యాకోబు 3:17 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁷ ମାତର୍‌ ମୁସ୍‌କୁରାନ୍‌ ୱାନି ବୁଦି ଆଗ୍‌ଡ଼ି, ପବିତ୍ର; ଆକାବା ସାନ୍ତି ସିନାତ୍‌, କାର୍ମୁ ମାରି ସଙ୍ଗ୍‍ ଆନିକା । ଆକା ସତ୍‍ପାଣିଦୁ ପୁରାବର୍ତି ମାରି ନାଣ୍ତ୍‌ଦାନ୍‌ ସତ୍‌ପାଣିଦୁ ପଲ୍‌ ଆସିସ୍‌ କିନାତ୍‌; ଆକା ୱିଜୁ ଲୋକାଙ୍ଗ୍‍ ସାନ୍ତି ମାରି ବାଣ୍ତିସ୍‍ କିଏତ୍‍ ।

Konda: కొండ బాసదు నెగ్గి కబ్రు

¹⁷ గాని దేవుణుబాణిఙ్‌ వాని గెణం కల్తి సిల్లిక. అయ గెణం మన్నికార్‌ సమదనమ్‌దాన్‌, సార్లిదాన్‌, విజేరెవెట కూడ్ఃజి, లొఙిజి మంజిని బుద్దిదాన్‌, కనికారమ్‌దాన్‌, నెగ్గి పణిఙాణ్‌, విజేరిఙ్‌ ఉండ్రెలెకెండ్‌ సుడ్ఃజి, నిజమ్‌దాన్‌ పణి కినార్‌.

యాకోబు 3:17 Referans Kwoze

యాకోబు 3:15

ଇୟାୱାଜା ବୁଦି ମାପୁରୁଦି ମାଡ଼ାନ୍ ରେଏତ୍‌; ଆକା ଦୁନିଆଦିକା, ମେନ୍ଦଲ୍‌ତିକା, ତାଗ୍‍ଇ ମାଣାନ୍‍ ଆନାତ୍‌ ।

ରୋମିୟ 12:9

ଜିବନ୍ତି ୱାଲେ ଜିବନ୍‍ନୋନିକା ନେଗିକା ଆପିତ୍‌ । ଆମା ୱିଜୁ ସତ୍‍ସିଲେ; ତାନିଙ୍ଗ୍‍ଁ କାଡ଼୍‍ଦୁ, ୱିଜୁ ସତ୍‌ ବିସୟ୍‍ତୁ ଲାକ୍‍ତୁ ଆଦୁ ।

యాకోబు 1:17

ୱିଜୁ ନେଗି ଦାନ୍‌ ମାରି ୱିଜୁଦିଙ୍ଗ୍‌ ପେରି ଇନାମ୍‍ ମୁସ୍‌କୁପୁରୁତି ବୁବାମାଣୁକୁ ୱାନାତ୍‌ । ୱାନ୍‌ ସାରାଦୁନିଆଦି ୱେଡ଼ା, ଲେଜୁ ନି ସୁକେଙ୍ଗାଁ ତିଆର୍‍ କିତିକାନ୍‍ । ୱାନ୍‌ ନିଡ଼ିଗା ୱାଜା ବାଦ୍‌ଲେଆନିକାନ୍‍ ଆଏନ୍‌;

యాకోబు 1:5

ମାତର୍‌ ମି ଲୋଇରାନ୍‌ ଆମାୱାନିଙ୍ଗ୍‌ ଜଦି ବୁଦି ଉଣାମାନାତ୍‌, ୱାନ୍‌ ମାପୁରୁଦି ଲାକ୍‌ତୁ ପାର୍‌ତାନା କିପିନ୍‌, ଆର୍‌ତିଙ୍ଗ୍‌ ମାପୁରୁ ୱାନିଙ୍ଗ୍‌ ବୁଦି ସିନାନ୍‌, ଇରିଙ୍ଗ୍‌ ମାପୁରୁ ଦୋସ୍‌ଆସ୍‌ଏଣ୍‌ଗା ମାରି ଲବ୍ରାଆଇ ମୋନ୍‌ତାନ୍‌ ୱିଜେରିଙ୍ଗ୍‌ ଦାନ୍‌ କିନାନ୍‌ ।

