ఎబ్రి 11:4 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁴ ବିସ୍‍ବାସ୍‌ତାନ୍‌ ହେବଲ ମାପୁରୁଦି ଲାକ୍‌ତୁ କୟିନଦି ବାଦ୍‍ଲୁ ନେଗି ପୁଜା କିତାମାର୍ହାନ୍ । ନିଜେଦି ବିସ୍‍ବାସ୍‍ଦାନ୍ ୱାନ୍‌ ମାପୁରୁଦି ମାଡ଼ାନ୍ ଦାର୍ମୁଦିକାନ୍‌ ଇଜି ସାକ୍ୟ ପୋଇତାନ୍‌, ଇରିଙ୍ଗ୍‌ ମାପୁରୁ ନିଜେ ୱାନି ସିତିମାନିପୁଜା ମାନାତାମାରାନ୍ । ୱାନି ବିସ୍‍ବାସ୍ ଉଣ୍ତିଙ୍ଗ୍‌ ହେବଲ ସାତିସରିଙ୍ଗ୍‌ ବା ଇୟାସାନ୍ଦି ୱାର୍‌ଗିଜିନାନ୍ ।

Konda: కొండ బాసదు నెగ్గి కబ్రు

⁴ నమకమ్‌దానె, కయిను సితి దని ముస్కు ఏబలు దేవుణుదిఙ్‌ నెగ్గి పూజ సితాన్. వన్ని నమకమ్‌దానె, నీతి నిజాయితి మనికాన్‌ ఇజి దేవుణు బాణిఙ్‌ మెపు దొహ్‌క్తాద్. ఎందనిఙ్‌ ఇహిఙ, వాండ్రు సితి సందదు దేవుణు సర్‌ద ఆతాన్. వాండ్రు సేనదినమ్‌కాఙ్‌ ముఙాలె సాత సొహాన్‌. అహిఙ్‌బా, వన్ని నమ్మకమ్‌దాన్‌ ఏలు బా మఙి వర్గిజినాన్.

ఎబ్రి 11:4 Referans Kwoze

ఎబ్రి 12:24

ମାରି, ପୁନି ନିୟମ୍‌ ତିଆର୍ ଆତିମାନି ଜିସୁଦି ଲାକ୍‌ତୁ ମାରି ଏମେୱାନି ନେତେର୍ ହେବଲଦି ନେତେର୍‌ ବାଦ୍‍ଲୁ ନେଗି ବାକ୍ୟ ସିନାନ୍ ଇଜି ଆସା କିଜିନା, ଆୟା ନେତେର୍ ଲାକୁତୁ ୱାତିମାନିଦେର୍‌ ।

ଜିହୁଦା 1:11

ଇକା ୱାରି ଉଣ୍ତିଙ୍ଗ୍‌ ଏସ ତିଲାନିକା । ଇରିଙ୍ଗ୍‌ ୱାର୍‌ କୟିନଦି ସାରିଦୁ ସର୍ହାମାନାର୍‌, ବାଲାମ ଅର୍ତ ଡାବୁଙ୍ଗ୍‌ଲବ୍‌ତିଙ୍ଗ୍‌ ଆମା ବୁଲ୍‌ କିତାମାର୍ହାନ୍‌, ୱାର୍‌ ଆୟା ମାଟାଦୁ ଆର୍‌ତାମାନାର୍‌ ମାରି କୋରହ ୱାଜା ଜୁଦ୍‌ କିଜି ନାସ୍ଟୁ ଆତାମାନାର୍‌ ।

మత్తయి 23:35

ଆମା ଦାର୍ମୁ ହେବଲ୍‌ତି ସାତି ମାଣାନ୍‌ ଆମା ବେରିକିୟଦି ମାରିସି ଜିକରିୟଙ୍ଗ୍‌ ମିର୍‌ ମନ୍ଦିର୍‌ତି ପବିତ୍ର ବାଡିଦୁ ନି ପୁଜାସିନି ବେଦି ନାଡ଼୍‌ମି ସାୟାମାର୍‌ଗା ଡାକ୍‌ତିଦେର୍‌, ୱାନି ସାତି ସାନ୍ଦି ଦୁନିଆଦୁ ଏସଲୋକ୍‌ ୱିଜୁ ଦାର୍ମୁଦି ଲୋକାଙ୍ଗ୍‌ ସାୟାମାର୍‌ଗା ଡାକ୍‌ତିମାନିଦେର୍‌ । ଆୟା ଦୋସ୍‌ସିଲି ଲୋକା ସାତିମାନି ଦଣ୍ଡ୍‌ ମି ମୁସ୍‌କୁ ୱାନାତ୍‌ ।

