అపొస్తు 4:29 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁹ ପ୍ରବୁ, ଇଲେଇ ୱାର୍‌ ମାଙ୍ଗିଁ ଏମେ ଆଦ୍‍ରିସ୍‍ କିତାମାନାର୍‍, ନିନ୍‌ ଆୟା ବିସୟ୍‌ତାନ୍‌ ମନ୍‍ ସିଆ ମାରି ସାହାସ୍‍ତାନ୍‍ ନି ବାକ୍ୟ ପ୍ରଚାର୍‌ କିଦେଙ୍ଗ୍‌ ଇଜି, ନି ଇୟା ଦାସ୍‍ରିଙ୍ଗ୍‍ ସାକ୍ତି କିଆ ।

Konda: కొండ బాసదు నెగ్గి కబ్రు

²⁹ ఏలు ప్రబువా, వారు మఙి బద్రిసిని దన్నిఙ్ ‌సుడ్ఃఅ. మీ సేవ కినికార్‌ ‌ఆతి మాపు నండొ దయ్‌రమ్‌దాన్‌ ‌నీ మాటెఙ్‌ బోదిస్తెఙ్‌ మఙి సత్తు సిదా.

అపొస్తు 4:29 Referans Kwoze

అపొస్తు 4:13

ପିତର ନି ଜୋହନ ପଡ଼ାଇକାର୍‍ ମାରି ସାମାନ୍‌ତି ଲୋକୁ ଇଜି ପେରି ମିଟିଙ୍ଗ୍‍ତି ଜିହୁଦି ନେତାର୍‌ ନେସ୍‍ତାମାର୍ହାର୍‍ । ଆଦେଙ୍ଗ୍‌ ୱାରି ସାସ୍‌ ସୁଡ଼ୁଜି ୱାର୍‌ କାବାଆତାର୍‌ । ମାରି ୱାର୍‌ ନେସ୍‍ତାମାର୍ହାର୍‍, ଆୟା ରିଏର୍‌ ଜିସୁଦି ୱାଲେ ମାର୍ହାର୍‌ ।

అపొస్తు 14:3

ଆତିଙ୍ଗ୍‍ବା ପ୍ରେରିତ ସିସୁର୍‍ ପ୍ରବୁଦି ବିସୟ୍‌ତାନ୍‌ ଆଟ୍‍ୱାଦାନ୍‍ ପ୍ରଚାର୍‌ କିଜି ନାଣ୍ତ ଦିନ୍‌ ଆବେ ତେବାତାର୍‌ । ସାକ୍ତିଦି ପାଣି ନି କାବାଆନି ପାଣିୱିଜୁ କିନି ମାଣ୍‌କୁ ୱାର୍‌ ପାର୍‌ମାଣ୍‌ କିତାର୍‍ ଜେ, ମାପୁରୁଦି ଦୟା ବିସୟ୍‌ତାନ୍‌ ୱାରି ପ୍ରଚାର୍‌ ଆତି ମାଟା ସତ୍‍ତାନ୍‍ ସତ୍‌ ।

ପିଲିପିୟ 1:14

ମାତର୍‌ ନାନ୍‌ ଜଇଲ୍‍ତୁ ମାନିଙ୍ଗ୍‌ ଏସଲୋକ୍‌ ତଡ଼ାନ୍‌କୁ ନି ତାଙ୍ଗିଁକି ପ୍ରବୁଦି ଉଣ୍ତିଙ୍ଗ୍‌ ନାଣ୍ତ ବିସ୍‌ବାସ୍‌ କିତାମାନାର୍‌, ମାରି ଇୟାଉଣ୍ତିଙ୍ଗ୍‌ ତିଲାଏଣ୍‌ଗା ମାପୁରୁଦି ବାକ୍ୟ ପ୍ରଚାର୍‌ କିଦେଙ୍ଗ୍‌ ୱାର୍‌ ସାହାସ୍‌ ପୟ୍‌ତାମାନାର୍‌ ।

అపొస్తు 4:31

ୱାର୍‌ ପାର୍‌ତନା ୱିସ୍‌ତି ୱେନ୍‌କା ଏମେ ବାଡିଦୁ ଉଣ୍ତାତା ମାର୍ହାର୍‌, ଆକା ଦୁଙ୍ଗିଁତା ସର୍ହାତ୍‍ । ୱାର୍‌ ୱିଜେରେ ପବିତ୍ରଆତ୍ମାଦୁ ପୁରା ଆତାର୍‌ ମାରି ସାହାସ୍‍ତାନ୍‍ ମାପୁରୁଦି ବାକ୍ୟ ପ୍ରଚାର୍‌ କିଦେଙ୍ଗ୍‌ ଆସ୍‌ତାର୍‌ ।