୧ ଜୋହନ 3:18

ଏ କଡ଼ର୍‌, ରାଦୁ, ମାଡୁ ବାକ୍ୟଦାନ୍‌ ନୋ ୱେତଲ୍‌ତାନ୍‌ ଜିବନ୍‌ନୋଏଣ୍‌ଗା, ପାଣିଦାନ୍‌ ମାରି ସତ୍‌ତାନ୍‌ ଜିବନ୍‌ନୋନିକା ।

୧ ପିତର 1:22

ଇଲେଇ ମିର୍‌ ସତ୍‍ତି ସାରିତରିନ୍‌ ବୁଲାଜିମାନିଙ୍ଗ୍‌ ନିଜେ ନିଜେଦିଙ୍ଗ୍‌ ନେଗେନ୍‌ କିଆତିମାନିଦେର୍‌ ମାରି ବିସ୍‌ବାସ୍‌ତି ତଡ଼ାନ୍‌କାଙ୍ଗ୍‌ ଜିବନ୍‌ ନୋଦେଙ୍ଗ୍‌ ବଦା ମାନାତ୍‌ । ନିଜେନିଜେଦିଙ୍ଗ୍‌ ଜିବନ୍‌ତାନ୍‌ ଜିବନ୍‍ନୋଦୁ ।

మత్తయి 5:8

ଏମେୱାରି ଜିବନ୍‌ ନେଗିକା ୱାର୍‌ ଦନ୍ୟ, ଇରିଙ୍ଗ୍‌ ୱାର୍‌ ମାପୁରୁଦି ଦର୍ସନ୍‍ ପଇନାର୍‌ ।

୧ ଜୋହନ 3:3

ମାରି ଆମାକାର୍‌ କ୍ରିସ୍ତଦିମାନୁ ଇୟା ଆସା ତିଆର୍‌ କିତାମାନାର୍‌, ୱାର୍‌ କ୍ରିସ୍ତଦି ୱାଜା ନିଜେଦିଙ୍ଗ୍‌ ପବିତ୍ର କିଜି ଇଡ୍‌ନାର୍‌ ।

లూకా 21:15

ଇରିଙ୍ଗ୍‌ ନାନ୍ ମିଙ୍ଗିଁ ଇୟାୱାଜା ମାଟା ନି ବୁଦି ସିନା ଜେ, ମି ୱିଜୁ ସାତ୍ରୁ ଲୋକୁ ଆବେ ଆଙ୍ଗ୍‌ଦେଙ୍ଗ୍‌ ଆଟ୍‍ଏର୍‍ ।

లూకా 6:36

ମି ବୁବା ଏଣ୍ତେସ୍‌ କାର୍ମୁଦିକାନ୍‍, ମିର୍‌ ଆୟାୱାଜା କାର୍ମୁଦିକାର୍‍ ଆଦୁ ।

ఎబ్రి 12:14

ୱିଜେରି ୱାଲେ ସାନ୍ତିଦାନ୍ ବାସାକିଦେଙ୍ଗ୍ ମାରି ପବିତ୍ରଦାନ୍‌ ଜିଦେଙ୍ଗ୍‌ ସେସ୍ଟା କିଦୁ; ଇରିଙ୍ଗ୍‌ ତାନି ବାଦୁଲୁ ଏନ୍‌ ପ୍ରବୁଦି ଦର୍ସନ ପୋଇଦେଙ୍ଗ୍‌ ଆଟ୍‌ଏନ୍‌ ।

2తిమోతి 2:24

ମାପୁରୁଦି ପାଣିକିନିକାନ୍‌ ଆଉଲି ଆନିକା ନେଗେତ୍‌ ସିଲେ, ୱାନ୍‌ ୱିଜେରି ଉଣ୍ତିଙ୍ଗ୍‌ ସାନ୍ତି ଆଜି ଅରେନ୍‌ ପୁରା ସାସ୍ତି ଗୁରୁ ଆନି ଦର୍‌କାର୍‌ ।

୧ ପିତର 2:1

ମାରି, ପ୍ରବୁ ଜେ ନେଗିକାନ୍‍, ଇକା ଜଦି ୱେଟି ମାନିଦେର୍‍, ଆର୍‍ତିଙ୍ଗ୍‍ଁ ୱିଜୁ ରକମ୍‍ତି ତାଗ୍‌ଇକା, ମିଚ୍‌ୱେର୍‌ନିକା ମାରି ଟକେକିନିକା, ଆକାର୍‍ ମାରି ଆଇୱାରିଙ୍ଗ୍‌ ନିନ୍ଧାକିନିକା ଡ଼ିସ୍‌ସି ।

