అపొస్తు 18:12 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹² ଗାଲିୟୋ ଆକାୟା ରୋମିୟ ସାସନ୍‍କିନିକାନ୍‍ ମାନି ୱେଡ଼ାଦୁ, ଜିହୁଦି ଲୋକୁ ଉଣ୍ତାଜି ପାଉଲତିଙ୍ଗ୍‍ଁ ଆସ୍‌ସି ବିଚାର୍‍ କିନିମାନୁ ଅତାର୍‌ ।

Konda: కొండ బాసదు నెగ్గి కబ్రు

¹² గాని గలియోను ఇనికాన్‌ అయ అకాయ దేసెమ్‌దిఙ్ ఏలుబడిః కినికాన్‌ ఆతివలె యూదురు ఉండ్రె జటు ఆతారె పవులు ముస్కు వాతార్. పవులుఙ్‌ అస్తారె కోర్టుదు ఒతార్.

అపొస్తు 18:12 Referans Kwoze

అపొస్తు 18:27

ୱେନ୍‌କା ଆପଲୋ ଆକାୟା ରାଜିଦୁ ସନ୍‍ଡ୍ରେଙ୍ଗ୍‍ଁ ଇଜି ବଦା କିତାନ୍‍ଆକା, ଏପିସସ୍‍ତି ବିସ୍‌ବାସ୍‌ତି ତଡ଼ାନ୍‌କୁ ୱାନିଙ୍ଗ୍‍ଁ ସାହାଜ୍ୟ କିତାର୍‍ ମାରି ୱାନିଙ୍ଗ୍‍ଁ ୱେଡ଼ିକାଦାନ୍‌ ଆସ୍‍ତେଙ୍ଗ୍‍ଁ ଇଜି ମାଡ଼ିସ୍‌ କିଜି ଆକାୟାଦି ବିସ୍‍ବାସିରିଙ୍ଗ୍‍ଁ ସିଟି ରାସ୍‌ତାନ୍‌ । ୱାନ୍‌ ଆବେ ଇଜି ମାପୁରୁଦି ଦୟାଦାନ୍‍ ବିସ୍‍ବାସି ଆତିମାନି ଲୋକାଙ୍ଗ୍‌ ନାଣ୍ତ ସାହାଜ୍ୟ କିତାନ୍‌ ।

అపొస్తు 13:50

ମାତର୍‌ ଜିହୁଦିର୍‌ ଗାଡ଼୍‌ତି ପେରି ଲୋକାଙ୍ଗ୍‌ ୱେରିସ୍‍କିଜି ପାଉଲ ନି ବର୍ଣ୍ଣବାଦି ମୁସ୍‌କୁ କାସ୍ଟୁ ସିଦେଙ୍ଗ୍‍ ଆସ୍‌ତାର୍‌ ମାରି ଆୟା ରାଜିଦାନ୍‌ ୱାରିଙ୍ଗ୍‍ଁ ସପ୍‌ତା ପେରିତାର୍‌ ।

అపొస్తు 13:7

ୱାନ୍‌ ଆୟା ଦ୍ୱିପଦି ସାସନ୍‌କିନି ସର୍ଗିୟସ୍‍ ପାଉଲ୍‍ତି ଅରେନ୍‌ ନେଗି ତଡ଼୍‍ ମାର୍ହାନ୍‍ । ସର୍ଗିୟସ୍‌ ଅରେନ୍‌ ବୁଦିମାନି ଲୋକୁ ମାର୍ହାନ୍‍ । ୱାନ୍‌ ମାପୁରୁଦି ବାକ୍ୟ ୱେନ୍‍ଡ୍ରେଙ୍ଗ୍‍ ବଦାକିଜି ବର୍ଣ୍ଣବା ନି ସାଉଲତିଙ୍ଗ୍‍ଁ କୁକିସ୍‍ତାନ୍‍ ।

