ఎబ్రి 12:14 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁴ ୱିଜେରି ୱାଲେ ସାନ୍ତିଦାନ୍ ବାସାକିଦେଙ୍ଗ୍ ମାରି ପବିତ୍ରଦାନ୍‌ ଜିଦେଙ୍ଗ୍‌ ସେସ୍ଟା କିଦୁ; ଇରିଙ୍ଗ୍‌ ତାନି ବାଦୁଲୁ ଏନ୍‌ ପ୍ରବୁଦି ଦର୍ସନ ପୋଇଦେଙ୍ଗ୍‌ ଆଟ୍‌ଏନ୍‌ ।

Konda: కొండ బాసదు నెగ్గి కబ్రు

¹⁴ విజెరె వెట సమాదనమ్‌దాన్‌ కూడ్ఃజి పాడ్ఃజి మండ్రెఙ్‌ సుడ్ఃదు. పాపం కిఇ, దేవుణు వందిఙ్‌ కేట ఆతి బత్కు బత్కిదెఙ్‌ సుడ్ఃదు. ఎందనిఙ్‌ ఇహిఙ, అయాలెకెండ్‌ బత్కిఇకాన్, ప్రబుఙ్‌ సుడ్ఃఎన్.

ఎబ్రి 12:14 Referans Kwoze

2కొరింతి 7:1

ତଡ଼୍‍କୁ ନି ତାଙ୍ଗିଁକ୍‍ ଇୟାୱିଜୁ ମାଟା ମାଡ୍‌ ମାପୁରୁଦିମାଣାନ୍‍ ପୋଇତିମାନିକା । ଆଦେଙ୍ଗ୍‌ ରାଦୁ, ମେନ୍ଧଲ୍‍ ମାରି ଆତ୍ମାଦିଙ୍ଗ୍‌ ତାଗ୍‍ଇକାକିତିମାନୁ ୱିଜୁ ବିସୟତାନ୍ ନିଜେ ନିଜେଦିଙ୍ଗ୍ ନର୍‍ନାଟ୍‍ । ମାରି ମାପୁରୁଦିଙ୍ଗ୍ ତିଲାଜି ପୁରା ପବିତ୍ର ୱାଜା ଜିନାଟ୍‍ ।

1దెస్స 4:7

ମାପୁରୁ ମାଙ୍ଗିଁ ତାଗ୍‍ଇକାର୍‍ ଆଜି ଜିନିମାଡ଼ିନି ଉଣ୍ତିଙ୍ଗ୍‌ କୁକ୍‌ଏନ୍‌, ମାତର୍‌ ପବିତ୍ର ଆଜି ମାନ୍‌ଡ୍ରେଙ୍ଗ୍‌ କୁକ୍‌ତାମାନାନ୍‌ ।

୧ ପିତର 3:11

ୱାନ୍‌ ତାଗ୍‌ଇପାଣିଦାନ୍‌ ଆକ ମାନ୍‌ଞ୍ଜି ସତ୍‍ପାଣି କିପିନ୍‌; ମାରି ଜିବନ୍‌ତି ୱାଲେ ସାନ୍ତି ପାଣି ପଇନି ।

ରୋମିୟ 12:18

ୱିଜେରି ୱାଲେ ସାନ୍ତିଦାନ୍‍ ବାସାଦେଙ୍ଗ୍‍ଁ ଇଜି ଏସ୍ତିୱାଲେ ଆଦେଙ୍ଗ୍‍ଁ ଆଟ୍‍ନାତ୍‍ ସେସ୍ଟା କିଦୁ ।

ରୋମିୟ 14:19

ଆଦେଙ୍ଗ୍‍ଁ ରାଦୁ, ନିଜେ ନିଜେମାନୁ ସାନ୍ତି ତିଆର୍‌ କିଦେଙ୍ଗ୍‍ଁ ନି ପିରିସ୍‍ କିଦେଙ୍ଗ୍‍ଁ ଇଜି ଆମା ୱିଜୁ ଦର୍‍କାର୍‍ ମାନାତ୍‌, ତାନିଙ୍ଗ୍‍ଁ ସୁଣାଟ୍‍ ।

