ఎబ్రి 5:9 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁹ ଇୟାୱାଜା ମାପୁରୁ ୱାନିଙ୍ଗ୍‌ ଅରେନ୍‌ ନେଗି ପେରି ଜାଜକ ଇଜି ଜଗ୍‌ ଆସ୍‌କିତାନ୍‍, ୱାନ୍‌ ୱାନି ମାଟାମାନାନି ଲୋକା ଉଣ୍ତିଙ୍ଗ୍‌ ୱିଜୁଦିନ୍‍ତି ରକିୟାଦି ୱେଡ଼ିକା ଆତାନ୍‍ ।

Konda: కొండ బాసదు నెగ్గి కబ్రు

⁹ దేవుణు వన్నిఙ్‌ పూర్తి కితివలె, వన్నిఙ్‌ లొఙిని వరిఙ్‌ విజెరిఙ్‌ రక్సిస్నికాన్‌ ఆతాన్.

ఎబ్రి 5:9 Referans Kwoze

ఎబ్రి 9:15

ଇୟାଉଣ୍ତିଙ୍ଗ୍‌ କ୍ରିସ୍ତ ନେ ପୁନି ନିୟମ୍‌ ତିଆର୍‌ କିତାମାନାନ୍, ଏଣ୍ତେସ୍‍କି ଏମେକାର୍ ମାପୁରୁଦି ମାଡ଼ାନ୍ କୁକାୟ୍‍ଆତାମାନାର୍, ୱାର୍‌ ମାପୁରୁ ପାର୍‍ମାଣ୍‍ କିତିମାନି ଏସ୍‌କାଙ୍ଗ୍‌ୱିଜିଇ ଆସିର୍ବାଦ୍‌ ପୋଇନାର୍ । ପାର୍‍ତୁମ୍‍ ନିୟମ ପାଣିକିଜିମାନି ବେଡ଼ାଦୁ, ଲୋକୁ ଏମେ ୱିଜୁ ପାପ୍‌ ଦୋସ୍‌ କିତାମାର୍ହାର୍, କେବଲ କ୍ରିସ୍ତଦି ସାତିମାଡ଼ାନ୍ ୱାର୍‌ ଆବେଟ୍‌କୁ ମୁକ୍‍ଡ଼ାନିକା ପୋଇନାର୍‍ ।

ఎబ్రి 2:10

ୱିଜେରିଙ୍ଗ୍‌ ତିଆର୍‌କିତିକାନ୍‌ ମାରି ରକିୟାକିନିକାନ୍‍ ମାପୁରୁ ୱାନି ନାଣ୍ତ କଡ଼ରିଙ୍ଗ୍‌ ଜିସୁଦି ଗୌରବ୍‌ଦୁ ମିସା କିନି ଉଣ୍ତିଙ୍ଗ୍‌, ସାତି ମାଡ଼ାନ୍‍କୁ ଜିସୁଙ୍ଗୁଁ ପୁରାନେଗିକା କିଜି ଟିକ୍ ପାଣି କିତାମାନାନ୍ । ଇରିଙ୍ଗ୍‍ଁ ଜିସୁନେ ପରିତ୍ରାଣଦି ସାରିଦୁ ୱାରିଙ୍ଗ୍ ସାଲାକିଜି ଅନାନ୍ ।

ఎబ్రి 12:2

ଏମେୱାନି ମୁସୁକୁ ମା ଟିକ୍ ବିସ୍‍ବାସ୍ ଆସା କିଜିନିକା, ଆୟା ଜିସୁଦି ଉଣ୍ତିଙ୍ଗ୍ ମା କାଣୁକୁ ନେଗିକା ଇଡିନିକା । ୱାନ୍‌ କ୍ରୁସଦି ତିଲାଜି ନିଜେ ପାଣିଦାନ୍ ତେବାଏନ୍‍ ମାର୍ହାନ୍‌; ମାତର୍‍ ୱାନିଦିନ୍‍ତୁ ୱାନି ଉଣ୍ତିଙ୍ଗ୍ ଉଣ୍ତାତିମାନି ୱେଡ଼ିକା ଉଣ୍ତିଙ୍ଗ୍‌, କ୍ରୁସକାଟ୍‌ଦି ସାତିମାନି ଅପମାନ୍‍ତିଙ୍ଗ୍‌ ୱାନ୍‌ ମାନାଏନ୍‍ଣ୍ତା ବୁଦି କିତାନ୍; ଇଲେଇ ୱାନ୍‌ ମାପୁରୁଦି ରାଜାଗାଦିଦି ଉଣିକିୟୁ ତରିନ୍‌ ବାସ୍‌ତାମାନାନ୍ ।

