అపొస్తు 14:23 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²³ ୱିଜୁ ମଣ୍ତଲିଦୁ ୱାର୍‌ କିକୁ ଇଡ୍‌ଜି ମଣ୍ତଲିଦି ପେରି ନେତାର୍‍ରିଙ୍ଗ୍‌ ବାସେ କିତାର୍‍ ମାରି ଏମେ ପ୍ରବୁଦିମାନୁ ୱାର୍‌ ବିସ୍‌ବାସ୍‌ କିତାମାର୍ହାର୍‍, ପାର୍‌ତନା ନି ଉପବାସତି ୱାଲେ ୱାରିଙ୍ଗ୍‍ଁ ଆୟା ପ୍ରବୁଦି ଲାକ୍‌ତୁ ସର୍ପେ କିତାର୍‍ ।

Konda: కొండ బాసదు నెగ్గి కబ్రు

²³ పవులు, బర్నబ విజు సఙమ్‌కాఙ్‌ పెద్దెల్‌ఙ ‌ఏర్‌పాటు కితారె ఉపాస్‌ మంజి పార్దనం కిజి, వారు నమ్మితి దేవుణుదిఙ్‌ వరిఙ్‌ ఒపజెప్తార్.

అపొస్తు 14:23 Referans Kwoze

తీతు 1:5

ଆବେନ୍‌ ଏସଗୋଟା ବିସୟ୍‌ତି ନେଗିନିୟମ୍‌ କିଦେଙ୍ଗ୍‌ ମାରି ଇୟାଉଣ୍ତିଙ୍ଗ୍‌ ୱିଜୁ ଗାଡ଼ାକା ମଣ୍ତ୍‌ଲିଦି ପେରିନେତାରିଙ୍ଗ୍‌ ଆସ୍‌କିନି ଉଣ୍ତିଙ୍ଗ୍‌ ମିଙ୍ଗିଁ ନାନ୍‌ କ୍ରିଟ୍‌ଦୁ ଡ଼ିସ୍‌ତା ୱାତାମାର୍ହା । ଇୟା ବିସୟ୍‌ତାନ୍‌ ନା ମାଟେଙ୍ଗ୍‌ୱିଜୁ ଏତ୍‌ କିଦୁ,

అపొస్తు 11:30

ୱାର୍‌ ଡାବୁଙ୍ଗୁଁ ଉଣ୍ତା କିଜି ବର୍ଣ୍ଣବାସ୍‍ ନି ସାଉଲତି କିଦୁ ମଣ୍ତଲିଦି ପେରି ନେତାର୍‍ରି ଲାକ୍‌ତୁ ଆକା ପୋକ୍‌ତାର୍‌ ।

యాకోబు 5:14

ମି ଲଇ ଏନ୍‌ ଇନିକା ନବ୍‌ ? ୱାନ୍‌ ମଣ୍ତଲିଦି ନେତାରିଙ୍ଗ୍‌ କୁକିନ୍‌; ୱାର୍‌ ପ୍ରବୁଦି ଦର୍‌ତାନ୍‌ ନିୟୁ ଉସ୍‌ସି ଆୟା ଉଣ୍ତିଙ୍ଗ୍‌ ପାର୍‌ତାନା କିପିର୍‌ ।

2తిమోతి 2:2

ମାରି ଗାଦି ଲୋକ୍‌ ସାକିରି ଆଗ୍‌ଡ଼ି ନାନ୍‌ ପ୍ରଚାର୍‌ କିତିମାନି ବାକ୍ୟୱିଜୁ ମିର୍‌ ୱେର୍‌ଇମାନିଦେର୍‌ । ଆଇୱାରିଙ୍ଗ୍‌ ସିକିୟା ସିନି ଉଣ୍ତିଙ୍ଗ୍‌ ସାସ୍‌ ମାରି ବିସ୍‌ବାସ୍‌ତି ଲୋକା ଲାକ୍‌ତୁ ଆୟାୱିଜୁ ବିସୟ୍‌ ସର୍‌ପେ କିଦୁ ।