2కొరింతి 11:10

ନା ଜିବନ୍‌ତୁ ମାନି କ୍ରିସ୍ତଦି ସତ୍‌ତିଙ୍ଗ୍‌ ସାକି ସିଜି ନାନୁ ପାର୍‌ମାଣ୍‌ କିଜି ୱେର୍‌ସିନା ଜେ, ଆକାୟା ରାଜିଦି ଆମା ରାଜିଆଙ୍ଗାଁ ନା ଇୟା ଗର୍ବଦିଙ୍ଗ୍ ଏନ୍‌ ନାସ୍ଟୁ କିଦେଙ୍ଗ୍ ଆଟ୍‌ଏନ୍ ।

2కొరింతి 9:2

ନାନୁ ନେସେନା, ମିର୍‌ ୱିଜୁଦିନ୍ ସାହାଜ୍ୟ କିଦେଙ୍ଗ୍ ତିଆର୍ ମାରି ମାସିଦୋନିଆଦି ଲୋକାଦି ଲାକୁତୁ ମି ବିସୟତାନ୍ ନାନୁ ଗର୍ବ କିତାମାନା । ନାନୁ ଇର୍ହାମାର୍ହାନ୍, “ଆକାୟାଦି ତୋଡ଼ାନକୁ ସାହାଜ୍ୟକିନି ଉଣ୍ତିଙ୍ଗ୍‌ ଦରଟାନ୍ ତିଆରଆତାମାନାର୍ ।” ମି ୱେଡ଼ିକା ୱାରି ମାଡ଼ାନ୍‍କୁ ବା ଏସ ଲୋକାଙ୍ଗ୍‌ ଜାଗାର୍‌ତା କିତାମାନାତ୍‌ ।

2కొరింతి 1:1

ନାନ୍‌ ପାଉଲ, ମାପୁରୁଦି ବଦାଦାନ୍ ବାସେଆତି ଜିସୁ କ୍ରିସ୍ତଦି ପ୍ରେରିତ ସିସୁ ପାଉଲ ମାରି ମା ତଡ଼ାନ୍‍ ତିମତି କରନ୍ତି ଗାଡ଼ାଦି ମାପୁରୁଦି ମଣ୍ତଲି ମାରି ଆକାୟା ଦେସ୍‍ତି ୱିଜୁ ବିସ୍‍ବାସିରି ଲାକୁତୁ ଇୟା ଆକୁ ରାସ୍‍ସିନାନ୍‍ ।

1కొరింతి 16:15

ମିର୍‌ ସ୍ତିପାନ୍ ମାରି ୱାନି ଇଲୁଦି ବିସୟ୍‌ତାନ୍‌ ନେସ୍‌ନିଦେର୍‌ । ୱାର୍‌ ଆକାୟାଦି ଆଗ୍‍ଡ଼ିରି କ୍ରିସ୍ଟାନ୍‌ ବିସ୍‌ବାସ୍‌ସିର୍‌ । ୱାର୍‌ ମାପୁରୁଦି ଲୋକାଙ୍ଗ୍‌ ସେବାଦୁ ନିଜେଦିଙ୍ଗ୍‌ ସର୍‌ପେ ଆତାମାନାନ୍‌, ତଡ଼ାନ୍‍କୁ ନି ତାଙ୍ଗିଁକି; ନାନ୍‌ ମିଙ୍ଗିଁ ବାତିଙ୍ଗ୍‌ମାଲ୍‌ଜିନା,

ରୋମିୟ 15:26

ଜିରୁସାଲାମ୍‍ତୁ ମାପୁରୁଦି ଏମେ ଲୋକୁ କାକୁର୍ତି ମାନାର୍‌, ୱାରି ଉଣ୍ତିଙ୍ଗ୍‍ଁ ଏସ ଡାବୁଙ୍ଗୁଁ ସାହାଜ୍ୟ ପକ୍‍ତେଙ୍ଗ୍‍ଁ ମାସିଦନିଆ ନି ଆକାୟାଦି ମଣ୍ତଲିଙ୍ଗ୍‍ଁ ବଦା କିତାମାନାର୍‌ ।

