కొలొసి 1:22 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²² ମାତର୍‌ ଇଲେଇ ୱାନ୍‌ ମିଙ୍ଗିଁ ବା ୱାନି ଆଗ୍‌ଡ଼ି ପବିତ୍ର, ନିନ୍ଦା ମାରି ଦସ୍‍ସିଲିକା କିଜି ତାନି ଉଣ୍ତିଙ୍ଗ୍‌ ୱାନି ମାରିନ୍‌ତି ମେନ୍ଦଲ୍‌ତାନ୍‌ ସାତି ମାଣୁକୁ ମିଙ୍ଗିଁ ନିଜେଦି ୱାଲେ ମାରିଡ଼େସି ମିସାକିତା ମାନାନ୍‌ ।

Konda: కొండ బాసదు నెగ్గి కబ్రు

²² గాని ఏలు, వన్ని మరిన్‌ ఒరెన్‌ లోకు ఆజి సాతి సావుదాన్‌ వాండ్రు మీ వెట రాజినం ఆతాన్. ఎందనిఙ్‌ ఇహిఙ, ఇని నింద సిలి, ఇని నేరమ్‌కుబా రెఇ, నొరె ఆతి లోకుర్‌ లెకెండ్, క్రీస్తు మర్‌జి వానివలె మిఙి దేవుణు ఎద్రు మిఙి నిల్‌ప్తెఙె వాండ్రు మీ వెట రాజినం ఆతాన్.

కొలొసి 1:22 Referans Kwoze

ଏପିସିୟ 5:27

ମାରି ମଣ୍ତଲିଦିଙ୍ଗ୍‍ ପବିତ୍ର, ଦସ୍‍ସିଲିକା, ପାପ୍‌ସିଲିକା ମାରି ୱିଜୁ ସୁନ୍ଦର୍‌ କିଜି ନିଜେ ଆସ୍‌ତାନ୍‌ ।

ଜିହୁଦା 1:24

ଏନ୍‌ ମିଙ୍ଗିଁ ଗାଡ଼୍‌ଦିରାନ୍‌ ରକ୍‌ୟା କିଦେଙ୍ଗ୍‌ ମାରି ୱାନି ଗୌରବ୍‌ ଆଗ୍‌ଡ଼ି ଦସ୍‍ସିଲିକା ମାରି ୱେଡ଼ିକା କିଜି ଇଗାୱାଦେଙ୍ଗ୍‌ ଡାଟ୍‌ମାନାନ୍‌,

ఎబ్రి 10:10

ଜିସୁ କ୍ରିସ୍ତ ଉନ୍‍ଡ୍ରେଦେବା ମାତ୍ର ମାରି ୱିଜୁଦିନ୍‌ତି ଉଣ୍ତିଙ୍ଗ୍ ନିଜେଦି ମେନ୍ଦଲ୍‌ତିଙ୍ଗ୍‌ ସିଜି ମାପୁରୁଦି ଇଛା ପୁରା କିତିମାନିଙ୍ଗ୍, ୱାନି ଆୟା ନିଜେଦିଙ୍ଗ୍‍ସିତି ଉଣ୍ତିଙ୍ଗ୍‍ ମାଡୁ ୱିଜୁ ଲୋକୁ ପାପ୍‌ଦାନ୍ ନେଗେନ୍‌ ଆତିମାନିକା ।

ଏପିସିୟ 1:4

କ୍ରିସ୍ତଦିମାନୁ ମିସାଜି ମାଡୁ ଏଣ୍ତେସ୍‌ ମାପୁରୁଦି ଲୋକୁ ଆନିକା ଆୟାଉଣ୍ତିଙ୍ଗ୍‌ ୱାନ୍‌ ମାଙ୍ଗିଁ ପୃତିବି ତିଆର୍‍ ଆନି ଆଗ୍‍ଡ଼ିରାନ୍‍ ବାସେକିତାମାନାନ୍‍ । ମାରି ୱାନି ଜିବନ୍‌ନୋନିକା ମାଡୁ ୱାନି ଆଗ୍‌ଡ଼ି ପବିତ୍ର ନି ଦସ୍‍ସିଲିକାର୍‍ ଆନିକା ।

తీతు 2:14

ଆୟା କ୍ରିସ୍ତ ଜିସୁ ମାଙ୍ଗିଁ ୱିଜୁ ତାଗ୍‌ଇ ପାଣିଦାନ୍‌ ଡ଼ିସିସ୍‌ କିଦେଙ୍ଗ୍‌ ମାରି ନିଜେଦି ଉଣ୍ତିଙ୍ଗ୍‌ ସତ୍‌ପାଣିଦୁ ୱେଡ଼ିକାଆଜି ନିଜେଦି ଲୋକା ୱାଜା ପୁରା ନେଗେନ୍‍ କିଦେଙ୍ଗ୍‌ ମା ଉଣ୍ତିଙ୍ଗ୍‌ ନିଜେଦିଙ୍ଗ୍‌ ସିଆୟ୍‌ଆତାନ୍‌ ।

ରୋମିୟ 7:4

ଏ ତଡ଼ାନ୍‍କୁ ନି ତାଙ୍ଗିଁକି, ମିଦି ବା ଟିକ୍‍ ଆୟା ବାଦା । ମିର୍‌ ଡୁବନ୍‍ ଅତି ମାଣାନ୍‌ କ୍ରିସ୍ତଦି ମେନ୍ଦଲ୍‌ତି ୱାଲେ ସାଜି, ୱାନି ମାରିଡ଼େସିଜିବନ୍‌ ଆଜି ନିଙ୍ଗିଁନିମାନୁ ବା ମିସାତିମାନିଦେର୍‍ ମାରି ଇଲେଇ ମିର୍‌ ମାପୁରୁଦି ନେଗି ସେବକ । ନିୟମ୍‍ ଉଣ୍ତିଙ୍ଗ୍‌ ମିର୍‌ ସାତି ମାନିଦେର୍‍ ।