ఎబ్రి 9:12

କ୍ରିସ୍ତ ଆୟା ଗୁଡ଼ା ନାଡ଼୍‍ମିସିଜି ଆୟା ମହାପବିତ୍ର ବାଡିଦୁ ଉନ୍‍ଡ୍ରେଦେବାଦି ଉଣ୍ତିଙ୍ଗ୍‌ ଡ଼ୁଗିନି ୱାଲେ ଆବେନ୍‌ ବଲିସିନି ଉଣ୍ତିଙ୍ଗ୍‌ ଗରିଏଙ୍ଗ୍‌ଁ ସିଲେତିଙ୍ଗ୍‌ ଡ଼ାକା ନେତେର୍‍ ଆସ୍‌ସି ସଲ୍‍ଏନ୍‍ ମାର୍ହାନ୍‍ । ମାତର୍‍ ୱାନ୍‌ ନିଜେଦି ନେତେର୍‌ ଅସି ମା ଉଣ୍ତିଙ୍ଗ୍ ୱିଜୁଦିନ୍‍ତିଙ୍ଗ୍ ମୁକୁଡ଼ାନି ପାଣି କିତାନ୍ ।

అపొస్తు 5:32

ମାପ୍‌ ଇୟାୱିଜୁ ବିସୟ୍‌ତି ସାକି । ମାରି ଏମେ ପବିତ୍ର ଆତ୍ମାଦିଙ୍ଗ୍‍ ମାପୁରୁ ୱାନି ମାନାନିୱାରିଙ୍ଗ୍‍ ଦାନ୍‌ ସିତାମାନାନ୍‌, ୱାନ୍‌ ବା ତେନିସାକି ।”

୧ ପିତର 1:22

ଇଲେଇ ମିର୍‌ ସତ୍‍ତି ସାରିତରିନ୍‌ ବୁଲାଜିମାନିଙ୍ଗ୍‌ ନିଜେ ନିଜେଦିଙ୍ଗ୍‌ ନେଗେନ୍‌ କିଆତିମାନିଦେର୍‌ ମାରି ବିସ୍‌ବାସ୍‌ତି ତଡ଼ାନ୍‌କାଙ୍ଗ୍‌ ଜିବନ୍‌ ନୋଦେଙ୍ଗ୍‌ ବଦା ମାନାତ୍‌ । ନିଜେନିଜେଦିଙ୍ଗ୍‌ ଜିବନ୍‌ତାନ୍‌ ଜିବନ୍‍ନୋଦୁ ।

ఎబ్రి 11:8

ମାପୁରୁ ଅବ୍ରାହାମଦିଙ୍ଗ୍‌ ଏମେ ଦେସ୍ ସିନା ଇଜି ମାଟା ସିତାମାରାନ୍, ଆୟା ଦେସ୍‍ତୁ ସୋନି ଉଣ୍ତିଙ୍ଗ୍‌ ୱାନ୍‌ ଏସ୍ତିୱାଲେ ୱାନିଙ୍ଗ୍‌ କୁକ୍‍ତାନ୍, ନାସ୍ତିୱାଲେ ଅବ୍ରାହାମ ବିସ୍‍ବାସ୍‍ତାନ୍ ମାପୁରୁଦି ମାଟା ମାନାତା ମାର୍ହାନ୍‍ । ୱାନ୍‌ ଏମେମାନୁ ସୋନାନ୍, ଆକା ନେସ୍‍ଏଜି ବା ନିଜେଦି ଦେସ୍ ଡ଼ିସ୍‍ତା ସର୍ହାନ୍‌ ।

2దెస్స 1:8

ଆମାକାର୍‌ ମାପୁରୁଙ୍ଗ୍‌ ନେସ୍‌ଏର୍‌ ମାରି ମା ପ୍ରବୁ ଜିସୁଦି ସୁସମାଚାର୍‌ ମାନାଏର୍‌, ଆୟା ଲୋକାଙ୍ଗ୍‌ ସାସ୍ତି ସିନି ଉଣ୍ତିଙ୍ଗ୍‌ ୱାନ୍‌ ନାସ୍ତିୱାଲେ କାସ୍‌ସିମାନି ସିସୁଦୁ ପକ୍‍ନାନ୍‌ ।

