ఎబ్రి 12:2 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

² ଏମେୱାନି ମୁସୁକୁ ମା ଟିକ୍ ବିସ୍‍ବାସ୍ ଆସା କିଜିନିକା, ଆୟା ଜିସୁଦି ଉଣ୍ତିଙ୍ଗ୍ ମା କାଣୁକୁ ନେଗିକା ଇଡିନିକା । ୱାନ୍‌ କ୍ରୁସଦି ତିଲାଜି ନିଜେ ପାଣିଦାନ୍ ତେବାଏନ୍‍ ମାର୍ହାନ୍‌; ମାତର୍‍ ୱାନିଦିନ୍‍ତୁ ୱାନି ଉଣ୍ତିଙ୍ଗ୍ ଉଣ୍ତାତିମାନି ୱେଡ଼ିକା ଉଣ୍ତିଙ୍ଗ୍‌, କ୍ରୁସକାଟ୍‌ଦି ସାତିମାନି ଅପମାନ୍‍ତିଙ୍ଗ୍‌ ୱାନ୍‌ ମାନାଏନ୍‍ଣ୍ତା ବୁଦି କିତାନ୍; ଇଲେଇ ୱାନ୍‌ ମାପୁରୁଦି ରାଜାଗାଦିଦି ଉଣିକିୟୁ ତରିନ୍‌ ବାସ୍‌ତାମାନାନ୍ ।

Konda: కొండ బాసదు నెగ్గి కబ్రు

² మా గురి యేసు దరోట్‌నె ఇడ్ఃజి ఉహ్‌క్నాట్. వాండ్రె మా నమకం మొదొల్‌స్తికాన్. పూర్తి కినికాన్. వాండ్రు సిలువాదు సిగు మని సావు సాదెఙ్‌ తయార్‌ ఆతాన్. ఎందనిఙ్‌ ఇహిఙ, వెనుక వన్నిఙ్‌ మంజిని సర్‌ద వాండ్రు నెస్నాన్. ఏలు పరలోకమ్‌దు దేవుణు సిమసనం ఉణెర్‌ పడఃకాదు గొప్ప మర్యాద్‌దాన్‌ బస్త మనాన్.

ఎబ్రి 12:2 Referans Kwoze

୧ ପିତର 3:18

ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌;

ఎబ్రి 1:3

ୱାନିମାନୁ ମାପୁରୁଦି ମହିମା ଜାୟ୍‌ କିବିସ୍‍କିତାମାନାନ୍‍ ମାରି ପୁରା ମାପୁରୁଦି ନିଜେଦି ରୁପ୍‍ୱାଜା । ମାରି ୱାନ୍‌ ନିଜେଦି ସାକ୍ତି ବାକ୍ୟ ଦାନ୍ ୱିଜୁଦେସ୍‍ତିଙ୍ଗ୍ ସାଲା କିତାମାନାନ୍ । ୱାନ୍‌ ଲୋକା ଜାତି ଉଣ୍ତିଙ୍ଗ୍‌ ପାପ୍‌ କେମା କିଜି ମୁସ୍‌କୁପୁର୍‌ ମହାମହିମା ମାପୁରୁଦି ଉଣିକିୟୁ ତରିନ୍‌ ବାସ୍‍ତାମାନାନ୍ ।

ଏପିସିୟ 5:2

କ୍ରିସ୍ତ ଏଣ୍ତେସ୍‌ ମାଙ୍ଗିଁ ଜିବନ୍‌ନୋତାନ୍‍ ମାରି ମାପୁରୁଦି ୱେଡ଼ିକାଦି ଉଣ୍ତିଙ୍ଗ୍‍ଁ ନିଜେଦି ଜିବନ୍‍ତିଙ୍ଗ୍‍ ମା ଉଣ୍ତିଙ୍ଗ୍‌ ବାସ୍‍ନାଦି ଦୁପ୍‍ଣି ମାରି ପୁଜା ୱାଜା ଆତାନ୍‌, ମି ଜିବନ୍‌ ବା ଆୟାୱାଜା ଜିବନ୍‍ନୋନି ମାଣାନ୍‌ ସାଲାପିତ୍‍ ।

