ఎబ్రి 2:17 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁷ ତେନି ଅର୍ତ ଆଜିନାତ୍, ୱିଜୁ ବିସୟ୍‌ତାନ୍‌ ୱାନି ତଡ଼ାନ୍‍କା ୱାଜା ଆନିକା ୱାନି ବଦା ମାର୍ହାତ୍, ଏମେ ମାଣାନ୍‌ କି ୱାନ୍‌ ୱାରି ବିସ୍‍ବାସ୍ ମାରି ଦୟାକିନି ପେରିଜାଜକ ଆଜି ମାପୁରୁଦି ସେବା କିଦେଙ୍ଗ୍‌ ଆଟ୍‌ନାନ୍‍ ମାରି ଲୋକୁ ପାପ୍‌କେମା ପୋଇନାର୍‌ ।

Konda: కొండ బాసదు నెగ్గి కబ్రు

¹⁷ దిన్ని వందిఙ్, వాండ్రు ఎల్లగాతిఙ్‌బా వన్ని తంబెరిఙ లెకెండ్‌ ఆదెఙ్‌వలె. ఎందనిఙ్‌ ఇహిఙ, వాండ్రు నండొ కనికారం మని, నమ్మిదెఙ్‌ తగ్ని పెరి పుజెరి ఇజి, దేవుణుదిఙ్‌ సేవ కిదెఙ్‌ మరి, లోకురి పాపమ్‌క వందిఙ్‌ పూజ కిదెఙ్.

ఎబ్రి 2:17 Referans Kwoze

ఎబ్రి 4:14

ଆଦେଙ୍ଗ୍‍ଁ ମାଡୁ ଏମେ ଦାର୍ମୁବିସ୍‍ବାସ୍‍ତିଙ୍ଗ୍‍ ମାନାଜିନିକା, ଆକା ଆଟ୍‍ୱାଦାନ୍‍ ଆସ୍‌ସି ଇଡ୍‍ଦେଙ୍ଗ୍‌ ଆନାତ୍‌; ଇରିଙ୍ଗ୍‍ଁ ମା ୱିଜେରିଙ୍ଗ୍‌ ପେରିଯାଜକ, ମାପୁରୁଦି ମାରିନ୍ ଜିସୁ, ମାପୁରୁଦି ଲାକ୍‍ତୁ ସର୍ହାମାନାନ୍‍ ।

ఎబ్రి 2:14

ୱାନ୍‌ ଏମେୱାରିଙ୍ଗ୍‌ କଡ଼ର୍‍ ଇଜି ମାନାତାମାନାନ୍‍, ୱାର୍‌ ନେତେର୍‍କାଣ୍ତା ମେନ୍ଦଲତି ଲୋକୁ ଆତିମାନିଙ୍ଗ୍‌ ଜିସୁ ବା ନିଜେ ୱାରି ୱାଜା ଲୋକା ମୁର୍ତି ନି ଗୁଣ୍‍ ଆସ୍‌ସି ୱାତାନ୍‌ । ୱାନ୍‌ ଇକା କିନି ମାଟା ଆଜିନାତ୍, ୱାନ୍‌ ଏଣ୍ତେସ୍ ନିଜେଦି ସାନି ମାଡ଼ାନ୍‍କୁ ସୟତାନ୍‍ତିଙ୍ଗ୍‌ ବିନାସ୍ କିନାନ୍, ଇରିଙ୍ଗ୍‍ଁ ସାନି ମୁସୁକୁ ସୟତାନ୍‍ତି ଅଦିକାର୍‌ ମାର୍‌ଆତ୍ ।

ఎబ్రి 7:26

ଆର୍‌ତିଙ୍ଗ୍‌ ମା ୱିଜୁ ଉଣା ପୁରା କିଦେଙ୍ଗ୍‌ ଜିସୁନେ ଅରେନ୍ ମାତ୍ର ପେରିଯାଜକ । ୱାନ୍‌ ପବିତ୍ର, ପାପ୍‌ଦସ୍‍ ସିଲିକାନ୍‍, ପାପି ଲୋକାମାଣୁକୁ ଆକମାନିକାନ୍‍, ମୁସ୍‌କୁପୁର୍‌ତୁ ପରିକାନ୍‌ ଆତାନ୍‌ ।