ରୋମିୟ 2:8

ଆଇକାର୍‌ ନିଜେଦିଙ୍ଗ୍‍ ସୁଣାର୍‍, ସତ୍‍ ସାରି ଡ଼ିସ୍‍ସି, ତାଗ୍‍ଇ ସାରି ସନାର୍‍ । ୱାରି ମୁସ୍‌କୁ ମାପୁରୁଦି ନାଣ୍ତ ରିସା ଆନାନ୍‍ ।

ରୋମିୟ 1:5

କ୍ରିସ୍ତଦି ଉଣ୍ତିଙ୍ଗ୍‌ ମାପୁରୁ ନାଙ୍ଗିଁ ପେରିତ ସିସୁ ୱାଜା ବାସେକିଜି ୱିଜୁଜାତିଦି ଲୋକା ଲାକ୍‍ତୁ ପ୍ରଚାର୍‍ କିଦେଙ୍ଗ୍‌ ଆସିର୍ବାଦ୍‌ ସିତାମାନାନ୍‌, ଏଣ୍ତେସ୍‌ ୱାର୍‌ ଜିସୁମାନୁ ବିସ୍‍ବାସ୍‍ କିଜି ୱାନିଙ୍ଗ୍‍ଁ ମାନାନାର୍‌ ।

2కొరింతి 10:5

ମାପୁରୁଦି ବୁଦିଦିଙ୍ଗ୍ ବିରୁଦ୍‌କିନି ୱିଜେରେ ୱିଜୁ ବନ୍ଦନଦିଙ୍ଗ୍‌ ମାପୁ କୁତ୍‍ନାପ୍ ମାରି ଲୋକୁଦି ୱିଜୁ ଚିନ୍ତା ଆଡ୍‍ଗି ଆଜି କ୍ରିସ୍ତଦି ମାଟାମାନାନେ ।

ରୋମିୟ 15:18

ଅଣଜିହୁଦି ଲୋକାଙ୍ଗ୍‍ଁ ମାପୁରୁଦିଙ୍ଗ୍‍ଁ ମାନାଦେଙ୍ଗ୍‍ଁ ଇଜି କ୍ରିସ୍ତ ନା ମାଣାନ୍‌ ଇନିକା କିତାମାନାନ୍‌, କେବଲ ଇୟା ମାଟା ଇନ୍‍ଡ୍ରେଙ୍ଗ୍‍ଁ ନାନୁ ସାସ୍‍ତିକାନ୍‍ ଆତାମାନା ।

2తిమోతి 2:10

ମାପୁରୁଦି ଆସ୍‌କିତିମାନି ଲୋକ୍‌ କ୍ରିସ୍ତ ଜିସୁଦି ମାଣୁକୁ ପୟ୍‌ତିମାନି ପରିତ୍ରାଣ ମାରି ଏସ୍‌କାଙ୍ଗ୍‌ୱିଜ୍‌ଇ ଗୌରବ୍‍ ପୟ୍‌ଦୁ, ଇୟା ଉଦେସ୍‌ଦାନ୍‌ ନାନ୍‌ ୱିଜୁ କାସ୍ଟୁ ସାସ୍‌ କିଜିନା ।

ରୋମିୟ 10:16

ମାତର୍‍ ୱିଜେରେ ଆୟା ସୁସମାଚାର୍‍ ମାନାଏର୍‍ । ଆୟାଉଣ୍ତିଙ୍ଗ୍‌ ଜିସାଇୟ ରାସ୍‌ତାମାନାନ୍‌, “ଏ ପ୍ରବୁ, ଏନ୍‌ ମା ନେଗିକାବୁର୍‌ ମାଟା ବିସ୍‌ବାସ୍‌ କିତାମାନାନ୍‍ ?”

ରୋମିୟ 6:17

ମାତର୍‌ ମାପୁରୁଙ୍ଗ୍‍ଁ ଦନ୍ୟବାଦ ସିଜିନା, ଜଦିବା ଅର୍‍ଲେନ୍‍ ମିର୍‌ ପାପ୍‍ତି ଦାସ୍‍କୁ ମାର୍ହିଦେର୍‍, ମିର୍‌ ଇଲେଇ ସୁସମାଚାର୍‍ତାନ୍‍ ଅଜାତିମାନି ସତ୍‍ମାଟେଙ୍ଗ୍‍ଁ ପୁରା ମୋନ୍‌ତାନ୍‍ ମାନାଜିନିଦେର୍‍ ।

