ఎబ్రి 9:11 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹¹ ମାତର୍‌ ଇଲେଇ ଏମେ ୱିଜୁ ନେଗି ବିସୟ୍‌ ମାଡ୍‍ ପୋୟ୍‍ତିମାନିକା, ଆୟାୱିଜୁଦି ପେରିଜାଜକ ୱାଜା କ୍ରିସ୍ତ ୱାତାମାନାନ୍ । ୱାନ୍‌ ଏମେ ପାର୍‍ତନା ଗୁଡ଼ାଦୁ ପାଣି କିଜିନାନ୍, ଆକା ପେରିକା ମାରି ନାଣ୍ତ ବର୍ତିଦିକା । ଆକା ଲୋକୁ ତିଆର୍ କିତିକା ଆଏତ୍‍ । ମାରି ଆକା ଇୟା ଦୁନିଆଦି ସିନା ଆଏତ୍‌ ।

Konda: కొండ బాసదు నెగ్గి కబ్రు

¹¹ గాని, ఇబ్బె ఏలె మన్ని నెగ్గి సఙతిఙ్‌ కల్గిసిని విజేరె పుజేరిఙ ముస్కు మన్ని పెరి పుజేరి ఇజి క్రీస్తు వాత మనాన్. వాండ్రు సేవ కిని గుడారం ఇహిఙ పరలోకం. గొప్ప ముకెలమతిక. నండొ పూర్తియాతిక. అయాక లోకుర్‌ తయార్‌ కితిక ఆఏద్‌. తయారాతి లోకమ్‌దు మనిక ఆఏద్‌.

ఎబ్రి 9:11 Referans Kwoze

2కొరింతి 5:1

ମାପୁ ନେସିନିକା, ଏମେ ଦୁନିଆଦି ମେନ୍ଦଲ୍‍ତି ୱାଜା ଗୁଡ଼ାଦୁ ମାପୁ ଇଲେଇ ବାସା କିଜିନିକା, ଆକା ନାସ୍ଟୁ ଆତିଆଙ୍ଗାଁ, ମାଙ୍ଗିଁ ମାପୁରୁଦି ମୁସ୍‌କୁପୁର୍‌ତୁ ଉନ୍‌ଡ୍ରି ୱିଜୁଦିନିତି ଇଲୁ ଜଗେକିନାନ୍ । ଆକା ଲୋକ କିୟୁଦାନ୍‌ ତିଆର୍ କିତିକା ଆଏତ୍‍ ନିଜେ ମାପୁରୁ ଆକା ତିଆର୍ କିତାମାନାନ୍ । ଆକା ୱିଜୁଦିନ୍‍ ତେବାନାତ୍‌ ।

ఎబ్రి 10:1

ଜିହୁଦିୟ ନିୟମ୍‌ ସତ୍‌ ବିସୟଦି ଉଣ୍ତ୍ରି ପୁରା ମାରି ଟିକ୍‌ଆୟାନାନି ମୁର୍ତି ଆଏତ୍‌, ଇକା ୱାଜିନିଦିନ୍‍ତି ନେଗି ବିସୟଦି ଉଣ୍ତ୍ରି ନେସ୍‍ନିନାନି‌ ମାଟା ମାତ୍ର । ୱିଜୁୱାଲେ ବାର୍ସେକ୍‌ତିଙ୍ଗ୍‍ ବାର୍ସେକ୍ ଆୟା ଉନ୍‍ଣ୍ତ୍ରି ରକମ୍‍ତି ପୁଜା କିଆୟ୍‍ଆଜିନାତ୍‍ । ଏମେକାର୍ ମାପୁରୁଦି ଲାକୁତୁ ୱାନାର୍, ନିୟମ୍‍ଦି ଆୟାୱିଜୁ ବଲିଦାନ୍‌ତାନ୍ ୱାର୍‌ ଇନିକା ନେଗିକା ଆଦେଙ୍ଗ୍‌ ଆଟ୍‍ସିନାର୍ ?

