అపొస్తు 15:29 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁹ ଆୟା ଏସ ନିୟମ ଆତାତ୍‌; ଦିୟାମ୍‍କା ଉଦେସ୍‍ତାନ୍‍ ପୁଜାସିତିମାନି ଇନି କାଦି ଉଣ୍‍ମାଟ୍‍, ନେତେର୍‌ ତିନ୍‍ମାଟ୍‍, କକ୍‍ଲାଦିଙ୍ଗ୍‌ ପିଡ଼୍‍ସି ଡାକ୍‍ତିମାନି ଇନି ଜାତୁଦି କାଣ୍ତା ତିନ୍‍ମାଟ୍‍ ମାରି ଦାରିପାଣିଦାନ୍‌ ବନ୍ଦ୍‍ ଆନାତ୍‌ । ଇୟାୱିଜୁ ପାଣି କିଇ ଉଣ୍ତିଙ୍ଗ୍‍ଁ ଜାଗାର୍‌ତା ମାରିଙ୍ଗ୍‍ଁ, ମି ନେଗିକା ଆନାତ୍‌ । ମା ମାଟା ଆସ୍‌ତୁ ।”

అపొస్తు 15:29 Referans Kwoze

అపొస్తు 15:20

ମାତର୍‌ ୱାର୍‌ ଏଣ୍ତେସ୍‌ ଦିୟାମ୍‍କାଙ୍ଗ୍‍ଁ ପୁଜାସିତିମାନି ଇନି ଅସୁଚି କାଦି ଉଣୁଏର୍‌, ଦାରିପାଣି କିନି ପାପ୍‌ତାନ୍‌ ତେବାନାର୍‌, କକ୍‍ଲା ସିପ୍‍ସି ଡାକ୍‍ତିମାନି ଜାତୁଦି ନେତେର୍‌ ନି କାଣ୍ତା ତିନ୍‍ଏର୍‍ ଇୟାୱିଜୁ ବିସୟ୍‌ତାନ୍‌ ସିକିୟା ସିଜି ୱାରି ଲାକ୍‌ତୁ ଉଣ୍ତ୍ରି ଆକୁ ରାସ୍‍ନାଟ୍‍ ।

అపొస్తు 21:25

ମାତର୍‌ ଏମେ ଅଣଜିହୁଦି ଲୋକୁ ବିସ୍‌ବାସ୍‌ ଆତାମାନାର୍‌, ୱାରି ଲାକ୍‌ତୁ ମାପ୍‌ ଉନ୍‍ଣ୍ତ୍ରି ଆକୁ ରାସ୍‌ସି ସିକିୟା ସିତାମାନାପ୍‍ ଜେ, ମା ମାଟାଦି ଇସାବ୍‌ତାନ୍‌ ୱାର୍‌ ଦିୟାମ୍‍କା ଲାକ୍‌ତୁ ପୁଜାସିତିମାନି କାଦି ଉଣୁଏର୍‌, ନେତେର୍‌ ଉଣୁଏର୍‌, କକ୍‍ଲା ପିଡ଼ିସି ସାପିସ୍‍କିତିମାନି ପସୁଦି କାଣ୍ତା ତିନ୍‍ଏର୍‍ ମାରି ଦାରିପାଣିଦାନ୍‌ ଆକତେବାଦୁ ।”

