ఎబ్రి 4:12 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹² ମାପୁରୁଦି ବାକ୍ୟ ଜିବନ୍‌ ମାରି ସାକ୍ତିମାନିକା । ଆକା ରିୟାଙ୍ଗାଁଦି ଦାରା କାଣ୍ତା ବାଦ୍‍ଲୁ ନାଣ୍ତ ଦାରା; ଆମାମାନୁ ଆତ୍ମା ନି ଜିବନ୍‌ ମାରି ସିରେଙ୍ଗ୍‍ଁ ନି ପେଡେନ୍‌ରସ୍‌ ଲୋଇ, ମାରି ଲୋକା ଜିବନ୍‍ତି ଆସା ମାରି ଚିନ୍ତାଦି ବିଚାର୍ କିନିକା ।

Konda: కొండ బాసదు నెగ్గి కబ్రు

¹² ఎందనిఙ్‌ ఇహిఙ, దేవుణు మాట పాణం మనిక. నండొ సత్తు మనిక. రుండి దరోట్‌ తెవుగు మని ఎలాగ మర్తి కుర్దదిఙ్‌ ఇంక ఒదె తెవుగు మనిక. దేవుణు మాట, లొఇ డుగ్‌జి మన్సుదిఙ్‌ గర్బమ్‌దిఙ్‌ ఎర్లిసి డూగ్న సొనాద్. అత్కుఙ, ముల్వెఙ ఎర్లిసినాద్. ఆలోసనమ్‌కాఙ్, మన్సుదు మని ఉదెసమ్‌కాఙ్‌ పరిక్స కినాద్.

ఎబ్రి 4:12 Referans Kwoze

ଏପିସିୟ 6:17

ମାରି ପରିତ୍ରାଣନାନି ଜୁଦ୍‍ଦି ଟପି ଆରାଦୁ, ପବିତ୍ରଆତ୍ମା ସିତିମାନି ମାପୁରୁଦି ବାକ୍ୟନାନି କାଣ୍ତା ଆସ୍‌ତୁ ।

୧ ପିତର 1:23

ଇରିଙ୍ଗ୍‌ ମାପୁରୁଦି ଜିବନ୍‌ମାନିକା ମାରି ୱିଜୁଦିନ୍‌ତି ବାକ୍ୟ ଦାନ୍‌ ମିର୍‌ ଆମା ସାନିନାନି ବୁବାଦି ମାରିନ୍‌ ୱାଜା ସିଲେ, ମାତର୍‌ ୱିଜୁଦିନ୍‌ତିଙ୍ଗ୍‌ ମାନି ବୁବାଦି ମାରିନ୍‌ ୱାଜା ମାରିଡ଼େସି ଜନମ୍‍ ପୟ୍‌ତି ମାନିଦେର୍‌ ।

ప్రకటన 1:16

ୱାନ୍‌ ୱାନି ଉଣିକିୟୁଦୁ ସାତ୍‌ଗୋଟା ସୁକେଙ୍ଗ୍ ଆସ୍‌ତାମାରାନ୍ ମାରି ୱାନି ୱେୟୁଦାନ୍‌ ଉନ୍‌ଡ୍ରି ସିକ୍‌ସିକା ରିୟାଙ୍ଗାଁଦାରାମାନି କାଣ୍ତା ସୋସି ମାର୍ହାତ୍‌ । ୱାନି ମକମ୍‌ ୱେଡ଼େରି ୱେଡ଼ା ୱାଜା ଜାୟ୍‌ମାରାତ୍ ।

1దెస్స 2:13

ମାପ୍‌ ୱିଜୁଦିନ୍ ମାପୁରୁଙ୍ଗ୍‌ ଦନ୍ୟବାଦ୍‌ ସିଜିମାନାପ୍‌, ତାନି ଆଇ ଉନ୍‌ଡ୍ରି ମାଟା ବା ମାନାତ୍‌ । ମାପ୍‌ ଏସ୍ତିୱାଲେ ମି ଲାକ୍‌ତୁ ମାପୁରୁଦି କାବୁର୍‌ ତାତାମାର୍ହାପ୍‌, ମିର୍‌ ଆକା ଲୋକା କାବୁର୍‌ ଇଜି ଅଡ଼୍‌ବିଏଣ୍‌ଗା, ମାପୁରୁଦି କାବୁର୍‌ ୱାଜା ୱେର୍‌ଇମାର୍‌ଇଦେର୍‌ ମାରି ମାନାତିମାର୍‌ଇଦେର୍‌ । ସତ୍‌ତାନ୍‌ ଆକା ମାପୁରୁଦି କାବୁର୍‌ ମାରି ମି ୱାଜା ବିସ୍‌ବାସ୍‌ରି ଜିବନ୍‌ତୁ ଆକା ପାଣି କିଜିନାତ୍‌ ।