1దెస్స 3:13

ଇୟାୱାଜା ୱାନ୍‌ ମିଙ୍ଗିଁ ତିର୍‌ କିନାନ୍‌ । ଆର୍‌ତିଙ୍ଗ୍‌, ମା ପ୍ରବୁ ଜିସୁ ଏସ୍ତିୱାଲେ ମୁସ୍‌କୁପୁର୍‌ତି ସାଦୁରି ୱାଲେ ମାରିଡ଼େସି ୱାନାନ୍, ନାସ୍ତିୱାଲେ ମିର୍‌ ବୁବା ମାପୁରୁଦି ଆଗ୍‌ଡ଼ି ଦାର୍ମୁ ମାରି ପବିତ୍ର ଆଦେଙ୍ଗ୍‌ ଆଟ୍‌ନିମାନିଦେର୍‌ ।

ରୋମିୟ 6:22

ମାତର୍‌ ଇଲେଇ ମିର୍‌ ପାପ୍‍ତାନ୍‍ ମୁକ୍‍ଡ଼ାଜି ମାପୁରୁଦି ପବିତ୍ର ଦାସ୍‍ ଆତିମାନିଦେର୍‍ । ତେନି ଲାବ୍‍ ଆଜିନାତ୍‍, ମାପୁରୁମାନୁ ପୁରାଦାନ୍‌ ଜିବନ୍‌ ସର୍ପେ କିନିକା ମାରି ତେନି ପଲ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ।

୩ ଜୋହନ 1:11

ନା ଲାଡ୍‍ତି ତଡ଼୍‍କୁ, ମିରୁ ତାଗ୍‍ଇପାଣିଦୁ ସଲଏଣ୍‌ଗା ସତ୍‍ପାଣିଦି ତରିନ୍‌ ସାନ୍‌ଡ୍ରୁ । ଏନ୍‌ ସତ୍‌ପାଣି କିନାନ୍‌, ୱାନ୍‌ ମାପୁରୁଦି ଲୋକୁ; ଏନ୍‌ ତାଗ୍‌ଇପାଣି କିନାନ୍‌, ୱାନ୍‌ ମାପୁରୁଙ୍ଗୁଁ ନେସ୍‌ଏନ୍‌ ।

ଏପିସିୟ 5:5

ଇକା ସତ୍‍ ଇଜି ନେସ୍‍ସୋ ମାନ୍‍ଡ୍ରୁ, ଏମେକାର୍‌ ଦାରିଏନ୍‍, ତାଗ୍‍ଇକାନ୍‍ ମାରି ଲୋବ୍ରା, ନାଣ୍ତ ଲୋବ୍ରା ଆନିକାନ୍‍ ବମା ପୁଜା କିନି ସାମାନ୍‍, ୱାନ୍‌ ଏସାଙ୍ଗ୍‍ବା କ୍ରିସ୍ତଦି ନି ମାପୁରୁଦି ରାଜିଦି ଅଦିକାରି ଆଏନ୍‍ ।

ఎబ్రి 12:10

ମା ଦୁନିଆଦି ବୁବାରି ଆଗ୍‍ଡ଼ି ଏମେକା ତାଗ୍‌ଇକା, ଆୟା ଇସାବ୍‍ତାନ୍‍ ମାଙ୍ଗିଁ ଉଣା ଦିନ୍‌ ଉଣ୍ତିଙ୍ଗ୍‌ ସାସନ୍ କିନାର୍; ମାତର୍‌ ମାଡୁ ଏଣ୍ତେସ୍ ୱାନି ପବିତ୍ରତାଦୁ ମିସାଦେଙ୍ଗ୍ ଆଟ୍‍ନିକା, ଇୟାଉଣ୍ତିଙ୍ଗ୍‌ ମାପୁରୁ ମା ନେଗି ଉଣ୍ତିଙ୍ଗ୍ ମାଙ୍ଗିଁ ସାସନ୍ କିନାନ୍ ।

1తిమోతి 6:11

ମାତର୍‌ ଏ ତିମତି ମାପୁରୁଦି ଲୋକୁ, ଇୟା ୱିଜୁମାଣାନ୍‌ ନିନ୍‍ ଆକ ମାନ୍‌ଆ । ଦାର୍ମୁପାଣି, ମାପୁରୁ ଦାର୍ମୁ ଜିବନ୍‌ ବିସ୍‌ବାସ୍‌, ଜିବନ୍‍ନୋନିକା, ସାନ୍ତି ମାରି ସାସ୍‌ ୱିଜୁଦୁ ପୁରାଗୁଣୁତାନ୍‌ ପୁରାପୁରି ଆଦେଙ୍ଗ୍‌ ସେସ୍ଟା କିଦୁ ।

୧ ପିତର 3:13

ମାରି ମିର୍‌ ଜଦି ସତ୍‍ପାଣି କିଦେଙ୍ଗ୍‌ ମୋନ୍‌ ସିନିଦେର୍‌, ଆର୍‌ତିଙ୍ଗ୍‌ ଏନ୍‌ ମିଙ୍ଗିଁ ନିସ୍ଟୁର୍‌ କିନାନ୍‌ ?

