అపొస్తు 20:21 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²¹ ଜିହୁଦିଲୋକୁ ନି ଅଣଜିହୁଦି ଲୋକୁ ୱିଜେରିଙ୍ଗ୍‍ ନାନୁ ଆଟ୍‌ୱା ଜାଗାର୍‌ତା ସାକି ସିତାମାର୍ହା ଜେ, ୱାର୍‌ ପାପ୍‌ତାନ୍‌ ଡ଼େସି ଏତ୍‌କିଜି ମାପୁରୁ ତରିନ୍‌ ମନ୍‍ ସିନାର୍‍ ମାରି ପ୍ରବୁ ଜିସୁଦିମାନୁ ବିସ୍‌ବାସ୍‌ କିନାର୍‌ ।

Konda: కొండ బాసదు నెగ్గి కబ్రు

²¹ పాపమ్‌కు ఒప్పుకొడ్ఃజి డిఃసిసీజి, దేవుణుదిఙ్‌ లొఙిజి, మా ప్రబు ఆతి యేసుక్రీస్తు ముస్కు నమకం ఇడ్‌దు ఇజి నాను యూదురిఙ్‌ యూదురు ఆఇ వరిఙ్‌ సాసి వెహ్త.

అపొస్తు 20:21 Referans Kwoze

అపొస్తు 2:38

ପିତର ୱାରିଙ୍ଗ୍‌ ଇର୍ହାନ୍‌, “ମିର୍‌ ୱିଜେରେ ପାପ୍‌ତାନ୍‌ ଡ଼େସିୱାଜି ମି ପାପ୍‌ କେମା ଆନି ଉଣ୍ତିଙ୍ଗ୍‌ ଜିସୁ କ୍ରିସ୍ତଦି ଦର୍‌ତାନ୍‌ ଡୁବନ୍‌ ଅତୁ; ଆର୍‌ତିଙ୍ଗ୍‌ ମିର୍‌ ମାପୁରୁଦି ଦାନ୍‌ ପବିତ୍ର ଆତ୍ମା ପୟ୍‌ନିଦେର୍‌ ।

అపొస్తు 11:18

ୱାର୍‌ ଇକା ୱେର୍‌ଇ ୱେନ୍‌କା ମାରି ଜାଟି କିଏନ୍‍ଣ୍ତା ମାପୁରୁଦି ଦନ୍ୟବାଦ୍‌ କିଜି ଇର୍ହାର୍‌, “ଆରିଙ୍ଗ୍‌ ମାପୁରୁ ଅଣଜିହୁଦିରିଙ୍ଗ୍‌ ବା ଏତ୍‌କିଦେଙ୍ଗ୍‍ଁ ମାରି ଜିଦେଙ୍ଗ୍‍ଁ ସୁଜୋଗ ସିତାମାନାନ୍‌ ।”

అపొస్తు 20:24

ମାତର୍‌ ନା ଉଣ୍ତିଙ୍ଗ୍‌ ନା ନିଜେ ଜିବନ୍‍ତିଙ୍ଗ୍‍ଁ ନାନୁ ଇସ୍ରିକା ଇଜି ଅଡ଼୍‍ବିନା । ମାପୁରୁଦି ଦୟା ବିସୟ୍‌ତାନ୍‌ ପ୍ରବୁ ଜିସୁ ଏମେ ମାଟା ୱେର୍‌ତେଙ୍ଗ୍‌ ଇଜି ନାଙ୍ଗିଁ ସେବା ଦାୟିତ ସିତାମାନାନ୍‌, ଆକା ପୁରା କିଦେଙ୍ଗ୍‌ ଇଜିନା ସୁସମାଚାର୍ ପ୍ରଚାର୍‌ ପାଣି ସାକି ପୁରା କିନା, ନିସନେ ନା ବଦା ।

లూకా 13:3

ନାନ୍ ମିଙ୍ଗିଁ ଇଜିନା, ସିଲେ, ମାତର୍‌ ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ଇତିଙ୍ଗ୍‍ ମିର୍‌ ୱିଜେରେ ଆୟାୱାଜା ନାସ୍ଟୁ ଆନିଦେର୍‌ ।