ପିଲିପିୟ 1:6

ନାନ୍‌ ଇୟା ବିସୟ୍‌ତାନ୍‌ ସତ୍‍ ଜେ, ଆମା ପ୍ରବୁ ମି ଲାକ୍‌ତୁ ଇୟା ନେଗିପାଣି ଆରାମ୍‌ କିତାମାନାନ୍‌, କ୍ରିସ୍ତ ଜିସୁ ମାରିଡ଼େସିୱାନି ଦିନ୍‌ତୁ ଇକା ସେସ୍‍ ଆନି ସାନ୍ଧି ୱାନ୍‌ ଆକା ପାଣି କିଜି ପୁରା କିନାନ୍‌ ।

ఎబ్రి 9:28

ଆୟାୱାଜା ୱିଜୁଲୋକା ଉଣ୍ତିଙ୍ଗ୍‌ ପାପ୍ ଆକ କିଦେଙ୍ଗ୍ କ୍ରିସ୍ତ ଉନ୍‍ଣ୍ତ୍ରେ ଦେବାଦି ଉଣ୍ତିଙ୍ଗ୍ ବଲି ୱାଜା ସିଆୟ୍‍ ଆତାନ୍ । ୱାନ୍‌ ମାରିଉଣ୍ତ୍ରି ଦେବା ୱାନାନ୍ । ନାସ୍ତିୱାଲେ ମାରି ପାପ୍‍ତି ଜୁଦ୍‍ କିନି ଉଣ୍ତିଙ୍ଗ୍‌ ୱାନ୍‌ ରେଏନ୍‍ । ୱାନ୍‌ ୱାନାନ୍, ୱାନି ଉଣ୍ତିଙ୍ଗ୍‌ କାପ୍‍କିଜିମାନି ଲୋକାଙ୍ଗ୍ ଉଦ୍ଧାର୍‌ କିନି ଉଣ୍ତିଙ୍ଗ୍‌ ୱାନାନ୍‌ ।

యోహాను 6:40

ଇରିଙ୍ଗ୍‌ ଏନ୍‌ ମାରିସିଙ୍ଗ୍‌ ସୁଡ଼୍‌ଜି ୱାନିମାନୁ ବିସ୍‌ବାସ୍‌ କିନାନ୍‌, ୱାନ୍‌ ଏଣ୍ତେସ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପୟ୍‌ନାନ୍‌, ଇକାନେ ନା ବୁବାଦି ବଦା; ଇୟାଉଣ୍ତିଙ୍ଗ୍‌ ନାନ୍ ୱିଜିନି ନାଣ୍ତିଙ୍ଗ୍‌ ଆୟା ୱିଜେରିଙ୍ଗ୍‌ ମାରିଡ଼େସି ଜିବନ୍‌ କିନା ।”

୧ ପିତର 3:22

ଆୟା କ୍ରିସ୍ତ ଇଲେଇ ମୁସ୍‌କୁପୁର୍‌ତୁ ମାପୁରୁଦି ଉଣେରି ତରିନ୍‌ ବାସ୍‌ତା ମାନାନ୍‌, ମୁସ୍‌କୁପୁର୍‌ତି ଦୁତ୍‌କୁ ମାରି ୱିଜେରେ ଅଦିକାର୍‌ପୟ୍‌ତିକାର୍‌ ମାରି ସାକ୍ତିମାନିୱାରି ମୁସ୍‌କୁ ସାସନ୍‌ କିଜିନାନ୍‌ ।

అపొస్తు 5:31

ଇସ୍ରାଏଲ୍‌ତି ଲୋକାଙ୍ଗ୍‌ ଏତ୍‌କିଜି ମନ୍‌ତିଙ୍ଗ୍‌ ଡ଼େପିସ୍‌ ପାପ୍‌ କେମା ପୟ୍‍ନି ସୁଜୋଗ ସିନି ଉଣ୍ତିଙ୍ଗ୍‌ ମାପୁରୁ ୱାନିଙ୍ଗ୍‌ ନେତା ନି ରକିୟାକର୍ତା ୱାଜା ନିକ୍‍ତାମାନାନ୍‍ ମାରି ୱାନି ଉଣେରି ତରିନ୍‌ ଇଟ୍‌ତାମାନାନ୍‌ ।

లూకా 24:26

ଇୟାୱିଜୁ ଦୁଃକ୍‌ କାସ୍ଟୁ ବୋଗାଜି ନିଜେଦି ମହିମାଦାନ୍‌ ସୋନିକା ଇନିକା କ୍ରିସ୍ତଦିଙ୍ଗ୍‌ ଦର୍‌କାର୍‌ ସିଲେତାତ୍‍ ?”

