కొలొసి 1:13 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹³ ୱାନ୍‌ ମାଙ୍ଗିଁ ସିକାଟିଦି ସାକ୍ତିଦାନ୍‌ ଉଦାର୍‌ କିତାମାନାନ୍‌ ମାରି ତିର୍‌ତାନ୍‌ ମାଙ୍ଗିଁ ୱାନି ଲାଡ୍‍ତି ମାରିନ୍‌ତି ରାଜିଦୁ ତାତାମାନାନ୍‌,

Konda: కొండ బాసదు నెగ్గి కబ్రు

¹³ దేవుణు మఙి సయ్‌తాన్‌ అతికారం అడిఃగి సీకటుదు తొహె ఆతి బాణిఙ్‌ తప్రిస్తాండ్రె వాండ్రు ప్రేమిసిని వన్ని మరిన్ ‌అతికారం అడిఃగి మఙి తతాన్.

కొలొసి 1:13 Referans Kwoze

అపొస్తు 26:18

ନିଙ୍ଗିଁ ୱାରି କାଣୁକୁ ରେପିସ୍‌ କିନିକା ମାନାତ୍‌ ମାରି ୱାରିଙ୍ଗ୍‌ ସିକାଟିଦାନ୍‌ ଜାୟ୍‌ତୁ ମାରି ସୟତାନ୍‌ତି ମାଣାନ୍‌ ପ୍ରବୁଦି ଲାକ୍‌ତୁ ତାତେଙ୍ଗ୍‌ ପଡ଼ାନାତ୍‌, ଏଣ୍ତେସ୍‌ ନା ମାନୁ ବିସ୍‌ବାସ୍‌ କିନିମାଣୁକୁ ୱାରି ପାପ୍‌ କେମା ଆନାତ୍‌ ମାରି ମାପୁରୁଙ୍ଗୁଁ ଆସ୍‌କିତି ଲୋକା ମାନୁ ୱାର୍‌ ବାଡି ପୟ୍‌ନାର୍‌ ।

ଏପିସିୟ 5:8

ମିର୍‌ ନିଜେ ଅର୍‍ଲେନ୍‍ ସିକାଟିଦୁ ମାର୍ହିଦେର୍‍ । ମାତର୍‌ ଇଲେଇ ପ୍ରବୁଦି ଲୋକୁ ଆତିମାନିଙ୍ଗ୍‌ ମିର୍‌ ଜାୟ୍‌ତୁ ମାନିଦେର୍‍ । ଆଦେଙ୍ଗ୍‌ ମିର୍‌ ଜାୟ୍‌ତି କଡ଼ରି ୱାଜା ସାଲାବୁଲା ଆଦୁ ।

୧ ପିତର 2:9

ମିର୍‌ ଉନ୍‌ଡ୍ରି ଆସ୍‌କିଆୟ୍‌ଆତିମାନି କୁଟୁମ୍‌, ରାଜାଦି ଜାଜକ ଇଲୁ, ଉନ୍‌ଡ୍ରି ପବିତ୍ର ଜାତି ମାରି ମାପୁରୁଦି ନିଜେଦି ଲୋକୁ ଆତିମାନିଦେର୍‌ । ମାପୁରୁ ମିଙ୍ଗିଁ ସିକାଟିଦାନ୍‌ ନିଜେଦି କାବାଆନି ଜାୟ୍‌ତୁ କୁକ୍‌ତାମାନାନ୍‌ । ମିର୍‍ ୱାନି କାବାଆନି ପାଣି ୱିଜୁ ୱେର୍‍ତେଙ୍ଗ୍‍ ଇଜି କୁକାତିମାନିଦେର୍‍ ।

ଏପିସିୟ 6:12

ଇରିଙ୍ଗ୍‌ ମାଡ୍‌ ଦୁନିଆଦୁ ବାସାଜିମାନି ଲୋକା ବିରୁଦ୍‍ତାନ୍‍ ଜୁଦ୍‍ କିଇକା; ମାଡ୍‌ ୱାର୍‍ଇବାଦଡ଼୍‍ତି ତାଗ୍‍ଇ ସାକ୍ତି ମାରି ସିକାଟି ଜୁଗ୍‍ତି ସାସନ୍‌କିନିକାତ୍‍, ଅଦିକାରି ମାରି ୱିଜୁ ଦୁନିଆଦି ତାଗିଇ ଆତ୍ମିକ ସାକ୍ତି ବିରୁଦ୍‍ତାନ୍‍ ଜୁଦ୍‍ କିଜିନିକା ।