ఎబ్రి 2:3

ଆର୍‌ତିଙ୍ଗ୍‌, ଇୟା ପେରିରକିୟାଦିଙ୍ଗ୍‌ ଡ଼ିସ୍‌ତିଙ୍ଗ୍‌, ମାଡ୍‌ ଏଣ୍ତେସ୍ ରକିୟା ପୋଇନିକା ? ଇୟା ପରିତ୍ରାଣ ନିଜେ ପ୍ରବୁ ନିଜେ ଆଗ୍‍ଡ଼ିନେ ୱେର୍‍ତାମାନାନ୍ ମାରି ୱାନିମାନୁ ୱେର୍‌ଇମାନି ଲୋକୁ ୱାନି ପେରିସତ୍‍ ମା ଲାକୁତୁ ପାର୍‌ମାଣ୍‌ କିତାମାନାର୍‍ ।

యోహాను 19:30

ଆବେଟ୍‌ ଜିସୁ ଆୟା ସୟ୍‌ନିରସ୍‌ ଉଟାନ୍‌ନୋ ଇର୍ହାନ୍‌, “ୱିଜିତାତ୍‌” ମାରି ୱାନ୍‌ ତାଲା ଆଡ୍‍ଗି କିଜି ସାତାନ୍‌ ।

మత్తయి 17:5

ପିତର୍‌ ଇୟା ମାଟା ଇନିୱାଲେ ଖାଣ୍ତେକ୍‍ ବାଦଡ଼୍‍ ଇମ୍‌ଜି ୱାତା ଦୋ ୱାରିଙ୍ଗ୍‌ ବାଦଡ଼୍‍ତି ନିଡ଼୍‍ଗା ପିଡ଼ିକ୍‍ତାତ୍‍ ମାରି ଆବେଟ୍‌ତାନ୍‌ ଉନ୍‌ଡ୍ରି ବଲ୍ ୱାତାତ୍‍, “ଇୟାକାନ୍‌ ନା ଲାଡ୍‍ତି ମାରିନ୍‌, ୱେନିମାନୁ ନାନ୍ ନାଣ୍ତ ୱେଡ଼ିକା । ୱେନି ବାକ୍ୟ ୱେନ୍‌ଡ୍ରୁ ।”

ଜିହୁଦା 1:21

ମାରି, ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ତି ଉଣ୍ତିଙ୍ଗ୍‌ ମା ପ୍ରବୁ ଜିସୁ କ୍ରିସ୍ତଦି ଦୟାଦିଙ୍ଗ୍‌ କାପ୍‌କିଜ ମାପୁରୁଦି ଜିବନ୍‌ନୋନିଙ୍ଗ୍‌ ନିଜେଦିଙ୍ଗ୍‌ ତିର୍‌ ତେବାଦୁ ।

୧ ଜୋହନ 5:20

ମାରି ବା ମାପୁ ନେସ୍‌ନାପ୍‌ ଜେ, ମାପୁରୁଦି ମାରିନ୍‌ ୱାତାମାନାନ୍‌ ମାରି ସତ୍‌ତିଙ୍ଗ୍‌ ନେସ୍‌ନି ଉଣ୍ତିଙ୍ଗ୍‌ ମାଙ୍ଗିଁ ବୁଦି ସିତାମାନାନ୍‌; ମାରି ମାଡୁ ଆୟା ସତ୍‌ତି ମାପୁରୁଦିମାନୁ ମାରି ୱାନି ମାରିନ୍‌ ଜିସୁ କ୍ରିସ୍ତଦି ୱାଲେ ମାନାତ୍‌ । ୱାନ୍‌ ନେ ସତ୍‌ତି ମାପୁରୁ ମାରି ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ।

ఎబ్రి 11:40

ଇରିଙ୍ଗ୍‌ ମାପୁରୁ ମା ଉଣ୍ତିଙ୍ଗ୍ ଉନ୍‍ଡ୍ରି ନେଗି ଜଜନା କିତାମାର୍ହାନ୍ । ୱାର୍‌ ମା ୱାଲେ ଏଣ୍ତେସ୍ ପୁରା ଆନାର୍, ଇକାନେ ମାପୁରୁଦି ବଦା ମାରାତ୍ ।

2దెస్స 2:16

ମା ପ୍ରବୁ ଜିସୁ କ୍ରିସ୍ତ ନିଜେ ମାରି ମା ଆମା ବୁବା ମାପୁରୁ ମାଙ୍ଗିଁ ଜିବନ୍‌ନୋଜି ଦୟାଦାନ୍‌ ମାଙ୍ଗିଁ ଡାଟ୍‌ତି ସାସ୍‌ ମାରି ନେଗି ଆସା ସିତାମାନାନ୍‌ ।