ఎబ్రి 9:22

ମାରି ମୋସାଦି, ନିୟମ୍‌ ଇସାପ୍‍ତାନ୍ ୱିଜୁ ବିସୟ୍‌ ନେତେର୍ ମାଡ଼ାନ୍ ପବିତ୍ରଆନାତ୍ ମାରି ନେତେର୍‍ସିନି ମାଡ଼ାନ୍ ନେ ପାପ କେମା ଆନାତ୍‌ ।

ఎబ్రి 12:1

ଇୟାୱାଜା ସାକିଲୋକାରି ଉଣ୍ତ୍ରି ପେରି ଦଲ୍ ମା ସାରିବେଡ଼ିତି କେର୍‍ବିତାମାନାର୍ । ମାରି ରାଦୁ, ଏମେ ୱିଜୁ ବିସୟ୍‌ ମାଙ୍ଗିଁ ବାଦା କିଜିନାତ୍ ମାରି ଏମେ ୱିଜୁ ପାପ୍‌ ମାଙ୍ଗିଁ ରେଲ୍‍ଜି ଆସିନାତ୍, ୱିଜୁ ଡ଼ିସ୍‍ସି ଆଟୁୱା ଆଜି ମା ଉଣ୍ତିଙ୍ଗ୍ ତିଆର୍‌ଆତିମାନି ସାରିଦୁ ଉରୁକ୍‍ସି ଆଗ୍‍ଡ଼ି ସନାଟ୍ ।

లూకా 11:51

ହେବଲ୍‌ତି ଡାକ୍‍ତିମାଣୁକୁ ଆରାମ୍‌ କିଜି ଜିକରିୟଦି ସାନ୍ଦି, ଆମାୱାନିଙ୍ଗ୍‌ ପୁଜାକିନି ବେଦି ମାରି ପବିତ୍ର ବାଡିଦୁ ସାୟାମାର୍‌ଗାଡାକ୍‍ତା ମାର୍‌ଆର୍‌, ହୁଁ, ନାନ୍ ମିଙ୍ଗିଁ ଇଜିନା, ଇୟା ଜଗ୍‍ତି ଲୋକୁ ଆୟା ୱିଜେରି ଉଣ୍ତିଙ୍ଗ୍‌ ଦଣ୍ଡ୍‌ ବଗାନାର୍‍ ।

తీతు 1:16

ୱାର୍‌ ମାପୁରୁଙ୍ଗ୍‌ ନେସ୍‍ତାମାନାପ୍‌ ଇଜି ମାନାନାର୍‌, ମାତର୍‌ ୱାରି ପାଣିଦାନ୍‌ ୱାନିଙ୍ଗ୍‌ ମାନାଏର୍‌; ୱାର୍‌ ଆକାର୍‍ ମାରି ତାଗ୍‌ଇକାର୍‌ ଇନି ସତ୍‍ପାଣି ପୁରା କିଦେଙ୍ଗ୍‌ ୱାର୍‌ ଜଗ୍‍ ସିଲେର୍‌ ।

ఎబ్రి 5:1

ୱିଜେରେ ପେରିଯାଜକ ନିଜେଜାତିଦି ଲୋକା ଲୋଇରାନ୍‌ ବାସେଆଜି ମାରି ନିଯୁକ୍ତ ଆନାର୍ । ୱାନ୍‌ ୱାରି ତରିଟାନ୍‌ ପାପ୍‌ କେମା ଉଣ୍ତିଙ୍ଗ୍‌ ବଲି ନି ପୁଜା ସିଜି ମାପୁରୁଙ୍ଗୁଁ ସେବା କିନାର୍ ।

ఎబ్రి 11:2

ପୁର୍ବେଦି ଲୋକୁ ୱାରି ବିସ୍‌ବାସ୍‍ଦାନ୍ ମାପୁରୁଦି ୱେଡ଼ିକାଦିଲୋକୁ ଆତାମାର୍ହାର୍‍ ।