2కొరింతి 7:10

ମାତର ଇୟାୱାଜାଦି ଦୁକ୍ ମାପୁରୁଦି ମାଡ଼ାନ୍ ବେବହାର୍‍ ଆଜି ତାନିମାଡ଼ାନ୍ ଜିବନ୍‌ ବାଦ୍‌ଲେ ଆତିଙ୍ଗ୍‌ ରକିୟା ପୁଟ୍‍ନାତ୍ । ଇବେନୁ ଚିନ୍ତାକିନି ବିସୟ ସିଲେତ୍‌ । ମାତର କେବଲ ଦୁନିଆଦି ଦୁକ୍ ସାନିକା ଗଟେକିନାତ୍ ।

ରୋମିୟ 10:9

ଜଦି ଜିସୁଙ୍ଗୁଁ ପ୍ରବୁ ଇଜି ୱେୟୁଦୁ ମାନାନିଦେର୍‍ ମାରି ମାପୁରୁ ୱାନିଙ୍ଗ୍‍ଁ ସାତିମାଣାନ୍‍ ନିକ୍‍ତାମାନାନ୍‍ ଇଜି ଜିବନ୍‍ତୁ ବିସ୍‍ବାସ୍‍ କିନିଦେର୍‍, ଆର୍‍ତିଙ୍ଗ୍‍ଁ, ମିର୍‌ ରକିୟା ପୟ୍‍ନିଦେର୍‍ ।

అపొస్తు 26:18

ନିଙ୍ଗିଁ ୱାରି କାଣୁକୁ ରେପିସ୍‌ କିନିକା ମାନାତ୍‌ ମାରି ୱାରିଙ୍ଗ୍‌ ସିକାଟିଦାନ୍‌ ଜାୟ୍‌ତୁ ମାରି ସୟତାନ୍‌ତି ମାଣାନ୍‌ ପ୍ରବୁଦି ଲାକ୍‌ତୁ ତାତେଙ୍ଗ୍‌ ପଡ଼ାନାତ୍‌, ଏଣ୍ତେସ୍‌ ନା ମାନୁ ବିସ୍‌ବାସ୍‌ କିନିମାଣୁକୁ ୱାରି ପାପ୍‌ କେମା ଆନାତ୍‌ ମାରି ମାପୁରୁଙ୍ଗୁଁ ଆସ୍‌କିତି ଲୋକା ମାନୁ ୱାର୍‌ ବାଡି ପୟ୍‌ନାର୍‌ ।

లూకా 24:47

ମାରି ଜିରୁସାଲମ୍‍ତାନ୍‍ ଆରାମ୍‌ କିଜି ୱିଜୁ ଜାତି ଲାକ୍‌ତୁ ୱାନି ଦର୍‌ତାନ୍‌ ପାପ୍‌କେମା ଉଣ୍ତିଙ୍ଗ୍‌ ମନ୍‍ତିଙ୍ଗ୍‍ ଡ଼େପ୍‍ନି ବିସୟ୍‌ତାନ୍‌ ଲୋକୁ ୱିକ୍‍ନାର୍‍ ।

୧ ଜୋହନ 5:5

ଇୟା ଜଗତ୍‌ତିଙ୍ଗ୍‌ ଏନ୍‌ ଆରା କିଦେଙ୍ଗ୍‌ ଆଟ୍‌ନାନ୍‌ ? ଜିସୁଙ୍ଗୁଁ ମାପୁରୁଦି ମାରିନ୍‌ ଇଜି ଏନ୍‌ ବିସ୍‌ବାସ୍‌ କିନାନ୍‌, ଆୟାକାନ୍‌ନେ କେବଲ୍‌ ଇକା କିଦେଙ୍ଗ୍‌ ଆଟ୍‌ନାନ୍‌ ।

అపొస్తు 26:20

ନାନ୍‌ ଆଗ୍‌ଡ଼ି ଦାମାସ୍‍କସ୍‍ ନି ଜିରୁସାଲମ୍‌ତୁ ମାରି ତାନେୱେନ୍‌କା ପୁରାୱିଜୁ ଜିହୁଦା ଦେସ୍‌ତୁ ମାରି ଅଣଜିହୁଦିରି ମାନୁ ପ୍ରଚାର୍‌ କିତା, ଏଣ୍ତେସ୍‌ ୱାର୍‌ ପାପ୍‌ତି ଉଣ୍ତିଙ୍ଗ୍‌ ମୋନ୍‌ ଡ଼େପ୍‌ସି ମାପୁରୁଦି ଲାକ୍‌ତୁ ଡ଼େସିୱାନାର୍‌ ମାରି ୱାର୍‌ ଜେ ଏତ୍‌ କିତାମାନାର୍‌, ଆୟା ପାଣିଦୁ ତର୍‌ନାର୍‌ ।