ରୋମିୟ 1:16

ଆୟା ସୁସମାଚାର୍‌ ମୁସ୍‌କୁ ନା ପୁରା ଆସା ମାନାତ୍‌ । ଆକା ପାର୍‍ତୁମ୍‍ ଜିହୁଦି ଲୋକାମାନୁ ମାରି ୱେନ୍‌କା ଅଣଜିହୁଦି ବିସ୍‍ବାସି ଲୋକାମାନୁ ଉଦାର୍‌ ପାଣି କିଦେଙ୍ଗ୍‌ ଇଜି ମାପୁରୁଦି ସାକ୍ତି ୱାଜା ।

ప్రకటన 19:15

ୱାନି ୱେୟୁଦାନ୍ ଉନ୍‌ଡ୍ରି ଦାରାଦି କାଣ୍ତା ସୋସିମାରାତ୍ । ତାନି ସାହାଜ୍ୟଦାନ୍ ୱାନ୍‌ ଦୁନିଆଦି ୱିଜୁ ଜାତିଦିଙ୍ଗ୍‍ ସାପିସ୍‌ କିନାନ୍‌ । ମାରି ୱାରିଙ୍ଗ୍‌ ୱାଦ୍‌ ଲୁୱା ଦଣ୍ତତାନ୍ ସାସନ୍‌ କିନାନ୍‌ ମାରି ସର୍ବସାକ୍ତିମାନ୍ ମାପୁରୁଦି ନାଣ୍ତରିସାନାନି ଅଙ୍ଗୁର୍‌ତିଙ୍ଗ୍‌ ୱାନ୍‌ ପିର୍‌ନି କୁଣ୍ତିଦୁ ନିଜେ ପିର୍‌ଜି ଅଙ୍ଗୁର୍‍ରସ୍‍ ସୋପ୍‍ନାନ୍ ।

ଏପିସିୟ 5:13

ଏସ୍ତିୱାଲେ ୱିଜୁ ବିସୟ୍‍ ଜାୟ୍‍ତୁ ତାନାର୍‍, ନାସ୍ତିୱାଲେ ଆୟାୱିଜୁଦି ସତ୍‍ ମାଟା ତର୍‍ନାତ୍‍ ।

లూకా 8:11

କାତାଦି ଅର୍ତ ଇକା । ୱିତୁ ମାପୁରୁଦି ବାକ୍ୟ,

యోహాను 6:51

ନାନ୍ ମୁସ୍‌କୁପୁରୁତାନ୍‌ ୱାତିମାନି ଆୟା ଜିବନ୍‌ତି କାଦି, ଏନ୍‌ ଜଦି ଇୟା କାଦି ଉଣୁନାନ୍‌, ୱାନ୍‌ ଏସାଙ୍ଗ୍‌ୱିଜ୍‌ଇଦିନ୍‌ ସାନ୍ଧି ଜିବନ୍‌ ମାନାନ୍‌; ହୁଁ, ନାନ୍ ଏମେ କାଦି ସିନା, ଆକା ନା କାଣ୍ତା, ନାନ୍ ଆକା ଦୁନିଆଦିଙ୍ଗ୍‍ ଜିପିସ୍‍ନି ଉଣ୍ତିଙ୍ଗ୍‌ ସିନା ।”

ప్రకటన 19:21

ମାରି ୱାରି ସୌନ୍ୟଦଲ୍ ଗଡ଼ା ସାଲାକିନିକାର୍‌ ୱେୟୁଦାନ୍‌ ସୋସିମାନି କାଣ୍ତାଦାନ୍‌ ସାତାର୍‌; ଆବେନୁ ବାଦଡ଼୍‌ତି ପୋଟିଙ୍ଗ୍ ୱାରି କାଣ୍ତା ତିନିଜି ପଟା ପାଜିତେ ।

