యాకోబు 1:27 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁷ ଆମା ଦାର୍ମୁପାଣି ବୁବା ମାପୁରୁଦି ଲାକ୍‌ତୁ ନେଗିକା ମାରି ଟିକ୍‍, ଆକା ଆଜିନାତ୍‌ କାକୁର୍ତିମାନି ଟୁରାଲୋକାଙ୍ଗ୍‍ ମାରି ରାଣ୍ତିଆଇମେକାଙ୍ଗ୍‌ ଜାତୁନ୍‍ କିନିକା ମାରି ଦୁନିଆଦାନ୍‌ ନିଜେଦିଙ୍ଗ୍‍ ପାପ୍‌ପାଣିଦାନ୍‌ ରକିୟା କିନିକା ।

Konda: కొండ బాసదు నెగ్గి కబ్రు

²⁷ మా బుబ్బాతి దేవుణు సుడ్ఃతిఙ నిజమాతి బక్తి ఇనిక ఇహిఙ, యాయ బుబ్బార్‌ సిల్లి కొడొఃరిఙ్, ముండ మణిసి ఆతి అయ్‌లికొడొఃకాఙ్‌ వరి కస్టమ్‌దు సాయం కిదెఙ్, దేవుణుదిఙ్‌ పడిఃఇ వనకలొఇ కూడ్ఃఏండ మండ్రెఙ్‌ ఇకాదె నిజమాతి బక్తి.

యాకోబు 1:27 Referans Kwoze

ରୋମିୟ 12:2

ମିର୍‌ ଇୟା ଇଲେଇତି ଦୁନିଆଦି ଇସାବ୍‍ତାନ୍‍ ବୁଲାମାଟ୍‍ । ମାପୁରୁ ମି ମନ୍‍ତିଙ୍ଗ୍‍ ପୁରା ପୁନିକା କିପିନ୍‍ ମାରି ମି ମନ୍ ପୁରା ବାଦ୍‍ଲେ ଆପିତ୍‌ । ଆତିଙ୍ଗ୍‌, ମାପୁରୁଦି ବଦା ଇନିକା, ୱାନି ଲାକ୍‍ତୁ ଏମେ ୱିଜୁ ବିସୟ୍‍ ସତ୍‍, ୱେଡ଼ିକାଦିକା ମାରି ପୁରା ନେଗିକା, ଇକା ମିର୍‌ ନେସ୍‍ତେଙ୍ଗ୍‍ଁ ଆଟ୍‍ନିଦେର୍‍ ।

యాకోబు 4:4

ଏ ବିସ୍‌ବାସ୍‌ତୁ ବିସ୍‌ ସିନି ଲୋକୁ ! ମିର୍‌ ଇନିକା ନେସ୍‌ଇଦେର୍‌, ଦୁନିଆ ମାପୁରୁଦି ଉଣ୍ତିଙ୍ଗ୍‌ ସାତ୍ରୁଆନାତ୍‌ ? ଏନ୍‌ ଇୟା ଦୁନିଆଦି ୱାଲେ ସଙ୍ଗ୍‌ ଆଦେଙ୍ଗ୍‌ ବଦା କିନାନ୍‌; ୱାନ୍‌ ମାପୁରୁଦି ସାତ୍ରୁ ।

1తిమోతి 5:4

ମାତର୍‌ ଏସ୍‌କାଙ୍ଗ୍‌ ଆମା ରାଣ୍ତିଆଇମାଦି କଡ଼ ନି ଆଇଲିକଡ଼୍‌ ମାରିଙ୍ଗ୍‌, ଆର୍‌ତିଙ୍ଗ୍‌ ୱାର୍‌ ଆଗ୍‍ଡ଼ିନେ ନିଜେଦି ଇଲୁପରିବାର୍‌ ଉଣ୍ତିଙ୍ଗ୍‌ ଜିବନ୍‌ନୋନିକା ତର୍‌ତେଙ୍ଗ୍‍ଁ ମାରି ୟାୟାବୁବା ଉଣ୍ତିଙ୍ଗ୍‌ ଜିବନ୍‌ନୋନିକା ସିକିୟା କିଦୁ; ଇରିଙ୍ଗ୍‌ ଇକା ମାପୁରୁଦି କାଣ୍‌କାଙ୍ଗ୍‌ ନେଗିକା ଆନାତ୍‌ ।

