అపొస్తు 3:20 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁰ ମାରି ପ୍ରବୁଦି ମାଣାନ୍‌ ମିର୍‌ ଆତ୍ମିକ ସାକ୍ତି ପୟ୍‌ନିଦେର୍‌ । ମାପୁରୁ ମି ଉଣ୍ତିଙ୍ଗ୍‌ ଆଗ୍‌ଡ଼ିରାନ୍‌ ବାସେଆତିମାନି ମସିହ ଜିସୁଙ୍ଗୁଁ ପକ୍‍ନାନ୍‍ ।

అపొస్తు 3:20 Referans Kwoze

ప్రకటన 1:7

ସୁଡୁଦୁ, ୱାନ୍‌ ବାଦଡ଼୍‌ତାନ୍‌ ୱାଜିନାନ୍ ଦୁନିଆଦି ଲୋକୁ ୱିଜେରେ ୱାନିଙ୍ଗ୍‌ ସୁଣାର୍‍; ଇୟାୱାଜାନେ ଆମାକାର୍ ୱାନିଙ୍ଗ୍‌ ଡାକ୍‌ତା ମାର୍‌ଆର୍‌, ୱାନ୍‌ ବା ୱାନିଙ୍ଗ୍‌ ସୁଡ଼ୁଜି ତିଲାଜି ଆଡ୍‌ବାନାର୍ । ଇୟାୱିଜୁ ପୁରା ଗଟାନାତ୍ ଆମେନ୍‍ ।

2దెస్స 2:8

ତାନେୱେନ୍‌କା ଆୟା ତାଗ୍‌ଇ ଦୁବା ଇଗାୱାନାତ୍‌; ମାତର୍‌ ଏସ୍ତିୱାଲେ ପ୍ରବୁ ଜିସୁ ୱାନାନ୍, ୱାନ୍‌ ୱାନି ୱେୟୁଦି ପୁଣ୍ତାଦାନ୍‌ ତାନିଙ୍ଗ୍‌ ଜୁଦ୍‌ କିନାନ୍‌, ମାରି ୱାନି ଜାୟ୍‌ତି ଆଗ୍‌ଡ଼ି ୱାନ୍‌ ଦଂସ୍‌ ଆନାନ୍‌ ।

2దెస్స 2:2

ପ୍ରବୁଦି ଦିନ୍‌ ୱାତାତ୍‌ନି ଇଜି ଏମାଣାନ୍‌ ୱେନ୍‌ଞ୍ଜି ମିର୍‌ ଇନ୍‌ଙ୍ଗାଁଆନିଙ୍ଗାଁ ମାରି ବେମ୍ରି ଆମାଟ୍‌ । ମାପ୍‌ ପ୍ରଚାର୍‍ କିନିୱାଲେ ଇୟାୱାଜା ଇନି ମାଟା ୱେର୍‌ତାମାନାପ୍‌ ମାରି ଇୟା ବିସୟ୍‌ତାନ୍‌ ଇନିକା ରାସ୍‌ସି ୱେର୍‌ତାମାନାପ୍‌ ଇଜି ଏସଲୋକାଙ୍ଗ୍‌ ଏତ୍‌ ମାନାତ୍‌ ।

లూకా 19:11

ଲୋକୁ ଇୟା ମାଟା ୱିଜୁ ୱେନିୱାଲେ ଜିସୁ ମାରି ଉଣ୍ତ୍ରି କାତା ୱେର୍‌ତାନ୍‌, ଇରିଙ୍ଗ୍‌ ୱାନ୍‌ ଜିରୁସାଲାମ୍‍ ଲାକ୍‌ତୁ ଇତା ମାର୍‌ଆନ୍‌ ମାରି ମାପୁରୁଦି ରାଜି ଦାପ୍ରେନେ ୱାନାତ୍‌ ଇଜି ୱାର୍‌ ଅଡ଼୍‍ବିଜି ମାର୍‌ଆର୍‌ ।

ఎబ్రి 9:28

ଆୟାୱାଜା ୱିଜୁଲୋକା ଉଣ୍ତିଙ୍ଗ୍‌ ପାପ୍ ଆକ କିଦେଙ୍ଗ୍ କ୍ରିସ୍ତ ଉନ୍‍ଣ୍ତ୍ରେ ଦେବାଦି ଉଣ୍ତିଙ୍ଗ୍ ବଲି ୱାଜା ସିଆୟ୍‍ ଆତାନ୍ । ୱାନ୍‌ ମାରିଉଣ୍ତ୍ରି ଦେବା ୱାନାନ୍ । ନାସ୍ତିୱାଲେ ମାରି ପାପ୍‍ତି ଜୁଦ୍‍ କିନି ଉଣ୍ତିଙ୍ଗ୍‌ ୱାନ୍‌ ରେଏନ୍‍ । ୱାନ୍‌ ୱାନାନ୍, ୱାନି ଉଣ୍ତିଙ୍ଗ୍‌ କାପ୍‍କିଜିମାନି ଲୋକାଙ୍ଗ୍ ଉଦ୍ଧାର୍‌ କିନି ଉଣ୍ତିଙ୍ଗ୍‌ ୱାନାନ୍‌ ।