୧ ଜୋହନ 5:1

ଏନ୍‌ ଜିସୁଙ୍ଗୁଁ ମସିହ ଇଜି ବିସ୍‌ବାସ୍‌ କିନାନ୍‌, ୱାନ୍‌ ମାପୁରୁଦି ମାରିନ୍‌; ମାରି, ଏନ୍‌ଆପିନ୍‌ ଅରେନ୍‌ ବୁବେଙ୍ଗ୍‌ ଜିବନ୍‌ନୋନାନ୍‌, ଆୟା ବୁବାସିଦି କଡ଼ଦିଙ୍ଗ୍‌ ବା ୱାନ୍‌ ଜିବନ୍‌ନୋନାନ୍‌ ।

పిలొమో 1:5

ଇରିଙ୍ଗ୍‌ ନାନ୍‌ ୱେର୍‌ଆମାନା, ପ୍ରବୁ ଜିସୁମାନୁ ମି ବିସ୍‌ବାସ୍‌ ମାରି ଦାର୍ମୁଜିବନ୍‍ଜିନି ଲୋକା ଉଣ୍ତିଙ୍ଗ୍‌ ମି ଜିବନ୍‌ନୋନିକା !

ଏପିସିୟ 1:15

ଇୟାଉଣ୍ତିଙ୍ଗ୍‌ ପ୍ରବୁ ଜିସୁମାନୁ ମି ବିସ୍‍ବାସ୍‍ ନି ମାପୁରୁ ଲୋକା ଉଣ୍ତିଙ୍ଗ୍‌ ମି ଜିବନ୍‍ନୋନିକା ମାନାତ୍‌,

ଗାଲାତିୟ 2:20

ଆଦେଙ୍ଗ୍‌ ଇଲେଇ ସତ୍‌ତାନ୍‍ ନାନୁ ମାରି ଜିଏ, ନା ବାନୁ କ୍ରିସ୍ତ ଜିବନ୍‌ ମାନାନ୍‌ । ନାନୁ ଇଲେଇ ଆମା ଜିଜି ମାଡ଼ିଜିନା, ଆକା କେବଲ ମାପୁରୁଦି ମାରିନ୍‌ତି ମୁସ୍‍କୁ ନା ବିସ୍‍ବାସ୍‍ତାନ୍ ଆତାମାନାତ୍‍, ଏନ୍‍ ନାଙ୍ଗିଁ ଜିବନ୍‌ନୋଜି ନା ଉଣ୍ତିଙ୍ଗ୍‍ଁ ୱାନି ଜିବନ୍‌ ସିତାମାନାନ୍‌ ।

ରୋମିୟ 5:1

ଇଲେଇ ବିସ୍‍ବାସ୍‍ତାନ୍ ମାଡ୍‌ ମାପୁରୁଦି ଆଗ୍‍ଡ଼ି ଦାର୍ମୁଦିକାର୍‍ ଆତିମାନିକା ମାରି ପ୍ରବୁ ଜିସୁ କ୍ରିସ୍ତଦି ଉଣ୍ତିଙ୍ଗ୍‌ ମାପୁରୁଦି ୱାଲେ ମା ସାନ୍ତି ପୋଇତିମାନିକା ।

ରୋମିୟ 4:24

ଇରିଙ୍ଗ୍‌ ମାଡ୍‌ ବା ମାପୁରୁମାନୁ ବିସ୍‍ବାସ୍‍ କିନି ମାଣାନ୍‌ ଦାର୍ମୁତିକାର୍‍ ୱାଜା ୱେଙ୍ଗିଁନିକା । ମାପୁରୁ ପ୍ରବୁ ଜିସୁଙ୍ଗୁଁ ସାତିମାଣାନ୍‍ ନିକ୍‍ତାମାନାନ୍‍ ।