1దెస్స 2:12

ମାପ୍‌ ମିଙ୍ଗିଁ ସାସ୍‌ ସିତାମାର୍ହାପ୍‌, ସାନ୍ତି ସିତା ମାର୍ହାପ୍‌, ମାରି ମିର୍‌ ଏଣ୍ତେସ୍‌ ମାପୁରୁଦି ବଦା ବ୍ୟବ୍‌ହାର୍‌ କିଜି ୱାନି ରାଜି ମାରି ଗୌରବ୍‌ଦି ବାଗ୍‍ ଆନି ଉଣ୍ତିଙ୍ଗ୍‌ ୱାନି ମାଟା ମାନାଦେଙ୍ଗ୍‌ ଆଟ୍‌ନିଦେର୍‌, ଇୟାଉଣ୍ତିଙ୍ଗ୍‌ ୱେଡ଼ିକା ସିତାମାର୍ହାପ୍‌ ।

ଏପିସିୟ 4:18

ମାରି ୱାରି ମନ୍‍ ସିକାଟି । ମାପୁରୁ ସିତିମାନି ଜିବନ୍‌ତୁ ୱାରିନ୍ଦି ଇନିକା ମିସାଏତ୍‌ । ଇରିଙ୍ଗ୍‌ ୱାର୍‌ ପୁରା ବୁଦିସିଲିକାର୍‌ ମାରି ମାନାଇକାର୍‌ ।

ରୋମିୟ 14:17

ମାପୁରୁଦି ରାଜିଦି ତିନିକା ନି ଉଣିକା ସିଲେ । ଆକା ପବିତ୍ର ଆତ୍ମାଦି ମାଣାନ୍‌ ସିଆୟ୍‍ ଆତି ଦାର୍ମୁତିକା, ସାନ୍ତି ମାରି ୱେଡ଼ିକା ।

୧ ଜୋହନ 3:14

ମାପୁ ନେସ୍‌ନାପ୍‌ ଜେ, ଇଲେଇ ମାପୁ ସାନିତାନିଙ୍ଗ୍‌ ଜିଣାଜି ଜିବନ୍‌ ପୟ୍‌ତା ମାନାପ୍‌, ଇରିଙ୍ଗ୍‌ ମାପୁ ତଡ଼ାନ୍‌କାଙ୍ଗ୍‌ ଜିବନ୍‌ନୋଜିନାପ୍‌ । ଏନ୍‌ ଜିବନ୍‌ନୋଏନ୍‌, ୱାନ୍‌ ସାନି ଅଦିକାର୍‌ତାନ୍‌ ତେବାନାନ୍‌ ।

2కొరింతి 4:4

ୱାର୍‌ ବିସ୍‍ବାସ୍ କିଏରେ, ଇରିଙ୍ଗ୍‌ ୱାରି ମନ୍‍ତିଙ୍ଗ୍ ଇୟା ଦୁନିଆଦି ଦିୟାମ୍‌ କାଣା କିତାମାନାତ୍ । ଇସାବ୍‍ତାନ୍ ମାପୁରୁଦି ମୁର୍ତିଦି କ୍ରିସ୍ତଦି ମହିମାନ୍ନିତ ସୁସମାଚାର୍‌ତି ଜାୟ୍‌ ୱାରି ଲାକୁତୁ ସଲ୍‌ଏତ୍‍ନି ।

୧ ଜୋହନ 3:8

ଏନ୍‌ ପାପ୍‌ କିନାନ୍‌, ୱାନ୍‌ ସୟତାନ୍‌ତି ମାଣୁକୁ ଜନମ୍‌, ଇରିଙ୍ଗ୍‌ ସୟ୍‌ତାନ୍‌ ଜଗତ୍‌ ତିଆର୍‌ଆତି ଆଗ୍‌ଡ଼ିରାନ୍‌ନେ ପାପ୍‌ କିଜିୱାଜିନାତ୍‌ । ଆୟା ସୟ୍‌ତାନ୍‌ତି ପାଣିଦିଙ୍ଗ୍‌ ଦ୍ୱଂସ କିନି ଉଣ୍ତିଙ୍ଗ୍‌ ମାପୁରୁଦି ମାରିନ୍‌ ୱାତାନ୍‌ ।

