కొలొసి 3:14 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁴ ମାରି ଇୟାୱିଜୁ ଗୁଣୁ ୱାଲେ ଜିବନ୍‌ନୋନିକା ମିସାକିଦୁ । ଜିବନ୍‌ନୋନିକା ୱିଜୁ ବିସୟ୍‌ତିଙ୍ଗ୍‌ ମିସାକିଜି ଉନ୍‌ଡ୍ରେମାନୁ କିନାତ୍‌ ।

Konda: కొండ బాసదు నెగ్గి కబ్రు

¹⁴ దినిఙ్‌ విజు ఇంక మహి వరిఙ్‌ ప్రేమిస్తు. అయాకదె ముకెలం. ఎందనిఙ్‌ ఇహిఙ, మీరు ప్రేమిస్ని దనిదనటాన్‌ మీరు పూర్తి కూడ్ఃజి మంజినిదెర్.

కొలొసి 3:14 Referans Kwoze

୧ ପିତର 4:8

ୱିଜେରିୱାଜା ନିଜେନିଜେଦିଙ୍ଗ୍‌ ଜିବନ୍‌ତାନ୍‌ନୋଦୁ, ଇରିଙ୍ଗ୍‌ ଜିବନ୍‌ନୋନିକା ପିଡ଼ିକ୍‍ନାତ୍‌ ପାପ୍‌ତିଙ୍ଗ୍‍ ।

ଏପିସିୟ 5:2

କ୍ରିସ୍ତ ଏଣ୍ତେସ୍‌ ମାଙ୍ଗିଁ ଜିବନ୍‌ନୋତାନ୍‍ ମାରି ମାପୁରୁଦି ୱେଡ଼ିକାଦି ଉଣ୍ତିଙ୍ଗ୍‍ଁ ନିଜେଦି ଜିବନ୍‍ତିଙ୍ଗ୍‍ ମା ଉଣ୍ତିଙ୍ଗ୍‌ ବାସ୍‍ନାଦି ଦୁପ୍‍ଣି ମାରି ପୁଜା ୱାଜା ଆତାନ୍‌, ମି ଜିବନ୍‌ ବା ଆୟାୱାଜା ଜିବନ୍‍ନୋନି ମାଣାନ୍‌ ସାଲାପିତ୍‍ ।

కొలొసి 2:2

ନା ଉଦେସ୍‍ ଇକା, ଏଣ୍ତେସ୍‌ ମିର୍‌ ୱିଜୁଲୋକୁ ୱେଡ଼ିକା ଆନିଦେର୍‌, ମାରି ୱାର୍‌ ନିଜେନିଜେଦି ୱାଲେ ଜିବନ୍‌ନୋନିମାନୁ ମିସାନିଦେର୍‌ ମାରି ସତ୍‌ତି ବୁଦି ପୟ୍‌ଜି ସତ୍‌ତିୱାଜା ୱିଜୁ ଦନ୍‌ତି ପୁରା ଅଦିକାରି ଆନିଦେର୍‌, ଇୟାଉଣ୍ତିଙ୍ଗ୍‌ ମିର୍‌ ୱିଜିଦେର୍‌ ନେସ୍‌ନିଦେର୍‌ ଜେ, କ୍ରିସ୍ତନେ ମାପୁରୁଦି ଆୟା ମାର୍‌ଗିତିମାନି ମାଟା ।

యోహాను 13:34

ମିର୍‌ ନିଜେନିଜେଦିଙ୍ଗ୍‍ ଜିବନ୍‌ନୋଜିସାଦୁ, ଇୟା ପୁନି ମାଟା ନାନ୍ ମିଙ୍ଗିଁ ସିଜିନା; ନାନ୍ ଏଣ୍ତେସ୍‌ ମିଙ୍ଗିଁ ଜିବନ୍‌ନୋତାମାନା, ମିର୍‌ ବା ଆୟାୱାଜା ନିଜେନିଜେଦିଙ୍ଗ୍‌ ଜିବନ୍‍ନୋନିକା ମାନାତ୍‌ ।