ରୋମିୟ 1:16

ଆୟା ସୁସମାଚାର୍‌ ମୁସ୍‌କୁ ନା ପୁରା ଆସା ମାନାତ୍‌ । ଆକା ପାର୍‍ତୁମ୍‍ ଜିହୁଦି ଲୋକାମାନୁ ମାରି ୱେନ୍‌କା ଅଣଜିହୁଦି ବିସ୍‍ବାସି ଲୋକାମାନୁ ଉଦାର୍‌ ପାଣି କିଦେଙ୍ଗ୍‌ ଇଜି ମାପୁରୁଦି ସାକ୍ତି ୱାଜା ।

అపొస్తు 17:30

ଲୋକୁ ମାପୁରୁଙ୍ଗ୍‍ଁ ନେସ୍‍ଇୱାଲେ ୱାନ୍‌ ଆୟା ଦସ୍‌ ଆସ୍‍ଏନ୍‌ ମାର୍ହାନ୍‌, ମାତର୍‌ ଇଲେଇ ଆୟାୱିଜୁ ୱିଜେରିଙ୍ଗ୍‍ଁ ୱାରି ପାପ୍‌ ସାରିଦାନ୍‍ ଡ଼େସିୱାଦେଙ୍ଗ୍‍ଁ ଇଜି ଆଦେସ୍‌ ସିଜିନାନ୍‌ ।

మార్కు 6:12

ଇୟା ୱେନ୍‌କା ସିସୁର୍‌ ନାର୍‍କାଙ୍ଗ୍‍ଁ ସଲ୍‌ସି ପାପ୍‍ସାରି ଡ଼ିସ୍‌ସି ମନତିଙ୍ଗ୍‌ ଡ଼େପ୍‍ସି ରାଦୁ ଇଜି, ଆକା ଲୋକାମାନୁ ପ୍ରଚାର୍‌କିତାର୍‍ ।

మార్కు 1:15

ଜିସୁ ୱେର୍‌ତେଙ୍ଗ୍‌ ଆସ୍‌ତାନ୍‌, “ଦିନ୍‌ ଲାକ୍‌ତୁ ୱାତାତ୍‌ନି, ମାପୁରୁଦି ରାଜି ଇଗା ୱାଜିନାତ୍ ! ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ ମାରି ମାପୁରୁଦି ନେଗିକାବୁର୍‌ତୁ ବିସ୍‌ବାସ୍‌ କିଦୁ ।”

మత్తయి 4:17

ଆୟା ସମୟତାନ୍‍ ଜିସୁ ପ୍ରଚାର୍‌କିଜି ଇର୍ହାନ୍‌, “ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ, ଇରିଙ୍ଗ୍‌ ମାପୁରୁଦି ରାଜି ଇଗା ୱାଜିନାତ୍‍ ।”

ଗାଲାତିୟ 3:22

ମାତର୍‍ ଦାର୍ମୁସାସ୍ତ୍ରଦୁ ରାସାତାମାନାତ୍‍, ୱିଜୁ ଲୋକୁ ଜାତି ପାପ୍‍ ସାକ୍ତିଦି ଆଡ୍‍ଗି, ଆଦେଙ୍ଗ୍‍ଁ ଏଣ୍ତେସ୍‌ ଜିସୁ କ୍ରିସ୍ତମାନୁ ବିସ୍‍ବାସ୍‍ତି ପଲ୍‍ ୱାଜା ପାର୍‍ମାଣ୍‍ଆତି ଆସିର୍ବାଦ୍‌ କ୍ରିସ୍ତ ବିସ୍‍ବାସିର୍‍ ପୟ୍‍ନାର୍‍ ।

