అపొస్తు 26:16 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁶ ମାତର୍‌ ନିଙ୍ଗିଁଆ, ନିଙ୍ଗିଁନା ସେବାକିନି ୱାଜା ଆସ୍‌କିନି ଉଣ୍ତିଙ୍ଗ୍‌ ନାନ୍‌ ନିଙ୍ଗିଁ ତରାୟ୍‌ଆତାମାନା । ନେରୁ ମିରୁ ନା ବିସୟ୍‌ତାନ୍‌ ଆମାକା ସୁଡ଼ୁତିଦେର୍‌ ମାରି ୱାଜିନିଦିନ୍‌ତୁ ନାନ୍‌ ନିଙ୍ଗିଁ ଆମାକା ତର୍‌ନା, ଆୟା ବିସୟ୍‌ତାନ୍‌ ନିନ୍‌ ଆଇୱାରିଙ୍ଗ୍‌ ୱେର୍‌ନି ।

Konda: కొండ బాసదు నెగ్గి కబ్రు

¹⁶ ‘ఏలు నిఙ్‌జి నిల్‌అ. నాను ఎందనిఙ్‌ నిఙి తోరె ఆత ఇహిఙ, నావందిఙ్‌ ‌పణి కిదెఙ్, నావందిఙ్‌ నేండ్రు సుడ్ఃతికెఙ్‌ విజెరిఙ్‌ ‌వెహ్సి, వాని కాలమ్‌దు నాను నిఙి తోరిస్నికెఙ్‌ విజేరిఙ్‌‌ వెహ్సి నఙి ఉండ్రి సాసివజ మండ్రెఙ్‌ నిఙి నాను ఏర్‌పాటు కిజిన.

అపొస్తు 26:16 Referans Kwoze

1తిమోతి 1:12

ନା ଦାଇତ୍‌ କିଦେଙ୍ଗ୍‌ ନାଙ୍ଗିଁ ଦୟା କିତିମାନିଙ୍ଗ୍‌ ମା ପ୍ରବୁ ଜିସୁ କ୍ରିସ୍ତଙ୍ଗ୍‌ ଦନ୍ୟବାଦ୍‌ ସିଜିନା । ପୁର୍ବେ ନାନ୍‌ ୱାନିଙ୍ଗ୍‌ ନିନ୍ଦା କିଜିମାର୍‌ଆ, ୱାନିଙ୍ଗ୍‌ କାସ୍ଟୁ ନି ଅପ୍‌ମାନ୍‌ ସିଜିମାର୍ହା । ମାରିବା ୱାନ୍‌ ନାଙ୍ଗିଁ ବିସ୍‌ବାସ୍‌ ବୁଦି କିଜି ୱାନି ସେବା ଉଣ୍ତିଙ୍ଗ୍‌ ଆସ୍‌କିତାମାନାନ୍‌ ।

ଗାଲାତିୟ 1:12

ନାନୁ ଇନି ଲୋକାମାଣାନ୍‍ ଆକା ପୟ୍‍ଏ, ମାରି ଏନ୍‍ ନାଙ୍ଗିଁ ଆକା ଅଜା କିଏନ୍‍ । ନିଜେ ଜିସୁ କ୍ରିସ୍ତ ଆକା ନା ଲାକ୍‍ତୁ ତର୍‍ତାମାନାନ୍‍ ।

ରୋମିୟ 15:16

ଇରିଙ୍ଗ୍‍ଁ କ୍ରିସ୍ତ ଜିସୁଦି ଦାସ୍‍ ୱାଜା ଅଣଜିହୁଦି ଲୋକାଙ୍ଗ୍‍ଁ ଉଣ୍ତିଙ୍ଗ୍‍ଁ ପାଣି କିଦେଙ୍ଗ୍‍ଁ ଇଜି ମାପୁରୁ ନାଙ୍ଗିଁ ସାରି ସିତାମାନାନ୍‌ । ମାପୁରୁଦି ସୁସମାଚାର୍‌ ୱେର୍‍ତେଙ୍ଗ୍‍ଁ ଇଜି ନାନୁ ଅରେନ୍‍ ଦାର୍ମୁଗୁରୁ ୱାଜା ପାଣି କିଜିନା । ଅଣଜିହୁଦି ଲୋକୁ ପବିତ୍ର ଆତ୍ମାଦି ମାଣାନ୍‌ ସିୟାୟ୍‍ଆତି ବିସୟ୍‌ତି ୱାଜା ମାପୁରୁଦି ଲାକ୍‍ତୁ ସର୍‌ପେ ଆପିର୍‍, ଇକା ନା ବଦା ।