అపొస్తు 20:32

“ଇଲେଇ ନାନୁ ମିଙ୍ଗିଁ ମାପୁରୁଦି କିୟୁଦୁ ମାରି ୱାନି ଦୟାଦୁ ପୁରାତି ବାକ୍ୟଦୁ ସର୍ପେ କିଜିନା, ଆୟା ବାକ୍ୟ ମିଙ୍ଗିଁ ବପୁ କିଦେଙ୍ଗ୍‌ ଇଜି ମାପୁରୁଦି ଲୋକା ଉଣ୍ତିଙ୍ଗ୍‌ ମାନି ୱିଜୁ ଆର୍ସିବାଦ୍‌ ମିଙ୍ଗିଁ ସିଦେଙ୍ଗ୍‍ ଇଜି ଆଟ୍‍ନା ।

1తిమోతి 5:22

ତର୍‌ବର୍‌ ଆଜି ଏ ମୁସ୍‌କୁ କିୟୁ ଇଡ୍‍ଜି ସର୍‌ପେ କିମାଟ୍‌, ଆଇୱାରି ପାପ୍‌ତୁ ନିଜେଦିଙ୍ଗ୍‌ ମିସା କିମାଟ୍‌; ମିର୍‌ ନିଜେଦିଙ୍ଗ୍‌ ପୁରା ପବିତ୍ର ଇଡ୍‌ଦୁ ।

అపొస్తు 20:17

ମିଲିଟସ୍‍ତାନ୍‌ କାବୁର୍‌ ପୋକ୍‌ସି ଏପିସିୟ ମଣ୍ତଲିଦି ପେରି ନେତାର୍‍ରିଙ୍ଗ୍‌ ୱାନି ୱାଲେ ମିସାଦେଙ୍ଗ୍‍ଁ ପାଉଲ କୁକିସ୍‍ କିତାନ୍‌ ।

୩ ଜୋହନ 1:1

ପ୍ରାଚିନ୍ ଜୋହନ ଯେ ନାନୁ, ନା ଲାଡ୍‍ତି ତଡ଼୍‍ ଗାୟ୍‌ଦି ଲାକ୍‌ତୁ ଇୟା ଆକୁ ରାସ୍‌ସିନା; ୱାନିଙ୍ଗ୍‌ ନାନୁ ସତ୍‌ତାନ୍‌ ଜିବନ୍‌ନୋନା ।

୨ ଜୋହନ 1:1

ପ୍ରାଚିନ୍ ଜୋହନ ଯେ ନାନୁ ଅରେତ୍‌ ଆସ୍‌କିଆୟ୍‌ଆତି ଆଇମା ମାରି ତାନି କଡ଼ରି ଲାକ୍‌ତୁ ଇୟା ଆକୁ ରାସ୍‌ସିନା । ମିଙ୍ଗିଁ ନାନୁ ସତ୍‌ ୱାଜା ଜିବନ୍‌ନୋନା, ମାରି କେବଲ୍‌ ନାନ୍‌ ସିଲେ, ମାତର୍‌ ସତ୍‌ ନେସ୍‌ତିମାନି ୱିଜୁ ଲୋକୁ ବା ଜିବନ୍‌ନୋନାର୍‌ ।

୧ ପିତର 5:1

ନାନ୍‌ ଅରେନ୍‌ ପେରିନେତା ଇସାବ୍‌ତାନ୍‌ ମିଙ୍ଗିଁ ମଣ୍ତ୍‌ଲିଦି ପେରିନେତାରିଙ୍ଗ୍‌ ମାଡ଼ିସ୍‍ କିଜିନା । ମାରି କ୍ରିସ୍ତଦି ଦୁଃକ୍‌ ପୟ୍‍ନିମାନୁ ନାନ୍‌ ଅରେନ୍‌ ସାକି ମାରି ୱାନି ଗୌରବ୍‌ ତରାୟ୍‍ଆନି ବେଡ଼ାଦୁ ନାନ୍‌ ଆବେନୁ ସାକି ତେବାନା ।

1తిమోతి 5:1

ଡକ୍ରାଦାଦାରିଙ୍ଗ୍‍ ବୁବାୱାଜା ଅଡ଼୍‌ବିଦୁ, ମାତର୍‌ ୱାରିଙ୍ଗ୍‌ ଲାଗାଏଣ୍‌ଗା ନେଗେନ୍‌ତାନ୍‌ ମାନାଦୁ । ମୁରୁଲିଆଙ୍ଗାଁ ଉଣ୍ତିଙ୍ଗ୍‌ ତଡ଼ାନ୍‌ ୱାଜା ବ୍ୟବ୍‌ହାର୍‌ କିଦୁ ।

