ఎబ్రి 7:11 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹¹ ଇୟା ଲେବିୟରି ଜାଜକଦି ମାନାଜି ଇସ୍ରାଏଲ ଜାତିଦିଙ୍ଗ୍‍ ୱାନି ନିୟମ୍‌ ସିଆୟ୍‍ ଆତାମାର୍ହାତ୍‍ । ଲେବିୟରି ପାଣି ଜଦି ସାରାସାରି ଆତାତ୍‍ମାନ୍ଦି, ଆର୍‌ତିଙ୍ଗ୍‌ ହାରୋଣଦି ଉତରାଦିକାରି ଇୟା ଲେବିୟ ଜାଜକରିଙ୍ଗ୍ ଡ଼ିସ୍‍ସି ସିଜି, ମଲ୍‍କିସେଦକଦି ଉତରାଦିକାରି ୱାଜା ଆଇକାନ୍‍ ଅରେନ୍‌ ଜାଜକ ୱାଦେଙ୍ଗ୍‌ ଇନିକା ଦରକାର୍ ମାର୍ହାତ୍ ।

Konda: కొండ బాసదు నెగ్గి కబ్రు

¹¹ దేవుణు మెసె వెట మఙి రూలుఙ్‌ సిత మనాన్. అయా రూలుఙ్‌ వజ, లేవి తెగ్గదు పుట్తికార్‌ పుజెరిఙు ఆదెఙ్‌వలె. ఏలు, లేవి తెగ్గదు మని పుజెరిఙు ఇహిఙ ఆరోను కుటుమ్‌దికార్‌ దేవుణు ఎత్తు కితి ఉపదేసమ్‌కు పూర్తి కిదెఙ్‌ అట్తార్‌ ఇహిఙ, మరి ఒరెన్‌ పుజెరి వాదెఙ్‌ అవ్‌సరం సిలెతాద్‌ మరి. అహరోను కుటుమ్‌దు మనికాన్‌ ఆఏండ, మెల్కిసెదెకు మహి లెకెండ్‌ ఒరెన్‌ వన్నిఙ్‌ పోక్తెఙ్‌ అవ్‌సరం సిల్లెద్‌.

ఎబ్రి 7:11 Referans Kwoze

ఎబ్రి 8:7

ଆଗ୍‌ଡ଼ିରି ନିୟମ୍‍ତୁ ଜଦି ଦସ୍‌ ସିଲେତାତ୍‌ମାନ୍ଦି, ଆର୍‌ତିଙ୍ଗ୍‌ ମାରିଉନ୍‍ଡ୍ରି ନିୟମ୍‌ ଦର୍‌କାର୍ ସିଲେତାତ୍‌ମାନ୍ଦି ।

ଗାଲାତିୟ 2:21

ଇୟାଉଣ୍ତିଙ୍ଗ୍‌ ମାପୁରୁଦି ଦୟାଦିଙ୍ଗ୍‍ ନାନୁ ଏସାଙ୍ଗ୍‍ ଅମାନ୍ୟ କିଏ । ଇରିଙ୍ଗ୍‍ଁ କେବଲ ନିୟମ୍‍ ମାନାନି ମାଣାନ୍ ଜଦି ଅରେନ୍‍ ମାପୁରୁଦି ଆଗ୍‍ଡ଼ି ଦାର୍ମୁ ଆଦେଙ୍ଗ୍‌ ଆଟ୍‍ନାନ୍‍, ଆର୍‍ତିଙ୍ଗ୍‍ଁ କ୍ରିସ୍ତଦି ସାନିକା ଇନିକା ସିଲେ ଇଜି ଇନ୍‌ଡ୍ରେଙ୍ଗ୍‌ ଆନାତ୍‍ ।”

ఎబ్రి 7:21

ମାତର୍‌ କ୍ରିସ୍ତ ଯାଜକ ଆନି ବେଡ଼ାଦୁ ମାପୁରୁ ପାର୍‌ମାଣ୍‌ କିଜି ୱାନିଙ୍ଗ୍‌ ୱେର୍‌ତାମାର୍ହାର୍‌, “ପ୍ରବୁ ଉନ୍‍ଡ୍ରି ପାର୍‍ମାଣ୍‍ କିତାମାନାନ୍” ୱାନ୍‌ ୱାନି ପାର୍‍ମାଣ୍‌ ବାଦ୍‍ଲେ କିଏନ୍‌ : ନିନୁ ୱିଜୁଦିନ୍‌ତି ଜାଜକ ଆନି ।

ఎబ్రి 7:15

ଇବେନୁ ଟିକ୍ ବୁଜାଜିନାତ୍‌ ଜେ, ମଲ୍‍କିସେଦକଦି ୱାଜା ଆଇ ଅରେନ୍ ଜାଜକ ୱାତାନ୍‌ ।

ఎబ్రి 5:6

ଆଇ ବାଡିଦୁ ୱାନ୍‌ ଇକାବା ଇର୍ହାମାନାନ୍‌, “ନିନୁ ଜାଜକ ପଦ୍‌ଦୁ ମଲ୍‍କିସେଦକଦି ଉତ୍ତରାଦିକାରି ୱାଜା ୱିଜୁଦିନ୍‌ତି ଉଣ୍ତିଙ୍ଗ୍‌ ଜାଜକ ତେବାନି ।”