ప్రకటన 2:16

ମି ପାପ୍‌ ଡ଼ିସ୍‍ତୁ; ସିଲେତିଙ୍ଗ୍‌ ନାନୁ ବେଗି ମି ଲାକୁତୁ ୱାଜି ନା ୱେୟୁଦାନ୍‌ ସୋସିମାନି କାଣ୍ତାଦାନ୍‌ ଆୟା ଡଙ୍ଗାର୍‍ଙ୍ଗାଁ ବିରୁଦ୍‌ତାନ୍ ଜୁଦ୍‍ କିନା ।

ఎబ్రి 13:7

ଏମେ ନେତାର୍ ପୁର୍ବେ ମିଙ୍ଗିଁ ମାପୁରୁଦି ବାକ୍ୟ ୱେର୍‍ତା ମାର୍ହାର୍, ୱାରିଙ୍ଗ୍ ଏତ୍‍କିଦୁ । ୱାରି ଜିବନ୍‌ ବା ସାନିକା ଏଣ୍ତେସ୍‌ନାନିକା ମାର୍ହାତ୍, ଆକା ଏତ୍‍କିଜି ୱାରି ବିସ୍‍ବାସ୍‍ତିଙ୍ଗ୍‍ ନିଜେଦି ଜିବନ୍‍ତୁ ଆସ୍‌ତୁ ।

అపొస్తు 4:31

ୱାର୍‌ ପାର୍‌ତନା ୱିସ୍‌ତି ୱେନ୍‌କା ଏମେ ବାଡିଦୁ ଉଣ୍ତାତା ମାର୍ହାର୍‌, ଆକା ଦୁଙ୍ଗିଁତା ସର୍ହାତ୍‍ । ୱାର୍‌ ୱିଜେରେ ପବିତ୍ରଆତ୍ମାଦୁ ପୁରା ଆତାର୍‌ ମାରି ସାହାସ୍‍ତାନ୍‍ ମାପୁରୁଦି ବାକ୍ୟ ପ୍ରଚାର୍‌ କିଦେଙ୍ଗ୍‌ ଆସ୍‌ତାର୍‌ ।

అపొస్తు 2:37

ଇୟାୱିଜୁ ମାଟା ୱେନ୍‌ଜି ୱାରି ଜିବନ୍‌ ନାଣ୍ତ କିଲିବିଲି ଆତାତ୍‌ ମାରି ପିତର୍‌ ନି ଆଇ ପ୍ରେରିତ ସିସୁରିଙ୍ଗ୍‌ ୱେନ୍‌ବାତାର୍‌, “ତଡ଼ାନ୍‌କୁ ମାପ୍‌ ଇନିକା କିନାପ୍‍ ?”

ప్రకటన 2:23

ତାନି ୱେନେକା ବୁଲାନିୱାରିଙ୍ଗ୍ ବା ସାପିସ୍‌ କିନା, ଆର୍‌ତିଙ୍ଗ୍‌ ମଣ୍ତଲିଙ୍ଗ୍‌ ୱିଜୁ ନେସ୍ତେଙ୍ଗ୍ ଆଟ୍‍ନାର୍‌ ଜେ, ନାନ୍‌ ଜିବନ୍‌ତିକାୱିଜୁ ନେସ୍‌ନା, ଲୋକ୍‌ଦି ୱିଜୁ ଚିନ୍ତା ମାରି ପାଣି ନାନୁ ନେସ୍ତେଙ୍ଗ୍‍ ଆଟ୍‍ନା । ମିର୍‌ ୱିଜେରେ ଆମାକା କିତିମାନିଦେର୍‌, ଆୟା ଇସାପ୍‍ତାନ୍ ନାନୁ ମିଙ୍ଗିଁ କାସ୍ଟୁ ସିନା ।