1తిమోతి 1:5

ନେଗି ଜିବନ୍‌, ନେଗି ବୁଦି ମାରି ସତ୍‍ ବିସ୍‌ବାସ୍‌ତାନ୍‌ ଆମା ଜିବନ୍‌ନୋନିକା ସନାତ୍‌, ତାନିଙ୍ଗ୍‌ ଜାଗାର୍‌ତା କିନି ଉଣ୍ତିଙ୍ଗ୍‌ ନେରୁ ନାନ୍‌ ଇୟା ଆଦେସ୍‌ ସିଜିନା ।

లూకా 1:6

ଜିକରିୟ ମାରି ଏଲିସାବେତ୍‍ ପ୍ରବୁଦି ୱିଜୁ ମାଟା ମାରି ନିୟମ୍‍ତାନ୍‍ ଇନି ଦୋସ୍‍ କିଏଣ୍ତ୍‍ଗା ମାପୁରୁମାନୁ ଦାର୍ମୁଦିକାର୍‍ ମାର୍ହାର୍‍ ।

మత్తయి 5:8

ଏମେୱାରି ଜିବନ୍‌ ନେଗିକା ୱାର୍‌ ଦନ୍ୟ, ଇରିଙ୍ଗ୍‌ ୱାର୍‌ ମାପୁରୁଦି ଦର୍ସନ୍‍ ପଇନାର୍‌ ।

୧ ଜୋହନ 5:18

ମାପୁ ନେସ୍‌ନାପ୍‌, ମାପୁରୁଦି ମାରିନ୍‌ ପାପ୍‌ତୁ ମିସାଜ ତେବାଏନ୍‌; ଇରିଙ୍ଗ୍‌ ମାପୁରୁଦି ମାରିନ୍‌ ୱାନିଙ୍ଗ୍‌ ରକ୍‌ୟା କିନାନ୍‌, ମାରି ସୟ୍‌ତାନ୍‌ ୱାନିଙ୍ଗ୍‌ ଇନିକା କିଦେଙ୍ଗ୍‌ ଆଟ୍‌ଏତ୍‌ ।

యాకోబు 3:17

ମାତର୍‌ ମୁସ୍‌କୁରାନ୍‌ ୱାନି ବୁଦି ଆଗ୍‌ଡ଼ି, ପବିତ୍ର; ଆକାବା ସାନ୍ତି ସିନାତ୍‌, କାର୍ମୁ ମାରି ସଙ୍ଗ୍‍ ଆନିକା । ଆକା ସତ୍‍ପାଣିଦୁ ପୁରାବର୍ତି ମାରି ନାଣ୍ତ୍‌ଦାନ୍‌ ସତ୍‌ପାଣିଦୁ ପଲ୍‌ ଆସିସ୍‌ କିନାତ୍‌; ଆକା ୱିଜୁ ଲୋକାଙ୍ଗ୍‍ ସାନ୍ତି ମାରି ବାଣ୍ତିସ୍‍ କିଏତ୍‍ ।

ଗାଲାତିୟ 6:14

ମାତର୍‍ ନାନୁ କେବଲ ମା ପ୍ରବୁ ଜିସୁ କ୍ରିସ୍ତଦି କ୍ରୁସ ବିସୟ୍‍ତାନ୍‍ ଗର୍ବ କିଜିନା; ଇରିଙ୍ଗ୍‌ ୱାନି କ୍ରୁସ ଉଣ୍ତିଙ୍ଗ୍‍ ଦୁନିଆ ନା ଉଣ୍ତିଙ୍ଗ୍‍ ସାତାମାନାତ୍‍ ମାରି ନାନୁ ଦୁନିଆ ଉଣ୍ତିଙ୍ଗ୍‍ ସାତାମାନା ।

ଗାଲାତିୟ 1:4

ଇଲେଇତି ଇୟା ପାପ୍‌ ଦୁନିଆଦାନ୍‍ ମାଙ୍ଗିଁ ରକିୟା କିଦେଙ୍ଗ୍‍ଁ ଇଜି, ମା ବୁବା ମାପୁରୁଦି ବଦା ମାନାଜି, କ୍ରିସ୍ତ ମା ପାପ୍‍ ଉଣ୍ତିଙ୍ଗ୍‍ଁ ନିଜେଦିଙ୍ଗ୍‍ଁ ସର୍ପେ କିତାନ୍‍ ।

ଗାଲାତିୟ 5:6

ଇରିଙ୍ଗ୍‍ଁ କ୍ରିସ୍ତ ଜିସୁଦି ୱାଲେ ମିସାଜି ଜିତିଙ୍ଗ୍‍ଁ, ସୁନ୍ନତ ମାରି ଅସୁନ୍ନତି ଇନି ଅଲଗା ସିଲେତ୍‍ । ଉନ୍‍ଡ୍ରେନେ ଦର୍‍କାର୍‍ ବିସୟ୍‍ ଆଜିନାତ୍‍, ବିସ୍‍ବାସ୍‍ତୁ ଡାଟ୍‍ ତେବାଜି ଜିବନ୍‍ନୋଜି ପାଣି କିନିକା ।