మార్కు 14:58

“ମାପ୍‌ ୱେନ୍‍ ଇୟା ମାଟା ଇନିକା ୱେର୍‍ଆମାନାପ୍‍, ନାନ୍ ଲୋକୁ କିୟୁଦୁ ତିଆର୍‍କିତି ଇୟା ମନ୍ଦିର୍‌ତିଙ୍ଗ୍‌ ରୁକ୍‍ସି ମୁନେଟାନ୍‍ ମାରି ଉଣ୍ତ୍ରିଲୋକା କିକାଣ୍‍ ତିଆର୍ ଆଇ ମନ୍ଦିର୍‌ ତିଆର୍‌ କିନା ।”

୧ ଜୋହନ 5:20

ମାରି ବା ମାପୁ ନେସ୍‌ନାପ୍‌ ଜେ, ମାପୁରୁଦି ମାରିନ୍‌ ୱାତାମାନାନ୍‌ ମାରି ସତ୍‌ତିଙ୍ଗ୍‌ ନେସ୍‌ନି ଉଣ୍ତିଙ୍ଗ୍‌ ମାଙ୍ଗିଁ ବୁଦି ସିତାମାନାନ୍‌; ମାରି ମାଡୁ ଆୟା ସତ୍‌ତି ମାପୁରୁଦିମାନୁ ମାରି ୱାନି ମାରିନ୍‌ ଜିସୁ କ୍ରିସ୍ତଦି ୱାଲେ ମାନାତ୍‌ । ୱାନ୍‌ ନେ ସତ୍‌ତି ମାପୁରୁ ମାରି ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ।

ఎబ్రి 2:17

ତେନି ଅର୍ତ ଆଜିନାତ୍, ୱିଜୁ ବିସୟ୍‌ତାନ୍‌ ୱାନି ତଡ଼ାନ୍‍କା ୱାଜା ଆନିକା ୱାନି ବଦା ମାର୍ହାତ୍, ଏମେ ମାଣାନ୍‌ କି ୱାନ୍‌ ୱାରି ବିସ୍‍ବାସ୍ ମାରି ଦୟାକିନି ପେରିଜାଜକ ଆଜି ମାପୁରୁଦି ସେବା କିଦେଙ୍ଗ୍‌ ଆଟ୍‌ନାନ୍‍ ମାରି ଲୋକୁ ପାପ୍‌କେମା ପୋଇନାର୍‌ ।

అపొస్తు 7:48

ମାତର୍‌ ୱିଜେରିଙ୍ଗ୍‌ ପେରି ମାପୁରୁ ଲୋକାମାଣାନ୍‌ ତିଆର୍‌ ଆତି ଇଲ୍‌କାଙ୍ଗ୍‌ ବାସାଏନ୍‍ । ଇୟା ବିସୟ୍‌ତାନ୍‌ ବାବବାଦି ରାସ୍‌ତାମାନାନ୍‌;

୨ ଜୋହନ 1:7

ନାନ୍ ଇକା ଇଜିନା ଇରିଙ୍ଗ୍‌ ଆମାକାର୍‌ ଜିସୁ କ୍ରିସ୍ତ ସାତାନ୍‌ନୋ ଲୋକା ମେନ୍ଧଲ୍‌ତାନ୍‌ ୱାତାମାନାନ୍‌ ଇଜି ମାନାଏନ୍‌, ଇୟାୱାଜା ଗାଦିଲୋକ୍‌ ବାୟାକିନିକାର୍‌ ଜଗତ୍‌ତୁ ସତା ୱାତାମାନାର୍‌ । ଇୟାୱାଜା ଲୋକୁ ପୁରାସତ୍‌ ବାୟାକିନିକାର୍‌, ୱାନ୍‌ କ୍ରିସ୍ତଦି ସାତ୍ରୁ ।