యాకోబు 2:4

ଆର୍‌ତିଙ୍ଗ୍‌, ନିଜେ ନିଜେଦି ଲୋଇ ପେରିକାନ୍‌ ଇସ୍ରିକାନ୍‌ ୱାଜା ତିଆର୍‌ କିଜିନିଦେର୍‌ ମାରି ସତ୍‌ସିଲିକା ମୋନ୍‌ତୁ ଇଡ୍‍ଜି ଲୋକା ମକମ୍‌ସୁଡ଼ୁଦେଙ୍ଗ୍‌ ବିସାର୍‌ କିଜିନିଦେର୍‌ ।

ఎబ్రి 12:11

ସାସ୍ତି ପୋଇନି ୱାଲେ ମାଙ୍ଗିଁ ଆକା ଦୁଃକ୍‍ଅଡ଼୍‌ବିନିକା ମାନାତ୍‌, ମୁଡ଼ୁକେ ୱେଡ଼ିକାଦିକା ଆଏତ୍‌ । ମାତର୍‌ ସାସ୍ତିଦାନ୍ ଏମେୱାରି ଜିବନ୍‌ ସାନ୍ତି ଆନାତ୍‌, ୱାର୍‌ ୱେନ୍‍କା ସାନ୍ତିଦି ଦାର୍ମୁଦି ଜିବନ୍‌ ୱାଜା ପୁରସ୍କାର୍‌ ପୋଇନାର୍‍ ।

కొలొసి 1:10

ଆର୍‌ତିଙ୍ଗ୍‌, ମିର୍‌ ପ୍ରବୁଦି ବଦାଦି ୱାଜା ଜିଦେଙ୍ଗ୍‌ ଆଟ୍‍ନିଦେର୍‍ ମାରି ୱାନି ୱେଡ଼ିକାଦି ପାଣି କିଦେଙ୍ଗ୍‌ ଆଟ୍‍ନିଦେର୍‍ । ମିର୍‌ ଜିବନ୍‍ତୁ ୱିଜୁ ରକମ୍‍ତି ନେଗି ପାଣି କିଦେଙ୍ଗ୍‌ ଆଟ୍‍ନିଦେର୍‍ ମାରି ମାପୁରୁଦି ବିସୟ୍‍ତାନ୍‍ ମି ବୁଦି ପିର୍‍ନାତ୍‍ ।

ରୋମିୟ 15:14

ନା ତଡ଼ାନ୍‍କୁ ନି ତାଙ୍ଗିଁକ୍‍, ନା ବିସ୍‍ବାସ୍‍, ମିର୍‌ ୱିଜୁ ନେଗିଗୁଣ୍‍ ନି ବୁଦିଦୁ ପୁରାଆଜି ମାରି ନିଜେନିଜେଦିଙ୍ଗ୍‍ଁ ସିକିୟା ସିଦେଙ୍ଗ୍‌ ଆଟ୍‌ନିଦେର୍‌ ।

1కొరింతి 12:8

ଇରିଙ୍ଗ୍‌ ଅରେନ୍‍ୱାନିଙ୍ଗ୍‍ ଆତ୍ମାଦି ମାଣ୍‌କୁ ବୁଦିଦି ବାକ୍ୟ, ମାରି ଅରେନ୍‍ୱାନିଙ୍ଗ୍‍ ଆୟା ଆତ୍ମାଦି ସିକିୟା ଇସାବ୍‌ତାନ୍‌ ବୁଦିଦି ମାଟା ଇନାନ୍‌,

యాకోబు 4:8

ମାପୁରୁଦି ଲାକ୍‌ତୁ ରାଦୁ, ମାରି ୱାନ୍‌ ମି ଲାକ୍‌ତୁ ୱାନାନ୍‌ । ଏ ପାପି ଲୋକୁ, ମି କିକୁ ନର୍‍ଦୁ, ଏ ରିୟାଙ୍ଗାଁଆନି ଲୋକୁ, ମି ଜିବନ୍‌ ନେଗେନ୍‍ କିଦୁ,

