ଗାଲାତିୟ 2:16 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁶ ମାପୁ ନେସ୍‍ନାପ୍‍, ନିୟମ୍‍ତି ଦାବିୱିଜୁ ପୁରା କିନି ମାଣାନ୍‍ ସିଲେ, ମାତର୍‍ କେବଲ ଜିସୁ କ୍ରିସ୍ତଦିମାନୁ ବିସ୍‍ବାସ୍‍ କିନି ମାଣାନ୍‍ ଅରେନ୍‍ ମାପୁରୁଦି ଆଗ୍‍ଡ଼ି ଦସ୍‍ସିଲେଣ୍‌ଗା ମିସାଦେଙ୍ଗ୍‌ ଆଟ୍‌ନାପ୍‌ । ମାପୁରୁଦି ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଇଜି ମାପ୍‍ ମାରି ନିୟମ୍‍ତି ମୁସ୍‍କୁ ଆସା ଇଡ୍‍ଏନ୍‍ଣ୍ତା ଜିସୁ କ୍ରିସ୍ତମାନୁ ବିସ୍‍ବାସ୍‍ କିଜିନାପ୍‍, ଇରିଙ୍ଗ୍‍ଁ କେବଲ ନିୟମ୍‍ ମାନାନି ମାଣାନ୍‍ ଏନ୍‍ ମାପୁରୁ ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଆଟ୍‍ଏନ୍‍ ।

Konda: కొండ బాసదు నెగ్గి కబ్రు

¹⁶ గాని దేవుణు మోసెఙ్‌ సితి రూలుఙ్‌ లొఙిజి ఒరెన్‌ దేవుణు ఎద్రు నీతి నిజాయితి మనికాన్‌ ఆఎన్. గాని యేసుక్రీస్తు ముస్కు నమకం ఇట్తిఙనె నీతి నిజాయితి మనికాన్‌ ఆనాన్‌ ఇజి నెస్త మనాట్. అందెఙె యూదురు ఆఇకార్‌నె ఆఏండ, మాటుబా క్రీస్తు యేసుఙ్‌ నమ్మితాట్. రూలుఙ్‌ లొఙిజి దేవుణు ఎద్రు నీతి నిజాయితి మనికాట్‌ ఆఎండ, క్రీస్తుఙ్‌ నమ్మిజినె దేవుణు ఎద్రు నీతి నిజాయితి మనికాట్ ఆని వందిఙె మాటు క్రీస్తు యేసుఙ్‌ నమ్మితాట్. ఎందనిఙ్‌ ఇహిఙ, రూలుఙ్‌ లొఙిజి ఎయెన్‌బా దేవుణు ఎద్రు నీతి నీజాయితి మనికాన్‌ ఆఎన్‌ఇ జి మాటు నెసినాట్.

ଗାଲାତିୟ 2:16 Referans Kwoze

ପିଲିପିୟ 3:9

ମାରି ୱାନି ୱାଲେ ପୁରା ମିସାନି ଉଣ୍ତିଙ୍ଗ୍‌, ମାରି ଆୟାୱିଜୁ ବିସୟ୍‌ତିଙ୍ଗ୍‌ କାସ୍‌ରା ଇଜି ଅଡ଼୍‌ବିଜିନା । ମାରି, ଆମା ଦାର୍ମୁଦି ନିୟମ୍‌ ମାନାନି ମାଣ୍‌କୁ ପୟ୍‌ଦେଙ୍ଗ୍‌ ଆଟ୍‌ନିକା, ଆୟା ନାନି ଇନି ନିଜେଦି ଦାର୍ମୁ ନାଦି ସିଲେତ୍‌ । ଇଲେଇ ନାଦି ଆମା ଦାର୍ମୁ ମାନାତ୍‌, ଆକା କ୍ରିସ୍ତଦିମାନୁ ବିସ୍‌ବାସ୍‌ କିନି ମାଣ୍‌କୁ ପୟ୍‌ତାମାନା; ଆକା ମାପୁରୁଦିମାଣୁକୁ ୱାନାତ୍ ମାରି ଆକା ବିସ୍‌ବାସ୍‌ତି ମୁସ୍‌କୁ ତିଆର୍‌ଆତାମାନାତ୍‌ ।

