ଗାଲାତିୟ 5:10 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁰ ଆକା ଆମାକାଆପିତ୍‍, ଇୟାସାନ୍ଦି ମି ମୁସ୍‍କୁ ନା ଆସା ମାନାତ୍‍ । ଇୟାଉଣ୍ତିଙ୍ଗ୍‌ ମାଡ୍‌ ୱିଜେରେ ପ୍ରବୁଦି ୱାଲେ ମିସାତାମାନାପ୍‍, ନା ଡାଟ୍‍ ବିସ୍‍ବାସ୍‍, ମିର୍‍ ନା ମାଟାଦିଙ୍ଗ୍‍ଁ ବିରୁଦ୍‍ କିଇଦେର୍‍ । ମାରି ଏମେ ଲୋକ୍‍ ମିଙ୍ଗିଁ ବାୟା କିଜିନାନ୍‍, ୱାନ୍‍ ଆମାକାନ୍‍ ଆପିନ୍ ନେ, ୱାନିଙ୍ଗ୍‍ଁ ମାପୁରୁ ଦଣ୍ତ୍‌ ସିନାନ୍‍ ।

Konda: కొండ బాసదు నెగ్గి కబ్రు

¹⁰ మాటు ప్రబు వెట కూడిఃత మనాట్. అందెఙె మహి బొదెఙ మిరు లొఙిఇదెర్‌ ఇజి నాను అనుమానం సిల్లెండ నమ్మిజిన. మిఙి పంబ్ర కిబిస్నికాన్, వాండ్రు ఎయెన్‌ ఆతిఙ్‌బా దేవుణు వన్నిఙ్‌ తగితి సిక్స సీనాన్.

ଗାଲାତିୟ 5:10 Referans Kwoze

ଗାଲାତିୟ 5:12

ନାନୁ ବଦାକିନା, ଇୟା ବିସୟ୍‌ତାନ୍‌ ଏର୍‍ ମିଙ୍ଗିଁ ବାମ୍‍ରେ କିଜିନାର୍‍, ୱାର୍‍ ମାରି ଅଡ଼ପ୍‍ ଆଗ୍‍ଡ଼ି ସଲିର୍‍ । କେବଲ ସୁନ୍ନତ ଆଏନ୍‍ଣ୍ତା ନିଜେଦି ବପୁ ଆରାକିନାର୍‌ ।

ପିଲିପିୟ 3:15

ମାରି, ମା ଲୋଇ ଏସଲୋକ୍‌ ଆତ୍ମାଦାନ୍‌ ଜିଣାତିମାନିକା, ୱାରି ଇୟାୱାଜା ମୋନ୍‌ଅଡ଼୍‌ବିନିକା ତେବାନିକା ନେଗେତ୍‌, ମାରି ଜଦି ଇନି ବିସୟ୍‌ତୁ ମି ଅଡ଼୍‌ବିନିକା ଅଲଗା ନାନିକା ମନ୍‌ଅଡ଼୍‌ବିନିକା ମାନାତ୍‌, ଆର୍‌ତିଙ୍ଗ୍‌ ମାପୁରୁ ମିଙ୍ଗିଁ ୱିଜୁ ମାଟା ନେସ୍‌ନିୱାଜା ୱେର୍‌ନାନ୍‌ ।

ଗାଲାତିୟ 1:7

ସତ୍‍ତାନ୍‍ “ଆଇ ଇନି ସୁସମାଚାର୍‍” ସିଲେତ୍‍ । ମାତର୍‍ ନାନ୍‍ ଇୟାୱାଜା ଇଜିନା, ଇରିଙ୍ଗ୍‍ଁ ଏସଲୋକ୍‍ କ୍ରିସ୍ତଦି ସୁସମାଚାର୍‍ତିଙ୍ଗ୍‍ଁ ଆଇ ରୁପ୍‍ ସିଜି, ମିଙ୍ଗିଁ ବେମ୍ରି କିଦେଙ୍ଗ୍‍ଁ ସେସ୍ଟା କିଜିନାର୍‍ ।

2కొరింతి 2:3

ଆୟାଉଣ୍ତିଙ୍ଗ୍‌ ନାନୁ ମିଙ୍ଗିଁ ରାସ୍‍ତାମାର୍‌ଆ, ନାନ୍‌ ଆବେନ୍‌ ସରିଙ୍ଗ୍‌; ଏମେୱାରି ଉଣ୍ତିଙ୍ଗ୍‌ ନା ୱେଡ଼ିକା ଆତାତ୍‍ମାନ୍ଦି, ୱାରିମାଡ଼ାନ୍‍କୁ ଏଣ୍ତେସ୍‌ ନାନ୍‌ ଦୁକ୍ ପୟ୍‌ଏ । ସତ୍‍ତାନ୍‌ ନା ଡାଟ୍‌ ବିସ୍‍ବାସ୍ ଜେ, ନା ୱେଡ଼ିକାଦୁ ମି ୱେଡ଼ିକା ।

1తిమోతి 1:20

ୱାରି ମାଣ୍‌କୁ ହୁମନାୟ ମାରି ଆଲେକ୍‍ଜାଣ୍ତର୍‍ ଆଇକାର୍‌; ଇୟାକାର୍‌ ଏଣ୍ତେସ୍‌ ସାସନ୍ ପୟ୍‌ଆୟ୍‌ ମାପୁରୁଙ୍ଗ୍‌ ନିନ୍ଦା କିଏର୍‌, ଇୟାଉଣ୍ତିଙ୍ଗ୍‌ ନାନ୍‌ ୱେରିଙ୍ଗ୍‌ ସୟ୍‌ତାନ୍‌ କିୟୁଦୁ ସର୍‌ପେ କିତା ।

ଗାଲାତିୟ 6:17

ସାରାସାରି, ନା ନିସନେ ୱେର୍‌ନି ମାଟା, ନାଙ୍ଗିଁ ମାରି ଏନ୍‍ ଦୁକୁ ସିମାକିନ୍‍ । ଇରିଙ୍ଗ୍‌ ନା ମେନ୍ଦଲ୍‌ତୁ ଏମେ ୱିଜୁ ଗାଉ ସିନା ମାନାତ୍‍, ଆବେଣାନ୍‍ ତରାଜିନାତ୍‍ ଜେ, ନାନୁ ଜିସୁଦି ଦାସ୍‍ ।

ଗାଲାତିୟ 4:17

ଆୟା ଆଇ ଲୋକୁ ମି ନେଗେନ୍‍ କିନି ଉଣ୍ତିଙ୍ଗ୍‍ଁ ନାଣ୍ତ ୱେଡ଼ିକା ତର୍‍ଆୟ୍‍ ଆନାର୍‍ । ମାତର୍‍ ଇବେ ୱାରି ସତ୍‍ ଉଦେସ୍‍ ସିଲେତ୍‍ । ୱାରି ଉନ୍‌ଡ୍ରେମାତର୍‌ ବଦା, ଏଣ୍ତେସ୍‍ ମିର୍‌ ନା ଉଣ୍ତିଙ୍ଗ୍‍ଁ ୱେର୍‍ଏ ଆଜି ୱାରି ଉଣ୍ତିଙ୍ଗ୍‌ ମନ୍‍ ସିନିଦେର୍‍ ।

ଗାଲାତିୟ 3:1

ଏ ବୁଦିସିଲି ଗାଲାତିୟଦି ଲୋକୁ ! ଏନ୍‌ ମି ମୁସ୍‌କୁ ଇୟା ଉପାୟ୍‌ ୱେର୍‌ତାମାନାନ୍‌ ? କ୍ରୁସକାଟ୍‌ ମୁସ୍‌କୁ ଜିସୁ କ୍ରିସ୍ତଦି ସାତି ବିସୟ୍‌ ପୁରାନେସ୍‌ନି ୱାଜା ମି ଲାକ୍‌ତୁ ୱେର୍‌ଆଇ ଆତାମାନାତ୍‍ ।