ରୋମିୟ 5:10

ମାଡ୍‌ ମାପୁରୁଦି ସାତ୍ରୁ ମାରି ୱାଲେ ୱାନି ମାରିସି ମା ଉଣ୍ତିଙ୍ଗ୍‌ ଜିବନ୍‌ ସିତାନ୍‌, ତାନି ମାଣାନ୍‌ ମାପୁରୁଦି ୱାଲେ ମା ମିସାନିକା ଆତାତ୍‍ । ମାପୁରୁଦି ୱାଲେ ମିସାତି ୱେନ୍‌କା ଇଲେଇ କ୍ରିସ୍ତଦି ଜିବନ୍‍ତାନ୍‍ ରକିୟା ପୟ୍‍ଦେଙ୍ଗ୍‍ଁ ଇଜି ମାଡ୍ ଏସା ନାଣ୍ତ ସୁଜୋଗ ପୟ୍‍ଇକା ?

ఎబ్రి 2:11

ୱାନ୍‌ ଲୋକାଙ୍ଗ୍‌ ପାପ୍‌ତାନ୍ ପବିତ୍ର କିନାନ୍ । ମାରି, ଆମାକାର୍‌ ଜିସୁ ମାଡ଼ାନ୍ ପବିତ୍ର ଆନାର୍‌, ୱାର୍‌ ୱିଜେରେ ଅରେନ୍‌ ବୁବାଦି କଡ଼ର୍‌ । ଆୟାଉଣ୍ତିଙ୍ଗ୍‌ ଜିସୁ ୱାରିଙ୍ଗ୍ ତଡ଼ାନ୍‍ ନି ତାଙ୍ଗିଁ ଇଜି ଇନ୍‌ଡ୍ରେଙ୍ଗ୍‌ ସେମାର୍ ଆଏନ୍‍ ।

ఎబ్రి 3:5

ସେବକ ୱାଜା ମୋସା ମାପୁରୁଦି ଇଲୁଦୁ ବିସ୍‍ବାସ୍‍ଦାନ୍ ପାଣି କିତାମାର୍ହାନ୍ ମାରି ଆମାୱିଜୁ ବିସୟ୍‌ ମାପୁରୁ ୱାଜିନିଦିନ୍‍ତୁ ସାକ୍ୟ ୱେର୍‍ତେଙ୍ଗ୍‌ ବଦାକିତା ମାର୍ହାନ୍, ଆୟା ବିସୟ୍‍ତାନ୍‍ ମୋସା ୱେର୍‍ତା ମାର୍ହାନ୍‍ ।

కొలొసి 1:21

ଉନ୍‌ଡ୍ରେ ବେଡ଼ାଦୁ ତାଗ୍‌ଇ ପାଣି ନି ତାଗ୍‍ଇ ସିନ୍ତା କିଜିମାନିଙ୍ଗ୍‌ ମିର୍‌ ମାପୁରୁଦିମାଣୁକୁ ଆକ ମାର୍‌ଇଦେର୍‌ ମାରି ୱାନି ସାତ୍ରୁ ମାର୍‌ଇଦେର୍‌ ।

ఎబ్రి 7:28

ମୋସାଦି ନିୟମ୍‍ ଇସାବ୍‍ତାନ୍‍ ବାସେଆତି ପେରିଜାଜକରି ଦୋସ୍‌ ଦୁର୍ବଳ ମାନାତ୍; ମାତର୍‌ ନିୟମ୍‍ ତିଆର୍‌କିତି ୱେନ୍‍କାରି ବେଡ଼ାଦୁ ମାପୁରୁ ନିଜେଦି ବାଦ୍‌ ମାରି ପାର୍‌ମାଣ୍‌ ଇସାବ୍‌ତାନ୍‌ ୱାନି ଏମେ ମାରିନ୍‍ତିଙ୍ଗ୍‌ ପେରିଜାଜକ ୱାଜା ବାସେ କିତାନ୍, ୱାନ୍‌ ୱିଜୁଦିନ୍‌ତିଙ୍ଗ୍‌ ଉଣ୍ତିଙ୍ଗ୍‌ ପୁରା ଆତାମାନାନ୍ ।

ଏପିସିୟ 2:16

କ୍ରୁସକାଟ୍‌ତୁ ୱାନି ସାତିମାଣୁକୁ କ୍ରିସ୍ତ ଆୟା ଲୋକାମାନୁ ମାନି ସତ୍ରୁଦିଙ୍ଗ୍‌ ନାସ୍ଟୁ କିତାମାନାନ୍‌; କ୍ରୁସକାଟ୍‌ଦାନ୍‌ ୱାନ୍‌ ରୁଣ୍ତି ଜାତିଆଙ୍ଗାଁ ମିସା କିଜି ଉନ୍‌ଡ୍ରେ ମେନ୍ଦଲ୍‌ ୱାଜା କିତାମାନାନ୍‌ ମାରି ମାପୁରୁଦି ଲାକ୍‌ତୁ ଡ଼େସି ତାତାମାନାନ୍‌ ।