ఎబ్రి 10:20

ୱାନ୍‌ ୱାନି ମେନ୍ଦଲ୍‍ତିୱାଜା ପାର୍‌ଦା ନାଣିମିରାନ୍ ମା ଉଣ୍ତିଙ୍ଗ୍‌ ଉଣ୍ତ୍ରି ପୁନି ଜିବନ୍‌ତି ସାରି ତର୍‌ତାମାନାନ୍ ।

ఎబ్రి 13:21

ମାରି ଜିସୁ କ୍ରିସ୍ତଦି ମାଣାନ୍‍ ମା ଜିବନ୍‍ତୁ ୱାନି ୱେଡ଼ିକାଦି ନେଗି ପାଣି ପୁରା କିପିନ୍‍ । ଜୁଗ୍‌ ଜୁଗ୍‍ ଗୌରବ୍‍ ୱାନିନ୍ଦି ଆପିତ୍‌ । ଆମେନ୍‍ ।

2కొరింతి 11:2

ମି ବିସୟ୍‍ତାନ୍‍ ଉନ୍‌ଡ୍ରି ସାକ୍ତିଦି ରିସାଆନିକା ନା ମୋନ୍‌ତୁ ମାନାତ୍ । ଇରିଙ୍ଗ୍‌ ମିର୍‌ ପବିତ୍ର ରିପାଆଇଲି ୱାଜା । ଅରେନ୍‌ନେମାତର୍‌ କାନ୍ୟାମୁରୁଲି କ୍ରିସ୍ତଦି ୱାଲେ ମି ମିସାକିନି ସିନି ଉଣ୍ତିଙ୍ଗ୍‌ ନାନ୍‌ ପାର୍‌ମାଣ୍‌ କିତାମାନା ।

1దెస్స 4:7

ମାପୁରୁ ମାଙ୍ଗିଁ ତାଗ୍‍ଇକାର୍‍ ଆଜି ଜିନିମାଡ଼ିନି ଉଣ୍ତିଙ୍ଗ୍‌ କୁକ୍‌ଏନ୍‌, ମାତର୍‌ ପବିତ୍ର ଆଜି ମାନ୍‌ଡ୍ରେଙ୍ଗ୍‌ କୁକ୍‌ତାମାନାନ୍‌ ।

లూకా 1:75

ଏଣ୍ତେସ୍‌ ମାପ୍‌ ଜିନି ସାନ୍ଧି ତିଲାଏଣ୍‌ଗା, ପବିତ୍ରଦାନ୍‌ ମାରି ଦାର୍ମୁଦାନ୍‌ ୱାନି ସେବା କିଦେଙ୍ଗ୍‌ ଆଟ୍‍ନାପ୍‍ ।”

2కొరింతి 4:14

ମାପୁ ନେସ୍‍ନିକା, ମାପୁରୁ ପ୍ରବୁ ଜିସୁଙ୍ଗୁଁ ସାତିମାଣୁକୁ ଜିବନ୍‌ କିତାମାନାନ୍‌ । ଆୟା ମାପୁରୁ, ଜିସୁଦି ୱାଲେ ମାଙ୍ଗିଁ ବା ଜିବନ୍‌ କିନାନ୍ ମାରି ମି ୱାଲେ ମାଙ୍ଗିଁ ୱାନି ଲାକ୍‌ତୁ ଅନାନ୍ ।

2కొరింతి 5:18

ଇୟାୱିଜୁ ମାପୁରୁଦି ପାଣି । ୱାନ୍‌ କ୍ରିସ୍ତଦି ମାଡ଼ାନ୍‍କୁ ମାଙ୍ଗିଁ ୱାନିୱାଲେ ମାରି ମିସାକିତା ମାନାନ୍ ମାରି ୱାନିୱାଲେ ଆଇୱାରିଙ୍ଗ୍‌ ବା ମାରି ମିସା କିନି ଉଣ୍ତିଙ୍ଗ୍ ୱାନ୍‌ ମାଙ୍ଗିଁ ସେବା ଦାୟିତ୍‍ ସିତାମାନାନ୍‌ ।

కొలొసి 1:28

ଆୟାଉଣ୍ତିଙ୍ଗ୍‌ ମାପୁ ୱିଜେରି ଲାକ୍‌ତୁ କ୍ରିସ୍ତଙ୍ଗ୍‌ ପ୍ରଚାର୍‌ କିଜିନାପ୍‌, ମାରି ୱିଜୁ ଲୋକାଙ୍ଗ୍‌ ସେତେନା ମାରି ପୁରା ବୁଦି ୱାଲେ ସିକିୟା ସିଜିନାପ୍‌, ଏଣ୍ତେସ୍‌ ମାପୁ ୱିଜୁ ଲୋକାଙ୍ଗ୍‌ କ୍ରିସ୍ତଦି ୱାଲେ ମିସା କିଜି ଅରେନ୍‍ ପୁରାନେଗି ଲୋକ୍‌ ୱାଜା ମାପୁରୁଦି ଆଗ୍‌ଡ଼ି ତାତେଙ୍ଗ୍‌ ଆଟ୍‍ନାପ୍‍ ।

୧ ପିତର 3:18

ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌;