ଗାଲାତିୟ 3:13 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹³ ମାତର୍‍ କ୍ରିସ୍ତ ମା ଉଣ୍ତିଙ୍ଗ୍‌ ଆନାଦୁରିଆ ପୟ୍‍ଜି ନିୟମ୍‍ତୁ ରାସାତି ଆନାଦୁରିଆଦାନ୍‌ ମାଙ୍ଗିଁ ମୁକୁଡ଼ା କିତାମାନାନ୍‍ । ଦାର୍ମୁସାସ୍ତ୍ରଦୁ ରାସାତାମାନାତ୍‍, “ଏନ୍‍ ମାରାତୁ ଡ଼ଆୟ୍ ଆଜି ସାନାନ୍‍, ୱାନ୍‍ ମାପୁରୁଦି ମାଣାନ୍‍ ଆନାଦୁରିଆ ଆନାନ୍‌ !”

Konda: కొండ బాసదు నెగ్గి కబ్రు

¹³ మోసే సితి విజు రూలుఙ్‌ లొఙిఇ వరి ముస్కు వాజిని సయిపుదాన్‌ క్రీస్తు మఙి డిఃస్‌పిస్తాన్‌. ఎందనిఙ్‌ ఇహిఙ దేవుణు మాటదు రాస్త మనాద్, “కొహిదు డెఃల్‌పె ఆజి సాని ఎయెన్‌బా దేవుణు సాయిపు మనికాండ్రె”.

ଗାଲାତିୟ 3:13 Referans Kwoze

୧ ପିତର 2:24

ମାପ୍‌ ଏଣ୍ତେସ୍ ପାପ୍‌ତି ଉଣ୍ତିଙ୍ଗ୍‌ ସାଜି ମାରି ଦାର୍ମୁଦି ଉଣ୍ତିଙ୍ଗ୍‌ ଜିଜି ମାଡ଼ିନାପ୍‌, ଇୟାଉଣ୍ତିଙ୍ଗ୍‌ କ୍ରିସ୍ତ ନିଜେ କ୍ରୁସ୍‌କାଟ୍‌ ମୁସ୍‌କୁ ନିଜେଦି ମେନ୍ଦଲ୍‌ତାନ୍‌ ମା ୱିଜୁ ପାପ୍‌ ବଜୁ ପିଣ୍ତିତାନ୍‌ । ୱାନି ମେନ୍ଦଲ୍‌ତି ଆୟା ଗାଉତି ମାଣୁକୁ ମିର୍‌ ନେଗେନ୍‌ ଆତିମାନିଦେର୍‌ ।

ఎబ్రి 9:12

କ୍ରିସ୍ତ ଆୟା ଗୁଡ଼ା ନାଡ଼୍‍ମିସିଜି ଆୟା ମହାପବିତ୍ର ବାଡିଦୁ ଉନ୍‍ଡ୍ରେଦେବାଦି ଉଣ୍ତିଙ୍ଗ୍‌ ଡ଼ୁଗିନି ୱାଲେ ଆବେନ୍‌ ବଲିସିନି ଉଣ୍ତିଙ୍ଗ୍‌ ଗରିଏଙ୍ଗ୍‌ଁ ସିଲେତିଙ୍ଗ୍‌ ଡ଼ାକା ନେତେର୍‍ ଆସ୍‌ସି ସଲ୍‍ଏନ୍‍ ମାର୍ହାନ୍‍ । ମାତର୍‍ ୱାନ୍‌ ନିଜେଦି ନେତେର୍‌ ଅସି ମା ଉଣ୍ତିଙ୍ଗ୍ ୱିଜୁଦିନ୍‍ତିଙ୍ଗ୍ ମୁକୁଡ଼ାନି ପାଣି କିତାନ୍ ।

ఎబ్రి 9:15

ଇୟାଉଣ୍ତିଙ୍ଗ୍‌ କ୍ରିସ୍ତ ନେ ପୁନି ନିୟମ୍‌ ତିଆର୍‌ କିତାମାନାନ୍, ଏଣ୍ତେସ୍‍କି ଏମେକାର୍ ମାପୁରୁଦି ମାଡ଼ାନ୍ କୁକାୟ୍‍ଆତାମାନାର୍, ୱାର୍‌ ମାପୁରୁ ପାର୍‍ମାଣ୍‍ କିତିମାନି ଏସ୍‌କାଙ୍ଗ୍‌ୱିଜିଇ ଆସିର୍ବାଦ୍‌ ପୋଇନାର୍ । ପାର୍‍ତୁମ୍‍ ନିୟମ ପାଣିକିଜିମାନି ବେଡ଼ାଦୁ, ଲୋକୁ ଏମେ ୱିଜୁ ପାପ୍‌ ଦୋସ୍‌ କିତାମାର୍ହାର୍, କେବଲ କ୍ରିସ୍ତଦି ସାତିମାଡ଼ାନ୍ ୱାର୍‌ ଆବେଟ୍‌କୁ ମୁକ୍‍ଡ଼ାନିକା ପୋଇନାର୍‍ ।

ప్రకటన 5:9

ୱାର୍‌ ଉନ୍‌ଡ୍ରି ପୁନି ପାଟା ପାରିଜିମାର୍ହାର୍‌ : “ବଇ ମାନାଜି ତାନି ସିଲ୍‍ ଆତିକେଙ୍ଗ୍‌ ରୁକୁତେଙ୍ଗ୍‌ ମିର୍‌ ନେ ଜୋଗ୍‍ : ଇରିଙ୍ଗ୍‌ ନିନୁ ସାତିମାର୍‌ଇ ମାରି ନି ସାତିମାଡ଼ାନ୍, ୱିଜୁ କୁଟୁମ୍‌, ବାସାବାଦି, ଦେସ୍ ମାରି ଜାତି ମାଡ଼ାନ୍‍କୁ ମାପୁରୁଦି ଉଣ୍ତିଙ୍ଗ୍ ଲୋକାଙ୍ଗ୍‌ କଟି ମାନି ।

మత్తయి 26:28

ଇକା ନା ନେତେର୍‌ । ଲୋକା ପାପ୍‌ କେମା ଉଣ୍ତିଙ୍ଗ୍‌ ନାନ୍ ନା ଆମା ନେତେର୍‌ ୱାକ୍‌ସ ସିଦେଙ୍ଗ୍‍ ସଲ୍‌ସିନା, ଆମାକା ମାପୁରୁଦି ପୁନି ନିୟମ୍‌ତିଙ୍ଗ୍‌ ସିଲ୍‌ଡାକ୍‌ନାତ୍‍ ।

ଗାଲାତିୟ 4:5

ଏଣ୍ତେସ୍‌ ୱାନ୍‌ ସାମାନ୍‌ ଡାବୁଙ୍ଗୁଁ ସିଜି ଆୟା ନିୟମ୍‍ତି ଗାଟିଦାନ୍‍ ଆଇୱାରିଙ୍ଗ୍‌ ମୁକୁଡ଼ା କିନିକା ମାରି ୱାରିଙ୍ଗ୍‍ଁ ମାପୁରୁଦି ମାରିସି ଆନି ସାରି ସିନିକା ୱାନି ଜିବନ୍‍ତି ବଦା ମାର୍ହାତ୍‍ ।

ప్రకటన 1:5

ମାରି ସାତିୱାରି ମାଣୁକୁ ଆଗ୍‌ଡ଼ି ନିଙ୍ଗିଁନିକା, ବିସ୍‌ବାସ୍‌ତି ସାକି ମାରି ଦୁନିଆ ରାଜାଦିରାଜା ଜିସୁ କ୍ରିସ୍ତଦି ଦୟା ମାରି ସାନ୍ତି ମି ମୁସୁକୁ ରାପିତ୍ । ୱାନ୍‌ ମାଙ୍ଗିଁ ଜିବନ୍‌ନୋନାନ୍‌ ମାରି ୱାନି ସାତି ମାଣୁକୁ ମାଙ୍ଗିଁ ପାପ୍‌ତାନ୍‌ ରକ୍ଷା କିତାମାନ୍ ।

୧ ଜୋହନ 4:10

ଇକାନେ ସତ୍‌ତି ଜିବନ୍‌ନୋନିକା, ମାଡୁ ମାପୁରୁଙ୍ଗୁଁ ଜିବନ୍‌ନୋଇକା, ମାତର୍‌ ୱାନ୍‌ ମାଙ୍ଗିଁ ଜିବନ୍‌ନୋଜି, ମାରି ନିଜେଦି ମାରିନ୍‌ତିଙ୍ଗ୍‌ ମା ପାପ୍‌ତିଙ୍ଗ୍‍ ପିଣ୍ଡିନି ଅନିଉଣ୍ତିଙ୍ଗ୍‌ ପୋକ୍‌ତାତାନ୍‌ ।