ଗାଲାତିୟ 2:16

ମାପୁ ନେସ୍‍ନାପ୍‍, ନିୟମ୍‍ତି ଦାବିୱିଜୁ ପୁରା କିନି ମାଣାନ୍‍ ସିଲେ, ମାତର୍‍ କେବଲ ଜିସୁ କ୍ରିସ୍ତଦିମାନୁ ବିସ୍‍ବାସ୍‍ କିନି ମାଣାନ୍‍ ଅରେନ୍‍ ମାପୁରୁଦି ଆଗ୍‍ଡ଼ି ଦସ୍‍ସିଲେଣ୍‌ଗା ମିସାଦେଙ୍ଗ୍‌ ଆଟ୍‌ନାପ୍‌ । ମାପୁରୁଦି ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଇଜି ମାପ୍‍ ମାରି ନିୟମ୍‍ତି ମୁସ୍‍କୁ ଆସା ଇଡ୍‍ଏନ୍‍ଣ୍ତା ଜିସୁ କ୍ରିସ୍ତମାନୁ ବିସ୍‍ବାସ୍‍ କିଜିନାପ୍‍, ଇରିଙ୍ଗ୍‍ଁ କେବଲ ନିୟମ୍‍ ମାନାନି ମାଣାନ୍‍ ଏନ୍‍ ମାପୁରୁ ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଆଟ୍‍ଏନ୍‍ ।

1కొరింతి 1:22

ଇରିଙ୍ଗ୍‌ ଜିହୁଦିର୍‌ ସିନା ପୟ୍‌ନାର୍‌, ମାରି ଗ୍ରିକ୍‌କୁ ବୁଦି ପୟ୍‌ନାର୍‌ ।

ରୋମିୟ 2:4

ଆନାତ୍‌, ମିର୍‌ ମାପୁରୁଦି ୱିଜ୍‍ଇ ଦୟା, ସାସ୍‌, ମାରି ଉଦାର୍‌କିନିତାନିଙ୍ଗ୍‍ ମାନାଇଜିନିଦେର୍‍ । ମିର୍‌ ଜଦିବା ନେସ୍‍ତିମାନିଦେର୍‍ ଜେ, ମି ମନ୍‍ତୁ ଅନୁତାପ୍‍ ତାତେଙ୍ଗ୍‍ ଇଜି ମାପୁରୁ ନିସା ଦୟା କିଜିନାନ୍‍ ।

ରୋମିୟ 1:14

ଗ୍ରିକ୍‌ କି ବର୍ବର, ସିକିତ୍‍ ନି ଅସିକିତ୍‍ତି ୱିଜୁଜାତିଦି ଲୋକା ଉଣ୍ତିଙ୍ଗ୍‌ ନା ଦାୟିତ୍‍ ମାନାତ୍‌ ।

అపొస్తు 28:23

ୱାର୍‌ ଉନ୍‍ଣ୍ତ୍ରି ଦିନ୍‌ ତିଆର୍‌ କିଜି ମାରି ୱାରି ଲୋଇ ନାଣ୍ତ ଲୋକୁ ଆୟାନାଣ୍ତିଙ୍ଗ୍‌ ପାଉଲ ତେବାଜିମାନି ବାଡିଦୁ ୱାତାର୍‌ । ସାଲ୍‍ଦିରାନ୍‍ ନାଡ଼ା ସାନ୍ଦି ପାଉଲ ୱାରିଙ୍ଗ୍‍ଁ ମାପୁରୁଦି ରାଜିଦି ବିସୟ୍‌ତି ବାକ୍ୟ ପ୍ରଚାର୍‌ କିଜି ସାକି ସିତାନ୍‌ ମାରି ମୋସାଦି ନିୟମ୍‌ ନି ବାବବାଦିରି ମାଣାନ୍‌ ରାସାତି ବାକ୍ୟ ସପ୍‍ସି ଜିସୁଦିମାନୁ ୱାର୍‌ ବିସ୍‌ବାସ୍‌ କିଦେଙ୍ଗ୍‍ଁ ଚେସ୍ଟାକିତାନ୍‍ ।

అపొస్తు 16:31

ୱାର୍‌ ଇର୍ହାର୍‌, “ପ୍ରବୁ ଜିସୁମାନୁ ବିସ୍‌ବାସ୍‌ କିତିଙ୍ଗ୍‍ଁ, ନିନ୍‌ ମାରି ଇଲୁଦି ୱିଜୁ ଲୋକୁ ରକିୟା ପୟ୍‌ନିଦେର୍‌ ।”

అపొస్తు 10:43

ୱିଜେରେ ବାବବାଦିର୍ ୱାନି ବିସୟ୍‌ତାନ୍‌ ଇୟା ସାକି ଇର୍ହାମାର୍ହାର୍‍, ଏନ୍‌ ୱାନିମାନୁ ବିସ୍‌ବାସ୍‌ କିନାନ୍‌, ୱାନି ଦର୍‌ତି ସାକ୍ତିଦୁ ୱାନି ପାପ୍‌ କେମା ଆନାତ୍‌ ।”