1తిమోతి 5:21

ମାପୁରୁଦି କ୍ରିସ୍ତ ଜିସୁଦି ମାରି ଆସ୍‌କିତି ମୁସ୍‌କୁପୁର୍‌ତି ଦୁତ୍‍କା ଆଗ୍‌ଡ଼ି ନାନ୍‌ ଡାଟ୍‌ତାନ୍‌ ମାଟା ୱେର୍‌ସିନା, ମିର୍‌ ଆଗ୍‌ଡ଼ିରି ଇସାବ୍‌ତାନ୍‌ ସାଲାଏଣ୍‌ଗା ଇୟାୱିଜୁ ମାନାଦୁ, ମାରି ଏ ବିରୁଦ୍‌ତାନ୍‌ ମକମ୍‌ ସୁଡ଼ୁଜି ଇନି ପାଣି କିମାଟ୍‌ ।

అపొస్తు 11:24

ବର୍ଣ୍ଣବାସ୍‍ ପବିତ୍ର ଆତ୍ମା ନି ବିସ୍‌ବାସ୍‌ତୁ ପୁରାଆତି ଅରେନ୍‌ ନେଗି ଲୋକୁ ମାର୍ହାନ୍‍ । ୱାନି ପ୍ରଚାର୍‌ତାନ୍‍ ନାଣ୍ତ ଲୋକୁ ପ୍ରବୁଦି ଲାକ୍‌ତୁ ୱାତାର୍‌ ।

మత్తయి 23:28

ଆୟାୱାଜା ମିର୍‌ ବା ଆତେରେ ଲୋକା ଆଗ୍‌ଡ଼ି ନେଗେନ୍‌ ତର୍‌ନିଦେର୍‌, ମାତର୍‌ ମି ଲୋଇରିକା ସାଲାକି ନି ପାପ୍‌ତୁ ବର୍ତି ।

1దెస్స 2:7

ମାରିବା କ୍ରିସ୍ତଦି ପ୍ରେରିତ ସିସୁ ୱାଜା ମାପ୍‌ ମିମାଣୁକୁ ଆକା ଦାବି କିଦେଙ୍ଗ୍‌ ଆଟ୍‌ତାପ୍‌ମାନ୍ଦି । ମାତର୍‌ ୟାୟା ଏଣ୍ତେସ୍‌ ନିଜେଦି କଡ଼କକ୍ରାରିଙ୍ଗ୍‌ ଜାତୁନ୍‍ କିନାମାନାତ୍‌, ମି ଲାକ୍‌ତୁ ମାର୍‌ଇ ୱାଲେ ମାପ୍‌ ମି ଉଣ୍ତିଙ୍ଗ୍‌ ଆୟାୱାଜା ଜିବନ୍‌ନୋତା ମାର୍ହାପ୍‌ ।

ପିଲିପିୟ 4:8

ସାରାସାରିୱେନ୍‌କା, ଏ ତଡ଼ାନ୍‌କୁ ନି ତାଙ୍ଗିଁକି, ଆମା ୱିଜୁ ନେଗିକା ମାରି ୱେଡ଼ିକାଦି ବିସୟ୍‌ ମାନାତ୍‌, ଆମା ଆମାକା ସତ୍‌, ଆମା ଆମାକା ପେରିକା, ଆମା ଆମାକା ଟିକ୍‌, ଆମା ଆମାକା ପୁରାନେଗିକା, ଆମା ଆମାକା ଲୋକ୍‌ତିଙ୍ଗ୍‌ ନେଗିକା, ଆମା ଆମାକା ସନ୍‍ମାନଜନକ, ଆୟାୱିଜୁ ବିସୟ୍‌ ସିନ୍ତା କିଦୁ ।

ପିଲିପିୟ 1:11

ମାରି, ମାପୁରୁଦି ଗୌରବ୍‍ ମାରି ଦନ୍ୟବାଦତି ଉଣ୍ତିଙ୍ଗ୍‌ ମି ଜିବନ୍‌ ଜିସୁ କ୍ରିସ୍ତଦି ସିତିମାନି ୱିଜୁ ନେଗିଗୁଣୁତୁ ପୁରା ଆନାତ୍‌ ।

అపొస్తు 9:36

ଜପାଦୁ ଟବିତା ଦର୍‌ତି ଅରେତ୍‌ ବିସ୍‍ବାସିନି ଆଇମା ବାସାଜି ମାର୍ହାତ୍‌ । ତାନି ଗ୍ରିକ୍‌ ଦର୍‌ ଦର୍କାସ୍‍ ଅର୍ତାତ୍‍ “ବନ୍‍ ଗରିଆ” ମାର୍ହାତ୍‌ । ୱାଦ୍‌ ତାନି ୱିଜୁ ସମୟ୍ ନେଗି ପାଣିଦୁ ମାରି କାକୁର୍ତି ଲୋକାଙ୍ଗ୍‌ ସେବା କିନିମାନି ସମୟ ସିଜି ମାର୍ହାତ୍‌ ।