ଜିହୁଦା 1:21

ମାରି, ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ତି ଉଣ୍ତିଙ୍ଗ୍‌ ମା ପ୍ରବୁ ଜିସୁ କ୍ରିସ୍ତଦି ଦୟାଦିଙ୍ଗ୍‌ କାପ୍‌କିଜ ମାପୁରୁଦି ଜିବନ୍‌ନୋନିଙ୍ଗ୍‌ ନିଜେଦିଙ୍ଗ୍‌ ତିର୍‌ ତେବାଦୁ ।

ఎబ్రి 8:1

ମା ମାଟାଦି ଅର୍ତ ଇକା ମାଡୁ ଏମେ ପେରିଜାଜକଦିଙ୍ଗ୍‌ ପୋଇତିମାନିକା, ୱାନ୍‌ ମୁସ୍‍କୁପୁର୍‌ତୁ ମହାମହିମା ମାପୁରୁଦି ସିଂହାସନ୍‌ଦି ଉଣେରି କିୟୁ ତରିନ୍‌ ବାସ୍‌ତାମାନାନ୍ ।

2తిమోతి 4:8

ଇଲେଇ ନାନ୍‌ ଦାର୍ମୁପାଣିକିନି ଉଣ୍ତିଙ୍ଗ୍‌ ଜିଣାନି ପୁର୍‌ସ୍କାର୍‌ ଇଟ୍‌ତାମାନାନ୍‌, ପେରିଦିନ୍‌ତୁ ନ୍ୟାୟ୍‌କିନି ବିସାର୍‌କିନି ପ୍ରବୁ ନାଙ୍ଗିଁ ଆୟା ପୁର୍‌ସ୍କାର୍‌ ସିନାନ୍‌, କେବଲ୍‌ ନାଙ୍ଗିଁ ସିଲେ; ଜିବନ୍‌ନୋନିକା ବକ୍ତିଦି ୱାଲେ ଆମାକାର୍‌ ୱାନି ୱାନିଦିନ୍‌ତିଙ୍ଗ୍‌ କାପ୍‌କିତା ମାନାର୍‌, ୱିଜେରେ ଇୟା ପୁର୍‌ସ୍କାର୍‌ ପୟ୍‌ନାର୍‌ ।

ପିଲିପିୟ 3:20

ମାଡୁ ମୁସ୍‌କୁପୁର୍‌ତି ପ୍ରଜା, ଆୟା ବାଡିଦାନ୍‌ ବା ମାଡୁ ରକିୟାକର୍ତ୍ତା ପ୍ରବୁ ଜିସୁ କ୍ରିସ୍ତଦି ୱାନିଦିନ୍‌ତିଙ୍ଗ୍‌ ୱେଡ଼ିକାଦାନ୍‌ କାପ୍‌କିଜି ମାନାପ୍‌ ।

మార్కు 14:36

ମାରି, ଜିସୁ ଇର୍‌ଆନ୍‌, “ଅବ୍ବା, ବୁବା,” ୱିଜୁ ନିଂଇ ଉସାସ୍‌, ଇୟା ଦୁଃକ୍‌ ନାବାଣ୍‍କୁ ଆକ କିଆ; “ନା ବଦା ସିଲେ, ମାତର୍‌ ନି ବଦା ।”

ప్రకటన 2:8

ସ୍ମୁର୍ଣ୍ଣାଦୁ ମାନି ମଣ୍ତଲିଦି ଦୁତ୍‌ଦି ଲାକୁତୁ ରାସ୍‍ତୁ : ଏନ୍‌ ଆରାମ୍‌ ନି ସାରାସାରିୱେନ୍‌କା ମାରି ଏନ୍‌ ସାତାନ୍‌ନୋ ଡ଼େସି ଜିବନ୍‌ ଆତାନ୍‌, ୱାନି ଲାକ୍‌ତୁରାନ୍‌ ଇୟା କାବୁର୍ :