ప్రకటన 20:4

ତାନିୱେନ୍‍କା ନାନୁ ସୁଡ଼ୁତା ଏସ ସିଂହାସନ୍ ମାରି ଆୟାୱାନିକାଙ୍ଗ୍‌ ବାସ୍‌ତିମାନି ଲୋକା ବିଚାର୍‍ କିଦେଙ୍ଗ୍ ଅଦିକାର୍ ସିଆୟ୍‌ଆତାମାନାନ୍‌ । ମାରି ବା ନାନୁ ସୁଡ଼ୁତା, ଏସ ଲୋକା ସାତିୱାରି ଆତ୍ମା । ଜିସୁଦି ୱେର୍‌ତିମାନି ସତ୍‌ ମାରି ମାପୁରୁଦି ବାକ୍ୟ ପ୍ରଚାର୍‌ କିତିମାନିଙ୍ଗ୍‌ ଆୟା ଲୋକୁ ସାନିଦଣ୍ତ ପୋଇତା ମାର୍ହାର୍‌ । ୱାର୍‌ ପସୁଦିଙ୍ଗ୍‌ ନି ତାନି ବମାଦିଙ୍ଗ୍ ପୁଜା କିଏର୍‌ମାର୍ହାର୍‌, ମାରି କାପାଲ୍‌ତୁ ନି କିୟୁଦୁ ପସୁଦି ସିନା ଆସ୍‌ଏର୍‌ ମାର୍ହାର୍‌ । କ୍ରିସ୍ତଦି ୱାଲେ ୧,୦୦୦ ବାର୍ସେକ୍ ସାସନ୍‌ କିନି ଉଣ୍ତିଙ୍ଗ୍ ୱାର୍‌ ପୁନିଜିବନ୍‌ ଆତାମାର୍ହାର୍‌ ।

1దెస్స 5:23

ଆମା ମାପୁରୁ ମାଙ୍ଗିଁ ସାନ୍ତି ସିନାନ୍‌, ୱାନ୍‌ ମିଙ୍ଗିଁ ପୁରାପୁରି ପବିତ୍ର କିପିନ୍‌ ମାରି ମା ପ୍ରବୁ ଜିସୁ କ୍ରିସ୍ତଦି ୱାନିଦିନ୍‌ତି ସମୟ୍‌ତୁ ମି ଆତ୍ମା, ପୁଣ୍ତା, ମେନ୍ଦଲ୍‌ତିଙ୍ଗ୍ ପୁରାପୁରି ଦସ୍‌ ସିଲେଣ୍‌ଗା ଇଡ୍‌ଦୁ ।

2కొరింతి 4:2

ସେମାର୍‌ତି ମାରି ଆରେତିପାଣି କିତି ପାଣି ୱିଜୁ ମାଡ଼ୁ ଡ଼ିସିନିକା । ମାପ୍‌ ଟକେ କିଏପ୍‍ ମାରି ମାପୁରୁଦି ବାକ୍ୟଦିଙ୍ଗ୍ ତାଗ୍‍ଇ ଅର୍ତ କିଏପ୍‍ । ମାତର ତରାନି ଇସାବ୍‍ତାନ୍‍ ମାପୁରୁଦି ଆଗ୍‍ଡ଼ି ଲୋକା ବୁଦି ଲାକୁତୁ ମାପ୍‌ ନିଜେ ନିଜେଦି ସତ୍‌ ପାର୍‍ମାଣ୍‍ କିନି ଉଣ୍ତିଙ୍ଗ୍ ଚେଷ୍ଟାକିଜିନାପ୍‍;

యాకోబు 1:18

ସାରା ଦୁନିଆଦି ଲୋକୁ ମାପ୍‌ ଏଣ୍ତେସ୍‌ ପାର୍‌ତୁମ୍‌ ବାଡି ଅଦିକାର୍‌ କିନାପ୍‌, ଇୟାଉଣ୍ତିଙ୍ଗ୍‌ ୱାନ୍‌ ନିଜେଦି ବଦାଦାନ୍‌ ସତ୍‌ ବାକ୍ୟଦାନ୍‌ ମାଙ୍ଗିଁ ତିଆର୍‌ କିତାନ୍‌ ।