అపొస్తు 8:25

ସାକି ନି ପ୍ରବୁଦି ବାକ୍ୟ ୱେର୍‌ତି ୱେନ୍‌କା ପିତର୍‌ ନି ଜୋହନ ଜିରୁସାଲାମ୍‍ତୁ ଡ଼େସିସର୍ହାର୍‍ । ଡ଼େସି ସନି ସାରିଦୁ ୱାର୍‌ ସମିରୋଣଦି ଏସ ନାର୍‍କାଙ୍ଗ୍‍ଁ ସୁସମାଚାର୍‌ ପ୍ରଚାର୍‌ କିତାର୍‍ ।

అపొస్తు 3:19

ମାରି ଅନୁତାପ୍‍ କିଜି ମାପୁରୁ ତରିନ୍‌ ଡ଼େସି ରାଦୁ । ଆରିଙ୍ଗ୍‌ ୱାନ୍‌ ମି ପାପ୍‌ କେମା କିନାନ୍‌ ।

అపొస్తు 2:40

ପିତର ୱାରିଙ୍ଗ୍‍ ମାଡ଼ିସ୍‍କିଜି ମାରି ନାଣ୍ତ ମାଟେଣାନ୍‍ ୱାରିଙ୍ଗ୍‌ ସାକି ସିଜି ଇର୍ହାନ୍‌, “ଇୟା ତାଗ୍‌ଇ ଲୋକା ମୁସ୍‍କୁ ୱାନି ସାସ୍ତିଦାନ୍‍ ନିଜେ ନିଜେଦିଙ୍ଗ୍‍ ରକିୟା କିଦୁ ।”

యోహాను 20:31

ମାତର୍‌ ମିର୍‌ ଏଣ୍ତେସ୍‌ ବିସ୍‌ବାସ୍‌ କିଦୁ ଜେ, ଜିସୁ ମାପୁରୁଦି ମାରିନ୍‌ ମସିହ, ମାରି ବିସ୍‌ବାସ୍‌ କିଜ ଏଣ୍ତେସ୍‌ ମିର୍‌ ୱାନି ଦର୍‌ତାନ୍‌ ଜିବନ୍‌ ପୟ୍‌ଦୁ, ଇୟାଉଣ୍ତିଙ୍ଗ୍‌ ଇୟାୱିଜୁ ରସାତାମାନାତ୍‌ ।

యోహాను 3:36

ଏନ୍‌ ମାରିନ୍‌ତିଙ୍ଗ୍‌ ବିସ୍‌ବାସ୍‌ କିନାନ୍‌, ୱାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପଇନାନ୍‌, ମାତର୍‌ ଏନ୍‌ ମାରିନ୍‌ତିଙ୍ଗ୍‌ ଅମାନ୍ୟ କିନାନ୍, ୱାନ୍‌ ଜିବନ୍‌ ସୁଡ଼ୁଏନ୍‌, ମାରି ଆୟା ଲୋକୁ ମୁସ୍‌କୁ ମାପୁରୁଦି ରିସା ତେବାତାନ୍‌ ।

లూకా 15:10

ନାନ୍ ମିଙ୍ଗିଁ ୱେର୍‌ସିନା, ଇୟାୱାଜାନେ ଏନ୍‌ ମନତିଙ୍ଗ୍‌ ଡ଼େପ୍‍ତିଙ୍ଗ୍‍, ଇୟାୱାଜା ଅରେନ୍‍ ପାପି ଉଣ୍ତିଙ୍ଗ୍‌ ମାପୁରୁଦି ଦୁତ୍‌କୁ ୱେଡ଼ିକାକିନେ ।”