ఎబ్రి 13:13

ଆଦେଙ୍ଗ୍‌ ସାଦୁ, ମାଡୁ ବା ଗାଡ଼୍‌ ଆତ୍‌ରେ ୱାନି ଲାକୁତୁ ସନାଟ୍ ମାରି ୱାନି ୱାଲେ ନିନ୍ଧା, ଅପମାନ୍ ସାସ୍‌ କିନାଟ୍ ।

ఎబ్రి 5:9

ଇୟାୱାଜା ମାପୁରୁ ୱାନିଙ୍ଗ୍‌ ଅରେନ୍‌ ନେଗି ପେରି ଜାଜକ ଇଜି ଜଗ୍‌ ଆସ୍‌କିତାନ୍‍, ୱାନ୍‌ ୱାନି ମାଟାମାନାନି ଲୋକା ଉଣ୍ତିଙ୍ଗ୍‌ ୱିଜୁଦିନ୍‍ତି ରକିୟାଦି ୱେଡ଼ିକା ଆତାନ୍‍ ।

యోహాను 13:3

ନାସ୍ତିୱାଲେ ବୁବା ଜେ ୱିଜୁ ଜିସୁଦି କିୟୁଦୁ ୱିଜୁ ସାକ୍ତି ସର୍‍ପେ କିତାମାନାନ୍‌ ମାରି ୱାନ୍‌ ଜେ ମାପୁରୁ ମାଣାନ୍‌ ୱାତାମାନାନ୍‍, ମାରି ମାପୁରୁମାନୁ ସଲ୍‌ସିନାନ୍‌, ଇକା ନେସ୍‍ତାମାର୍ହାନ ।

లూకా 17:5

ଆବେଟ୍‌କୁ ପ୍ରେରିତ ସିସୁର୍‍ ପ୍ରବୁଙ୍ଗ୍‌ ଇର୍‌ଆନ୍‌, “ମା ବିସ୍‌ବାସ୍‌ ନାଣ୍ତ୍‍ ପିରିସ୍‍ କିଆ ।”

మార్కు 9:24

ଆୟାଦାପ୍ରେ କଡ଼ଦି ବୁବାସି ନାଣ୍ତ ଆଉଲି ଆଜି ଇର୍‌ଆନ୍‌, “ନାନ୍ ବିସ୍‍ବାସ୍‍ କିଜିନା, ନା ବିସ୍‍ବାସ୍‍ ନାଣ୍ତ କିଦେଙ୍ଗ୍‌ ନାଂଇ ସାହାଜ୍ୟ କିଆ ।”

ఎబ్రి 12:3

ଅଡ଼୍‌ବିଜ ସୁଡ଼ୁଦୁ, ୱାନ୍‌ ଏସୋ ଦୁଃକ୍‍ ପୋଇତାମାନାନ୍ । ୱାନ୍‌ ପାପି ଲୋକାମାଡ଼ାନ୍ ଏସୋ ନିଦା ପୋଇଏତାମାନାନ୍ । ଆଦେଙ୍ଗ୍‍ଁ ମିର୍‌ ମନ୍‍ଉଣା କିଜି ନିରାସ୍‌ ଆମାଟ୍ ।

ଏପିସିୟ 2:16

କ୍ରୁସକାଟ୍‌ତୁ ୱାନି ସାତିମାଣୁକୁ କ୍ରିସ୍ତ ଆୟା ଲୋକାମାନୁ ମାନି ସତ୍ରୁଦିଙ୍ଗ୍‌ ନାସ୍ଟୁ କିତାମାନାନ୍‌; କ୍ରୁସକାଟ୍‌ଦାନ୍‌ ୱାନ୍‌ ରୁଣ୍ତି ଜାତିଆଙ୍ଗାଁ ମିସା କିଜି ଉନ୍‌ଡ୍ରେ ମେନ୍ଦଲ୍‌ ୱାଜା କିତାମାନାନ୍‌ ମାରି ମାପୁରୁଦି ଲାକ୍‌ତୁ ଡ଼େସି ତାତାମାନାନ୍‌ ।