కొలొసి 1:25

ମି ନେଗି ଉଣ୍ତିଙ୍ଗ୍‌ ଇୟା ପାଣି କିଦେଙ୍ଗ୍‍ଁ ନାନୁ ମାପୁରୁଦି ମାଣାନ୍‌ ମଣ୍ତଲିଦି ଅରେନ୍‍ ସେବାକିନିକାନ୍‌ ୱାଜା ଆସ୍‌କିତାମାନାନ୍‌ । ୱାନି ସୁସମାଚାର୍‌ ପୁରାଦାନ୍‌ ପ୍ରଚାର୍‌ କିନିକା ନା ପାଣି,

కొలొసి 1:23

ମିର୍‌ ଏସ୍‌କାଙ୍ଗ୍‌ ବିସ୍‌ବାସ୍‌ତାନ୍‌ କୁନାଦି ମାରି ଡାଟ୍‌ତାନ୍‌ ତେବାଜି ମାରି ସୁସମାଚାର୍‌ ୱେନି ୱାଲେ ଆମା ଆସା କିତିମାର୍‌ଇଦେର୍‌, ଆବେଟ୍‌କୁ ତିଲାମାଟ୍‌ । ଆର୍‌ତିଙ୍ଗ୍‌ ଏଣ୍ତେସ୍‌ବା ଇୟାୱିଜୁ ଫଲ୍‌ ପୟ୍‌ନିଦେର୍‌; ଆୟା ସୁସମାଚାର୍‌ ନେ ସାରା ପୃତିବିଦି ୱିଜେରି ଲାକ୍‌ତୁ ପ୍ରଚାର୍‌ ଆତାମାନାତ୍‌, ମାରି ନାନ୍‌ ପାଉଲ ଆବେଣି ଅରେନ୍‍ ବିସ୍‌ବାସ୍‌ତି ସେବାକିନିକିନ୍ଦା ଆତାମାନା ।

ଗାଲାତିୟ 2:2

ଆବେ ସନ୍‍ଡ୍ରେଙ୍ଗ୍‍ଁ ଆନାତ୍‍ ଇଜି ମାପୁରୁମାଣାନ୍‍ ଦର୍ସନ୍‍ ପୟ୍‍ଜି ନାନୁ ସର୍ହାମାର୍ହା । ଅଣଜିହୁଦି ଲୋକା ଲାକ୍‍ତୁ ନାନୁ ଏମେ ସୁସମାଚାର୍‌ ପ୍ରଚାର୍‌ କିତାମାନା, ଜିରୁସାଲାମ୍‍ତି ନେତାରିଙ୍ଗ୍‍ଁ ଉନ୍‍ଣ୍ତ୍ରି ଇଲୁ ମିଟିଙ୍ଗ୍‍ଁତୁ ଆକା ବୁଜାକିତା ସିତାମାର୍ହା । ନା ଆଗ୍‍ଡ଼ିରି ମାରି ଇଲେଇତି ୱେଡ଼ାଦି ପାଣି ଏଣ୍ତେସ୍‍ ଆରେଏ ଆଏତ୍‍, ଆୟାଉଣ୍ତିଙ୍ଗ୍‌ ନାନୁ ସୁଡ଼ୁଜି ମାର୍‌ର୍ହା ।

అపొస్తు 23:11

ଆୟା ନାଡ଼ା ପ୍ରବୁ ପାଉଲତି ଲାକ୍‌ତୁ ନିଲ୍‍ସି ଇର୍ହାନ୍‌, “ସାସ୍‌ ଆସ୍‌ଆ ! ନିନୁ ଇବେ ଜିରୁସାଲାମ୍‍ତୁ ନା ଉଣ୍ତିଙ୍ଗ୍‍ଁ ସାକି ସିତିମାନି । ରୋମ୍‍ତୁ ବା ନିନୁ ସତେନେ ଆୟାୱାଜା ସାକି ସିନି ।”

2తిమోతి 4:5

ମାତର୍‌ ମିର୍‌ ୱିଜୁ କାସ୍ଟୁଦିଙ୍ଗ୍‌ ସାସ୍‌ କିଦୁ; ସୁସମାଚାର୍‌ ୱେର୍‌ନିକାନ୍‌ ମାରି ମାପୁରୁଦି ବିସ୍‌ବାସ୍‌ତି ସେବାକିନିକାନ୍‌ ୱାଜା ମିର୍‌ ଦୁଃକ୍‌କାସ୍ଟୁ ବୋଗାଦେଙ୍ଗ୍‌ ତିଆର୍‌ ଆଦୁ ।

1తిమోతి 4:6

ତିମତି, ଇୟାୱିଜୁ ବିସୟ୍‌ ନିନ୍‍ ତଡ଼ାନ୍‌ ନି ତାଙ୍ଗିଁକାଙ୍ଗ୍‌ ସିକିୟା ସିତିଙ୍ଗ୍‌ କ୍ରିସ୍ତ ଜିସୁଦି ଅରେନ୍‌ ନେଗି ସେବା କିନିକାନ୍‌ ଆନି, ମାରି ନିନ୍‍ ଆମା ବିସ୍‌ବାସ୍‌ ମାରି ନେଗି ବୁଦିଦୁ ବୁଲାଜିନି, ଆୟା ବିସୟତି ବାକ୍ୟଦାନ୍‌ ସାକ୍ତି ଆନି;

1దెస్స 3:2

ମାତର୍‌ ମିଙ୍ଗିଁ ତିର୍‌ କିଦେଙ୍ଗ୍‌ ମାରି ମିଙ୍ଗିଁ ବିସ୍‌ବାସ୍‌ ଡାଟ୍‌ କିନି ଉଣ୍ତିଙ୍ଗ୍‌ ମି ଲାକ୍‌ତୁ ମା ତଡ଼ାନ୍‌ ତିମତିଙ୍ଗ୍‌ ପୋକ୍‌ତାନାପ୍‌ । ୱାନ୍‌ ମା ୱାଲେ ଅର୍‍ସେପାଣି କିଜି କ୍ରିସ୍ତଦି ନେଗି କାବୁର୍‌ ପ୍ରଚାର୍‌ କିଜି ମାପୁରୁଦି ସେବା କିଜିନାନ୍‌ ।

కొలొసి 1:7

ମା ତରିଟାନ୍‌ କ୍ରିସ୍ତଦି ଅରେନ୍‍ ବିସ୍‌ବାସ୍‌ତାନ୍‌ ସେବାକିନିକାନ୍‌ ମାରି ମା ଲାଡ୍‍ତି ଅର୍‍ସେପାଣିକିନି ଏପାଫ୍ରାଦିମାଣ୍‌ନା ମିର୍‌ ମାପୁରୁଦି ଆୟା ଦୟା ବିସୟ୍‌ କିତିମାନିଦେର୍‌;

2కొరింతి 5:18

ଇୟାୱିଜୁ ମାପୁରୁଦି ପାଣି । ୱାନ୍‌ କ୍ରିସ୍ତଦି ମାଡ଼ାନ୍‍କୁ ମାଙ୍ଗିଁ ୱାନିୱାଲେ ମାରି ମିସାକିତା ମାନାନ୍ ମାରି ୱାନିୱାଲେ ଆଇୱାରିଙ୍ଗ୍‌ ବା ମାରି ମିସା କିନି ଉଣ୍ତିଙ୍ଗ୍ ୱାନ୍‌ ମାଙ୍ଗିଁ ସେବା ଦାୟିତ୍‍ ସିତାମାନାନ୍‌ ।

2కొరింతి 4:1

ମାପୁରୁଦି ଦୟା କିଜି ମାଙ୍ଗିଁ ଇୟା ସେବା ପାଣି ସିତିମାନିଙ୍ଗ୍ ମାଡ଼ୁ ୱେଡ଼ିକାସିଲି ଲୋକା ୱାଜା କିଇକା ।

ରୋମିୟ 1:5

କ୍ରିସ୍ତଦି ଉଣ୍ତିଙ୍ଗ୍‌ ମାପୁରୁ ନାଙ୍ଗିଁ ପେରିତ ସିସୁ ୱାଜା ବାସେକିଜି ୱିଜୁଜାତିଦି ଲୋକା ଲାକ୍‍ତୁ ପ୍ରଚାର୍‍ କିଦେଙ୍ଗ୍‌ ଆସିର୍ବାଦ୍‌ ସିତାମାନାନ୍‌, ଏଣ୍ତେସ୍‌ ୱାର୍‌ ଜିସୁମାନୁ ବିସ୍‍ବାସ୍‍ କିଜି ୱାନିଙ୍ଗ୍‍ଁ ମାନାନାର୍‌ ।