అపొస్తు 25:10

ପାଉଲ ଇର୍ହାନ୍‌, “ନାନୁ କାଇସର୍‍ଦି ବିଚାର୍‌ କିନି ଆଗ୍‌ଡ଼ି ନିର୍ହାମାନା । ଇବେନୁନେ ନା ବିଚାର୍‍ ଆନିକା ମାନାତ୍ । ନିନୁ ନିଜେ ନେଗେନ୍‌ତାନ୍ ନେସ୍‌ତିମାନି ଜେ, ନାନୁ ଜିହୁଦିରି ବିରୁଦ୍‌ତାନ୍ ଇନିକା ଜାଟି କିଏ ।

అపొస్తు 17:13

ମାତର୍‌ ଏସ୍ତିୱାଲେ ତେସଲନିକିୟାଦି ଜିହୁଦି ଲୋକୁ ୱେର୍‌ଆର୍‌ ଜେ ବେରିଆଦୁ ବା ପାଉଲ ମାପୁରୁଦି ବାକ୍ୟ ପ୍ରଚାର୍‌ କିଜିନାନ୍‍, ୱାର୍‌ ଆବେ ୱାଜି ଜାଟି ଜଗଡ଼ା କିଦେଙ୍ଗ୍‍ଁ ଇଜି ଲୋକାଙ୍ଗ୍‌ ଏଗ୍ରିସ୍‍ତାର୍‍ ।

అపొస్తు 14:19

ପିସିଦିଆଦି ଆଣ୍ଟିୟକ ନି ଇକନିୟାଦାନ୍‍ ଏସ ଜିହୁଦି ଲୋକୁ ୱାତାମାର୍ହାର୍‍, ୱାର୍‌ ଲୋକାଙ୍ଗ୍‌ ଏଗ୍ରିସ୍‌କିଜି ପାଉଲତିଙ୍ଗ୍‍ଁ କାଲ୍‌କାଣୁକୁ ଡାକ୍‍ତାର୍‍ ମାରି ୱାନିଙ୍ଗ୍‍ଁ ସାତାନ୍‍ ଇଜି ଅଡ଼୍‍ବିଜି ଗାଡ଼୍‌ତି ଆତ୍‌ରେ ରେଲ୍‌ଜି ଅତାର୍‌ ।

అపొస్తు 14:2

ମାତର୍‌ ଅବିସ୍‍ବାସି ଜିହୁଦିର୍‌ ଅଣଜିହୁଦିରିଙ୍ଗ୍‌ ବେମ୍‌ରି କିଜି ତଡ଼ାନ୍‌କା ବିରଦ୍‌ତାନ୍‌ ମନ୍‌ତିଙ୍ଗ୍‍ ଏଗ୍ରିସ୍‌କିତାର୍‍ ।

మత్తయి 27:19

ପିଲାତ୍‌ ବିଚାର୍‍କିନି ବାଡିଦୁ ବାସ୍‌ତିମାରିଇ ୱାଲେ ୱାନି ଆଡ଼୍‌ସି ଉନ୍‌ଡ୍ରି କାବୁର୍‌ ପୋକ୍‌ତାତ୍‌ “ଆୟା ଦସ୍‌କିଇ ଲୋକ୍‌ତିଙ୍ଗ୍‌ ଇନିକା କିମାଟ୍‌ । ଇଏନ୍‌ ମିଲି ଉନ୍‌ଡ୍ରି ଲବେରୁ ୱାନି ଉଣ୍ତିଙ୍ଗ୍‌ ନାନ୍ ନାଣ୍ତ ଦୁଃକ୍‌ ଏତ୍‌କିତାମାନା ।”

యాకోబు 2:6

ମାତର୍‌ ମିର୍‌ ସିଲିସାତିୱାରିଙ୍ଗ୍‌ ଅସନ୍‌ମାନ୍‌ କିଜିନିଦେର୍‌ ! ଆମାକାର୍‌ ମି ଉଣ୍ତିଙ୍ଗ୍‌ ତାଗ୍‌ଇପାଣି କିନାର୍‌ ମାରି ନ୍ୟାୟ୍‌କିନି ବାଡିଦୁ ରେଲ୍‌ଜି ଅନାର୍‌, ୱାର୍‌ ଏର୍‌ ? ୱାର୍‌ ଆୟା ମାଜନ୍‌ ଲୋକୁ ।