అపొస్తు 15:6

ଇୟା ବିସୟ୍‌ ୱାର୍‍ଗିଦେଙ୍ଗ୍‍ଁ ଇଜି ପ୍ରେରିତ ସିସୁର୍‍ ମାରି ମଣ୍ତଲିଦି ନେତାର୍‍ ଉଣ୍ତାତାର୍‌ ।

అపొస్తు 15:4

ୱାର୍‌ ଜିରୁସାଲାମ୍‍ତୁ ଇତି ୱେନ୍‌କା ମଣ୍ତଲି, ପ୍ରେରିତ ସିସୁର୍‍ ମାରି ମଣ୍ତଲିଦି ନେତାର୍‍ ୱାରିଙ୍ଗ୍‍ଁ କୁକ୍‍ତାର୍‍ । ମାପୁରୁ ୱାରି ମାଣାନ୍‌ କିତିମାନି ପାଣି ବିସୟ୍‌ତାନ୍‌ ପାଉଲ ନି ବର୍ଣ୍ଣବା ୱାରିଙ୍ଗ୍‍ଁ ୱେର୍‌ତାର୍‍ ।

୧ ପିତର 5:10

ୱିଜୁ ଦୟା ସିନି ଆମା ମାପୁରୁ ନିଜେଦି ୱିଜୁଦିନ୍‌ତି ଗୌରବ୍‌ତୁ ମିସାନି ଉଣ୍ତିଙ୍ଗ୍‌ କ୍ରିସ୍ତ ଜିସୁଦି ମାଣୁକୁ ମିଙ୍ଗିଁ କୁକ୍‌ତାମାନାନ୍‌ । ୱାନ୍‌ ନିଜେ ସାଣେକ୍‌ତି ଦୁଃକ୍‌ପୟ୍‍ତି ୱେନ୍‌କା ମିଙ୍ଗିଁ ପୁରା କିନାନ୍‌, ତିର୍‌କିନାନ୍‍, ସାକ୍ତିକିନାନ୍‍ ମାରି ଡାଟ୍‍କିନାନ୍‌ ।

2తిమోతి 1:12

ଆୟାଉଣ୍ତିଙ୍ଗ୍‌ ନାନ୍‌ ଇୟାୱିଜୁ ଦୁଃକ୍‌କାସ୍ଟୁ କିଜିନା । ଇରିଙ୍ଗ୍‌ ନାନ୍‌ ଆମାୱାନିଙ୍ଗ୍‌ ବିସ୍‌ବାସ୍‌ କିଜିନା, ନାନ୍‌ ୱାନିଙ୍ଗ୍‌ ନେଗେନ୍‌ତାନ୍‌ ନେସ୍‌ତାମାନା, ଆକା ସାଲାକିଦେଙ୍ଗ୍‌ ପେରିବିସାର୍‌ ଦିନ୍‌ ସାନ୍ଦି ୱାନ୍‌ ନାଙ୍ଗିଁ ନେଗେନ୍‌ତାନ୍‌ ଇଡ୍‌ନାନ୍‌, ଇକା ସତ୍‌ତାନ୍‌ ନେସ୍‌ସି ନାନ୍‌ ଇୟାସାନ୍ଦି ପୁରାପୁରି ଆସା ଆଜି ତେବାତାମାନା ।

అపొస్తు 15:23

ବିସ୍‍ବାସିର୍‍ ରାସାତିମାନି ଆକୁଦିଙ୍ଗ୍‌ ଇୟା ରିଏରି କିୟୁଦୁ ପକ୍‌ତାର୍‌ । “ଆଣ୍ଟିୟକ, ସିରିଆ ମାରି କିଲିକିୟାଦି ଅଣଜିହୁଦିରି ମାଣ୍‌କୁ ୱାତିମାନି ତଡ଼ାନ୍‌କୁ ପ୍ରେରିତ ସିସୁର୍‍ ମାରି ମଣ୍ତଲିଦି ନେତାର୍‍ ମାଡ଼ିସ୍‌ କିଜିନାର୍‍ ।