మార్కు 9:50

ସରୁ ଉଣ୍ତ୍ରି ନେଗ୍ରି ଜିନିସ୍‌, ମାତର୍‌ ସର୍‍ ଜଦି କାର୍‍ୟା ଆନିକା ଗୁଣୁ ଆରାକିନାତ୍‍, ତାନେଙ୍ଗ୍‌ ମାରିଡ଼େସି ଏଣ୍ତେସ୍‌ କାରିୟା କିଦେଙ୍ଗ୍‌ ଆଟ୍‌ନିଦେର୍‌ ? “ଆଦେଙ୍ଗ୍‌ ମିର୍‌ ସର୍‍ ୱାଜା ନେଗି ଗୁଣୁ ଆସ୍‌ତୁ ମାରି ୱିଜେରି ୱାଲେ ସାନ୍ତିଦାଣ୍ତ୍‍ ମାନ୍‌ଡ଼୍ରୁ ।”

1కొరింతి 1:10

ଏ ତଡ଼ାନ୍‌କୁ ନି ତାଙ୍ଗିଁକି, ମା ପ୍ରବୁ ଜିସୁ କ୍ରିସ୍ତଦି ସାକ୍ତିଦାନ୍‌ ନାନ୍‌ ମିଙ୍ଗିଁ ଅନୁରଦ୍‌ କିଜିନା, ଏଣ୍ତେସ୍‌ ମିର୍‌ ୱିଜୁଲୋକୁ ୱାର୍‌ଗିଜିସାନିୱାଲେ ଉନ୍‌ଡ୍ରେ ମାଟା ଇନିଦେର୍‍, ମାରି ମି ଲୋଇ ଏର୍‌ପିସିସାନିକା ଆଏତ୍‍ । ମାତର୍‌ ମିର୍‌ ଉନ୍‌ଡ୍ରି ମୋନ୍‌ତାନ୍‌ ମାରି ଉନ୍‌ଡ୍ରି ବିଚାର୍‌ତାନ୍‌ ଉନ୍‌ଡ୍ରେମାନୁ ଆଦୁ ।

లూకా 1:75

ଏଣ୍ତେସ୍‌ ମାପ୍‌ ଜିନି ସାନ୍ଧି ତିଲାଏଣ୍‌ଗା, ପବିତ୍ରଦାନ୍‌ ମାରି ଦାର୍ମୁଦାନ୍‌ ୱାନି ସେବା କିଦେଙ୍ଗ୍‌ ଆଟ୍‍ନାପ୍‍ ।”

2తిమోతి 2:22

ଆମାକାର୍ ନେଗି ଜିବନ୍‌ତାନ୍ ମାପୁରୁଦି ସାହାଜ୍ୟ ପାର୍‌ତାନା କିଜିମାନାର୍, ୱାରି ଲାକ୍‌ତୁ ତେବାଜି ମିର୍‌ ମୁରୁଲି ମାନିୱାଲେ ତାଗ୍‌ଇପାଣିଦାନ୍‌ ଆକ ମାନ୍‌ଡ୍ରୁ, ମାରି ଦାର୍ମୁ, ବିସ୍‌ବାସ୍‌, ଜିବନ୍‌ନୋନିକା ମାରି ସାନ୍ତି ଉଣ୍ତିଙ୍ଗ୍‌ ପାଣି କିଦୁ ।

1దెస్స 5:15

ଏନ୍‌ ଏନ୍ଧି ଅନ୍ୟାୟ୍‌ ବାଦ୍‌ଲୁ ଅନ୍ୟାୟ୍‌ କିମାକିନ୍‌, ମାରି ୱିଜୁଦିନ୍ ୱିଜେରି ନେଗିକା ସେସ୍ଟା କିପିନ୍‍ ।

ପିଲିପିୟ 3:12

ନାନ୍‌ ଜେ ଇଲେଇ ଆୟାୱିଜୁ ପୟ୍‌ତା ମାନା ମାରି ପୁରା ପୟ୍‌ତା ମାନା, ଆକା ସିଲେ, ମାତର୍‌ ନାନ୍‌ କ୍ରିସ୍ତ ଜିସୁଦି ମାଣ୍‌କୁ କୁକାୟ୍‍ ଆତିମାନିଙ୍ଗ୍‌ ଆକା ଆସିନି ଉଣ୍ତିଙ୍ଗ୍‌ ଉର୍‌କୁସିନା ।