ରୋମିୟ 9:30

ଆଦେଙ୍ଗ୍‌ ଅଣଜିହୁଦି ଲୋକା ବିସୟ୍‍ତାନ୍‍ ଇକା ଇନ୍‍ଡ୍ରେଙ୍ଗ୍‍ଁ ଆଟ୍‍ନିକା, ୱାର୍‌ ଦାର୍ମୁତିକାର୍‍ ଆଦେଙ୍ଗ୍‍ଁ ସେସ୍ଟା କିଏଜିମାର୍ହାର୍‍, ମାତର୍‌ ୱାରି ବିସ୍‍ବାସ୍‍ ଉଣ୍ତିଙ୍ଗ୍‍ଁ ଦାର୍ମୁତିକାର୍‍ ଇଜି ୱେଙ୍ଗିଁତାମାନାର୍‍ ।

୧ ପିତର 3:18

ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌;

ରୋମିୟ 4:2

ଜଦି ୱାନି ନିଜେଦି ପାଣି ଅବ୍ରାହାମ ୱାନ୍‌ ମାପୁରୁଦି ଆଗ୍‍ଡ଼ି ଦାର୍ମୁଦିକାନ୍‍ ୱେଙ୍ଗିଁତାନ୍‌ମାନ୍ଦି, ଗାର୍ବୁ କିଦେଙ୍ଗ୍ ଇଜି ୱାନି ମାଟା ମାର୍ହାତ୍‌ । ମାତର୍‌ ମାପୁରୁ ଆଗ୍‍ଡ଼ି ଆକା ଆଏତ୍‍ମାର୍ହାତ୍‍ ।

୧ ପିତର 2:24

ମାପ୍‌ ଏଣ୍ତେସ୍ ପାପ୍‌ତି ଉଣ୍ତିଙ୍ଗ୍‌ ସାଜି ମାରି ଦାର୍ମୁଦି ଉଣ୍ତିଙ୍ଗ୍‌ ଜିଜି ମାଡ଼ିନାପ୍‌, ଇୟାଉଣ୍ତିଙ୍ଗ୍‌ କ୍ରିସ୍ତ ନିଜେ କ୍ରୁସ୍‌କାଟ୍‌ ମୁସ୍‌କୁ ନିଜେଦି ମେନ୍ଦଲ୍‌ତାନ୍‌ ମା ୱିଜୁ ପାପ୍‌ ବଜୁ ପିଣ୍ତିତାନ୍‌ । ୱାନି ମେନ୍ଦଲ୍‌ତି ଆୟା ଗାଉତି ମାଣୁକୁ ମିର୍‌ ନେଗେନ୍‌ ଆତିମାନିଦେର୍‌ ।

ରୋମିୟ 8:3

ଇୟା ଲୋକା ଗୁଣ୍‍ ୱିଜୁ ଲିଡ଼ଲାଡ଼ା ଉଣ୍ତିଙ୍ଗ୍‍ଁ ମସା ସିତିମାନି ନିୟମ୍‍ ଆମାକା କିଦେଙ୍ଗ୍ଁ ଆଟ୍‍ଏତାତ୍‍, ମାପୁରୁ ଆକା କିତାମାନାନ୍‌ । ଲୋକା ଜିବନ୍‍ତୁ ପାପ୍‍ତିଙ୍ଗ୍‍ଁ ନାସ୍ଟୁ କିଦେଙ୍ଗ୍‍ଁ ଇଜି ୱାନ୍‌ ନିଜେଦି ମାରିସିଙ୍ଗ୍‍ଁ ପାପି ଲୋକୁ ୱାଜା ପକ୍‍ତାନ୍‍ ମାରି କ୍ରିସ୍ତ ଜିସୁ ପାପ୍‍ତି ସାକ୍ତି ନାସ୍ଟୁ କିତାମାନାନ୍‌ ।

ରୋମିୟ 3:30

ମାପୁରୁ ଅରେନ୍‍ । ରୁଣ୍ତି ଜିହୁଦି ନି ଅଣଜିହୁଦି ଲୋକା ବିସ୍‍ବାସ୍‍ ଉଣ୍ତିଙ୍ଗ୍‌ ୱାନ୍‌ ୱାରିଙ୍ଗ୍ ଦାର୍ମୁତିକାର୍‍ ୱାଜା ଆସ୍‍ନାନ୍‍ ।