ଗାଲାତିୟ 2:6

ମାତର୍‍ ଏମେକାର୍‍ ନେତା ଇଜି ୱେଙ୍ଗିଁଜି ମାର୍ହାର୍‍, ୱାର୍‍ ଜେ ଏର୍‍ ଆପିର୍‍, ଆବେ ଇନିକା ନା ସଲ୍‍ଏତ୍‍ ରେଏତ୍‍; ଇରିଙ୍ଗ୍‌ ଆତ୍‍ରେରି ବୁଲାସାଲା ସୁଡ଼୍‍ଜି ମାପୁରୁ ଏମେୱାନି ବିଚାର୍‍ କିଏନ୍‍, ଆୟା ନେତାର୍‍ ନାଙ୍ଗିଁ ଇନି ପୁନି ମାଟା ସିଏର୍‍ ମାର୍ହାର୍‍ ।

ଗାଲାତିୟ 2:4

ମାତର୍‍ ଏସ ଲୋକୁ ୱାନିଙ୍ଗ୍‍ଁ ସୁନ୍ନତ କିବିସ୍‍କିଦେଙ୍ଗ୍‍ଁ ଇଜି ବଦାକିଜିମାର୍ହାର୍‍ । ୱାର୍‍ ବିସ୍‍ବାସିରି ତଡ଼ାନ୍‍କୁ ଇଜି ସାଲାକି କିଜି ନେସ୍‌ଇ ୱାଜା ଦଲ୍‍ତୁ ମିସାତାମାର୍ହାର୍‍ । କ୍ରିସ୍ତ ଜିସୁଦି ୱାଲେ ମିସାନି ମାଣାନ୍‍କୁ ମାପ୍‍ ଏମେ ଜିଣାନିକା ଲାବ୍‍ କିତାମାନାପ୍‍, ତାନିଙ୍ଗ୍‍ଁ ପୟ୍‍ଜ ଅତେଙ୍ଗ୍‍ ଇଜି ୱାରି ଉଦେସ୍‍ ମାର୍ହାତ୍‍ । ମାଙ୍ଗିଁ ମାରିଡ଼େସି ନିୟମ୍‍ତି ଦାସ କିଦେଙ୍ଗ୍‍ଁ ୱାର୍‍ ବଦା କିଜିମାର୍ହାର୍‍ ।

2కొరింతి 10:6

ମିର୍‌ ପୁରାଦାନ୍‌ କ୍ରିସ୍ତଦି ତରିଟିକାନ୍‍ ମାନାନିକା ୱେନେକା ମି ମାଡ଼ାନ୍ ମାରି ଇନି ମାନାଇକା ତରିତିଙ୍ଗା, ତାନି ୱାଲେ ଦଣ୍ତ୍‍ ସିଦେଙ୍ଗ୍‌ ମାପୁ ତିଆରମାନାପ୍ ।

1కొరింతి 5:5

ଇୟାୱାଜା ଲୋକ୍‌ତିଙ୍ଗ୍‌ ମେନ୍ଦଲ୍‌ତି ସାନି ଉଣ୍ତିଙ୍ଗ୍‌ ସୟ୍‌ତାନ୍‌ତି କିୟୁଦୁ ସର୍‌ପେ କିଜସିଦୁ, ଏଣ୍ତେସ୍‌ ପ୍ରବୁ ଜିସୁଦି ୱାନିଦିନ୍‌ତୁ ୱାନି ଆତ୍ମା ରକିୟା ପୟ୍‌ଦେଙ୍ଗ୍‌ ଆଟ୍‍ନାତ୍‍ ।

అపొస్తు 15:24

ମାପ୍‌ ୱେନ୍‍ଜିନାପ୍‍ ଜେ, ମା ଦଲ୍‍ତାନ୍‍ ଏସ ଲୋକୁ ମି ଲାକ୍‌ତୁ ସଲ୍‍ସି ଆମାକା ଇର୍ହାମାନାର୍‌, ଆବେଣ୍‍କୁ ୱାର୍‌ ମି ମନ୍‍ତିଙ୍ଗ୍‍ ଗାବ୍ରା ନି ତରବର୍‍ କିତାମାନାର୍‍ । ମାତର୍‌ ଇୟା ବିସୟ୍‌ତାନ୍‌ ମାପ୍‌ ୱାରିଙ୍ଗ୍‍ଁ ଇନି ସିକିୟା ସିଏପ୍‍ ।

