ଗାଲାତିୟ 5:7 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁷ ମିର୍‍ ନେଗେନ୍‍ତାନ୍‍ ଆଗ୍‍ଡ଼ି ସଲ୍‍ସିମାର୍ହିଦେର୍‍ । ସତ୍‍ସାରିଦୁ ବୁଲାନିୱାଲେ, ଏନ୍‍ ମିଙ୍ଗିଁ ବାଦା ସିତାନ୍‌ ? ମିଙ୍ଗିଁ ବୁଲ୍‌ ସାରିଦୁ ସନ୍‌ଡ୍ରେଙ୍ଗ୍‌ ୱାନ୍‌ ଏଣ୍ତେସ୍‌ ୱେର୍‌ତାନ୍‌ ?

Konda: కొండ బాసదు నెగ్గి కబ్రు

⁷ మీరు నెగ్రెండనె నమ్మిజి మహిదెర్. మరి, ఎయెన్‌ మిఙి మొసెం కిజి, నిజమాతి సువార్త లొఙిఎండ అడు కిత్తాన్?

ଗାଲାତିୟ 5:7 Referans Kwoze

1కొరింతి 9:24

ଆମାକାର୍‌ ଉର୍‌କୁତେଙ୍ଗ୍‌ ବାଗ୍‌ ଅନାର୍‍, ୱାର୍‌ ୱିଜେରେ ଉର୍‌କୁନାର୍‌ ସତ୍‍, ମାତର୍‌ କେବଲ ଅରେନ୍‍ ଜେ ପୁରସ୍କାର୍‌ ପୟ୍‌ନାନ୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ମିର୍‌ ଏଣ୍ତେସ୍‌ ପୁରସ୍କାର୍‌ ପୟ୍‌ନିଦେର୍‌, ଇୟାଉଣ୍ତିଙ୍ଗ୍‌ ଆୟାୱାଜା ଉର୍‌କୁତୁ ।

ଗାଲାତିୟ 3:1

ଏ ବୁଦିସିଲି ଗାଲାତିୟଦି ଲୋକୁ ! ଏନ୍‌ ମି ମୁସ୍‌କୁ ଇୟା ଉପାୟ୍‌ ୱେର୍‌ତାମାନାନ୍‌ ? କ୍ରୁସକାଟ୍‌ ମୁସ୍‌କୁ ଜିସୁ କ୍ରିସ୍ତଦି ସାତି ବିସୟ୍‌ ପୁରାନେସ୍‌ନି ୱାଜା ମି ଲାକ୍‌ତୁ ୱେର୍‌ଆଇ ଆତାମାନାତ୍‍ ।

ఎబ్రి 12:1

ଇୟାୱାଜା ସାକିଲୋକାରି ଉଣ୍ତ୍ରି ପେରି ଦଲ୍ ମା ସାରିବେଡ଼ିତି କେର୍‍ବିତାମାନାର୍ । ମାରି ରାଦୁ, ଏମେ ୱିଜୁ ବିସୟ୍‌ ମାଙ୍ଗିଁ ବାଦା କିଜିନାତ୍ ମାରି ଏମେ ୱିଜୁ ପାପ୍‌ ମାଙ୍ଗିଁ ରେଲ୍‍ଜି ଆସିନାତ୍, ୱିଜୁ ଡ଼ିସ୍‍ସି ଆଟୁୱା ଆଜି ମା ଉଣ୍ତିଙ୍ଗ୍ ତିଆର୍‌ଆତିମାନି ସାରିଦୁ ଉରୁକ୍‍ସି ଆଗ୍‍ଡ଼ି ସନାଟ୍ ।

୧ ପିତର 1:22

ଇଲେଇ ମିର୍‌ ସତ୍‍ତି ସାରିତରିନ୍‌ ବୁଲାଜିମାନିଙ୍ଗ୍‌ ନିଜେ ନିଜେଦିଙ୍ଗ୍‌ ନେଗେନ୍‌ କିଆତିମାନିଦେର୍‌ ମାରି ବିସ୍‌ବାସ୍‌ତି ତଡ଼ାନ୍‌କାଙ୍ଗ୍‌ ଜିବନ୍‌ ନୋଦେଙ୍ଗ୍‌ ବଦା ମାନାତ୍‌ । ନିଜେନିଜେଦିଙ୍ଗ୍‌ ଜିବନ୍‌ତାନ୍‌ ଜିବନ୍‍ନୋଦୁ ।

2కొరింతి 10:5

ମାପୁରୁଦି ବୁଦିଦିଙ୍ଗ୍ ବିରୁଦ୍‌କିନି ୱିଜେରେ ୱିଜୁ ବନ୍ଦନଦିଙ୍ଗ୍‌ ମାପୁ କୁତ୍‍ନାପ୍ ମାରି ଲୋକୁଦି ୱିଜୁ ଚିନ୍ତା ଆଡ୍‍ଗି ଆଜି କ୍ରିସ୍ତଦି ମାଟାମାନାନେ ।