యోహాను 5:24

ସତ୍‌ ସତ୍‌ ନାନ୍ ମିଙ୍ଗିଁ ଇଜିନା, ଏନ୍‌ ନା ବାକ୍ୟ ୱେନ୍‌ଜି ନା ପୋକ୍‍ତାତିୱାନିଙ୍ଗ୍‍ ବିସ୍‌ବାସ୍‌ କିନାନ୍, ୱାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପୟ୍‌ତାମାନାନ୍‌, ମାରି ୱାନ୍‌ ବିସାର୍‌ ଆଏଣ୍ତା ମାତର୍‌ ୱାନ୍‌ ସାନିତାନେଙ୍ଗ୍‍ ଜିଣାଜି ଜିବନ୍‌ତୁ ଡ଼ୁଗିତାମାନାନ୍‍ ।

୧ ଜୋହନ 2:8

ମାତର, ନାନୁ ପୁନି ମାଟା ମି ଲାକ୍‌ତୁ ରାସ୍‌ସିନା, ଇକା କ୍ରିସ୍ତଦିମାନୁ ନି ମିମାନୁ ସତ୍‌ ଇଜି ୱେଙ୍ଗେନାତ୍‌ । ଇରିଙ୍ଗ୍‌ ସିକାଟି ଗୁସାଜିସୋଲ୍‌ସିନାତ୍‌ ମାରି ସତ୍‌ତି ଜାୟ୍‌ ଇଲେ ତରିତାତ୍‌ନି ।

లూకా 13:24

ସିପଡ଼ି ସେର୍‍ଲା ସିଜି ଡ଼ୁଗୁଦେଙ୍ଗ୍‍ ତେରେପେତେ ଆଦୁ, ଇରିଙ୍ଗ୍‌ ନାନ୍ ମିଙ୍ଗିଁ ଇଜିନା, ୱିଜେରେ ଡ଼ୁଗୁଦେଙ୍ଗ୍‍ ଇଜି ବଦା କିନାର୍‌, ମାତର୍‌ ଆଟ୍‍ଏର୍‍ ।

ఎబ్రి 2:14

ୱାନ୍‌ ଏମେୱାରିଙ୍ଗ୍‌ କଡ଼ର୍‍ ଇଜି ମାନାତାମାନାନ୍‍, ୱାର୍‌ ନେତେର୍‍କାଣ୍ତା ମେନ୍ଦଲତି ଲୋକୁ ଆତିମାନିଙ୍ଗ୍‌ ଜିସୁ ବା ନିଜେ ୱାରି ୱାଜା ଲୋକା ମୁର୍ତି ନି ଗୁଣ୍‍ ଆସ୍‌ସି ୱାତାନ୍‌ । ୱାନ୍‌ ଇକା କିନି ମାଟା ଆଜିନାତ୍, ୱାନ୍‌ ଏଣ୍ତେସ୍ ନିଜେଦି ସାନି ମାଡ଼ାନ୍‍କୁ ସୟତାନ୍‍ତିଙ୍ଗ୍‌ ବିନାସ୍ କିନାନ୍, ଇରିଙ୍ଗ୍‍ଁ ସାନି ମୁସୁକୁ ସୟତାନ୍‍ତି ଅଦିକାର୍‌ ମାର୍‌ଆତ୍ ।

యోహాను 17:24

“ଏ ବୁବା, ନିନ୍‌ ନାଙ୍ଗିଁ ଏମେ ଲୋକାଙ୍ଗ୍‌ ସିତିମାନି, ନାନ୍ ଏମେମାନୁ ମାନା, ୱାନ୍‌ ବା ଏଣ୍ତେସ୍‌ ଆବେନ୍‌ ନା ୱାଲେ ମାନାର୍‌ ମାରି ଦୁନିଆ ତିଆର୍‌ଆତି ଆଗ୍‍ଡ଼ିରାନ୍‍ନେ ନିନ୍‌ ନାଙ୍ଗିଁ ଜିବନ୍‌ ନୋତିମାନିଙ୍ଗ୍‌ ନାଙ୍ଗିଁ ଆମା ଗୌରବ୍‌ ସିତିମାନି, ନା ଆୟା ଗୌରବ୍‌ ୱାର୍‌ ଏଣ୍ତେସ୍‌ ସୁଡ଼ୁନାଟ୍‌, ଇକା ନା ବଦା ।

లూకా 22:53

ନାନ୍ ଦିନାମି ମିୱାଲେ ମନ୍ଦିର୍‌ତୁ ମାନିୱାଲେ ମିର୍‌ ନା ବିରଦ୍‌ତାନ୍‌ କିୟୁ ପେର୍‍ଇତିଦେର୍‍, ମାତର୍‌ ଇକା ମି ସମୟ ମାରି ସିକାଟିଦି ସାସନ୍‍ ।”