మత్తయి 12:32

ଏମେକାନ୍‍ ମନୁସ୍ୟପୁତ୍ରଦି ବିରଦ୍‌ତାନ୍‌ ଇନିକା ଇରିଙ୍ଗ୍‌, ୱାନ୍‌ କେମା ପୟ୍‌ନାନ୍‌ । ମାତର୍‌ ଏନ୍‌ ପବିତ୍ରଆତ୍ମାଦି ବିରଦ୍‌ତାନ୍‌ ନିନ୍ଧା ମାଟା ଇନାନ୍‌, ୱାନ୍‌ ଇଲେଇ ମାରି ୱାନିଦିନ୍‍ତୁ ଏସାଙ୍ଗ୍‍ବା କେମାପୟ୍‍ଏନ୍‍ ।

ରୋମିୟ 2:13

ଇରିଙ୍ଗ୍‌ କେବଲ ନିୟମ୍‍ ୱେନି ମାଣାନ୍‌ ଲୋକୁ ମାପୁରୁଦି ଆଗ୍‍ଡ଼ି ଦାର୍ମୁ ଇଜି ୱେଙ୍ଗ୍‍ଦେଙ୍ଗ୍‍ଁ ଆଟ୍‍ଏର୍‍, ମାତର୍‌ ନିୟମ୍‍ ମାନାନି ମାଣାନ୍‌ ଦାର୍ମିକ ଇଜି ଗଣେଆନାର୍ ।

ଗାଲାତିୟ 3:11

ଆଦେଙ୍ଗ୍‌ ଇବେଟ୍‌ତାନ୍‍ ପୁରାନେସ୍‌ନିୱାଜା ୱେରାୟ୍‍ଆନାତ୍‍, ନିୟମ୍‍ତାନ୍‍ ଏମେ ଲୋକୁ ମାପୁରୁଦି ଆଗ୍‍ଡ଼ି ଦାର୍ମୁଲୋକୁ ଆଦେଙ୍ଗ୍‌ ଆଟ୍‍ଏନ୍‍, ଇରିଙ୍ଗ୍‌ ଦାର୍ମୁସାସ୍ତ୍ରଦୁ ରାସାତାମାନାତ୍‍, “ବିସ୍‍ବାସ୍‍ତାନ୍ ମାପୁରୁଦି ଲାକ୍‍ତୁ ଦସ୍‍ସିଲିକାନ୍‍ ୱେଙ୍ଗିଁଜି ମାନି ଲୋକୁ ନେ କେବଲ ଜିନାନ୍‍ ।”

ଏପିସିୟ 2:2

ଆୟା ବେଡ଼ାଦୁ ମିର୍‌ ଦୁନିଆଦି ସତ୍‌ସିଲି ସାରିଦୁ ବୁଲାଜି, ବାଦଡ଼ତି ରାଜିଦି ଅଦିପତିଦି ଆଡ୍‍ଗି ମାର୍‌ଇଦେର୍‌ । ଆୟା ଅଦିପତି ଇଲେଇ ମାପୁରୁଦି ମାଟା ଆସ୍‌ଇୱାରି ଲୋକା ମୁସ୍‌କୁ ସାସନ୍‌ କିଜିନାନ୍‌ ।

తీతు 2:12

ମାରି, ୱାନି ଆୟା ଦୟା ଉଣ୍ତିଙ୍ଗ୍‌ ଦାର୍ମୁସିଲିକା ମାରି ଦୁନିଆ ଆସାଦିଙ୍ଗ୍‌ ଡ଼ିସ୍‌ସି, ଇୟା ଜୁଗ୍‌ତୁ ନେଗିବୁଦି, ଦାର୍ମୁ ମାରି ଦାର୍ମୁ ୱାଜା ଜିନାଟ୍‍,

యాకోబు 3:9

ମାଡୁ ୱେତଲ୍‌ତାନ୍‌ ପ୍ରବୁ ବୁବା ମାପୁରୁଙ୍ଗୁ ଦନ୍ୟବାଦ୍‌ ସିନାପ୍‌ । ମାରି ଇୟା ୱେତଲ୍‌ତାନ୍‌ ମାପୁରୁଦି ରୁପ୍‍ତାନ୍‍ ତିଆର୍‌ଆତି ଲୋକ୍‌ତିଙ୍ଗ୍‌ ଆନାଦୁରିଆ ବା ସିନିକା ।