ଗାଲାତିୟ 4:9

ମାତର୍‍ ଇଲେଇ ମିର୍‍ ମାପୁରୁଙ୍ଗ୍‍ଁ ନେସ୍‍ତିମାନିଦେର୍‍, ମାରିବା ନାନୁ ଇନା, ଇଲେଇ ମାପୁରୁ ମିଙ୍ଗିଁ ନେସ୍‍ତାମାନାନ୍‍ । ଆର୍‍ତିଙ୍ଗ୍‍ଁ ଇକା ଏଣ୍ତେସ୍‍ ଆଦେଙ୍ଗ୍‍ଁ ଆଟ୍‍ନାତ୍‍ ଜେ, ମିର୍‍ ମାରିଡ଼େସି ଆୟା ବପୁସିଲି, ଇନିକାସିଲି ଦିୟାମ୍‍କା ଲାକ୍‍ତୁ ଡ଼େସି ସନ୍‍ଡ୍ରେଙ୍ଗ୍‍ଁ ବଦାକିଜିନିଦେର୍‍ ? ମିର୍‍ ଏନ୍ଦା ମାରିଡ଼େସି ଆୟାୱାନିକା ଦାସ୍‍ ଆଦେଙ୍ଗ୍‍ଁ ବଦା କିଜିନିଦେର୍‍ ?

ఎబ్రి 6:20

ମା ପାଣିକିନିସିନି ୱାଜା ଜିସୁ ଆଗ୍‍ଡ଼ିନେ ଆବେନ୍‌ ସର୍‌ର୍ହାନ୍‍ନି । ୱାନ୍‌ ମଲ୍‍କିସେଦକତି ଉତରାଦିକାରି ୱାଜା ୱିଜୁଦିନ୍‌ତି ଉଣ୍ତିଙ୍ଗ୍ ପେରିଜାଜକ ଆତାମାନାନ୍ ।

ఎబ్రి 5:10

ମାରି ୱାନ୍‌ ମଲ୍‍କିସେଦକଦି ଉତ୍ତରାଦିକାରି ୱାଜା ପେରିଜାଜକ ଆତାନ୍‍ ଇଜି ମାପୁରୁ ୱେର୍‍ତାନ୍‍ ।

ଗାଲାତିୟ 4:3

ଟିକ୍‌ ଆୟାୱାଜା ମାପ୍‍ ବା ଆତ୍ମିକ ଜିବନ୍‍ତୁ ପିର୍‍ନି ଆଗ୍‍ଡ଼ି, ଦୁନିଆ ମୁସ୍‍କୁ ସାସନ୍‍ କିଜିମାନି ସାକ୍ତିଙ୍ଗାଁ ଦାସ୍‍ ମାର୍ହିକା ।

ఎబ్రి 7:10

ଲେବି ନାସ୍ତିୱାଲେ ଜନମ୍‌ ଆଏନ୍ ମାରାନ୍ ସତ୍‌, ମାତର୍‌ ଅବ୍ରାହାମ ମଲ୍‍କିସେଦକଦିଙ୍ଗ୍ ବେଟ୍‌ ଆତିୱାଲେ ପୁର୍ବେଦିଡକ୍‌ରାଦାଦା ଅବ୍ରାହାମଦି କୁଟୁମ୍‌ତି ୱାଜା ଲେବି ୱାନି ମେନ୍ଦଲ୍‌ତୁ ମାର୍‌ଆନ୍ ଇଜି ଇରିଙ୍ଗ୍‍ବା ବୁଲ୍‌ ଆଏତ୍‍ ।

ఎబ్రి 7:12

ଜାଜକ କୁଟୁମ୍‍ତି ବାଦ୍‍ଲେ ଆତିଙ୍ଗ୍‌ ନିୟମ୍‍ତୁ ବା ବାଦ୍‍ଲେ ଆନି ଦରକାର୍ ।

ఎబ్రి 7:13

ଏମେୱାନି ବିସୟ୍‌ତାନ୍‌ ମାପ୍‍ ଇୟାୱିଜୁ ମାଟା ଇଜିନାପ୍‍, ମା ଆୟା ପ୍ରବୁ ଜିସୁ ଆଇ ଉନ୍‍ଡ୍ରି କୁଟୁମ୍‌ ମାର୍ହାନ୍; ଆୟା କୁଟୁମ୍‌ତୁ ଏନ୍‍ ଏସାଙ୍ଗ୍ ଯାଜକ ପାଣି କିଏର୍‌ ।

ఎబ్రి 9:6

ଆବେନ୍‌ ଇୟାୱାଜା ନିୟମ୍‍ ମାନାତ୍ ଯାଜକର୍‌ ୱିଜୁଦିନ୍ ଗୁଡ଼ାଦି ପାର୍‍ତୁମ୍‍ ବାକ୍‍ରାଦୁ ଡ଼ୁଗ୍‌ଜି ୱାରି ସେବା ପାଣି ପୁରା କିନାର୍ ।