యోహాను 1:47

ଜିସୁ ନିତନିଏଲ୍‍ତିଙ୍ଗ୍‍ ୱାନି ଲାକ୍‌ତୁ ୱାନିକା ସୁଡ଼ୁଜି ୱାନି ବିସୟ୍‌ତାନ୍‌ ଇର୍‌ଆନ୍‌, “ଇଦି ସୁଡ଼ୁଦୁ, ସତେନେ ଇକାନ୍‌ ଅରେନ୍‍ ଇସ୍ରାଏଲ୍‌ତି ଲୋକୁ, ୱେନିମାନୁ ଇନି ତାଗ୍‌ଇକା ସିଲେତ୍‍ ।”

యోహాను 1:14

ମାରି, ଆୟା ବାକ୍ୟ ନର୍‍ ମେନ୍ଧଲ୍‍ ଆସ୍‌ସି ମା ୱାଲେ ଜିତାନ୍‍ । ୱାନ୍‌ ଦୟା ନି ସତ୍‍ତୁ ପୁରା ଆଜିମାର୍ହାନ୍‍ । ମାରି ମାପୁରୁଦି ଅରେନ୍‍ନେ ମାରିସିୱାଜା ୱାନ୍‌ ଏମେ କାବାଆନି ମହିମାକି ପୋଇତାମାର୍‍ହାନ୍‍, ଆକା ମାପ୍‌ ସୁଡ଼ୁତାପ୍‌ ।

తీతు 3:2

ଏ ନିଦା ମାଟା ୱାର୍‌ଗିଏଣ୍‌ଗା ସାନ୍ତି ମାରି ସଙ୍ଗ୍‌ତି ୱାଜା ସାଲାଦେଙ୍ଗ୍‌ ମାରି ୱିଜୁ ଲୋକା ଉଣ୍ତିଙ୍ଗ୍‌ ନେଗି ପାଣି କିଦେଙ୍ଗ୍‌ ୱାରିଙ୍ଗ୍ ଆଦେସ୍‌ ସିଦୁ ।

తీతు 1:15

ନେଗି ଲୋକା ଉଣ୍ତିଙ୍ଗ୍‌ ୱିଜୁନେ ପବିତ୍ର; ମାତର୍‌ ତାଗ୍‍ଇକା ଅବିସ୍‌ବାସ୍‌ସିର୍‌ ଇନି ବିସୟ୍‌ବା ପବିତ୍ରତା ମାନାଏର୍‌, ଇରିଙ୍ଗ୍‌ ୱାରି ମୋନ୍‌ ନି ବୁଦି ତାଗ୍‍ଇକା ।

ରୋମିୟ 12:18

ୱିଜେରି ୱାଲେ ସାନ୍ତିଦାନ୍‍ ବାସାଦେଙ୍ଗ୍‍ଁ ଇଜି ଏସ୍ତିୱାଲେ ଆଦେଙ୍ଗ୍‍ଁ ଆଟ୍‍ନାତ୍‍ ସେସ୍ଟା କିଦୁ ।

ଏପିସିୟ 5:9

ମାତର ଜାୟ୍‌ ନେ ୱିଜୁ ରକମ୍‍ତି ନେଗିଗୁଣୁ, ଦାର୍ମୁତିକା ମାରି ସତ୍‍ନାନି ପଲ୍‌ ଆସ୍‌ନାତ୍‌ ।

2కొరింతి 10:1

ନାନୁ ପାଉଲ ମିଙ୍ଗିଁ ନା ଇୟା ନିଜେଦି ଅନୁରୋଦ ଏନ୍‌ ଏନ୍‌ ଇନାର୍‍, “ନାନୁ ମି ଲାକୁତୁ ମାରିଇୱାଲେ ନାଣ୍ତ ଦାର୍ମୁ ନି ତିର୍‌, ମାତର ଆକ ସରିଙ୍ଗାଁ ନାଣ୍ତଆଟ୍‍ୱା ।” କ୍ରିସ୍ତଦି ନମ୍ରତା ମାରି କାର୍ମୁ ସିଜି ନାନୁ ମିଙ୍ଗିଁ ଅନୁରୋଦ କିଜି ୱେରିସିନା ।