పిలొమో 1:21

ନିନୁ ନା ମାଟା ଇଡ୍‍ନି ଇଜି ସତ୍‌ତାନ୍‌ ନେସ୍‌ସି, ନାନ୍‌ ନିଙ୍ଗିଁ ଇୟା ଆକୁ ରାସ୍‌ସିନା । ସତ୍‌ତାନ୍‌ ନାନ୍‌ ନେସ୍‌ନା, ନି ମାଣ୍‌କୁ ନାନ୍‌ ଏସ ଆସା କିଜିନା, ନିନ୍‌ ନା ଉଣ୍ତିଙ୍ଗ୍‌ ତାନି ମାଣୁକୁ ନାଣ୍ତ୍‌ କିନି ।

2దెస్స 3:4

ମି ମୁସ୍‌କୁ ଆସା ଇଡ୍‌ଦେଙ୍ଗ୍‌ ପ୍ରବୁ ମାଙ୍ଗିଁ ଆସା ସିତାମାନାନ୍‌ ମାରି ମାପ୍‌ ଆମାକା ୱେର୍‌ସିନାପ୍‌, ଆକା ମିର୍‌ ଜେ କିଜିନିଦେର୍‌ ମାରି କିଜିମାନିଦେର୍‌, ଇୟା ବିସୟ୍‌ତାନ୍‌ ମାପ୍‌ ଜେ ନେସ୍‌ନାପ୍‌ ।

ଗାଲାତିୟ 4:20

ନାନୁ ଇଲେଇ ମି ଲାକ୍‍ତୁ ତେବାତାମାନ୍ଦି ଇଜିନା ବଦା, ଆର୍‍ତିଙ୍ଗ୍‍ଁ ଆନାତ୍‍ ମି ବିସୟ୍‍ତାନ୍‍ ନା ଆଇ ରକମ୍‍ତି ସିନ୍ତା ଆତାତ୍‍ମାନ୍ଦି । ସତ୍‍ତାନ୍‍ ମି ଉଣ୍ତିଙ୍ଗ୍‍ଁ ନାନୁ ନାଣ୍ତ ସିନ୍ତାକିଜିନା ।

ଗାଲାତିୟ 4:11

ନାନୁ ମି ଉଣ୍ତିଙ୍ଗ୍‍ଁ ନାଣ୍ତ ସିନ୍ତା କିଜିନା । ମି ଉଣ୍ତିଙ୍ଗ୍‍ଁ ନା ୱିଜୁ ପାଣି ଇନିକା ବେକାର୍‌ ଆତାମାନାତ୍‍ ?

2కొరింతి 13:10

ଆୟାଉଣ୍ତିଙ୍ଗ୍‌ ଆକ ମାନ୍‌ଜି ନାନୁ ମି ଲାକ୍‌ତୁ ଇୟା ସିଟି ରାସ୍‍ସିନା, ଆବେଣାନ୍‍ ମି ଲାକ୍‌ତୁ ଇଗାୱାନି ବେଡ଼ାଦୁ ଏଣ୍ତେସ୍ ଆଟ୍‍ୱାଦି ୱାଜା ନାଙ୍ଗିଁ ଅଦିକାର୍‌ କିଦେଙ୍ଗ୍ ପଡ଼ାଏତ୍ । ଇରିଙ୍ଗ୍‌ ମିଙ୍ଗିଁ ରୁକୁତେଙ୍ଗ୍ ସିଲେ, ମାତର୍‌ ତିଆର୍‌ କିଦେଙ୍ଗ୍ ମାପୁରୁ ନାଙ୍ଗିଁ ଅଦିକାର୍‌ ସିତାମାନାନ୍‌ ।

2కొరింతి 10:2

ମି ୱାଲେ ବେଟେଗାଟ୍ ଆତିୱାଲେ ନାଙ୍ଗି ଏଣ୍ତେସ୍ ସାସ୍ତି ବ୍ୟବହାର୍‌ କିଦେଙ୍ଗ୍ ଆଏତେ । ଇରିଙ୍ଗ୍‌ ଏମେକାର୍ ଅଡ଼ବିନାର୍ ଯେ, ମାପୁ ଦୁନିଆଦି ପାଣି ଇସାବ୍‍ତାନ୍‍ ବୁଲାନାଟ୍‍, ୱାରି ବିରୁଦ୍‌ତାନ୍ ଆଟ୍‍ୱା ମାଟା ଅନି ନାଣ୍ତ ସାସ୍‌ ନାଙ୍ଗି ମାନାତ୍ ।