ରୋମିୟ 15:17

କ୍ରିସ୍ତ ଜିସୁଦି ୱାଲେ ମିସାଜି ମାପୁରୁଦି ଉଣ୍ତିଙ୍ଗ୍‍ଁ ଇୟା ସେବା ପାଣି କିଜିମାନିଙ୍ଗ୍‍ଁ ନାନୁ ନିଜେଦିଙ୍ଗ୍‌ ଗର୍ବ ଏତ୍‌ କିଜିନା ।

ఎబ్రి 3:2

ମୋସା ଏଣ୍ତେସ୍ ମାପୁରୁଦି ଇଲୁତୁ ବିସ୍‍ବାସ୍‌ତାନ୍‌ ପାଣି କିତାମାର୍ହାନ୍, ମାପୁରୁଦି ମାଣୁକୁ ଆସ୍‌କିଆୟ୍‌ଆତି ଜିସୁ ଆୟାୱାଜା ଇୟା ପାଣି ଉଣ୍ତିଙ୍ଗ୍‌ ମାପୁରୁଦି ଉଣ୍ତିଙ୍ଗ୍‌ ବିସ୍‍ବାସ୍ ମାର୍‌ର୍ହାନ୍ ।

ఎబ్రి 2:16

ଇବେଟ୍‌କୁ ଟିକ୍ ନେସ୍ତେଙ୍ଗ୍ ଆନାତ୍‌ ଜେ, ୱାନ୍‌ ମୁସ୍‌କୁପୁର୍‌ତି ଦୁତ୍‌କାଙ୍ଗ୍‌ ସାହାଜ୍ୟ କିଏନ୍, ମାତର୍‌ “ୱାନ୍‌ ଅବ୍ରାହାମ୍‍ଦି କୁଟୁମ୍‌ତି ଲୋକାଙ୍ଗ୍‍ଁ ସାହାଜ୍ୟ କିନାନ୍ ।”

ఎబ్రి 3:1

କ୍ରିସ୍ତ ବିସ୍‍ବାସି ତଡ଼ାନ୍‍କୁ ନି ତାଙ୍ଗିଁକ୍‍, ମିର୍‌ ବା ମାପୁରୁଦି ମାଡ଼ାନ୍ କୁକାୟ୍‍ଆତିମାନିଦେର୍‍ ! ମିର୍‌ ଜିସୁଦି ବିଷୟ ଚିନ୍ତା କିଦୁ, ୱାନ୍‌ ମା ଦାର୍ମୁବିସ୍‍ବାସ୍‍ତି ପେରିଜାଜକ ଆନି ଉଣ୍ତିଙ୍ଗ୍‌ ମାପୁରୁଦି ମାଡ଼ାନ୍ ପୋକାଇ ଆତାମାନାନ୍‌ ।

ఎబ్రి 4:15

ଏନ୍‌ ମା ଦୋସ୍‌ ଦୁର୍ବଲ୍ ଚିନ୍ତା କିଦେଙ୍ଗ୍ ଆଟ୍‍ଏର୍‍, ଆୟାୱାଜା ପେରିଯାଜକ ୱାନ୍‌ ଆଏନ୍‍ । ମାତର୍‌ ମା ପେରିଜାଜକ, ମା ୱାଜା ୱିଜୁଦି ପରିକାଦୁ ଆର୍‌ତାମାର୍ହାନ୍‍, ମାତର୍‌ ୱାନ୍‌ ପାପ୍‌କିଏଣ୍‌ଗା ତେବାତାନ୍‍;

ఎబ్రి 5:1

ୱିଜେରେ ପେରିଯାଜକ ନିଜେଜାତିଦି ଲୋକା ଲୋଇରାନ୍‌ ବାସେଆଜି ମାରି ନିଯୁକ୍ତ ଆନାର୍ । ୱାନ୍‌ ୱାରି ତରିଟାନ୍‌ ପାପ୍‌ କେମା ଉଣ୍ତିଙ୍ଗ୍‌ ବଲି ନି ପୁଜା ସିଜି ମାପୁରୁଙ୍ଗୁଁ ସେବା କିନାର୍ ।