ఎబ్రి 3:1

କ୍ରିସ୍ତ ବିସ୍‍ବାସି ତଡ଼ାନ୍‍କୁ ନି ତାଙ୍ଗିଁକ୍‍, ମିର୍‌ ବା ମାପୁରୁଦି ମାଡ଼ାନ୍ କୁକାୟ୍‍ଆତିମାନିଦେର୍‍ ! ମିର୍‌ ଜିସୁଦି ବିଷୟ ଚିନ୍ତା କିଦୁ, ୱାନ୍‌ ମା ଦାର୍ମୁବିସ୍‍ବାସ୍‍ତି ପେରିଜାଜକ ଆନି ଉଣ୍ତିଙ୍ଗ୍‌ ମାପୁରୁଦି ମାଡ଼ାନ୍ ପୋକାଇ ଆତାମାନାନ୍‌ ।

యోహాను 4:25

ଆଇମା ଜିସୁଙ୍ଗୁଁ ଇର୍ହାତ୍‌, “ମସିହ, ଆମାୱାନିଙ୍ଗ୍‌ କ୍ରିସ୍ତ ଇନାର୍‌, ୱାନ୍‌ ୱାଜିନାନ୍‍ ଇଜି ନାନ୍ ନେସ୍‌ନା; ଏସ୍ତିୱାଲେ ୱାନ୍‌ ୱାନାନ୍‌, ୱାନ୍‌ ମାଙ୍ଗିଁ ୱିଜୁ ବିସୟ୍‌ ୱେର୍‌ନାନ୍‌ ।”

యోహాను 1:14

ମାରି, ଆୟା ବାକ୍ୟ ନର୍‍ ମେନ୍ଧଲ୍‍ ଆସ୍‌ସି ମା ୱାଲେ ଜିତାନ୍‍ । ୱାନ୍‌ ଦୟା ନି ସତ୍‍ତୁ ପୁରା ଆଜିମାର୍ହାନ୍‍ । ମାରି ମାପୁରୁଦି ଅରେନ୍‍ନେ ମାରିସିୱାଜା ୱାନ୍‌ ଏମେ କାବାଆନି ମହିମାକି ପୋଇତାମାର୍‍ହାନ୍‍, ଆକା ମାପ୍‌ ସୁଡ଼ୁତାପ୍‌ ।

ఎబ్రి 7:1

ଇୟା ମଲ୍‍କିସେଦକ ସାଲେମତି ରାଜା ମାରି ପେରି ମାପୁରୁଦି ଜାଜକ ମାର୍ହାନ୍ । ଅବ୍ରାହାମ ନି ୱାନି ସାଙ୍ଗର୍‌ ଏସ୍ତିୱାଲେ ନାଲ୍‌ଏର୍‌ ରାଜାରିଙ୍ଗ୍ ଆରାକିଜି ଜୁଦ୍ଧଦାନ୍ ୱାଜିମାର୍‌ଇ ବେଡ଼ାଦୁ, ନାସ୍ତିୱାଲେ ମଲ୍‍କିସେଦକ ୱାନିଙ୍ଗ୍‌ ବେଟ୍ଆଜି ଆସିର୍ବାଦ୍‌ କିତାମାର୍ହାନ୍ ।

ఎబ్రి 4:15

ଏନ୍‌ ମା ଦୋସ୍‌ ଦୁର୍ବଲ୍ ଚିନ୍ତା କିଦେଙ୍ଗ୍ ଆଟ୍‍ଏର୍‍, ଆୟାୱାଜା ପେରିଯାଜକ ୱାନ୍‌ ଆଏନ୍‍ । ମାତର୍‌ ମା ପେରିଜାଜକ, ମା ୱାଜା ୱିଜୁଦି ପରିକାଦୁ ଆର୍‌ତାମାର୍ହାନ୍‍, ମାତର୍‌ ୱାନ୍‌ ପାପ୍‌କିଏଣ୍‌ଗା ତେବାତାନ୍‍;