అపొస్తు 5:41

ପ୍ରେରିତ ସିସୁର୍‍ ୱେଡ଼ିକାଦାନ୍‌ ପେରିମିଟିଙ୍ଗ୍‍ତାନ୍‍ ସତାସର୍‌ର୍ହାର୍‌, ଇରିଙ୍ଗ୍‌ ମାପୁରୁଦି ଆଗ୍‌ଡ଼ି ୱାର୍‌ ଜିସୁ ଉଣ୍ତିଙ୍ଗ୍‌ ଅପମାନ୍‍ ପୟ୍‌ଦେଙ୍ଗ୍‌ ଇଜି ଜଗ୍‌ ଅଡ଼ବିତା ମାର୍ହାର୍‍ ।

యోహాను 12:32

ମାରି, ନାନ୍ ଏସ୍ତିୱାଲେ ଦୁନିଆଦାନ୍‌ ମୁସ୍‌କୁ ପେରାଇଆନା, ନାସ୍ତିୱାଲେ ୱିଜେରିଙ୍ଗ୍‌ ଟାଣିସ୍‍ କିନା ।

୧ ପିତର 1:11

ଆୟା ଦାନ୍‍ ମିର୍‌ ଏସ୍‌କାଙ୍ଗ୍‌ ମାରି ଏଣ୍ତେସ୍‌ ପୟ୍‌ନିଦେର୍‌, ନେସ୍‌ତେଙ୍ଗ୍‌ ଇଜି ୱାର୍‌ ସେସ୍ଟା କିଜିମାର୍ହାର୍‌ । ଇୟା ବିସୟ୍‌ତାନ୍‌ ପବିତ୍ର ଆତ୍ମାଦି ସାକାଦାନ୍‌ ୱାର୍‌ କ୍ରିସ୍ତଙ୍ଗ୍‌ ଦୁଃକ୍‌କାସ୍ଟୁ ମାରି ୱେନ୍‌କାରି ଗୌରବ୍‌ ପୟ୍‌ନି ବିସୟ୍‌ତାନ୍‌ ୱେର୍‌ତା ମାର୍ହାର୍‌ ।

ఎబ్రి 10:14

ଏମେକାର୍ ପାପ୍‌ଦାନ୍ ନରାଜି ସୁଚି ଆତାମାନା, ଆୟା ଉନ୍‌ଡ୍ରେମାତ୍ର ବଲିଦି ମାଡ଼ାନ୍ ୱାରିଙ୍ଗ୍ ୱାନ୍‌ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍ ।

యోహాను 12:24

ସତ୍‌ ସତ୍‌ ନାନ୍ ମିଙ୍ଗିଁ ଇଜିନା, ଗଦ୍‍ମୁପାଡ଼ୁ ଜଦି ସିକ୍‌ଲାଦୁ ଆର୍‍ଜି ସାଏତ୍‌, ଆରିଙ୍ଗ୍‌ ଆକା ଉଡ୍ରେନେ ତେବାନାତ୍‍, ମାତର୍‌ ଜଦି ସାନାତ୍‍, ନାଣ୍ତ ପାଡ଼ୁ ଆସ୍‍ନାତ୍‍ ।

యోహాను 8:56

ମି ବୁବା ଅବ୍ରାହାମ ନା ଦିନ୍‌ ସୁଡ଼ୁନି ଆସାଦାନ୍‍ ୱେଡ଼ିକା କିନାନ୍‍, ମାରି ୱାନ୍‌ ଆକା ସୁଡ଼ୁଜି ୱେଡ଼ିକା କିତାନ୍‍ ।”

యోహాను 1:29

ମାର୍‌ନାଣ୍ଡିଙ୍ଗ୍‌ ଜୋହନ ଜିସୁଙ୍ଗୁଁ ୱାନି ଲାକ୍‌ତୁ ୱାନିକା ସୁଡ଼ୁଜି ଇର୍‌ଆନ୍‌, ଇକା ସୁଡ଼ୁଦୁ, ମାପୁରୁଦି ମେଣ୍ତାପିଲା, ଏନ୍‌ ଦୁନିଆଦି ପାପ୍‌ ପିଣ୍ତ୍‍ନା ଅନାନ୍‍ ।