2కొరింతి 2:17

ଗାଦିଲୋକ୍‌ ନିଜେ ଲାବବାନ୍ ଆଦେଙ୍ଗ୍‍ଁ ମାପୁରୁଦି ବାକ୍ୟ ବ୍ୟବହାର୍ କିଜିନାର୍ । ମାଡ଼ୁ ମାତର ଆୟାୱାଜା ସିଲେ । ମାଙ୍ଗିଁ ମାପୁରୁ ପୋକିସି କିତିମାନିଙ୍ଗ୍ ମାଡ଼ୁ ବିସ୍‍ବାସ୍‍ତାନ୍ ୱାନି ଆଦେସ୍ ମାନାଜିନି ମାରି ମାପୁରୁଦି ସାକିଦାନ୍ କ୍ରିସ୍ତଦି ଦାସ ୱାଜା ପ୍ରଚାର କିନାପ୍‌ ।

1కొరింతి 1:24

ମାତର୍‌ ଜିହୁଦି ଆପିନ୍‌ ମାରି ଅଣଜିହୁଦିରି ଆପିନ୍‌, ଆମାକାର୍‌ ଇଚ୍ଛାମାନାର୍‌, ୱାରି ଉଣ୍ତିଙ୍ଗ୍‌ କ୍ରିସ୍ତ ମାପୁରୁଦି ସାକ୍ତି ମାରି ମାପୁରୁଦି ଜ୍ଞାନ୍‌ଦିୱାଜା ।

అపొస్తు 5:33

ପେରିମିଟିଙ୍ଗ୍‍ତି ଲୋକୁ ଇୟା ମାଟା ୱେନ୍‌ଜି ନିସା ରିସା ଆତାର୍‌ ଜେ, ୱାର୍‌ ସିସୁରିଙ୍ଗ୍‌ ଡାକ୍‌ତେଙ୍ଗ୍‍ଁ ବଦା କିତାର୍‍ ।

యోహాను 12:48

ଏନ୍‌ ନାଙ୍ଗିଁ ଡ଼ିସ୍‌ସି ନା ମାଟା ମାନାଏନ୍‌, ନା ୱେୟୁଦି ବାକ୍ୟ ୱାନି ବିସାର୍‍କିନିକାତ୍‍ ଆନାତ୍‌ । ଆୟା ବାକ୍ୟ ୱିଜ୍‍ନି ଦିନ୍‍ତୁ ୱାନି ବିସାର୍‌ କିନାତ୍‌ ।

అపొస్తు 7:38

ଆୟା ମୋସା ବାଲି ବୁମିଦୁ ଉଣ୍ତାତିମାର୍ହି ଇସ୍ରାଏଲ୍‌ତି ଲୋକାୱାଲେ ଅର୍‌ସେ ମାର୍ହାନ୍‍ । ୱାନ୍‌ ସିନୟ ଗରନ୍‌ତୁ ମା ଡକ୍ରାଦାଦାରି ୱାଲେ ମାରି ୱାରି ୱାଲେ ମାଟା ଇର୍ହିମାନି ମୁସ୍‌କୁପୁର୍‌ତି ଦୁତ୍‍ତି ୱାଲେ ମାର୍ହାନ୍‍ ମାରି ମା ଲାକ୍‌ତୁ ଇନ୍‍ଣ୍ତ୍ରେଙ୍ଗ୍‍ ଇଜି ୱାନ୍‌ ମାପୁରୁଦି ମାଣ୍‌କୁ ଜିବନ୍‌ତି ବାକ୍ୟ ଆସ୍‌ତାନ୍‌ ।”

ଏପିସିୟ 5:26

କ୍ରିସ୍ତ ମଣ୍ତଲିଦିଙ୍ଗ୍‍ ଏରୁଦୁ ନୋର୍‍ଜି ମାପୁରୁଦି ଉଦେସ୍‍ତାନ୍‍ ପବିତ୍ର କିନାନ୍‌,

ఎబ్రి 6:5

ୱାର୍‌ ମାପୁରୁଦି ନେଗି ବାକ୍ୟଦିଙ୍ଗ୍‍ ପୟ୍‍ତା ମାର୍ହାର୍‍ ମାରି ୱାଜିନି ଜୁଗ୍‍ତି ସାକ୍ତି ଏତ୍‌ କିତାମାର୍ହାର୍‍ ।