మత్తయి 3:17

ତାନିୱେନ୍‍କା ମୁସ୍‌କୁପୁର୍‌ତାନ୍‌ ବଲ୍ ୱାତାତ୍‍, “ଇକାନ୍‌ ନା ଲାଡ୍‍ତି ମାରିନ୍‌, ୱାନିମାନୁ ନାନ୍ ୱେଡ଼ିକା ।”

మత్తయి 25:34

ନାସ୍ତିୱାଲେ ରାଜା ୱାନି ଉଣି ତରିନ୍‌ମାନି ଲୋକାଙ୍ଗ୍‌ ଇନ୍‌ନାନ୍‌, ରାଦୁ, ମିଙ୍ଗିଁ ନା ବୁବା ଆର୍ସିବାଦ୍‌ କିତାମାନାନ୍‌ । ମି ଉଣ୍ତିଙ୍ଗ୍‌ ଦୁନିଆଦି ତିଆର୍‌ଆତି ଆଗ୍‍ଡ଼ିରାନ୍‍ ଆମା ରାଜି ତିଆର୍‌ ଆତାମାନାତ୍‌, ରାଦୁ, ଆବେନୁ ଡ଼ୁଗୁଦୁ ।

ଏପିସିୟ 1:6

ମାପୁରୁଦି ଗୌରବ୍‌ ଦୟା ଉଣ୍ତିଙ୍ଗ୍‍ଁ ମାରି ୱାନି ଲାଡ୍‍ତି ମାରିନ୍‍ତିଙ୍ଗ୍‍ଁ ଆର୍‍ଏନେ ଦାନ୍‍ ୱାଜା ପୟ୍‍ତିମାନିଙ୍ଗ୍‍ଁ ସିଲେ, ମାପ୍‌ ମାପୁରୁଦି ଦନ୍ୟବାଦ କିଜିନାପ୍‍ ।

మత్తయి 17:5

ପିତର୍‌ ଇୟା ମାଟା ଇନିୱାଲେ ଖାଣ୍ତେକ୍‍ ବାଦଡ଼୍‍ ଇମ୍‌ଜି ୱାତା ଦୋ ୱାରିଙ୍ଗ୍‌ ବାଦଡ଼୍‍ତି ନିଡ଼୍‍ଗା ପିଡ଼ିକ୍‍ତାତ୍‍ ମାରି ଆବେଟ୍‌ତାନ୍‌ ଉନ୍‌ଡ୍ରି ବଲ୍ ୱାତାତ୍‍, “ଇୟାକାନ୍‌ ନା ଲାଡ୍‍ତି ମାରିନ୍‌, ୱେନିମାନୁ ନାନ୍ ନାଣ୍ତ ୱେଡ଼ିକା । ୱେନି ବାକ୍ୟ ୱେନ୍‌ଡ୍ରୁ ।”

యోహాను 3:35

ବୁବା ମାରିନ୍‌ତିଙ୍ଗ୍‌ ଜିବନ୍‌ନୋନାନ୍‌, ମାରି ୱିଜୁ ବିସୟ୍‌ ୱାନି କିୟୁଦୁ ସର୍ପେ କିତାମାନାର୍‌ ।

2కొరింతి 11:14

ମାରି ଇକା କାବାଆନିକା ଇନିକା ସିଲେତ୍‌, ମାତର୍‌ ସୟତାନ୍ ବା ଜାୟ୍‌ତି ମୁସ୍‌କୁପୁର୍‌ତି ଦୁତ୍‍କା ୱାଜା ତରାନି ଉଣ୍ତିଙ୍ଗ୍‌ ରୁପ୍‌ ବାଦ୍‌ଲେକିଜିନାତ୍ ।

ଏପିସିୟ 5:5

ଇକା ସତ୍‍ ଇଜି ନେସ୍‍ସୋ ମାନ୍‍ଡ୍ରୁ, ଏମେକାର୍‌ ଦାରିଏନ୍‍, ତାଗ୍‍ଇକାନ୍‍ ମାରି ଲୋବ୍ରା, ନାଣ୍ତ ଲୋବ୍ରା ଆନିକାନ୍‍ ବମା ପୁଜା କିନି ସାମାନ୍‍, ୱାନ୍‌ ଏସାଙ୍ଗ୍‍ବା କ୍ରିସ୍ତଦି ନି ମାପୁରୁଦି ରାଜିଦି ଅଦିକାରି ଆଏନ୍‍ ।