ରୋମିୟ 1:17

ଲୋକ୍‍ ମାପୁରୁ ଲାକ୍‍ତୁ ଏଣ୍ତେସ୍‌ ଦାର୍ମୁତିକାନ୍‍ ଇଜି ୱେଙ୍ଗ୍‍ଁଦେଙ୍ଗ୍‍ ଆଟ୍‍ନାନ୍‍, ତେନି ଉପାୟ୍‌ ଆବେ ତରାୟ୍‍ ଆତାମାନାତ୍‌ । ପାର୍‍ତୁମ୍‍ତାନ୍‌ ସାରାସାରି ସାନ୍ଦି ଉଦାର୍‌ ପୟ୍‍ନି ଉନ୍‍ଣ୍ତ୍ରିମାତ୍ର ଉପାୟ୍‌ ଆଜିନାତ୍‍, ବିସ୍‍ବାସ୍‍ । ବାକ୍ୟ ଇସାବ୍‍ତାନ୍‍, “ଜେ ବିସ୍‍ବାସ୍‍ତାନ୍ ମାପୁରୁଦି ଲାକ୍‍ତୁ ଦାର୍ମୁତିକାନ୍‍ ଇଜି ୱେଙ୍ଗ୍‍ଁନାନ୍‍, ୱାନ୍‌ ଜିନାନ୍‍ ।”

୧ ଜୋହନ 1:7

ମାତର୍‌ ମାପୁରୁଦି ୱାଜା ମାଡ଼ୁ ଜଦି ଜାୟ୍‌ତୁ ବାସାନିକାନ୍‌, ମାଡୁ ଆୟାୱାଜା ଜାୟ୍‌ତୁ ବାସାନିକା, ଆର୍‌ତିଙ୍ଗ୍‌ ମା ନିଜେନିଜେଦିଙ୍ଗ୍‌ ସହବାଗିତା ମାନାତ୍‌, ମାରି ୱାନି ମାରିସି ଜିସୁଦି ନେତେର୍‌ ୱିଜୁ ପାପ୍‌ତାନ୍‌ ନରିସ୍ କିନାତ୍‌ ।

ప్రకటన 7:9

ତେନିୱେନ୍‌କା ନାନୁ ସୁଡୁତା, ଉଣ୍ତ୍ରି ପେରିଦଲ୍; ୱାରି ଇସାବ୍‌ ଲେକିସ୍‍କିଦେଙ୍ଗ୍‌ ଆଏତ୍‍ । ୱାର୍‍ ୱିଜୁ ଜାତି, କୁଟୁମ୍‌, ଦେସ୍ ମାରି ଭାସାଦି ମାଡ଼ାନ୍ ୱାତାମାର୍ହାର୍‌ । ୱାର୍‍ ଅଡ଼ିନିଆଙ୍ଗିଁ ଆରାଜି ମାରି କିୟୁଦୁ କାଜିରି କମେଙ୍ଗ୍ ଆସ୍‌ସି, ସିଂହାସନ୍ ମାରି ମେଷସାବକଦି ଆଗିଡ଼ି ନିର୍ହାମାର୍ହାର୍‍ ।

ଗାଲାତିୟ 5:4

ମି ଲୋଇ ଏମେକାର୍‍ ନିୟମ୍‍ ମାନାନି ମାଣ୍‍କୁ ମାପୁରୁ ଆଗ୍‍ଡ଼ି ଦାର୍ମୁତିକାର୍‍ ଆଦେଙ୍ଗ୍‌ ଇଜି ସେସ୍ଟା କିଜିନାର୍‍, ୱାର୍‍ ନିଜେ ନିଜେଦିଙ୍ଗ୍‍ଁ କ୍ରିସ୍ତମାଣ୍‍କୁ ୱେର୍‍ଏ କିତାମାନାର୍‍, ୱାର୍‍ ମାପୁରୁଦି ଦୟାଦାନ୍‌ ଆକ ଆତାମାନାପ୍‌ ।

1కొరింతి 6:11

ମାରି, ମି ମାଣ୍‌କୁ ଏନ୍‌ ଏନ୍‌ ଆୟାୱାଜା ମାରିଇଦେର୍‌, ମାତର୍‌ ଇଲେଇ ମିର୍‌ ପାପ୍‌ତାନ୍‌ ନରାଆୟ୍‌ ଆଜି ମାପୁରୁଦି ଉଦେସ୍‌ତାନ୍‌ ମାନିଦେର୍‌ । ମାରି ପ୍ରବୁ ଜିସୁ କ୍ରିସ୍ତ ମାରି ପବିତ୍ରଆତ୍ମାଦାନ୍‌ ମିର୍‌ ଦାର୍ମୁଦିକାନ୍‌ ଇଜି ଲେକିସ୍‌କିଆତିମାନିଦେର୍‌ ।