2కొరింతి 9:10

ଏମେ ୱିତୁ ୱିତୁୱିତିନିଲୋକାଙ୍ଗ୍‌ ମାପୁରୁ ୱିତ୍‍ନି ଉଣ୍ତିଙ୍ଗ୍‌ ୱିତୁ ମାରି ଉଣ୍ତେଙ୍ଗ୍‌ ଇଜି କାଦି ସିନାନ୍, ୱାନ୍‌ ମି ଦରକାର୍ ଇସାବ୍‍ତାନ୍ ୱିତୁ ଜଗେକିନାନ୍ ମାରି ମି ନିଜେଦି ବଦାଦି ପଲ୍‌ତିୱାଜା ମିର୍‌ ବା ନାଣ୍ତ ପାସି ଉଣ୍ତାକିନିଦେର୍‌ ।

మత్తయి 5:9

ଏମେକାର୍‌ ସାନ୍ତି କିଦେଙ୍ଗ୍‌ ଇଜି ପାଣିକିନାର୍‍ ୱାର୍‌ ଦନ୍ୟ, ଇରିଙ୍ଗ୍‌ ୱାର୍‌ ମାପୁରୁଦି କଡ଼ର୍‌ ଇଜି ୱେଙ୍ଗ୍‌ଁନାର୍‌ ।

2కొరింతి 6:6

ମା ପବିତ୍ରତା ବୁଦି, ସାହାସ୍‍, ଦୟା, ସତ୍‍ ଜିବନ୍‍ନୋନିକା ମାରି ସତ୍‍ତି ମାଟା ଉଣ୍ତିଙ୍ଗ୍‌ ପବିତ୍ର ମାପୁରୁଦି ସାକ୍ତିଦାନ୍ ମାପ୍‌ ମାପୁରୁଦି ସେବକ ଇଜି ପରିଚୟ ସିତାମାନାପ୍‍,

2కొరింతి 7:11

ଆଦେଙ୍ଗ୍‌ ସୁଡ଼ୁଦୁ, ମାପୁରୁଦି ମାଡ଼ାନ୍ ବଦାଦାନ୍ ପୟ୍‍ତିମାନିଦେର୍‍ ଇୟା ଦୁକ୍ ମିଙ୍ଗିଁ ମୋନତୁ ଏସ ୱେଡ଼ିକା, ଏସ ତିଲାନିକା, ଏସ ରିସା, ଏସ, ନିଜେଦିଙ୍ଗ୍‍ଁ ଟିକ୍‍ କିଦେଙ୍ଗ୍‍ଁ ଏସ ସିକିୟା, ତାଗ୍‍ଇ ପାଣିକିନିୱାରିଙ୍ଗ୍‍ ସାସ୍ତିସିଦେଙ୍ଗ୍‌ ଏସ ତାନ୍ଦ୍ରା ମାନାତ୍‌ । ଇୟାୱିଜୁ ବିସୟତାନ୍ ମିର୍‌ ଦୋସ୍ ସିଲିକାର୍‍ ପାର୍‍ମାଣ୍ ଆଜିନିଦେର୍ ।

యాకోబు 2:13

ଇରିଙ୍ଗ୍‌ ଏନ୍‌ ଆଇୱାନିଙ୍ଗ୍‍ ଦୟା କିଏନ୍‌, ମାପୁରୁ ୱାନିଙ୍ଗ୍‌ ଦୟା କିଏନ୍‌ । ନ୍ୟାୟ୍‌ ବିସାର୍‌ ମୁସ୍‌କୁ ଦୟା ନେ ଜିଣାନାତ୍‌ ।

୧ ପିତର 2:18

ଏ ସାକର୍‌କୁ, ମିର୍‌ ତିଏଲ୍‌ତାନ୍‌ ନିଜେ ନିଜେଦି ମାଲିକ୍‌କା ଆଡ୍‍ଗି ତେବାଦୁ, କେବଲ୍‌ ନେଗିକାର୍‌ ମାରି ଦୟାଲୁ ମାଲିକ୍‌କାଙ୍ଗ୍‌ ସିଲେ, ମାତର୍‌ ଦୟାକିଇ ୱାରିଙ୍ଗ୍‌ ବା ନେଗେନ୍‌ ମାନାଦୁ ।