2తిమోతి 4:17

ମାତର୍‌ ମାପୁରୁଦି ୱାଲେ ଏତ୍‌କିଜି ଅଣଜିହୁଦିରି ମାନୁ ନେଗିକାବୁର୍‌ ପ୍ରଚାର୍‌ କିନି ଉଣ୍ତିଙ୍ଗ୍‌ ନାନ୍‌ ନାଣ୍ତ୍‌ ସାକ୍ତି ପୟ୍‌ତାମାନା ମାରି ନାନ୍‌ ପାର୍ଟାନରେସ୍‌ତି ୱେୟୁଦାନ୍‌ ବା ରକିୟା ପୟ୍‌ତାମାନା ।

అపొస్తు 28:31

ଦର୍ଜ ନି ସାହାସ୍‍ତି ୱାଲେ ୱାନ୍‌ ମାପୁରୁଦି ରାଜି ବିସୟ୍‌ତାନ୍‌ ପ୍ରଚାର୍‌ କିଜି ପ୍ରବୁ ଜିସୁ କ୍ରିସ୍ତଦି ବିସୟ୍‌ତାନ୍‌ ସିକିୟା ସିଜି ମାର୍ହାନ୍‍ ।

అపొస్తు 19:8

ୱେନ୍‌କା ପାଉଲ ଜିହୁଦିରି ପାର୍‌ତନା ଇଲୁଦୁ ଡ଼ୁଗୁଜି ମୁନ୍‍ଣ୍ତ୍ରି ଲେଜ୍‌କୁ ସାନ୍ଦି ସାହାସ୍‍ତାନ୍‍ ମାପୁରୁଦି ରାଜି ବିସୟ୍‌ତାନ୍‌ ୱେର୍‌ସି ବିସ୍‌ବାସ୍‌ କିବିସ୍‍ କିଦେଙ୍ଗ୍‍ଁ ସେସ୍ଟା କିଦେଙ୍ଗ୍‍ଁ ଆସ୍‌ତାନ୍‌ ।

అపొస్తు 13:46

ମାତର୍‌ ପାଉଲ ନି ବର୍ଣ୍ଣବା ମାରି ନାଣ୍ତ ଆଟ୍‍ୱାଦାନ୍‍ ଇର୍ହାର୍‌, ମି ଲାକ୍‌ତୁ ପାର୍‌ତୁମ୍‌ ମାପୁରୁଦି ବାକ୍ୟ ପ୍ରଚାର୍‌ ଆନିକାମାର୍ହାତ୍‍ । ମାତର୍‌ ମିର୍‌ ଏସାଙ୍ଗ୍‌ୱିଜ୍‍ଇ ଜିବନ୍‌ ପୟ୍‍ଦେଙ୍ଗ୍‍ଁ ଇଜି ନିଜେଦିଙ୍ଗ୍‍ଁ ଜଗ୍‌ ସିଲିକା ଅଡ଼୍‍ବିଜି ତେନିଙ୍ଗ୍‍ଁ ବିସାର୍‌ କିତିମାନିଙ୍ଗ୍‍ଁ, ମାପ୍‌ ମିଙ୍ଗିଁ ଡ଼ିସ୍‌ସି ଅଣଜିହୁଦିରି ମାନୁ ସନାପ୍‌ ।

అపొస్తు 9:27

ମାତର୍‌ ବର୍ଣ୍ଣବା ୱାନିଙ୍ଗ୍‌ ପ୍ରେରିତ ସିସୁରି ଲାକ୍‌ତୁ ଅସି ଦାମାସ୍‍କସ୍‍ ସାରିଦୁ ସାଉଲ ଏଣ୍ତେସ୍‌ ପ୍ରବୁଦି ଦର୍ସନ୍‍ ପୟ୍‍ତାମାର୍ହାନ୍‍ ମାରି ପ୍ରବୁ ଏଣ୍ତେସ୍‌ ୱାନିଙ୍ଗ୍‌ ମାଟା ଇର୍ହାମାର୍ହାନ୍‌, ଇୟାୱିଜୁ ବିସୟ୍‌ ୱାରିଙ୍ଗ୍‌ ବୁଜାକିଜି ଇର୍ହାନ୍‌ । ଦାମାସ୍‍କସ୍‍ତୁ ଜିସୁଦି ଦର୍‌ତାନ୍‌ ସାଉଲ ଏଣ୍ତେସ୍‌ ତିଲାଏଣ୍ତା ପ୍ରଚାର୍‌ କିତାମାର୍ହାନ୍‌, ୱାରିଙ୍ଗ୍‌ ନେଗେନ୍‌ କିଜି ବୁଜାକିଜି ଇର୍ହାନ୍‌ ।