ରୋମିୟ 2:8

ଆଇକାର୍‌ ନିଜେଦିଙ୍ଗ୍‍ ସୁଣାର୍‍, ସତ୍‍ ସାରି ଡ଼ିସ୍‍ସି, ତାଗ୍‍ଇ ସାରି ସନାର୍‍ । ୱାରି ମୁସ୍‌କୁ ମାପୁରୁଦି ନାଣ୍ତ ରିସା ଆନାନ୍‍ ।

మత్తయి 13:21

ୱାରି ମନ୍‍ତି ଲୋଇ ଇକା ସଲ୍‍ଏତ୍‍ ଆକା ୱାର୍‌ ତାନିଙ୍ଗ୍‌ ନାଣ୍ତ ସମୟ୍ ଆସ୍‌ସି ଇଡ୍‌ଦେଙ୍ଗ୍‌ ଆଟ୍‍ଏର୍‍ । ଇୟା ମାଟା ଉଣ୍ତିଙ୍ଗ୍‌ ଏସ୍ତିୱାଲେ କାସ୍ଟୁ ନି କାସ୍ଟୁ ୱାନାତ୍‌, ୱାର୍‌ ଦାପ୍ରେ ତାନିଙ୍ଗ୍‌ ଡ଼ିସ୍‍ନାର୍‍ ।

2దెస్స 1:8

ଆମାକାର୍‌ ମାପୁରୁଙ୍ଗ୍‌ ନେସ୍‌ଏର୍‌ ମାରି ମା ପ୍ରବୁ ଜିସୁଦି ସୁସମାଚାର୍‌ ମାନାଏର୍‌, ଆୟା ଲୋକାଙ୍ଗ୍‌ ସାସ୍ତି ସିନି ଉଣ୍ତିଙ୍ଗ୍‌ ୱାନ୍‌ ନାସ୍ତିୱାଲେ କାସ୍‌ସିମାନି ସିସୁଦୁ ପକ୍‍ନାନ୍‌ ।

ରୋମିୟ 6:17

ମାତର୍‌ ମାପୁରୁଙ୍ଗ୍‍ଁ ଦନ୍ୟବାଦ ସିଜିନା, ଜଦିବା ଅର୍‍ଲେନ୍‍ ମିର୍‌ ପାପ୍‍ତି ଦାସ୍‍କୁ ମାର୍ହିଦେର୍‍, ମିର୍‌ ଇଲେଇ ସୁସମାଚାର୍‍ତାନ୍‍ ଅଜାତିମାନି ସତ୍‍ମାଟେଙ୍ଗ୍‍ଁ ପୁରା ମୋନ୍‌ତାନ୍‍ ମାନାଜିନିଦେର୍‍ ।

ఎబ్రి 5:9

ଇୟାୱାଜା ମାପୁରୁ ୱାନିଙ୍ଗ୍‌ ଅରେନ୍‌ ନେଗି ପେରି ଜାଜକ ଇଜି ଜଗ୍‌ ଆସ୍‌କିତାନ୍‍, ୱାନ୍‌ ୱାନି ମାଟାମାନାନି ଲୋକା ଉଣ୍ତିଙ୍ଗ୍‌ ୱିଜୁଦିନ୍‍ତି ରକିୟାଦି ୱେଡ଼ିକା ଆତାନ୍‍ ।

ରୋମିୟ 16:26

ଆୟା ମାର୍‍ଗିତି ମାଟାଦି ସତ୍‍ୱିଜୁ ବାବବାଦିରି ଦାର୍ମୁସାସ୍ତ୍ରଦୁ ତରାୟ୍‍ ଆତାମାନାତ୍‌ ମାରି ଆକା ଇଲେଇ ୱିଜୁଦିନ୍‍ତି ପ୍ରବୁ ମାପୁରୁଦି ମାଣାନ୍‌ ୱିଜୁ ଲୋକା ଲୋଇ ପ୍ରଚାର୍‍ ଆଜିନାତ୍‍ । ତେନି ମାଣାନ୍‌ ୱିଜେରେ ବିସ୍‍ବାସ୍‍ କିଜି ମାପୁରୁଦି ମାଟା ମାନାଦେଙ୍ଗ୍‍ଁ ଆଟ୍‍ନାର୍‍ ।

ରୋମିୟ 15:18

ଅଣଜିହୁଦି ଲୋକାଙ୍ଗ୍‍ଁ ମାପୁରୁଦିଙ୍ଗ୍‍ଁ ମାନାଦେଙ୍ଗ୍‍ଁ ଇଜି କ୍ରିସ୍ତ ନା ମାଣାନ୍‌ ଇନିକା କିତାମାନାନ୍‌, କେବଲ ଇୟା ମାଟା ଇନ୍‍ଡ୍ରେଙ୍ଗ୍‍ଁ ନାନୁ ସାସ୍‍ତିକାନ୍‍ ଆତାମାନା ।

ରୋମିୟ 10:16

ମାତର୍‍ ୱିଜେରେ ଆୟା ସୁସମାଚାର୍‍ ମାନାଏର୍‍ । ଆୟାଉଣ୍ତିଙ୍ଗ୍‌ ଜିସାଇୟ ରାସ୍‌ତାମାନାନ୍‌, “ଏ ପ୍ରବୁ, ଏନ୍‌ ମା ନେଗିକାବୁର୍‌ ମାଟା ବିସ୍‌ବାସ୍‌ କିତାମାନାନ୍‍ ?”

