ఎబ్రి 8:2 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

² ୱାନ୍‌ ଏମେ ମହାପବିତ୍ର ବାଡିଦୁ ତିଆର୍‌ଆତିମାନି ଗୁଡ଼ା ଆଡିଗି ପେରିଜାଜକ ୱାଜା ପାଣି କିନାନ୍, ଆକା ଲୋକା ମାଡ଼ାନ୍ ତିଆର୍ ଆଏତ୍‌, ତାନିଙ୍ଗ୍ ପ୍ରବୁ ତିଆର୍ କିତାମାନାନ୍ ।

Konda: కొండ బాసదు నెగ్గి కబ్రు

² వాండ్రు దేవుణు వందిఙ్‌ ఒదె కేట కితి గదిదు విజు పుజెరిఙ ముస్కు మని పెరి పుజెరి వజ సేవ కిజినాన్. ఇహిఙ, ప్రబునె తయార్‌ కిజి ఇడ్తి నిజమాతి గుడారమ్‌దు సేవ కిజినాన్. లోకుర్‌ తయార్‌ కితి గుడారమ్‌దు ఆఏద్‌ సేవ కిజినిక.

ఎబ్రి 8:2 Referans Kwoze

2కొరింతి 5:1

ମାପୁ ନେସିନିକା, ଏମେ ଦୁନିଆଦି ମେନ୍ଦଲ୍‍ତି ୱାଜା ଗୁଡ଼ାଦୁ ମାପୁ ଇଲେଇ ବାସା କିଜିନିକା, ଆକା ନାସ୍ଟୁ ଆତିଆଙ୍ଗାଁ, ମାଙ୍ଗିଁ ମାପୁରୁଦି ମୁସ୍‌କୁପୁର୍‌ତୁ ଉନ୍‌ଡ୍ରି ୱିଜୁଦିନିତି ଇଲୁ ଜଗେକିନାନ୍ । ଆକା ଲୋକ କିୟୁଦାନ୍‌ ତିଆର୍ କିତିକା ଆଏତ୍‍ ନିଜେ ମାପୁରୁ ଆକା ତିଆର୍ କିତାମାନାନ୍ । ଆକା ୱିଜୁଦିନ୍‍ ତେବାନାତ୍‌ ।

ରୋମିୟ 15:8

ଇରିଙ୍ଗ୍‍ଁ କ୍ରିସ୍ତଦି ସେବାଦି ଜିବନ୍‌ ଜିହୁଦିଲୋକା ଉଣ୍ତିଙ୍ଗ୍‍ଁ ଟିକ୍‍ ମାର୍ହାତ୍‌ । ୱାରିଙ୍ଗ୍‍ଁ ୱାନ୍‌ ତର୍‍ତେଙ୍ଗ୍‍ଁ ବଦାକିଜିମାର୍ହାନ୍‍ ଜେ ମାପୁରୁ ବିସ୍‌ସାସ୍‍ତିକାନ୍‍, ଜିହୁଦି ଜାତିଦି ଡକ୍ରାଦାଦାରିଙ୍ଗ୍‍ ସିତିମାନି ୱାନି ମାଟାୱିଜୁ ୱାନ୍‌ କିନାନ୍‍ ।

ఎబ్రి 11:10

ଏମେ ୱିଜୁଦିନ୍‍ତି ଗାଡ଼୍‌ ମାପୁରୁଦି ମାଡ଼ାନ୍ ରସ୍‌ତିକାନ୍‌ ନି ତିଆର୍‌କିତିକାନ୍‌, ଅବ୍ରାହାମ ଆୟା ଗାଡ଼୍‌ତିଙ୍ଗ୍‌ କାପ୍‍କିଜି ମାରାନ୍ ।

ఎబ్రి 10:21

ମାପୁରୁଦି ଇଲୁ ଇଲେଇ ମା ପେରିଜାଜକଦି ଅଦିକାର୍‍ତୁ ମାନାତ୍ ।

కొలొసి 2:11

କ୍ରିସ୍ତଦି ୱାଲେ ମିସାଜିମାନି ଜିବନ୍‌ ନେ ମି ସୁନ୍ନତ ୱାଜା । ଇୟା ସୁନ୍ନତ ଲୋକ୍‌କିତିକା ଆଏତ୍‍, ଆକା କ୍ରିସ୍ତଦିମାଣୁକୁ ଆତାମାନାତ୍‌ । ଆକା ଲୋକ୍‌ତିଙ୍ଗ୍‌ ପାପ୍‌ବର୍ତିମାନି ମେନ୍ଦଲ୍‌ତି ୱିଜୁ ସାକ୍ତିଦାନ୍‌ ଡ଼ିସିସ୍‍ କିନାତ୍‌ ।

లూకా 24:44

ଜିସୁ ୱାରିଙ୍ଗ୍‌ ଇର୍‌ଆନ୍‌, “ମୋସାଦି ନିୟମ୍‌ତୁ ମାରି ବାବବାଦିରି ମାରି ଗୀତସଂହିତା ଦାର୍ମୁସାସ୍ତ୍ରଦୁ ନା ବିସୟ୍‌ତାନ୍‌ ଆମାକା ଆମାକା ରାସାତାମାନାତ୍‌, ଆୟାୱିଜୁ ପୁରା ଆଦେଙ୍ଗ୍‌ ଦର୍‌କାର୍‌, ନାନ୍ ମି ୱାଲେ ମାର୍‌ଇ ୱାଲେ ମିଙ୍ଗିଁ ଇୟାୱିଜୁ ମାଟା ଇର୍ହାମାର୍ହା ।”

ఎబ్రి 9:1

ପାରତୁମ୍‍ତି ନିୟମ୍‍ତୁ ପାର୍‍ତନାଦି ସାରି ନି ଲୋକୁ ତିଆର୍‍କିତି ଉଣ୍ତ୍ରି ସେବା କିନି ଇଲୁ ବିସୟ୍‌ତାନ୍‍ ରାସାତା ମାର୍ହାତ୍ ।

ఎబ్రి 10:11

ଜିହୁଦି ଜାଜକର୍‌ ୱିଜୁଦିନ୍ ନିଜେଦି ପାଣି ପୁରାକିଜି ଆୟା ଉଣ୍ତ୍ରି ରକମ୍‍ତି ସେବା ଅର୍‌ସୁଦିଙ୍ଗ୍‌ଅର୍‌ସୁ କିଜିମାନାର୍, ମାତର୍‌ ଇୟାୱିଜୁ ବଲିଦାନ୍ ମାଡ଼ାନ୍ ଏସାଙ୍ଗ୍‍ବା ପାପ୍‌ କେମା ଆଦେଙ୍ଗ୍‌ ଆଟ୍‍ଏତ୍ ।

ప్రకటన 21:3

ମାରି ମୁସ୍‌କୁପୁର୍‌ ସିଂହାସନ୍‍ତାନ୍ ଉନ୍‍ଣ୍ତ୍ରି ମାଟା ଆତାତ୍, “ଇଲେଇ ମାପୁରୁଦି ଆସା ଲୋକା ମାଡ଼ାନ୍; ୱାନ୍‌ ୱାରି ସଙ୍ଗତାନ୍ ବାସା କିନାର୍ ମାରି ୱାର୍‌ ୱାନି ନିଜେଦି ଲୋକୁ ଆନାର୍ । ମାପୁରୁ ୱାରିୱାଲେ ବାସାକିନାର୍ ମାରି ୱାରି ମାପୁରୁ ଆନାର୍ ।