ప్రకటన 2:20

ମାତର୍‌ ନି ବିରୁଦ୍‌ତାନ୍ ନାନୁ କେବଲ୍‌ ନିସ ଇନିକା ମାନାତ୍, ମାପୁରୁଦି କାବୁରୁଅନିତାନି ୱାଜା ନିଜେଦି ପରିଚୟ ସିଜିମାନି ଯେଜେବଲ୍ ଦର୍‌ତି ଆଇମାଦିଙ୍ଗ୍‍ ନିନ୍‌ ଜିବନ୍‌ନୋନିକା ସିତିମାନି । ବାବବାଦିନି ନା ଦାସ୍‍ରିଙ୍ଗ୍‍ ଦାରିପାଣି କିଦେଙ୍ଗ୍‌ ମାରି ଦିୟାମ୍‌କା ଲାକ୍‌ତୁ ସିଆୟ୍‌ଆତିମାନି ବଗ୍‌ ତିନ୍‌ଡ୍ରେଙ୍ଗ୍‌ ସିକିୟା ସିଜି ୱାରିଙ୍ଗ୍‌ ଆଇସାରିଦୁ ପୋକ୍‌ସିନାତ୍‌ ।

ప్రకటన 2:14

ମାତର୍‌ ନି ବିରୁଦ୍‌ତାନ୍‌ ନା ଏସ ବିସୟ ଇନିକା ମାନାତ୍‌ । ଆବେନୁ ମି ୱାଲେ ମାନି ଏସ ଲୋକୁ, ବାଲାମଦି ସିକିୟାଦାନ୍‌ ବୁଲାସାଲା ଆଜିନାର୍‌ । ବାଲାମ ପୁଜାସିନି ବଗ୍‌ ତିନ୍‌ଡ୍ରେଙ୍ଗ୍‌ ମାରି ଦାରିପାଣି କିନି ଉଣ୍ତିଙ୍ଗ୍‌ ଇସ୍ରାଏଲ୍‌ତି ଲୋକାଙ୍ଗ୍‌ ୱେର୍‌ନି ଉଣ୍ତିଙ୍ଗ୍‌ ବାଲାକଦିଙ୍ଗ୍‌ ଅଜାକିତାମାରାନ୍ ।

ଜିହୁଦା 1:24

ଏନ୍‌ ମିଙ୍ଗିଁ ଗାଡ଼୍‌ଦିରାନ୍‌ ରକ୍‌ୟା କିଦେଙ୍ଗ୍‌ ମାରି ୱାନି ଗୌରବ୍‌ ଆଗ୍‌ଡ଼ି ଦସ୍‍ସିଲିକା ମାରି ୱେଡ଼ିକା କିଜି ଇଗାୱାଦେଙ୍ଗ୍‌ ଡାଟ୍‌ମାନାନ୍‌,

୧ ଜୋହନ 5:21

ଏ କଡ଼ର୍‌, ସତ୍‌ସିଲି ଦିୟାମ୍‍କାମାଣୁକୁ ନିଜେ ନିଜେଦିଙ୍ଗ୍‌ ଆକତେବାଦୁ ।

యాకోబు 1:27

ଆମା ଦାର୍ମୁପାଣି ବୁବା ମାପୁରୁଦି ଲାକ୍‌ତୁ ନେଗିକା ମାରି ଟିକ୍‍, ଆକା ଆଜିନାତ୍‌ କାକୁର୍ତିମାନି ଟୁରାଲୋକାଙ୍ଗ୍‍ ମାରି ରାଣ୍ତିଆଇମେକାଙ୍ଗ୍‌ ଜାତୁନ୍‍ କିନିକା ମାରି ଦୁନିଆଦାନ୍‌ ନିଜେଦିଙ୍ଗ୍‍ ପାପ୍‌ପାଣିଦାନ୍‌ ରକିୟା କିନିକା ।

1తిమోతి 5:22

ତର୍‌ବର୍‌ ଆଜି ଏ ମୁସ୍‌କୁ କିୟୁ ଇଡ୍‍ଜି ସର୍‌ପେ କିମାଟ୍‌, ଆଇୱାରି ପାପ୍‌ତୁ ନିଜେଦିଙ୍ଗ୍‌ ମିସା କିମାଟ୍‌; ମିର୍‌ ନିଜେଦିଙ୍ଗ୍‌ ପୁରା ପବିତ୍ର ଇଡ୍‌ଦୁ ।