2కొరింతి 8:22

ଆର୍‌ତିଙ୍ଗ୍‌ ୱାରି ୱାଲେ ଇୟା ମା ତଡ଼ାନ୍‌ତିଙ୍ଗ୍‌ ମାପ୍‌ ପୋକ୍‌ତାତାମାନାପ୍‌ । ୱାନିଙ୍ଗ୍‌ ଗାଦି ଦେବେଙ୍ଗ୍‌ ପରିକା କିଜି ୱାନିଙ୍ଗ୍‌ ବିସ୍‍ବାସ୍‌ତି ପରିଚୟ ପୋୟ୍‌ତାମାନାପ୍‌ । ମି ମୁସ୍‌କୁ ୱାନି ଆଟ୍‌ୱା ମାନିଙ୍ଗ୍‌ ୱାନ୍‌ ମିଙ୍ଗିଁ ସାହାଜ୍ୟ କିନି ଉଣ୍ତିଙ୍ଗ୍‌ ନାଣ୍ତ ୱେଡ଼ିକା ଆତାମାନାନ୍‌ ।

2కొరింతి 7:16

ନାନୁ ୱିଜୁ ବିସୟ୍‍ତୁ ମି ମୁସୁକୁ ପୁରା ଆସା ଇଡ୍‌ଜି ଆଟ୍‍ତିମାନିଙ୍ଗ୍ ନାନୁ ଏସ ୱେଡ଼ିକା ।

2కొరింతి 5:16

ମାପ୍‌ ମାରି ଏମେୱାନିଙ୍ଗ୍ ଲୋକା ଇସାବ୍‍ତାନ୍‍ ବିଚାର୍‌ କିଏପ୍‍ । ବେଡ଼ା ମାରାତ୍ ନାସ୍ତିୱାଲେ ମାପୁ କ୍ରିସ୍ତଦିଙ୍ଗ୍‌ ବା ଲୋକା ଇସାବ୍‍ତାନ୍‍ ବିଚାର୍ କିଜିମାର୍ହାପ୍‍ । ମାତର ଇଲେ ମାରି ମାପୁ ଆୟାୱାଜା କିଏଜିନାପ୍‍

2కొరింతి 2:6

ମି ମାଡ଼ାନ୍‍କୁ ଏସଲୋକ୍‌ ବଦାଦାନ୍‌ ଆୟା ଲୋକ୍‌ତିଙ୍ଗ୍ ଆମା ଦଣ୍ତସିତାମାନାର୍, ଆକା ୱାନି ଉଣ୍ତିଙ୍ଗ୍‌ ବେସି ।

2కొరింతి 1:15

ଇୟା ବିସୟତାନ୍ ନାନୁ ଟିକ୍‍ବାବେ ନେସ୍ତିମାନିଙ୍ଗ୍ ଆଗିଡ଼ିନେ ମି ଲାକ୍‌ତୁନେ ସନି ଉଣ୍ତିଙ୍ଗ୍‌ ନା ବଦା ମାର୍‌ଆତ୍‌ । ଆର୍‌ତିଙ୍ଗ୍‌ ମିର୍‌ ରିଜା ସୁଡ଼ୁଜି ନାଙ୍ଗିଁ ଦୟା ପୟ୍‌ଦେଙ୍ଗ୍‌ ଆଟ୍‌ତିଦେର୍‌ମାନ୍ଦି ।

ଗାଲାତିୟ 5:7

ମିର୍‍ ନେଗେନ୍‍ତାନ୍‍ ଆଗ୍‍ଡ଼ି ସଲ୍‍ସିମାର୍ହିଦେର୍‍ । ସତ୍‍ସାରିଦୁ ବୁଲାନିୱାଲେ, ଏନ୍‍ ମିଙ୍ଗିଁ ବାଦା ସିତାନ୍‌ ? ମିଙ୍ଗିଁ ବୁଲ୍‌ ସାରିଦୁ ସନ୍‌ଡ୍ରେଙ୍ଗ୍‌ ୱାନ୍‌ ଏଣ୍ତେସ୍‌ ୱେର୍‌ତାନ୍‌ ?