కొలొసి 2:11

କ୍ରିସ୍ତଦି ୱାଲେ ମିସାଜିମାନି ଜିବନ୍‌ ନେ ମି ସୁନ୍ନତ ୱାଜା । ଇୟା ସୁନ୍ନତ ଲୋକ୍‌କିତିକା ଆଏତ୍‍, ଆକା କ୍ରିସ୍ତଦିମାଣୁକୁ ଆତାମାନାତ୍‌ । ଆକା ଲୋକ୍‌ତିଙ୍ଗ୍‌ ପାପ୍‌ବର୍ତିମାନି ମେନ୍ଦଲ୍‌ତି ୱିଜୁ ସାକ୍ତିଦାନ୍‌ ଡ଼ିସିସ୍‍ କିନାତ୍‌ ।

మత్తయి 11:3

ୱାର୍‌ ସଲ୍‌ସି ଜିସୁଙ୍ଗୁଁ ୱେନ୍‌ବାତାର୍‌, “ଏମେ ଲୋକୁ ୱାନାନ୍‍ଇଜି ଯୋହନ ଇର୍ହାମାର୍ହାନ୍‌, ନିନ୍‌ ଇନିକା ଆକାନ୍‍ ନେ, ମାପ୍‌ ଆଇୱାନିଙ୍ଗ୍‍ କାପ୍‌କିଜି ତେବାନାପ୍‍ ?”

మత్తయి 2:6

ଜିହୁଦା ରାଜିଦି ବେତଲିହିମ୍‍, ଜିହୁଦାଦି ପେରି ଗାଡ଼ାକା ଲୋଇ ନିନ୍‌ ଇସ୍ରିକିନ୍ଦା ସିଲେ, ନିବାଣ୍‍କୁ ଅରେନ୍‍ ନେତା ୱାନାନ୍‌, ଇରିଙ୍ଗ୍‌ ନା ଇସ୍ରାଏଲ୍‌ ଲୋକାଙ୍ଗ୍‌ ସାଲାକିନାନ୍‍ ।

2కొరింతి 4:18

ମା କାଣ୍‌ଗା ସୁଡ଼ୁନି ଜିନିସ୍‌ ମୁସ୍‌କୁ ସିଲେ, ମାତର୍‌ ତର୍‍ଇ ଜିନିସ୍‍ ମୁସ୍‌କୁ ସୁଡ଼ୁଜିନିକା, ଇରିଙ୍ଗ୍‌ ତର୍‍ନି ୱିଜୁ ଜିନିସ୍‍ ସାଣେକ୍‌ତିଙ୍ଗ୍‌, ମାତର୍‌ ଆମାକା ତର୍‍ଏତ୍, ଆକା ୱିଜୁଦିନ୍‍ ତେବାନାତ୍‍ ।

ఎబ్రి 12:27

ଇବେଟ୍‌ତାନ୍‌ ଟିକ୍ ଜେ, ୱାନ୍‍ “ମାରିଡ଼େସି” ଆମାକା କିନାନ୍‌, ତାନିମାଡ଼ାନ୍ ତିଆର୍‍ଆତି ୱିଜୁ ବିସୟ୍‌ ଦୁଙ୍ଗୁଁଜି ମାର୍‌ଗାନାତ୍‌ । କେବଲ ଏମେ ୱିଜୁ ବିସୟ୍‌ ଦୁଙ୍ଗୁଁଦେଙ୍ଗ୍‌ ଆଟ୍‌ଉ, ଆକା ଡାଟ୍‌ ଆଜି ତେବାନାତ୍ ।

ఎబ్రి 13:14

ଇରିଙ୍ଗ୍‌ ମା ଉଣ୍ତିଙ୍ଗ୍‌ ଇୟା ଜଗତ୍‌ଦୁ ଆମାଇନି ୱିଜୁଦିନ୍‍ତି ତେବାନି ଗାଡ଼୍‌ ସିଲେତ୍‌, ଏମେ ଗାଡ଼୍‌ ବବିସତ୍‌ଦୁ ତିଆର୍‍ ଆନାତ୍, ମାପ୍‌ ଆୟା ଗାଡ଼୍‌ତିଙ୍ଗ୍‌ କାପ୍‍କିଜିନାପ୍‌ ।