లూకా 23:11

ମାରି, ହେରୋଦ ନିଜେଦି ସୈନ୍ୟରି ୱାଲେ ୱାନିଙ୍ଗ୍‌ ସେମାର୍‌ କିଜି ସେମାର୍‌ କିନି ରାଜାରି ଆଙ୍ଗିଁ ଆରିସ୍‌ କିତାର୍‌ରୋ ପିଲାତ୍‌ଦି ଲାକ୍‌ତୁ ମାରିଡ଼େସି ପୋକ୍‌ତାର୍‌ ।

మత్తయి 20:28

ଏଣ୍ତେସ୍‌ ମନୁଷ୍ୟପୁତ୍ର ଯେ ନାନ୍ ସେବା ପ‍ଇଦେଙ୍ଗ୍‌ ରେଏ, ମାତର୍‌ ସେବା କିଜି ଆଇୱାରିଦି ଡ଼ିସିସ୍‍କିନି ଉଣ୍ତିଙ୍ଗ୍‌ ନିଜେଦି ଜିବନ୍‌ ସିଦେଙ୍ଗ୍‍ ଇଜି ୱାତାମାନାନ୍‍ ।”

మత్తయి 16:21

ଆୟା ସମୟ୍‌ତାନ୍‌ ଜିସୁ ନିଜେଦି ସିସୁରିଙ୍ଗ୍‌ ନେସ୍‌ନିୱାଜା ଇନ୍‌ଡ୍ରେଙ୍ଗ୍‌ ଆସ୍‌ତାନ୍‌, “ନାନ୍ ପୁରା ଜିରୁସାଲମ୍‌ତୁ ସନ୍‌ଡ୍ରେଙ୍ଗ୍ ଆନାତ୍‌ ମାରି ଦାର୍ମୁଜାଜକ, ଦାର୍ମୁଗୁରୁ ମାରି ନେତାର୍‌ରି, କିୟୁଦାନ୍‌ ନାଣ୍ତ ଦୁଃକ୍‌କାସ୍ଟୁବଗାଜି ସାଦେଙ୍ଗ୍‌ପଡ଼ାନାତ୍‌, ମାତର୍‌ ମୁନେଟି ୱେନ୍‌କା ମାରିଡ଼େସିଜିବନ୍‌ ଆଜିନିଙ୍ଗିଁନା ।”

ప్రకటన 1:17

ୱାନିଙ୍ଗ୍‌ ସୁଡ଼ୁତି ଦାପ୍ରେ ନାନୁ ସାତି ୱାଜା ୱାନି ପାଦାମ୍‌ ଆଡ୍‍ଗି ମେଡ଼େତା । ୱାନ୍‌ ୱାନି ଉଣି କିୟୁ ନା ମୁସୁକୁ ଇଡିଜି ଇର୍ହାନ୍‌, “ତିଲାମାଟ୍, ନାନୁ ଆରାମ୍‌ ନି ସେସ୍‌ ।

ప్రకటన 1:11

ଏନ୍‌ ଅରେନ୍‌ ନାଙ୍ଗିଁ ଇର୍ହାନ୍‌, “ମିର୍‌ ଆମାକା ସୁଡ଼ିଜି ମାନିଦେର୍‌, ଆକା ଉନ୍‌ଡ୍ରି ବଇଦୁ ରାସ୍‌ସୋ ଇଡୁଦୁ ମାରି ସାତ୍‌ଗୋଟା ମଣ୍ତଲିଙ୍ଗ୍‌, ଏପିସ୍‌, ସ୍ମୁର୍ଣ୍ଣା, ପର୍ଗମ, ତୁୟତିରା, ସାର୍ଦ୍ଦୀ, ଫିଲାଦେଲ୍‍ଫିଆ, ମାରି ଲାଅଦିକିଆଦି ମଣ୍ତଲିଙ୍ଗାଁ ଲାକ୍‌ତୁ ପୋକ୍‍ତୁ ।”