ఎబ్రి 5:2

ୱାନ୍‌ ନିଜେ ଆଇଆଇ ଜାତିଦି ଦୋସ୍‍ ଦୁର୍ବଲତୁ ପୁରାଆଜିମାନିଙ୍ଗ୍ ଦୋସ୍‍ କିଜିମାନି ବୁଦିସିଲି ଲୋକା ଉଣ୍ତିଙ୍ଗ୍‌ ୱାନ୍‌ କାର୍ମୁ ସୁଣାନ୍‍ ।

ఎబ్రి 5:5

ଆୟାୱାଜା ପେରିଜାଜକ ପଦ୍‌ଦୁ ସନ୍‌ମାନ୍‌ ପୟ୍‌ଦେଙ୍ଗ୍‌ କ୍ରିସ୍ତ ନିଜେଦିଙ୍ଗ୍‌ ଆସ୍‌କିଆଏନ୍‌ ମାରାନ୍ । ମାରି ମାପୁରୁ ୱାନିଙ୍ଗ୍‌ ଆସ୍‌କିଜି ଇର୍ହାମାର୍ହାନ୍‌, “ନିନୁ ନା ମାରିନ୍, ନେରୁ ନାନୁ ମି ବୁବା ଆତା ।”

ఎబ్రి 5:10

ମାରି ୱାନ୍‌ ମଲ୍‍କିସେଦକଦି ଉତ୍ତରାଦିକାରି ୱାଜା ପେରିଜାଜକ ଆତାନ୍‍ ଇଜି ମାପୁରୁ ୱେର୍‍ତାନ୍‍ ।

ఎబ్రి 6:20

ମା ପାଣିକିନିସିନି ୱାଜା ଜିସୁ ଆଗ୍‍ଡ଼ିନେ ଆବେନ୍‌ ସର୍‌ର୍ହାନ୍‍ନି । ୱାନ୍‌ ମଲ୍‍କିସେଦକତି ଉତରାଦିକାରି ୱାଜା ୱିଜୁଦିନ୍‌ତି ଉଣ୍ତିଙ୍ଗ୍ ପେରିଜାଜକ ଆତାମାନାନ୍ ।

ఎబ్రి 8:1

ମା ମାଟାଦି ଅର୍ତ ଇକା ମାଡୁ ଏମେ ପେରିଜାଜକଦିଙ୍ଗ୍‌ ପୋଇତିମାନିକା, ୱାନ୍‌ ମୁସ୍‍କୁପୁର୍‌ତୁ ମହାମହିମା ମାପୁରୁଦି ସିଂହାସନ୍‌ଦି ଉଣେରି କିୟୁ ତରିନ୍‌ ବାସ୍‌ତାମାନାନ୍ ।

ఎబ్రి 8:3

ୱିଜେରେ ପେରିଜାଜକର୍‌ ମାପୁରୁଦି ଉଦେସ୍‌ଦାନ୍‌ ପୁଜା ମାରି ଜାତୁବଲି ପୁଜା କିଦେଙ୍ଗ୍‌ ବାସେଆତା ମାନାର୍‌ । ଆଦେଙ୍ଗ୍‌ ମା ପେରିଜାଜକ ବା ଆୟାୱାଜା ଇନି ପୁଜା କିଦେଙ୍ଗ୍‌ ଦରକାର୍ ମାନାତ୍‌ ।

ఎబ్రి 9:11

ମାତର୍‌ ଇଲେଇ ଏମେ ୱିଜୁ ନେଗି ବିସୟ୍‌ ମାଡ୍‍ ପୋୟ୍‍ତିମାନିକା, ଆୟାୱିଜୁଦି ପେରିଜାଜକ ୱାଜା କ୍ରିସ୍ତ ୱାତାମାନାନ୍ । ୱାନ୍‌ ଏମେ ପାର୍‍ତନା ଗୁଡ଼ାଦୁ ପାଣି କିଜିନାନ୍, ଆକା ପେରିକା ମାରି ନାଣ୍ତ ବର୍ତିଦିକା । ଆକା ଲୋକୁ ତିଆର୍ କିତିକା ଆଏତ୍‍ । ମାରି ଆକା ଇୟା ଦୁନିଆଦି ସିନା ଆଏତ୍‌ ।

ఎబ్రి 10:21

ମାପୁରୁଦି ଇଲୁ ଇଲେଇ ମା ପେରିଜାଜକଦି ଅଦିକାର୍‍ତୁ ମାନାତ୍ ।