అపొస్తు 17:31

ୱାନ୍‌ ଉନ୍‍ଣ୍ତ୍ରି ଦିନ୍‌ ତିର୍‌ କିତାମାନାନ୍‌ । ଆୟା ଦିନ୍‌ ୱାନ୍‌ ୱାନି ବାସେଆତି ଲୋକ୍‌ତି ମାଣାନ୍‌ ୱିଜୁ ଦୁନିଆଦି ନ୍ୟାୟ୍‌ ବିସାର୍‌ କିନାନ୍‌ । ଆୟା ଲୋକ୍‌ତିଙ୍ଗ୍‌ ସାତିମାଣାନ୍‌ ନିକ୍‍ତି ମାଣାନ୍‌ ୱାନ୍‌ ଇୟା ମାଟାଦି ସତ୍‍ ୱିଜେରରିଙ୍ଗ୍‍ଁ ୱେର୍‍ତା ମାନାନ୍‌ !

లూకా 21:27

ନାସ୍ତିୱାଲେ ଲୋକୁ ମନୁସ୍ୟପୁତ୍ରଦିଙ୍ଗ୍‍ ନାଣ୍ତ ସାକ୍ତିଦାନ୍‍ ମାରି ନାଣ୍ତ ମହିମାଦି ୱାଲେ ବାଦଡ଼୍‍ତାନ୍‍ ୱାନିକା ସୁଣାର୍‍ ।

మార్కు 13:26

ନାସ୍ତିୱାଲେ ଲୋକୁ ୱିଜୁ ମନୁସ୍ୟପୁତ୍ରଦିଙ୍ଗ୍‌ ଜେ ନାନ୍ ପେରି ସାକ୍ତିଦାନ୍‍ ମାରି ମହିମାଦାନ୍‌ ବାଦଡ଼୍‍ତାନ୍‍ ୱାନିକା ସୁଡ଼ୁନାର୍‌ ।

మత్తయి 24:3

ଜିସୁ ଜିତ ଗରନ୍‌ ମୁସ୍‌କୁ ବାସ୍‌ତି ମାରିଇୱାଲେ ସିସୁର୍‍ ୱାନି ଲାକ୍‌ତୁ ନେସ୍‌ଇୱାଜା ୱାଜି ୱେନ୍‌ବାତାର୍‌, “ଇୟାୱିଜୁ ଏସ୍‌କାଙ୍ଗ୍‌ ଗଟାନାତ୍‌, ଆକା ମାଙ୍ଗିଁ ଇନିଆ । ଇନିକା ଗଟାତିଙ୍ଗ୍‌ ମାପ୍‌ ନେସ୍‌ନାପ୍‌ ଜେ ନିନ୍‌ ୱାନି ବେଡ଼ା ଆତାତ୍‌ନି ମାରି ଇୟା ଜୁଗ୍‌ସେସ୍‌ ଆନାତ୍‌ ।”

మత్తయి 16:27

ମନୁସ୍ୟପୁତ୍ର ବୁବା ମାପୁରୁଦି ମାଣାନ୍‌ ଗୌରବ୍‍ ନି ମୁସ୍‌କୁପୁର୍‌ତି ଦୁତ୍‌କାୱାଲେ ମାରିଡ଼େସି ୱାନାନ୍‌ । ନାସ୍ତିୱାଲେ ୱାନ୍‌ ୱିଜୁ ଲୋକାଙ୍ଗ୍‌ ୱାନି କିତିମାନି ପାଣି ଇସାବ୍‌ତାନ୍‌ ପଲ୍‌ସିନାନ୍‌ ।

అపొస్తు 3:19

ମାରି ଅନୁତାପ୍‍ କିଜି ମାପୁରୁ ତରିନ୍‌ ଡ଼େସି ରାଦୁ । ଆରିଙ୍ଗ୍‌ ୱାନ୍‌ ମି ପାପ୍‌ କେମା କିନାନ୍‌ ।

అపొస్తు 3:21

ପୁର୍ବେକାଡ଼ାଦି ପବିତ୍ର ବାବବାଦି ମାଣ୍‌କୁ ମାପୁରୁ ୱେର୍‌ତି ଇସାବ୍‌ତାନ୍‌ ୱିଜୁ ବିସୟ୍‌ତି ପୁନିକା ଆନି ସାନ୍ଦି ୱାନ୍‌ ମୁସ୍‌କୁପୁର୍‌ତୁ ତେବାନାନ୍‌ ।