ఎబ్రి 11:8

ମାପୁରୁ ଅବ୍ରାହାମଦିଙ୍ଗ୍‌ ଏମେ ଦେସ୍ ସିନା ଇଜି ମାଟା ସିତାମାରାନ୍, ଆୟା ଦେସ୍‍ତୁ ସୋନି ଉଣ୍ତିଙ୍ଗ୍‌ ୱାନ୍‌ ଏସ୍ତିୱାଲେ ୱାନିଙ୍ଗ୍‌ କୁକ୍‍ତାନ୍, ନାସ୍ତିୱାଲେ ଅବ୍ରାହାମ ବିସ୍‍ବାସ୍‍ତାନ୍ ମାପୁରୁଦି ମାଟା ମାନାତା ମାର୍ହାନ୍‍ । ୱାନ୍‌ ଏମେମାନୁ ସୋନାନ୍, ଆକା ନେସ୍‍ଏଜି ବା ନିଜେଦି ଦେସ୍ ଡ଼ିସ୍‍ତା ସର୍ହାନ୍‌ ।

అపొస్తు 6:7

ଇୟାୱାଜା ମାପୁରୁଦି ବାକ୍ୟ ପ୍ରଚାର୍‌ କିତାର୍‍ । ଜିରୁସାଲାମ୍‍ତୁ ସିସୁରି ଦଲ୍‌ ନାଣ୍ତଦାନ୍‌ ନାଣ୍ତ ପିର୍‌ଦେଙ୍ଗ୍‌ ଆସ୍‌ତାର୍‌; ନାଣ୍ତ ଜାଜକର୍‌ ବା କ୍ରିସ୍ତ ବିସ୍‌ବାସ୍‌ସିର୍‌ ଆତାର୍‌ ।

ଗାଲାତିୟ 2:2

ଆବେ ସନ୍‍ଡ୍ରେଙ୍ଗ୍‍ଁ ଆନାତ୍‍ ଇଜି ମାପୁରୁମାଣାନ୍‍ ଦର୍ସନ୍‍ ପୟ୍‍ଜି ନାନୁ ସର୍ହାମାର୍ହା । ଅଣଜିହୁଦି ଲୋକା ଲାକ୍‍ତୁ ନାନୁ ଏମେ ସୁସମାଚାର୍‌ ପ୍ରଚାର୍‌ କିତାମାନା, ଜିରୁସାଲାମ୍‍ତି ନେତାରିଙ୍ଗ୍‍ଁ ଉନ୍‍ଣ୍ତ୍ରି ଇଲୁ ମିଟିଙ୍ଗ୍‍ଁତୁ ଆକା ବୁଜାକିତା ସିତାମାର୍ହା । ନା ଆଗ୍‍ଡ଼ିରି ମାରି ଇଲେଇତି ୱେଡ଼ାଦି ପାଣି ଏଣ୍ତେସ୍‍ ଆରେଏ ଆଏତ୍‍, ଆୟାଉଣ୍ତିଙ୍ଗ୍‌ ନାନୁ ସୁଡ଼ୁଜି ମାର୍‌ର୍ହା ।

ଗାଲାତିୟ 5:10

ଆକା ଆମାକାଆପିତ୍‍, ଇୟାସାନ୍ଦି ମି ମୁସ୍‍କୁ ନା ଆସା ମାନାତ୍‍ । ଇୟାଉଣ୍ତିଙ୍ଗ୍‌ ମାଡ୍‌ ୱିଜେରେ ପ୍ରବୁଦି ୱାଲେ ମିସାତାମାନାପ୍‍, ନା ଡାଟ୍‍ ବିସ୍‍ବାସ୍‍, ମିର୍‍ ନା ମାଟାଦିଙ୍ଗ୍‍ଁ ବିରୁଦ୍‍ କିଇଦେର୍‍ । ମାରି ଏମେ ଲୋକ୍‍ ମିଙ୍ଗିଁ ବାୟା କିଜିନାନ୍‍, ୱାନ୍‍ ଆମାକାନ୍‍ ଆପିନ୍ ନେ, ୱାନିଙ୍ଗ୍‍ଁ ମାପୁରୁ ଦଣ୍ତ୍‌ ସିନାନ୍‍ ।