୧ ପିତର 3:18

ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌;

ఎబ్రి 9:28

ଆୟାୱାଜା ୱିଜୁଲୋକା ଉଣ୍ତିଙ୍ଗ୍‌ ପାପ୍ ଆକ କିଦେଙ୍ଗ୍ କ୍ରିସ୍ତ ଉନ୍‍ଣ୍ତ୍ରେ ଦେବାଦି ଉଣ୍ତିଙ୍ଗ୍ ବଲି ୱାଜା ସିଆୟ୍‍ ଆତାନ୍ । ୱାନ୍‌ ମାରିଉଣ୍ତ୍ରି ଦେବା ୱାନାନ୍ । ନାସ୍ତିୱାଲେ ମାରି ପାପ୍‍ତି ଜୁଦ୍‍ କିନି ଉଣ୍ତିଙ୍ଗ୍‌ ୱାନ୍‌ ରେଏନ୍‍ । ୱାନ୍‌ ୱାନାନ୍, ୱାନି ଉଣ୍ତିଙ୍ଗ୍‌ କାପ୍‍କିଜିମାନି ଲୋକାଙ୍ଗ୍ ଉଦ୍ଧାର୍‌ କିନି ଉଣ୍ତିଙ୍ଗ୍‌ ୱାନାନ୍‌ ।

ఎబ్రి 9:26

ଆର୍‌ତିଙ୍ଗ୍‌, ୱାନିଙ୍ଗ୍‌ ଦୁନିଆଦି ତିଆର୍‍ଆତି ବେଡ଼ାଦାନ୍‍ ନାଣ୍ତଦେବେଙ୍ଗ୍‌ ଦୁଃକ୍‌କାସ୍ଟୁ ବୋଗାଦେଙ୍ଗ୍ ପୋଡ଼ାତାତ୍‍ମାନ୍ଦି । ମାରି ୱାନ୍‌ ଜୁଗ୍‌ସେସ୍‌ଆନି ବେଡ଼ାଦୁ ନିଜେଦିଙ୍ଗ୍‌ ବଲି ୱାଜା ସିନି ମାଡ଼ାନ୍ କାଡ଼ା କାଡ଼ାଦିଙ୍ଗ୍‍ ପାପ୍‌ତି ସାକ୍ତି ମେଡ଼ିକ୍‌ନି ଉଣ୍ତିଙ୍ଗ୍‍ ୱାତାମାର୍ହାନ୍‍ ।

తీతు 2:14

ଆୟା କ୍ରିସ୍ତ ଜିସୁ ମାଙ୍ଗିଁ ୱିଜୁ ତାଗ୍‌ଇ ପାଣିଦାନ୍‌ ଡ଼ିସିସ୍‌ କିଦେଙ୍ଗ୍‌ ମାରି ନିଜେଦି ଉଣ୍ତିଙ୍ଗ୍‌ ସତ୍‌ପାଣିଦୁ ୱେଡ଼ିକାଆଜି ନିଜେଦି ଲୋକା ୱାଜା ପୁରା ନେଗେନ୍‍ କିଦେଙ୍ଗ୍‌ ମା ଉଣ୍ତିଙ୍ଗ୍‌ ନିଜେଦିଙ୍ଗ୍‌ ସିଆୟ୍‌ଆତାନ୍‌ ।

ଗାଲାତିୟ 3:10

ଏମେକାର୍‍ ନିୟମ୍‍ ମାନାନି ମୁସ୍‍କୁ ଆସା ଇଡ୍‍ନାର୍‍, ୱାର୍‍ ଆନାଦୁରିଆଦି ଲୋଇ ଜିନାର୍‍ । ଇରିଙ୍ଗ୍‌ ଦାର୍ମୁସାସ୍ତ୍ରଦୁ ରାସାତାମାନାତ୍‍, “ମସାଦି ନିୟମ୍‍ ବଇଦୁ ଆମା ୱିଜୁ ରାସାତାମାନାତ୍‍, ଜଦି ଏନ୍‍ ପୁରାଦାନ୍‍ ଆକା ମାନାଏନ୍‍, ୱାନ୍‍ ମାପୁରୁଦି ଆନାଦୁରିଆଦି ଲୋକୁ ଆନାନ୍‍ ।”