అపొస్తు 22:10

ନାନୁ ୱେନ୍‍ବାତା, ପ୍ରବୁ, ନାନୁ ଇନିକା କିନା ? ପ୍ରବୁ ନାଙ୍ଗିଁ ଇର୍ହାନ୍‌, ନିଙ୍ଗ୍‍ଆ, ଦାମାସ୍‍କସ୍‍ତୁ ସାଙ୍ଗ୍‍ଆ, ମାପୁରୁ ନି ଉଣ୍ତିଙ୍ଗ୍‍ଁ ଏମେ ପାଣି ଇଟ୍‌ତାମାନାନ୍‌, ଆବେନୁ ନିଙ୍ଗିଁ ଆକା ଜାଣେ କିନାନ୍‌ ।

అపొస్తు 21:19

ପାଉଲ ୱାରିଙ୍ଗ୍‌ ମାଡ଼ିସ୍‌କିଜି ୱାନି ସେବା ପାଣିଦାନ୍‌ ମାପୁରୁ ଅଣଜିହୁଦି ଲୋକା ଲୋଇ ଆମାକା ଆମାକା କିତାମାର୍ହାନ୍‌; ତାନି ଉନ୍‍ଣ୍ତ୍ରି ପୁରା ମାଟା ସିତାନ୍‌ ।

అపొస్తు 20:24

ମାତର୍‌ ନା ଉଣ୍ତିଙ୍ଗ୍‌ ନା ନିଜେ ଜିବନ୍‍ତିଙ୍ଗ୍‍ଁ ନାନୁ ଇସ୍ରିକା ଇଜି ଅଡ଼୍‍ବିନା । ମାପୁରୁଦି ଦୟା ବିସୟ୍‌ତାନ୍‌ ପ୍ରବୁ ଜିସୁ ଏମେ ମାଟା ୱେର୍‌ତେଙ୍ଗ୍‌ ଇଜି ନାଙ୍ଗିଁ ସେବା ଦାୟିତ ସିତାମାନାନ୍‌, ଆକା ପୁରା କିଦେଙ୍ଗ୍‌ ଇଜିନା ସୁସମାଚାର୍ ପ୍ରଚାର୍‌ ପାଣି ସାକି ପୁରା କିନା, ନିସନେ ନା ବଦା ।

అపొస్తు 6:4

ଆର୍‍ତିଙ୍ଗ୍‍ଁ ପାର୍‌ତାନା ନି ପ୍ରଚାର୍‌ ସେବା ପାଣିଦୁ ମାଡ୍‌ ପୁରା ସମୟ ସିଦେଙ୍ଗ୍‍ ଆଟ୍‍ନିକା ।”

అపొస్తు 1:25

ଇୟା ବେକ୍ତି ଜିହୁଦା ନିଜେଦିବାଡିଦୁ ସନି ଉଣ୍ତିଙ୍ଗ୍‌ ଇୟା ଏମେ ସେବା ମାରି ପେରିତ ସିସୁ ପାଣି କିନାନ୍ ।”

అపొస్తు 1:17

ମାରିବା ଜିହୁଦା ମା ଦଲ୍‌ତୁ ମାର୍ହାନ୍‌ ମାରି ମା ଅରେନ୍‌ ଅର୍‌ସେ ସେବା ପାଣି କିନି ଉଣ୍ତିଙ୍ଗ୍‌ ଆସ୍‌କିଆତା ମାର୍ହାନ୍‌ ।”

లూకా 1:2

ଆୟା ନିଜେଦି କାଣ୍‌ଗାଦାନ୍‌ ସୁଡ଼ୁତିମାନିକା ମାରି ବାକ୍ୟ ପ୍ରଚାର୍‌ କିଜିମାନି ଲୋକୁ ମାଙ୍ଗିଁ ୱେର୍‍ନି ଇସାବ୍‌ତାନ୍‌,

అపొస్తు 26:15

ନାନ୍‌ ୱେନ୍‌ବାତା, ପ୍ରବୁ, ନିନ୍‌ ଏନୁ ? ପ୍ରବୁ ଇର୍ହାନ୍‌, ନାନ୍‌ ଜିସୁ, ଆମାୱାନିଙ୍ଗ୍‌ ନିନ୍‌ ନିନ୍ଦା କିଜିନି ।

ଏପିସିୟ 3:3

ମାପୁରୁ ୱାନି ଆୟା ମାର୍‌ଗିତିମାନି ମାଟା ୱେର୍‍ସି ନାଙ୍ଗିଁ ଜାଣେକିତାନ୍‌ । ଇୟା ବିସୟ୍‌ତାନ୍‌ ନାନ୍‌ ଇସ୍ରିକାକିଜି ରାସ୍‌ସିନା ।