యోహాను 20:31

ମାତର୍‌ ମିର୍‌ ଏଣ୍ତେସ୍‌ ବିସ୍‌ବାସ୍‌ କିଦୁ ଜେ, ଜିସୁ ମାପୁରୁଦି ମାରିନ୍‌ ମସିହ, ମାରି ବିସ୍‌ବାସ୍‌ କିଜ ଏଣ୍ତେସ୍‌ ମିର୍‌ ୱାନି ଦର୍‌ତାନ୍‌ ଜିବନ୍‌ ପୟ୍‌ଦୁ, ଇୟାଉଣ୍ତିଙ୍ଗ୍‌ ଇୟାୱିଜୁ ରସାତାମାନାତ୍‌ ।

ଗାଲାତିୟ 4:5

ଏଣ୍ତେସ୍‌ ୱାନ୍‌ ସାମାନ୍‌ ଡାବୁଙ୍ଗୁଁ ସିଜି ଆୟା ନିୟମ୍‍ତି ଗାଟିଦାନ୍‍ ଆଇୱାରିଙ୍ଗ୍‌ ମୁକୁଡ଼ା କିନିକା ମାରି ୱାରିଙ୍ଗ୍‍ଁ ମାପୁରୁଦି ମାରିସି ଆନି ସାରି ସିନିକା ୱାନି ଜିବନ୍‍ତି ବଦା ମାର୍ହାତ୍‍ ।

ప్రకటన 7:14

ନାନୁ ଇର୍‌ଆ, “ଆଜ୍ଞା ! ନାନୁ ନେସେଏ । ନିନୁ ନେସ୍‍ନିମାନି ।” ୱାନ୍‌ ନାଙ୍ଗିଁ ଇର୍ହାନ୍‌, “ଇୟା ଲୋକୁ ବେସି ତାଡ଼ନା ପୋଇଜି ୱାତାମାନାର୍ । ୱାର୍‌ ମେଷସାବକଦି ନେତେର୍‍ତାନ୍ ନିଜେ ନିଜେଦି ଆଙ୍ଗିଁଙ୍ଗ୍‍ ନର୍‌ବାଜି ସପା କିତାମାନାର୍‌ ।

୧ ପିତର 1:2

ମିର୍‌ ବୁବା ମାପୁରୁଦି ବୁଦିଇସାବ୍‌ତାନ୍‌ ଆସାତିମାନିଦେର୍‍ । ଜିସୁ କ୍ରିସ୍ତଦି ମାଟା ମାନାଜି ୱାନି ନେତେର୍‌ତାନ୍‍ ନେଗେନ୍‌ ଆନି ଉଣ୍ତିଙ୍ଗ୍‌ ମିର୍‌ ଆତ୍ମାଦି ପାଣିଦି ଉଣ୍ତ୍ରି ପବିତ୍ର ଆତିମାନିଦେର୍‌ । ମି ଉଣ୍ତିଙ୍ଗ୍‌ ନାଣ୍ତ୍‌ଦାନ୍‌ ମାପୁରୁଦି ଦୟା ମାରି ସାନ୍ତି ଆପିତ୍‌ ।

ରୋମିୟ 4:24

ଇରିଙ୍ଗ୍‌ ମାଡ୍‌ ବା ମାପୁରୁମାନୁ ବିସ୍‍ବାସ୍‍ କିନି ମାଣାନ୍‌ ଦାର୍ମୁତିକାର୍‍ ୱାଜା ୱେଙ୍ଗିଁନିକା । ମାପୁରୁ ପ୍ରବୁ ଜିସୁଙ୍ଗୁଁ ସାତିମାଣାନ୍‍ ନିକ୍‍ତାମାନାନ୍‍ ।

అపొస్తు 4:12

କେବଲ୍‌ ୱାନି ମାଣାନ୍‌ ରକିୟା ପୟ୍‌ନିକା ଆନାତ୍‌ । ସାରା ଦୁନିଆଦୁ ମାନି ଆଇ ଇନି ଦର୍‌ ମାଣାନ୍‌ ଲୋକୁ ରକିୟା ପୟ୍‌ଦେଙ୍ଗ୍‌ ଆଟ୍‌ଏନ୍‌ ।”