ରୋମିୟ 13:8

ନିଜେଦିଙ୍ଗ୍‍ଁ ନି ଆଇୱାରିଙ୍ଗ୍‌ ଜିବନ୍‍ନୋନିକା ଡ଼ିସ୍‍ସି ମାରି ଇନି ବିସୟ୍‍ତୁ ଆମାୱାନି ରୁଣୁ ଆଜି ତେବାମାଟ୍‍ । ଏନ୍‌ ଆଇୱାନିଙ୍ଗ୍‍ ଜିବନ୍‍ନୋନାନ୍‍, ୱାନ୍‌ ନିୟମ୍‌ ମାନାନାନ୍‍ ।

ଏପିସିୟ 4:3

ପବିତ୍ରଆତ୍ମାଦି ସାହାଜ୍ୟଦାନ୍‌ ସାନ୍ତିଦାନ୍‌ ବାସାନି ଉଣ୍ତିଙ୍ଗ୍‌ ମି ମାନୁ ଆମାକା ଉନ୍‌ଡ୍ରେ ତିଆର୍‌ ଆତାମାନାତ୍‌, ତାନିଙ୍ଗ୍‌ ରକ୍‌ୟା କିନି ଉଣ୍ତିଙ୍ଗ୍‌ ଜାତୁନ୍‍ ଆଦୁ ।

୧ ଜୋହନ 4:21

ଇୟା ଆଦେସ୍‌ କ୍ରିସ୍ତ ମାଙ୍ଗିଁ ସିତାମାନାନ୍‌, ଏନ୍‌ ମାପୁରୁଙ୍ଗୁଁ ଜିବନ୍‌ନୋନାନ୍‌, ୱାନ୍‌ ନିଜେଦି ତଡ଼ାନ୍‌ତିଙ୍ଗ୍‌ ବା ଜିବନ୍‌ନୋପିନ୍‌ ।

1తిమోతి 1:5

ନେଗି ଜିବନ୍‌, ନେଗି ବୁଦି ମାରି ସତ୍‍ ବିସ୍‌ବାସ୍‌ତାନ୍‌ ଆମା ଜିବନ୍‌ନୋନିକା ସନାତ୍‌, ତାନିଙ୍ଗ୍‌ ଜାଗାର୍‌ତା କିନି ଉଣ୍ତିଙ୍ଗ୍‌ ନେରୁ ନାନ୍‌ ଇୟା ଆଦେସ୍‌ ସିଜିନା ।

1దెస్స 4:9

ଇଲେଇ କ୍ରିସ୍ତବିସ୍‌ବାସ୍‌ସିର୍‌ ମି ଜିବନ୍‌ନୋନି ବିସୟ୍‌ତାନ୍‌ ମାପ୍‌ ମାରି ନାଣ୍ତ୍‌ ରାସ୍‌ନିକା ଦର୍‌କାର୍‌ ସିଲେ । ନିଜେନିଜେଦିଙ୍ଗ୍‌ ଏଣ୍ତେସ୍‌ ଜିବନ୍‍ନୋନିକା ମାନାତ୍‌, ଇକା ନିଜେ ମାପୁରୁମାଣାନ୍‌ ଅଜାତିମାନିଦେର୍‌ ।

యోహాను 17:23

ନାନ୍ ୱାରିମାନୁ, ମାରି ନିନ୍‌ ନା ମାନୁ, ଏଣ୍ତେସ୍‌ ୱାର୍‌ ପୁରାଦାନ୍‌ ଉନ୍‌ଡ୍ରେମାନୁ ଆଦେଙ୍ଗ୍‌ ଆଟ୍‍ନାର୍‍, ଆରିଙ୍ଗ୍‌ ଇୟା ଜଗତ୍‌ ନେସ୍‌ନାତ୍‌ ଜେ, ନିନ୍‌ ନାଙ୍ଗିଁ ପୋକ୍‌ତାତିମାନି, ମାରି ନାଙ୍ଗିଁ ଏଣ୍ତେସ୍‌ୱାଜା ଜିବନ୍‌ନୋତିମାନି, ୱାରିଙ୍ଗ୍‌ ବା ଆୟାୱାଜା ଜିବନ୍‌ନୋତି ।