అపొస్తు 3:15

ଏନ୍‌ ଜିବନ୍‌ତି ସାରି ତର୍‍ନିକାନ୍‍, ମିର୍‌ ୱାନିଙ୍ଗ୍‌ ଡାକ୍‍ତିଦେର୍‍; ମାତର୍‌ ମାପୁରୁ ୱାନିଙ୍ଗ୍‌ ସାତିମାଣାନ୍‌ ମାରିଡ଼େସି ନିକ୍‍ତାନ୍‍ । ମାପ୍‌ ତାନି ସାକି ।

లూకా 13:32

ଆବେଟ୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, “ମିର୍‌ ସଲ୍‍ସୋ ଆୟା ଗଲୁଦିଙ୍ଗ୍‍ ଇନ୍‍ଡ୍ରୁ, ସୁଡ଼ୁଦୁ, ନାନ୍ ନେର୍‌ ମାରି ୱିଗେରିଙ୍ଗ୍‌ ଲୋକାମାଣ୍‌କୁ ଦୁବେଙ୍ଗ୍‍ ପେର୍‍ଜିନା ମାରି ଲୋକାଙ୍ଗ୍‌ ନେଗେନ୍‌ କିଜିନା, ମିଏରିଙ୍ଗ୍‍ ନା ପାଣି ୱିଜ୍‌ନାତ୍‌ ।

అపొస్తు 4:12

କେବଲ୍‌ ୱାନି ମାଣାନ୍‌ ରକିୟା ପୟ୍‌ନିକା ଆନାତ୍‌ । ସାରା ଦୁନିଆଦୁ ମାନି ଆଇ ଇନି ଦର୍‌ ମାଣାନ୍‌ ଲୋକୁ ରକିୟା ପୟ୍‌ଦେଙ୍ଗ୍‌ ଆଟ୍‌ଏନ୍‌ ।”

ପିଲିପିୟ 2:12

ମାରି, ଏ ନା ଲାଡ୍‍ତି ତଡ଼୍‍କୁ, ଏଣ୍ତେସ୍‌ ନାନ୍‌ ମି ୱାଲେ ମାର୍‌ଇ ବେଡ଼ାଦୁ ମିର୍‌ ଏଣ୍ତେସ୍‌ ୱିଜୁୱାଲେ ନା ମାଟାଦାନ୍‌ ମାର୍‌ଇଦେର୍‌, ମାତର୍‌ ଇଲେଇ ନାନ୍‌ ସିଲିୱାଲେ ମାରି ନାଣ୍ତଦାନ୍‌ ତିଲାଜି ମାରି ତିର୍‌ଜି ନିଜେ ନିଜେଦି ପରିତ୍ରାଣ୍‌ ପାଣି ଏଣ୍ତେସ୍‌ ପୁରା ଆନାତ୍‌ ।

ఎబ్రి 1:14

ଆର୍‌ତିଙ୍ଗ୍‌ ମୁସ୍‌କୁପୁର୍‌ତି ଦୁତ୍‍କୁ ଏର୍‌ ? ୱାର୍‌ ଆଜିନାର୍ ମାପୁରୁଦି ସେବାକିନିକାର୍‍, ରକିୟା ପୋଇତିମାନି ଲୋକୁଦି ସାକା ଉଣ୍ତିଙ୍ଗ୍‌ ମାପୁରୁଦି ମାଡ଼ାନ୍ ପକାତି ଆତ୍‍ମେଙ୍ଗ୍‍ ।

ఎబ్రి 9:28

ଆୟାୱାଜା ୱିଜୁଲୋକା ଉଣ୍ତିଙ୍ଗ୍‌ ପାପ୍ ଆକ କିଦେଙ୍ଗ୍ କ୍ରିସ୍ତ ଉନ୍‍ଣ୍ତ୍ରେ ଦେବାଦି ଉଣ୍ତିଙ୍ଗ୍ ବଲି ୱାଜା ସିଆୟ୍‍ ଆତାନ୍ । ୱାନ୍‌ ମାରିଉଣ୍ତ୍ରି ଦେବା ୱାନାନ୍ । ନାସ୍ତିୱାଲେ ମାରି ପାପ୍‍ତି ଜୁଦ୍‍ କିନି ଉଣ୍ତିଙ୍ଗ୍‌ ୱାନ୍‌ ରେଏନ୍‍ । ୱାନ୍‌ ୱାନାନ୍, ୱାନି ଉଣ୍ତିଙ୍ଗ୍‌ କାପ୍‍କିଜିମାନି ଲୋକାଙ୍ଗ୍ ଉଦ୍ଧାର୍‌ କିନି ଉଣ୍ତିଙ୍ଗ୍‌ ୱାନାନ୍‌ ।