అపొస్తు 5:14 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁴ ମାତର୍‌ ପ୍ରବୁମାନୁ ବିସ୍‌ବାସ୍‌ କିଜିମାନି ନାଣ୍ତ ଆଇମେକ୍‍ ନି ମେମାରିର୍‍ ଦଲ୍‍ତୁ ଡ଼ୁଗିତାର୍‍ ମାରି ଆୟା ବିସ୍‍ବାସି ଦଲ୍‌ ଦିନ୍‍ତିଙ୍ଗ୍‍ ଦିନ୍‌ ପିର୍‌ଦେଙ୍ଗ୍‌ ଆସ୍‌ତାର୍‌ ।

Konda: కొండ బాసదు నెగ్గి కబ్రు

¹⁴ గాని నండొ లోకుర్, మొగ్గకొడొఃర్, అయ్‌లికొడొఃక్‌ యేసుఙ్‌ నమ్మిత్తారె నమ్మిత్తి వరివెట కూడిఃతార్.

అపొస్తు 5:14 Referans Kwoze

అపొస్తు 2:47

ମାପୁରୁଦି ଦନ୍ୟବାଦ୍‌ କିଜି ୱିଜେରେ ଲୋକା ୱାଲେ ନେଗି ୱେଡ଼ିକା କିତାର୍‍ । ମାରି ପ୍ରବୁ ରକିୟା ପୟ୍‌ନି ଲୋକାଙ୍ଗ୍‌ ୱିଜୁଦିନ୍‌ ୱାରି ଦଲ୍‍ତୁ ମିସା କିଦେଙ୍ଗ୍‌ ଆସ୍‌ତାନ୍‌ ।

ଗାଲାତିୟ 3:28

ଆଦେଙ୍ଗ୍‍ଁ ଜିହୁଦି ନି ଅଣଜିହୁଦି, କଟିସାକର୍‌ ନି ମୁକ୍‍ଡ଼ାତି ଲୋକୁ, ମେମାରି ବା ଆଇମା ଲୋଇ ମାରି ଇନି ୱେର୍‍ଏ ସିଲେ । ମିର୍‍ ୱିଜେରେ ଜିସୁ କ୍ରିସ୍ତଦି ୱାଲେ ଜଡ଼ାଜି ଉନ୍‍ଣ୍ତ୍ରେମାନୁ ଆତିମାନିଦେର୍‍ ।

అపొస్తు 22:4

ନାନୁ ଇୟା ସାରିଦୁ ସନି ଲୋକା ମୁସ୍‌କୁ ଜାଟି କିଜି ୱାରିଙ୍ଗ୍‍ଁ ଜିବନ୍‌ତୁ ଡାକ୍‍ସି ମାର୍ହା । ମେମାରି ନି ଆଇମା ୱିଜେରିଙ୍ଗ୍‍ଁ ତର୍‌ସି ଜଇଲ୍‌ତୁ ଅସି ମାର୍ହା ।

అపొస్తు 9:42

ଇୟା କାବୁର୍‌ ଜପାଦି ୱିଜୁ ତରିନ୍‌ ୱେଙ୍ଗିଁତାତ୍‌ ମାରି ନାଣ୍ତ ଲୋକୁ ପ୍ରବୁଙ୍ଗ୍ଁ ବିସ୍‌ବାସ୍‌ କିତାର୍‍ ।

అపొస్తు 9:35

ଇକା ସୁଡ଼୍‌ଜି ଲୁଦା ନି ସାରୋଣଦୁ ବାସାକିଜିମାନି ଲୋକୁ ୱିଜେରେ ପ୍ରବୁଦି ଲାକ୍‌ତୁ ଡ଼େସି ୱାତାର୍‌ ।

అపొస్తు 9:31

ଜିହୁଦା, ଗାଲିଲି ମାରି ସମିରୋଣଦୁ ମାନି କ୍ରିସ୍ଟିୟାନ୍‍ ମଣ୍ତଲିଙ୍ଗାଁ ଉଣ୍ତିଙ୍ଗ୍‌ ଆୟା ସମୟ୍‍ତି ଦିନ୍‌ ସାନ୍ତି ମାର୍ହାତ୍‌, ମାରି ପବିତ୍ର ଆତ୍ମାଦି ସାକ୍ତିଦାନ୍ ୱାରି ଲୋକୁ ନାଣ୍ତ ଆତାର୍‌ ମାରି ୱାର୍‌ ଡାଟ୍‍ ଆତାର୍‌ । ବିସ୍‍ବାସିର୍‍ ପ୍ରବୁଦି ଉଣ୍ତିଙ୍ଗ୍‌ ମାନାଜି ଜିବନ୍‌ କାଟେ କିତାର୍‍ ।