ఎబ్రి 7:19

ଇରିଙ୍ଗ୍‌ ମୋସା ସିତିମାନି ନିୟମ୍‍ତାନ୍‍ ଇନି ବିସୟ୍‌ ପୁରା ପୋଇଦେଙ୍ଗ୍ ଆଟ୍ଏତାର୍‌ । ଇଲେଇ ମାଙ୍ଗିଁ ଉନ୍‍ଡ୍ରି ସାହାସ୍‍ତି ଆସା ସିତାମାନାନ୍‌; ଆୟାମାଡ଼ାନ୍ ମାପୁ ମାପୁରୁଦି ଲାକୁତୁଆନି ଉଣ୍ତିଙ୍ଗ୍‌ ଆଟ୍‌ତାମାନାନ୍ ।

ఎబ్రి 1:13

ମାପୁରୁ ୱାନି ଏମେ ଦୁତ୍‍କାଙ୍ଗ ଏସାଙ୍ଗ୍ ଇନ୍‌ଏନ୍‌, “ନାନୁ ନି ସାତ୍ରୁରିଙ୍ଗ୍‌ ନି କାଲ୍‌କା ଆଡ୍‍ଗି କିଏତି ସାନ୍ଦି ନିନୁ ନା ଉଣେରି କିୟୁ ତରିନ୍‌ ବାସ୍‍ସୋମାନ୍‍ଆ ।”

అపొస్తు 2:36

“ମାରି ଇସ୍ରାଏଲ୍‌ତି ଲୋକୁ ୱିଜେରେ ସତ୍‍ତାନ୍‍ ନେସିର୍‍ ଜେ, ଇୟା ଏମେ ଜିସୁଙ୍ଗୁଁ ମିର୍‌ କ୍ରୁସଦୁ ଏକିସ୍‍ କିତିଦେର୍‍, ମାପୁରୁ ୱାନିଙ୍ଗ୍‌ ନେ ପ୍ରବୁ ନି କ୍ରିସ୍ତ ଅର୍ତାତ୍‍ ମସିହ କିତାମାନାନ୍‍ ।”

మార్కు 9:12

ଆବେନୁ ଜିସୁ ସିସୁରିଙ୍ଗ୍‌ ୱେର୍‌ତାନ୍‌, ଏଲିୟ୍‌ ଆଗ୍‌ଡ଼ି ୱାନାନ୍‍ନୋ ୱିଜୁ ବିସୟ ମାରିଡ଼େସି ତିଆର୍‌ କିନିକା ସତେନେ । ମାତର୍‌ ନାନ୍ ଯେ ମନୁସ୍ୟପୁତ୍ର ନାଣ୍ତ ଦୁଃକ୍‌‍ ବୋଗାଜି ନିନ୍ଧା ପଇନା ମାରି ସେମାର୍‌ ପୟନା, ଇୟାକା ଏଣ୍ତେସ୍‌ ୱାନି ବିସୟତାନ୍ ରାସ୍‌ତିକା ମାନାତ୍‌ ?

ప్రకటన 1:8

ପ୍ରବୁ ସର୍ବସାକ୍ତିମାନ୍ ମାପୁରୁ ଇଜିନାନ୍‌, “ନାନୁ ଆରାମ୍‌ ନି ସାରାସାରି,” ୱାନ୍‌ ସର୍‌ଇଦିନ୍‌ତୁ ମାର୍‌ଆନ୍‌, ଇଲେଇବା ମାନାନ୍‌, ମାରି ବବିସତ୍‌ଦୁ ୱାନାନ୍ ।

ఎబ్రి 11:36

ଏନ୍‌ ଏନ୍‌ କାସ୍ଟୁ ସାସ୍‌କିତାର୍‍, କରଡାମାଡ୍‍ ପୋଇତାର୍ ମାରି ସିକିଡ଼ିଦାନ୍ ତୋରାଜି ଜଇଲ୍‍ ଦଣ୍ତ ପୋଇତାର୍ ।