యోహాను 15:12

ନାନ୍ ଏଣ୍ତେସ୍‌ ମିଙ୍ଗିଁ ଜିବନ୍‌ନୋତା ମାନା, ମିର୍‌ ବା ଆୟାୱାଜା ନିଜେନିଜେଦିଙ୍ଗ୍‌ ଜିବନ୍‌ନଦୁ, ଇକା ନା ଆଦେସ୍‌ ।

୧ ଜୋହନ 3:23

ୱାନି ମାଟା ଇକା ଜେ, ମାଡୁ ୱାନି ମାରିନ୍‌ ଜିସୁ କ୍ରିସ୍ତଦି ଦର୍‌ତାନ୍‌ ବିସ୍‌ବାସ୍‌ କିନିକା ମାରି କ୍ରିସ୍ତଦି ଆଦେସ୍‌ ଇସାବ୍‌ତାନ୍‌ ନିଜେନିଜେଦିଙ୍ଗ୍‌ ଜିବନ୍‌ନୋଜିସାନିକା ।

ఎబ్రి 6:1

ମାରି ମାଡୁ ଏଣ୍ତେସ୍‌କି କ୍ରିସ୍ତଦାର୍ମୁଦି ପାର୍‍ତୁମ୍‍ ବିସୟ୍‌କୁୱିଜୁ ଡ଼ିସ୍‍ସି ସତ୍‌ତି ମାଟେଙ୍ଗ୍‍ୱିଜୁ ଅଜାଦେଙ୍ଗ୍‌ ଆଗ୍‍ଡ଼ି ସନିକା ମାନାତ୍ । ମାଡୁ ଦାର୍ମୁବିସ୍‍ବାସ୍‍ତି ପାର୍‍ତୁମ୍‍ ବିସୟ୍‌କୁୱିଜୁ ଆତାତ୍‍, ତାଗ୍‌ଇ ପାଣିଦାନ୍‌ ତେବାଜି ମାପୁରୁଦିମାନୁ ବିସ୍‍ବାସ୍ କିନାଟ୍‌ ।

ଏପିସିୟ 1:4

କ୍ରିସ୍ତଦିମାନୁ ମିସାଜି ମାଡୁ ଏଣ୍ତେସ୍‌ ମାପୁରୁଦି ଲୋକୁ ଆନିକା ଆୟାଉଣ୍ତିଙ୍ଗ୍‌ ୱାନ୍‌ ମାଙ୍ଗିଁ ପୃତିବି ତିଆର୍‍ ଆନି ଆଗ୍‍ଡ଼ିରାନ୍‍ ବାସେକିତାମାନାନ୍‍ । ମାରି ୱାନି ଜିବନ୍‌ନୋନିକା ମାଡୁ ୱାନି ଆଗ୍‌ଡ଼ି ପବିତ୍ର ନି ଦସ୍‍ସିଲିକାର୍‍ ଆନିକା ।

୧ ଜୋହନ 3:10

ଇବେନୁ ଏନ୍‌ ମାପୁରୁଦି ମାରିନ୍‌ ମାରି ଏନ୍‌ ସୟତାନ୍‌ଦି ମାରିନ୍‌, ଇକା ତରାୟ୍‌ଆନାତ୍‌ : ଏନ୍‌ ସତ୍‍ପାଣି କିଏନ୍‌, ମାରି ନିଜେଦି ତଡ଼ାନ୍‌ତିଙ୍ଗ୍‌ ଜିବନ୍‌ନୋଏନ୍‌, ୱାନ୍‌ ମାପୁରୁଦି ମାରିନ୍‌ ଆଏନ୍‌ ।