2కొరింతి 5:21

ମାତର କ୍ରିସ୍ତମାନୁ ପୁରା ପାପ୍‌ ସିଲେତିଙ୍ଗ୍‌ ବା, ମାପୁରୁ ୱାନିଙ୍ଗ୍‌ ମା ଉଣ୍ତିଙ୍ଗ୍‌ ପାପ୍‍ତି ପୁଜା ୱାଜାକିତାନ୍, ମାଡ୍‌ ଏଣ୍ତେସ୍ ୱାନିୱାଲେ ମିସାଜି ମାପୁରୁଦି ଦାର୍ମୁପାଣିଦୁ ମିସାଦେଙ୍ଗ୍ ଆଟିନିକା ।

అపొస్తు 5:30

ମିର୍‌ ଜିସୁଙ୍ଗୁଁ କ୍ରୁସଦୁ କୁଟିଙ୍ଗ୍‍ ଡାକ୍‍ସିସାପିସ୍‍ତି ୱେନ୍‌କା, ମା ଡକ୍ରାଦାଦାରି ମାପୁରୁ, ଜିସୁଙ୍ଗୁଁ ସାତିମାଣାନ୍‌ ମାରିଡ଼େସି ନିକ୍‍ତାମାନାନ୍‍ ।

ରୋମିୟ 4:25

ଆୟା ପ୍ରବୁ ଜିସୁ ମା ପାପ୍‍ତି ଉଦାର୍‌ କିନି ଉଣ୍ତିଙ୍ଗ୍‌ ୱାନ୍‌ ସାତାମାର୍ହାନ୍‍ ମାରି ମାପୁରୁଦି ଲାକ୍‍ତୁ ମାଙ୍ଗିଁ ଦାର୍ମୁଦିକାର୍‍ କିବିସ୍‍ କିନି ଉଣ୍ତିଙ୍ଗ୍‌ ମାରିଡ଼େସି ନିଙ୍ଗିଁତାମାନାନ୍‌ ।

ଏପିସିୟ 5:2

କ୍ରିସ୍ତ ଏଣ୍ତେସ୍‌ ମାଙ୍ଗିଁ ଜିବନ୍‌ନୋତାନ୍‍ ମାରି ମାପୁରୁଦି ୱେଡ଼ିକାଦି ଉଣ୍ତିଙ୍ଗ୍‍ଁ ନିଜେଦି ଜିବନ୍‍ତିଙ୍ଗ୍‍ ମା ଉଣ୍ତିଙ୍ଗ୍‌ ବାସ୍‍ନାଦି ଦୁପ୍‍ଣି ମାରି ପୁଜା ୱାଜା ଆତାନ୍‌, ମି ଜିବନ୍‌ ବା ଆୟାୱାଜା ଜିବନ୍‍ନୋନି ମାଣାନ୍‌ ସାଲାପିତ୍‍ ।

ରୋମିୟ 9:3

ନା ନିଜେଦି ଜିହୁଦି ଜାତିଦି ତଡ଼ାନ୍‍କା ଉଣ୍ତିଙ୍ଗ୍‍ଁ ନାନୁ ନିଜେ କ୍ରିସ୍ତଦି ମାଣାନ୍‌ ୱେର୍‍ଏ ଆଜି ମାପୁରୁଦି ମାଣାନ୍‌ ଆନାଦୁରିଆ ଆନି ଉଣ୍ତିଙ୍ଗ୍‌ ନାନୁ ବଦା କିଜିନା ।

ప్రకటన 13:8

ଦୁନିଆ ତିଆର୍‍ଆନି ପୁର୍ବେଦାନ୍ ଏମେୱାରି ଦରୁ ସାତିମାନି ମେଷସାବକତି ଜିବନ୍‌ ବଇଦୁ ରାସାତାମାରାତ୍, ୱାରିଙ୍ଗ୍‍ ଡ଼ିସ୍‍ତିଙ୍ଗ୍‍ ଦୁନିଆଦି ଆଇ ୱିଜେରେ ଆୟା ଜାତୁଦିଙ୍ଗ୍‌ ପୁଜାକିନାର୍ ।

మత్తయి 27:5

ଜିହୁଦା ଅଦ୍‌ଲିଆଙ୍ଗାଁ ମନ୍ଦିର୍‌ ଲୋଇ ପୋକ୍‌ତାସିତା ସୋର୍ହାନ୍‌ । ୱେନ୍‌କା ୱାନ୍‌ କକ୍‌ଲାଦୁ ଉରି ଆସାତାନ୍‌ନୋ ସାତାନ୍‌ ।