ఎబ్రి 10:33

ଏସାଙ୍ଗ୍ ଏସାଙ୍ଗ୍ ମିର୍‌ ୱିଜୁଲୋକାମାନୁ ନିଦା ମାରି ମାଡ୍‍ତିନ୍‍ଞ୍ଜି ମାର୍ହିଦେର୍‍ । ମାରି ଏସାଙ୍ଗ୍ ଏସାଙ୍ଗ୍‌ ମିର୍‌ ଆଇୱାରି ଦୁଃକ୍ କାସ୍ଟୁଦୁ ଦୋସ୍‌ଆଦେଙ୍ଗ୍‌ ତିଆର୍ ମାର୍ହିଦେର୍‍ ।

మార్కు 16:19

ସିସୁରିଙ୍ଗ୍‌ ଇୟାୱିଜୁ ମାଟା ଇର୍‍ଇ ୱେନ୍‌କା ପ୍ରବୁ ଜିସୁ ମୁସ୍‌କୁପୁର୍‌ ସର୍‍ଆନ୍‍ନୋ ମାପୁରୁଦି ଉଣି କିୟୁ ତରିଣ୍ତ୍‍ ବାସ୍‌ତାନ୍‌ ।

అపొస్తు 3:15

ଏନ୍‌ ଜିବନ୍‌ତି ସାରି ତର୍‍ନିକାନ୍‍, ମିର୍‌ ୱାନିଙ୍ଗ୍‌ ଡାକ୍‍ତିଦେର୍‍; ମାତର୍‌ ମାପୁରୁ ୱାନିଙ୍ଗ୍‌ ସାତିମାଣାନ୍‌ ମାରିଡ଼େସି ନିକ୍‍ତାନ୍‍ । ମାପ୍‌ ତାନି ସାକି ।

1కొరింతి 1:18

ଇରିଙ୍ଗ୍‌ ନାସ୍ଟୁ ଆଦେଙ୍ଗ୍‌ ସୋଲ୍‌ସିମାନି ଲୋକା ଉଣ୍ତିଙ୍ଗ୍‌ କ୍ରୁସ୍‌କାଟ୍‌ତି ମୁସ୍‌କୁରି ମାଟା ମୁର୍କୁ । ମାତର୍‌ ରକିୟା ପୟ୍‌ତିମାନି ମା ଉଣ୍ତିଙ୍ଗ୍‌ ଆକା ମାପୁରୁଦି ସାକ୍ତି ।

1కొరింతి 1:23

ମାତର୍‌ ମାପୁ କ୍ରୁସ୍‌ଦି ମୁସ୍‌କୁ ସାତିମାନି କ୍ରିସ୍ତଙ୍ଗ୍‌ ପ୍ରଚାର୍‌ କିନାପ୍‌, ୱାନ୍‌ ଜିହୁଦିରି ଉଣ୍ତିଙ୍ଗ୍‌ ଏରେପ୍‌ନିୱାଜା ମାରି ଅଣଜିହୁଦିରି ଉଣ୍ତିଙ୍ଗ୍‌ ମୁର୍କୁଦିୱାଜା;

యాకోబు 2:1

ଏ ନା ତଡ଼ାନ୍‌କୁ ନି ତାଙ୍ଗିଁକି, ଗୌରବ୍‌ମୟ୍‌ ପ୍ରବୁ ଜିସୁ କ୍ରିସ୍ତଦିମାନୁ ବିସ୍‌ବାସ୍‌ କିତିମାନିଙ୍ଗ୍‌ ମିର୍‍ ଲୋକା ସାମାନ୍‍ତାନ୍‌ ଆତ୍‍ରେ ଆରାନିକା ସୁଡ଼ୁଜି ପେରିକାନ୍‍ ଇସ୍ରିକାନ୍‍ କିମାଟ୍‌ ।

మార్కు 15:28

ଆବେଟ୍‌ ଦାର୍ମୁସାସ୍ତ୍ରଦି ଇୟା ବାକ୍ୟ ସତ୍‍ଆତାତ୍‍, “ୱାଣ୍ତ୍ରୁ ଡଙ୍ଗାଁରିୱାଲେ ଡଙ୍ଗାଁର୍‍ଏନ୍‍ ଇଜି ଲେକିସ୍‍ଆତାନ୍‍ ।”