1దెస్స 2:2

ତେସଲ୍‌ନିକାଦୁ ମି ଲାକ୍‌ତୁ ୱାନିଆଗ୍‌ଡ଼ି ପିଲିପିତୁ ମା ଉଣ୍ତିଙ୍ଗ୍‌ ଏଣ୍ତେସ୍‌ ତାଗ୍‌ଇ ବ୍ୟବହାର୍ ମାରି ନିନ୍ଦା କିଆୟ୍‌ଆତାମାର୍ହାର୍‌, ଆକା ମିର୍‌ ନେସ୍‌ନିଦେର୍‌ । ମାରିବା ନାଣ୍ତ୍‌ ବିରୋଦ୍‌ କିତିଙ୍ଗ୍‌ବା, ମାପୁରୁଦିମାଣାନ୍‌ ପୟ୍‌ତିମାନି ସୁସମାଚାର୍‌ ମିଙ୍ଗିଁ ୱେର୍‌ନି ଉଣ୍ତିଙ୍ଗ୍‌ ୱାନ୍‌ ମାଙ୍ଗିଁ ବପୁ ସିତାମାର୍ହାନ୍‌ ।

అపొస్తు 4:21

ମାତର୍‌ ଜିହୁଦିର୍‌ ପେରି ମିଟିଙ୍ଗ୍‍ତୁ ଲୋକୁ ୱାରିଙ୍ଗ୍‌ ମାରି ଡାଟ୍‍ତାନ୍‌ ଆଦ୍‌ରିସ୍‌କିଜି ଡ଼ିସ୍‍ତା ସିତାର୍‍ । ୱାରିଙ୍ଗ୍‌ ଦଣ୍ଡ୍‌ ସିନିକା ଆଏତ୍‌ ଇଜି ୱାର୍‌ ନେସ୍‌ତେଙ୍ଗ୍‌ ଆଟ୍‌ତାର୍‌, ଇରିଙ୍ଗ୍‌ ଆୟାଗଟନା ଉଣ୍ତିଙ୍ଗ୍‌ ଲୋକୁ ୱିଜେରେ ମାପୁରୁଦି ଦନ୍ୟବାଦ୍‌ କିଜିମାର୍ହାର୍‍ ।

అపొస్తు 26:26

ରାଜା ଆଗ୍ରିପା ! ନିନୁ ଇୟାୱିଜୁ ବିସୟ୍‌ ନେସ୍‌ତିମାନିଙ୍ଗ୍‌ ନାନ୍‌ ନି ଆଗ୍‌ଡ଼ି ଇୟା ମାଟା ୱେର୍‌ତେଙ୍ଗ୍‌ ସାହାସ୍‌ କିଜିନା, ନାନୁ ପୁରା ନେସ୍‌ନା ଜେ, ଇୟାୱିଜୁ ବିସୟ୍‌ ନିଙ୍ଗିଁ ଜାଣାମାନାତ୍‌, ଇରିଙ୍ଗ୍‌ ନେସ୍‌ଇ ବାଡିଦୁ ନେସ୍‌ଇ ୱାଜା ଇୟା ବିସୟ୍‌କୁ ଗଟାଉଁ ।

అపొస్తు 9:28

ଇୟା ୱେନ୍‌କା ସାଉଲ ପ୍ରେରିତ ସିସୁରି ୱାଲେ ତେବାତାନ୍‌ ମାରି ଜିରୁସାଲାମ୍‌ତି ସାରିବେଡ଼୍‍ତି ସଲ୍‍ସି ସାହାସ୍‍ତାନ୍‍ ପ୍ରବୁଦି ଦର୍‌ତାନ୍‌ ପ୍ରଚାର୍‌ କିତାନ୍‌ ।

2కొరింతి 3:12

ଆୟା ଆସା ମାନିଙ୍ଗ୍ ମାଡୁ ନାଣ୍ତ ସାହାସ୍ ।

1కొరింతి 14:13

ଏନ୍‌ ଆଇ ବାସାଦାନ୍ ୱାର୍‌ଗିନାନ୍‌, ୱାନ୍‌ ଇୟାତାନି ଅର୍ତ ୱେର୍‍ତେଙ୍ଗ୍‍ ଦାନ୍‌ ପୟ୍‌ଦେଙ୍ଗ୍‌ ପାର୍‌ତାନା କିପିନ୍ ।