମାନାନାନ୍‌, ୱାନିମାନୁ ମାପୁରୁଦି ଜିବନ୍‌ନୋନିକା ସତ୍‌ତାନ୍‌ ପୁରା ଆତାମାନାତ୍‌ । ଆୟାମାଣୁକୁ ମାପୁ ନେସ୍‌ନାପ୍‌ ଜେ, ମାପୁ ୱାନିମାନୁ ମାନାପ୍‌ ।

୧ ଜୋହନ 5:3

ଇରିଙ୍ଗ୍‌ ମାପୁରୁଙ୍ଗୁଁ ଜିବନ୍‌ନୋନି ଅର୍ତ ଆଜିନାତ୍‌, ମାଡୁ ୱାନି ମାଟା ମାନାନିକା, ମାରି ୱାନି ମାଟା ମାନାନିକା ନାଣ୍ତ କାସ୍ଟୁସିଲେ ।

୨ ଜୋହନ 1:6

ଆମା ଜିବନ୍‌ନୋନି ମାଟା ଇବେନୁ ନାନ୍‌ ୱେର୍‌ସିନା, ତାନି ଅର୍ତ ଆଜିନାତ୍‌, ଜିବନ୍‌ତୁ ମାପୁରୁଦି ମାଟା ମାନାନିକା । ଆୟା ମାଟା ଇନିକା, ମିରୁ ପୁର୍ବେଦାନ୍‌ନେ ୱେର୍‌ଇମାନିଦେର୍‌, ଆକା ଆଜିନାତ୍‌, ମାଡୁ ୱିଜୁଲୋକୁ ନିଜେନିଜେଦି ଉଣ୍ତିଙ୍ଗ୍‌ ଜିବନ୍‌ନୋଜିସାନିକା ମାନାତ୍‌ ।

ప్రకటన 21:3

ମାରି ମୁସ୍‌କୁପୁର୍‌ ସିଂହାସନ୍‍ତାନ୍ ଉନ୍‍ଣ୍ତ୍ରି ମାଟା ଆତାତ୍, “ଇଲେଇ ମାପୁରୁଦି ଆସା ଲୋକା ମାଡ଼ାନ୍; ୱାନ୍‌ ୱାରି ସଙ୍ଗତାନ୍ ବାସା କିନାର୍ ମାରି ୱାର୍‌ ୱାନି ନିଜେଦି ଲୋକୁ ଆନାର୍ । ମାପୁରୁ ୱାରିୱାଲେ ବାସାକିନାର୍ ମାରି ୱାରି ମାପୁରୁ ଆନାର୍ ।