ରୋମିୟ 16:5

ୱାରି ଇଲ୍‍ତୁ ଉଣ୍ତାଜି ମାନି ପାର୍‌ତନା ମଣ୍ତଲିଦିଙ୍ଗ୍‍ଁ ବା ମାଡ଼ିସ୍‍ କିଜିନା । ନା ଲାଡ୍‍ତି ତଡ଼୍‍ ଏପାଇନେତଦିଙ୍ଗ୍‍ଁ ନା ନମସ୍କାର୍‌ ୱେର୍‍ନିଦେର୍‍ । ଆସିଆ ରାଜିଦୁ ୱାନ୍‌ ଆଜିନାନ୍‍ ପାର୍‍ତୁମ୍‍ କ୍ରିସ୍ତ ବିସ୍‍ବାସି ।

అపొస్తు 17:5

ମାତର୍‌ ଜିହୁଦି ଲୋକୁ ରିସା ଆତାର୍‌ ମାରି ଏସ ତାଗ୍‌ଇ ଗୁଣ୍‍ତି ଲୋକାଙ୍ଗ୍‌ ଉଣ୍ତା କିଜି ୱିଜୁ ଗାଡ଼୍‍କାଙ୍ଗ୍‍ଁ ମାଡ୍‌ଗୋଲ୍‌ କିବିସ୍‍ କିତାର୍‍ । ୱାର୍‌ ପାଉଲ ନି ସିଲେଙ୍ଗ୍‍ଁ ପୟ୍‌ଜି ଲୋକା ଲାକ୍‌ତୁ ତାନି ଉଣ୍ତିଙ୍ଗ୍‍ଁ ଜେସନ୍‍ ଦର୍‌ତି ଅରେନ୍‌ ଲୋକ୍‌ତି ଇଲୁଦିଙ୍ଗ୍‌ ୱିର୍‍ସିତାର୍‍ ।

అపొస్తు 13:12

ଇୟା ଗଟ୍‌ନା ସୁଡ଼୍‌ଜି ସାସନକିନିୱାନି ବିସ୍‌ବାସ୍‌ ଆତାତ୍‌, ଇରିଙ୍ଗ୍‌ ୱାନ୍‌ ପ୍ରବୁଦି ସିକିୟା ୱେନ୍‌ଜି କାବାଆତା ମାର୍ହାନ୍‍ ।

యోహాను 19:13

ମାରି, ପିଲାତ୍‌ ଇୟାୱିଜୁ ମାଟା ୱେର୍‌ଆନ୍‌ନୋ ଜିସୁଙ୍ଗୁଁ ଆତେରେ ତାତ୍‌ତାନ୍‌ନୋ “ଗୁଡିକାଲୁ” ଦର୍‌ତି ବାଡିଦୁ ତାତାର୍‌, ଏବ୍ରି ବାସାଦାନ୍‌ ଇୟାତାନି ଦର୍‌ “ଗବ୍‌ବତା” ଇଜି ଇନାର୍‌, ଆୟା ବିଚାର୍‍କିନି ବାଡିଦୁ ବାସ୍‌ତାନ୍‌ ।

అపొస్తు 13:8

ମାତର୍‌ ଗୁଣିଆ ଏଲିମାସ ଇକା ୱାନି ଗ୍ରିକ୍‌ ଦରୁ ୱାରିଙ୍ଗ୍‌ ବାଦା ସିତାନ୍‌, ଇରିଙ୍ଗ୍‍ଁ ୱାନ୍‌ ସାସନ୍‍କିନିୱାନିଙ୍ଗ୍‍ଁ କ୍ରିସ୍ତଦି ବିସ୍‌ବାସ୍‌ ଉଣ୍ତିଙ୍ଗ୍‍ଁ ୱେର୍‌ଏ କିଜି ଇଡ୍‍ଦେଙ୍ଗ୍‍ଁ ବଦା କିଜିମାର୍ହାନ୍‍ ।