2కొరింతి 13:11

ତଡ଼ାନ୍‍କୁ ନି ତାଙ୍ଗିଁକ୍‍ ନା ସାରାସାରି ମାଟା ଇକା ନିଜେଦିଙ୍ଗ୍ ଟିକ୍‍ କିଦୁ, ନା ମାଟା ଆସ୍‌ତୁ, ୱିଜେରେ ଉନ୍‌ଡ୍ରେମାନୁ ଆଦୁ ମାରି ସାନ୍ତିଦାନ୍ ତେବାଦୁ । ଜିବନ୍‌ନୋନିକା ମାରି ସାନ୍ତିଦି ମାପୁରୁ ମି ୱାଲେ ତେବାପିନ୍‍ ।

2కొరింతి 11:9

ମି ୱାଲେ ମାରିଇୱାଲେ ନା ଅବାବ୍‌ ପୁରାକିନି ଉଣ୍ତିଙ୍ଗ୍‌ ନାନୁ ଏଙ୍ଗ୍‌ବା ବଜୁତିଗ୍‌ଦେଙ୍ଗ୍‌ ସିଏ । ଇରିଙ୍ଗ୍‌ ମାସିଦୋନିଆଦାନ୍‌ ୱାତିମାନି ତଡ଼ାନ୍‌କୁ ନା ୱିଜୁ ଅବାବ୍‌ ପୁରା କିତାମାର୍ହାର୍‌ । ସର୍‌ଇଦିନ୍‌ତି ୱାଜା ବବିସ୍ୟତରେ ବା ନାନୁ ଏସ୍‌କାଙ୍ଗ୍‌ ମିଙ୍ଗିଁ ବଜୁତିଗ୍‌ଏ ।

అపొస్తు 18:21

ସନି ୱେଡ଼ାଦୁ ୱାନ୍‌ ୱାରିଙ୍ଗ୍‍ଁ ଇର୍ହାନ୍‌, “ଜଦି ମାପୁରୁଦି ବଦା ତେବାନାତ୍‍, ନାନ୍ ମି ଲାକ୍‌ତୁ ଡ଼େସି ୱାନା ।” ୱେନ୍‌କା ୱାନ୍‌ ଜାହାଜ୍‌ ଏକ୍‌ସି ଏପିସସ୍‍ ଡ଼ିସ୍‌ସି ୱାତାନ୍‌ ।

లూకా 9:61

ମାରି ଅରେନ୍‍ ବା ଇର୍‌ଆନ୍‌, “ପ୍ରବୁ, ନାନ୍ ନି ୱେନ୍‌କା ୱାନା, ମାତର୍‌ ଆଗ୍‌ଡ଼ି ନା ଇଲ୍‌ତୁ ମାନି ଲୋକାମାଣ୍‌କୁ ନି ୱାଲେ ୱାନି ବିସୟ୍‌ ମାଡ଼ିସ୍‍କିଦେଙ୍ଗ୍‍ ନାଙ୍ଗିଁ ସାରି ସିଦା ।”

అపొస్తు 23:30

ମାରି ୱାନି ବିରଦ୍‌ତାନ୍‌ ଉନ୍‌ଡ୍ରି ଉପାୟ୍‌ ଆତାମାନାତ୍‌ ଇଜି କାବୁର୍‌ ପୟ୍‌ଜି ଦାପ୍ରେ ଦାପ୍ରେ ୱାନିଙ୍ଗଁ ନି ଲାକ୍‌ତୁ ପୋକ୍‌ତେଙ୍ଗ୍‌ ଅଡ଼୍‍ବିତା । ୱାନି ବିରଦ୍‌ତାନ୍‌ ମାନି ଦାବିୱିଜୁ ନି ଲାକ୍‌ତୁ ୱେର୍‍ତେଙ୍ଗ୍‍ଁ ଇଜି ନାନୁ ୱାନି ଦାବିକିନିୱାରିଙ୍ଗ୍‍ଁ ଇର୍ହାମାନା ।”