2కొరింతి 6:17

ଆଦେଙ୍ଗ୍‌ ପ୍ରବୁ ଇନାନ୍‌, “ୱାରି ମାଡ଼ାନ୍‍କୁ ମିର୍‌ ସୋହସିରାଦୁ, ୱାରିମାଡ଼ାନ୍‍କୁ ନିଜେଦିଙ୍ଗ୍‍ ୱେର୍‌ଏ କିଦୁ । ତାଗ୍‍ଇ ବିସୟ୍‍ତି ୱାଲେ ମିସାମାଟ୍, ଆର୍‍ତିଙ୍ଗ୍‍ଁ ନାନୁ ମିଙ୍ଗିଁ ଆସ୍‍ନା ।

1కొరింతి 13:12

ଇରିଙ୍ଗ୍‌ ଇଲେଇ ମାଡୁ ସତ୍‍ ବାକ୍ୟଦି ରୁପ୍‌ ଦାର୍ପାଣ୍‌ତି ସାହାଜ୍ୟଦାନ୍‌ ସୁଡ଼ୁଜିନିକା, ମାତର୍‌ ନାସ୍ତିୱାଲେ ମାଡୁ ସାମ୍‌ନାସାମ୍‌ନି ଆଜି ସୁଡ଼ୁଜିସାନିକା; ଇଲେଇ ନାନ୍‌ ଇସ୍ରି ଇସାବ୍‌ତାନ୍‌ ନେସ୍‌ସିନା, ମାପୁରୁ ନାଙ୍ଗିଁ ପୁରା ନେସ୍‌ତି ୱାଜା ନାସ୍ତିୱାଲେ ନା ବୁଦି ବା ପୁରା ଆନାତ୍‌ ।

ଗାଲାତିୟ 3:21

ନିୟମ୍‍ ଇନିକା ମାପୁରୁଦି ପାର୍‍ମାଣ୍‍ତି ବିରୁଦ୍‍ କିନାତ୍‍ ? ସିଲେ, ଏସାଙ୍ଗ୍‍ଁ ସିଲେ ! ଇରିଙ୍ଗ୍‌ ଲୋକାଙ୍ଗ୍‍ଁ ଜିବନ୍‌ ସିନି ନାନି ଉନ୍‍ଣ୍ତ୍ରି ନିୟମ୍‍ କିଆୟ୍‍ ଆତାତ୍‍ମାନ୍ଦି, ଆର୍‍ତିଙ୍ଗ୍‍ଁ ଆକା ମାନାନି ମାଣାନ୍‍ ନେ ଲୋକ୍‍ ମାପୁରୁଦି ଆଗ୍‍ଡ଼ି ଦସ୍‍କିଇକାନ୍‍ ୱାଜା ୱେଙ୍ଗାଁୟ୍‍ ଆଦେଙ୍ଗ୍‍ଁ ଆଟ୍‍ତାତ୍‍ମାନ୍ଦି ।

ఎబ్రి 9:28

ଆୟାୱାଜା ୱିଜୁଲୋକା ଉଣ୍ତିଙ୍ଗ୍‌ ପାପ୍ ଆକ କିଦେଙ୍ଗ୍ କ୍ରିସ୍ତ ଉନ୍‍ଣ୍ତ୍ରେ ଦେବାଦି ଉଣ୍ତିଙ୍ଗ୍ ବଲି ୱାଜା ସିଆୟ୍‍ ଆତାନ୍ । ୱାନ୍‌ ମାରିଉଣ୍ତ୍ରି ଦେବା ୱାନାନ୍ । ନାସ୍ତିୱାଲେ ମାରି ପାପ୍‍ତି ଜୁଦ୍‍ କିନି ଉଣ୍ତିଙ୍ଗ୍‌ ୱାନ୍‌ ରେଏନ୍‍ । ୱାନ୍‌ ୱାନାନ୍, ୱାନି ଉଣ୍ତିଙ୍ଗ୍‌ କାପ୍‍କିଜିମାନି ଲୋକାଙ୍ଗ୍ ଉଦ୍ଧାର୍‌ କିନି ଉଣ୍ତିଙ୍ଗ୍‌ ୱାନାନ୍‌ ।