అపొస్తు 18:11

ଆଦେଙ୍ଗ୍‍ଁ ପାଉଲ ଆବେ ମାପୁରୁଦି ବାକ୍ୟ ବିସୟ୍‌ତାନ୍‌ ସିକିୟା ସିଜି ବାର୍‍ସେକ୍‍ ଆଦା ତେବାତାନ୍‌ ।

అపొస్తు 19:21

ଇୟାୱିଜୁ ଗଟନା ୱେନ୍‌କା ପାଉଲ ମାସିଦନିଆ ନି ଆକାୟା ନାମ୍‍ଡ଼ିସିଜି ଜିରୁସାଲାମ୍‍ତୁ ସନ୍‍ଡ୍ରେଙ୍ଗ୍‍ଁ ଇଚ୍ଛା କିତାନ୍‌ । ୱାନ୍‌ ଇର୍ହାନ୍‌, “ଆବେ ସର୍ହି ୱେନ୍‌କା ନାନ୍ ଏଣ୍ତେସ୍‌ବା ରୋମ୍‍ତୁ ବା ସନା ।”

2కొరింతి 11:26

ଗାଦି ଦେବେଙ୍ଗ୍‌ ସନି ୱାଲେ ଗାଡାଦି ସାନିମାନୁ, ଡଙ୍ଗାଁରି କିୟୁଦୁ, ଜିହୁଦି ମାରି ଅଣଜିହୁଦିରି କିୟୁଦୁ, ଗାଡ଼୍‌ତୁ ମାରି ସୁନ୍‌ସାନ୍‌ବାଡିଦୁ, ସାମ୍‌ଦୁରୁତୁ, ଟକେକିନି ସଙ୍ଗ୍‌ରି ମାଣ୍‌କୁ ସାନିମାନୁ ସାମ୍‍ନା କିତାମାନା ।

1దెస్స 2:14

ଏ ତଡ଼ାନ୍‌କୁ ନି ତାଙ୍ଗିଁକି, ଜିହୁଦା ଦେସ୍‌ତୁ ମାନି ଜିସୁଦି ମଣ୍ତଲିଆଙ୍ଗାଁ ମାରି ଆବେଣି କ୍ରିସ୍ତବିସ୍‌ବାସ୍‌ରି ଉଣ୍ତିଙ୍ଗ୍‌ ଆମାକା ଗଟାତାମାର୍ହାତ୍‍, ମି ଉଣ୍ତିଙ୍ଗ୍‌ ବା ଆକା ଗଟାତାମାନାତ୍‌ । ୱାର୍‌ ଜିହୁଦିରିମାଣୁକୁ ଏଣ୍ତେସ୍‌ ଦୁଃକ୍‌କାସ୍ଟୁ ବୋଗାତା ମାର୍ହାର୍‌, ମିର୍‌ ବା ନିଜେଦି ଦେସ୍‌ତି ଲୋକାମାଣୁକୁ ଦୁଃକ୍‌କାସ୍ଟୁ ବୋଗାତି ମାନିଦେର୍‌ ।

1దెస్స 2:16

ଇୟାୱାଜା ଆମା ସୁସମାଚାର୍‌ ପ୍ରସାର୍‌ଦାନ୍‌ ଅଣଜିହୁଦିରି ରକିୟା ପୁରା ଆଦେଙ୍ଗ୍‌ ଆଟ୍‍ନାତ୍‍, ଆବେଣ୍‌କୁ ୱାର୍‌ ମାଙ୍ଗିଁ ବାଦା ସିନାର୍‌ । ଇୟାୱାଜା ୱାର୍‌ ୱିଜୁଦିନ୍ ନିଜେ ନିଜେଦି ପାପ୍‌ ପୁରା କିଜିମାନାର୍‌ । ସାରାସାରିୱେନ୍‌କା ଇଲେଇ ୱାରି ବିରୁଦ୍‌ତାନ୍‌ ମାପୁରୁଦି ରିସା କାସ୍‌ସିନାତ୍‌ ।