లూకా 15:7

ନାନ୍ ମିଙ୍ଗିଁ ୱେର୍‌ସିନା, ଆୟାୱାଜାନେ ଏମେଲୋକାଦି ମନତିଙ୍ଗ୍‌ ଡ଼େପ୍‍ତେଙ୍ଗ୍‍ ଦର୍‌କାର୍‍ ସିଲେ, ଇୟାୱାଜା ନବେ ନୋଗୋଟା ଦାର୍ମୁ ଲୋକା ବାଦ୍‌ଲୁ, ଜେ ମନତିଙ୍ଗ୍‌ ଡ଼େପ୍‍ନାନ୍‍, ଇୟାୱାଜା ଅରେନ୍‍ ପାପି ଲୋକ୍‍ ଉଣ୍ତିଙ୍ଗ୍‌ ମୁସ୍‌କୁପୁର୍‌ତୁ ନାଣ୍ତ ୱେଡ଼ିକା ଆନାତ୍‌ ।

లూకా 13:5

ନାନ୍ ମିଙ୍ଗିଁ ଇଜିନା, ସିଲେ, ମାତର୍‌ ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ଏତିଙ୍ଗ୍‍ ମିର୍‌ ୱିଜେରେ ଆୟାୱାଜା ନାସ୍ଟୁ ଆନିଦେର୍‌ ।”

మత్తయి 3:2

ୱାନ୍‌ ଇର୍ହାନ୍‌, “ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ, ଇରିଙ୍ଗ୍‌ ମାପୁରୁଦି ରାଜି ଇଗା ୱାଜିନାତ୍‍ ।”

కొలొసి 2:5

ଇରିଙ୍ଗ୍‌ ନାନ୍‌ ମେନ୍ଦଲ୍‌ତାନ୍‌ ସିଲେତିଙ୍ଗ୍‌ ବା, ଆତ୍ମାଦାନ୍‌ ନାନ୍‌ ମି ୱାଲେ ମାନା । କ୍ରିସ୍ତଦି ମୁସ୍‌କୁ ଡାଟ୍‌ତାନ୍‌ ବିସ୍‌ବାସ୍‌ ଇଡ୍‌ଜି ମିର୍‌ ଏଣ୍ତେସ୍‌ ସାନ୍ତି ଆତିମାନିଦେର୍‌, ଆକା ସୁଡ଼ୁଜି ନାନ୍‌ ୱେଡ଼ିକା ଆଜିନା ।

అపొస్తు 24:24

ଏସ ଦିନ୍‌ ୱେନ୍‌କା ପେଲିକସ୍‍ ୱାନି ଜିହୁଦି ଆଇମା ଦ୍ରୁସିଲାଦି ୱାଲେ ୱାତାନ୍‍, ୱାନ୍‌ ପାଉଲତିଙ୍ଗ୍‍ଁ କୁକିସ୍‍ କିଜି ଜିସୁ କ୍ରିସ୍ତମାନୁ ବିସ୍‌ବାସ୍‌ କିନି ବିସୟ୍‌ତାନ୍‌ ୱାନି ମାଟା ୱେର୍‍ଆନ୍‍ ।

అపొస్తు 19:17

ଏପିସସ୍‍ତୁ ବାସାନି ଜିହୁଦିଲୋକୁ ନି ଅଣଜିହୁଦିଲୋକ୍‍ ଇୟା ବିସୟ୍‌ତାନ୍‌ ୱେନ୍‌ଜି ତିଲାତାର୍‌ ମାରି ଆବେ ପ୍ରବୁ ଜିସୁଦି ଦର୍‌ ମାରି ନାଣ୍ତଦାନ୍‌ ମାନାନିକା ଆତାତ୍‌ ।

లూకా 16:28

ମାତର୍‌ ନା ପାସ୍‌ଲୋକ୍‌ ତଡ଼ାନ୍‍କୁ ମାନାର୍‌; ୱାର୍‍ବା ଏଣ୍ତେସ୍‌ ଇୟା କାସ୍ଟୁଦି ବାଡିଦୁ ରାମାକିର୍‍, ଆୟାଉଣ୍ତିଙ୍ଗ୍‌ ୱାନ୍‌ ୱାରି ଲାକ୍‌ତୁ ସାକି ସିନି ।

అపొస్తు 20:23

ପବିତ୍ର ଆତ୍ମା ନାଙ୍ଗିଁ ଜାଗାର୍‌ତା କିତା ସିତାମାନାତ୍‍ ଜେ ୱିଜୁ ଗାଡ଼୍‍କାଙ୍ଗ୍‍ଁ ନାନୁ ଜଇଲ୍‍ସଲ୍‍ସି କାସ୍ଟୁ ପୟ୍‍ନା ।