అపొస్తు 9:2

ମାରି ଦାମାସ୍‍କସ୍‍ତି ପାର୍‍ତନାକିନି ଇଲ୍‌କାଙ୍ଗ୍‌ ପ୍ରବୁଦି ୱାଲେ ବୁଲାନିୱାରିଙ୍ଗ୍‍ ପୟ୍‌ତିଙ୍ଗ୍‌ ତର୍‌ସି ଜିରୁସାଲାମ୍‍ତୁ ଆସ୍‌ସି ତାତେଙ୍ଗ୍‌ ଇଜି ପେରି ଜାଜକରି ମାଣାନ୍‌ ସାରି ସିନି ଆକୁ ଲୋସ୍‍ତାନ୍‍ ।

అపొస్తు 8:12

ମାତର୍‌ ପିଲିପ୍‍ପତି ମାଣ୍‌କୁ ମାପୁରୁଦି ରାଜି ମାରି ଜିସୁ କ୍ରିସ୍ତଦି ବିସୟ୍‌ତାନ୍‌ ସୁସମାଚାର୍‌ ୱେନ୍‌ଜି, ଆୟାବାନୁ ଲୋକା ବିସ୍‌ବାସ୍‌ ଆତାତ୍‌ ମାରି ଆୟା ରାଜିଦି ଆଇମା ମେମାରି ୱିଜେରେ ଡୁବନ୍‌ ଅତାର୍‌ ।

అపొస్తు 8:3

ମାତର୍‌ ସାଉଲ ମଣ୍ତଲିଦିଙ୍ଗ୍‍ ଦଂସ କିଦେଙ୍ଗ୍‌ ସେସ୍ଟା କିତାନ୍‌, ଇଲୁ ଇଲୁଦୁ ସଲ୍‍ସି କ୍ରିସ୍ତ ବିସ୍‍ବାସି ମେମାରି, ଆଇମା ୱିଜେରିଙ୍ଗ୍‍ ରେଲ୍‌ଜି ତାସି ଜଇଲ୍‌ତୁ ଇଟ୍‌ତାନ୍‌ ।

అపొస్తు 6:7

ଇୟାୱାଜା ମାପୁରୁଦି ବାକ୍ୟ ପ୍ରଚାର୍‌ କିତାର୍‍ । ଜିରୁସାଲାମ୍‍ତୁ ସିସୁରି ଦଲ୍‌ ନାଣ୍ତଦାନ୍‌ ନାଣ୍ତ ପିର୍‌ଦେଙ୍ଗ୍‌ ଆସ୍‌ତାର୍‌; ନାଣ୍ତ ଜାଜକର୍‌ ବା କ୍ରିସ୍ତ ବିସ୍‌ବାସ୍‌ସିର୍‌ ଆତାର୍‌ ।

అపొస్తు 4:4

ମାତର୍‌ ୱାରି ସିକିୟା ୱେର୍‍ଇମାର୍ହି ନାଣ୍ତ ଲୋକୁ ଆବେନୁ ବିସ୍‌ବାସ୍‌ କିତାର୍‍ ମାରି ୱାରି ସଂଖ୍ୟା ପିର୍‌ଜି ପାସ୍‌ ହାଜାର୍‌ ଆତାତ୍‌ ।

అపొస్తు 2:41

ୱାରି ଲୋଇ ନାଣ୍ତ ଲୋକୁ ୱାନି ମାଟାଦୁ ବିସ୍‌ବାସ୍‌ କିଜି ଡୁବନ୍‌ ଅତାର୍‌ । ଆୟା ନାଣ୍ତିଙ୍ଗ୍ ତିନି ହାଜାର୍‌ ଲୋକୁ ଦଲ୍‍ତୁ ମିସାତାର୍‍ ।

అపొస్తు 11:24

ବର୍ଣ୍ଣବାସ୍‍ ପବିତ୍ର ଆତ୍ମା ନି ବିସ୍‌ବାସ୍‌ତୁ ପୁରାଆତି ଅରେନ୍‌ ନେଗି ଲୋକୁ ମାର୍ହାନ୍‍ । ୱାନି ପ୍ରଚାର୍‌ତାନ୍‍ ନାଣ୍ତ ଲୋକୁ ପ୍ରବୁଦି ଲାକ୍‌ତୁ ୱାତାର୍‌ ।

2కొరింతి 6:15

କ୍ରିସ୍ତ ମାରି ସୟତାନ୍ ଏଣ୍ତେସ୍ ଉଣ୍ତ୍ରେ ମାଟା ଆନାର୍ ? ବିସ୍‍ବାସି ୱାଲେ ଅବିସ୍‍ବାସି ଏମେ ବିସୟ୍‍ତୁ ଉଣ୍ତ୍ରେ ମାଟା ଆଦେଙ୍ଗ୍‌ ଆଟ୍‍ନାର୍‍ ?