అపొస్తు 14:26

ଆବେଟ୍‌କୁ ୱାର୍‌ ଜାହାଜ୍‌ତାନ୍‌ ଆଣ୍ଟିୟକଦୁ ଡ଼େସି ୱାତାର୍‌ । ଇୟା ଆଣ୍ଟିୟକଦୁ ଇଲେଇ ଆତି ମାନି ପାଣି ଉଣ୍ତିଙ୍ଗ୍‍ଁ ମାପୁରୁଦି ଦୟା ଦାନ୍‌ ୱାର୍‌ ସର୍ପେ ଆତାମାର୍ହାର୍‍ ।

అపొస్తు 1:22

ଜିସୁ ଜୋହନତି ମାଣାନ୍‌ ଡୁବନ୍‌ ଅତି ସମୟ୍‍ତାନ୍ ମୁସ୍‌କୁ ସନି ସାନ୍ଧି ୱିଜୁ ୱାଲେ ପ୍ରବୁ ଜିସୁ ମା ୱାଲେ ବୁଲାସାଲା କିନିୱାଲେ, ଏମେ ଲୋକୁ ମା, ଦଲ୍‌ତୁ ମାର୍ହାର୍‌ ଅରେନ୍ ୱାନିଙ୍ଗ୍‌ ଆସ୍‍କିଦେଙ୍ଗ୍‌ ଆନାତ୍‌ ଏମେ ଲୋକୁ ମା ଦଲ୍‍ତୁ ମାର୍ହାର୍‌, ୱାରି ଲୋଇରାନ୍‌ ଅରେନ୍‌ୱାନିଙ୍ଗ୍‌ ମାରିଡ଼େସି ଇୟାଉଣ୍ତିଙ୍ଗ୍‌ ଆସ୍‌କିଦେଙ୍ଗ୍‍ ଆନାତ୍‌ ।”

లూకా 23:46

ମାରି, ଜିସୁ ନାଣ୍ତ ଆଉଲି ଆଜି ଡ଼େସି ଇର୍ହାନ୍‌, “ଏ ବୁବା, ନି କିୟୁଦୁ ନାନ୍ ନିଜେଦି ଆତ୍ମା ସପ୍ରେ କିଜିନା ।” ଇକା ଇନ୍‌ଞ୍ଜି ୱାନ୍‌ ସାତା ସୋର୍ହାନ୍‌ ।

మార్కు 3:14

ଜିସୁ ବାର ଲୋକ୍‍ ସିସୁରିଙ୍ଗ୍‌ ବାସ୍‌କିତାନ୍‌, ଏଣ୍ତେସ୍‌ ୱାରୁ ୱାନିୱାଲେ ତେବାନାର୍‌, ମାରି “ୱାନ୍‌ ୱାରିଙ୍ଗ୍‌ ନେଗିକାବୁରୁ ପ୍ରଚାର୍‌ କିଦେଙ୍ଗ୍‌ ପୋକ୍‌ତାନ୍‌,”

లూకా 2:37

ୱାଦ୍‌ ମନ୍ଦିର୍‌ତିଙ୍ଗ୍‌ ଡ଼ିସ୍‌ସି ସଲ୍‍ଏଜି ମାର୍‌ଆତ୍‌, ଉପାସ୍‌ କିଜି ମାରି ୱେଡ଼େନାଡ଼ା ମାପୁରୁମାନୁ ପାର୍‍ତନା କିଜିମାର୍‌ଆତ୍‌ ।

అపొస్తు 1:24

ମାରି ପାର୍‌ତନା କିତାର୍‍, “ପ୍ରବୁ, ନିନ୍‌ ୱିଜୁ ସିନ୍ତା ନେସ୍‌ନି । ଇୟା ରିଏରି ଲୋଇ ଏଙ୍ଗ୍‍ଁ ବାସେକିତିମାନି,

2కొరింతి 8:19

ମାରି ନାସ ସିଲେ, ପ୍ରବୁଦି ଗୌରବ୍‍ ମାରି ମା ନମସ୍କାର୍‌ ୱିକ୍‌ନି ଉଣ୍ତିଙ୍ଗ୍‌ ଆମା ଉଣ୍ତାକିତି ଦାନ୍‍ତି ଅନି ସେବା ପାଣି ମାପ୍‌ ପୟ୍‍ତାମାନାତ୍‍, ଆବେନ୍‌ ମା ଅର୍‌ସେସନି ଉଣ୍ତିଙ୍ଗ୍‌ ଆଇଆଇ ମଣ୍ତଲି ୱାନିଙ୍ଗ୍‌ ଆସ୍‍ କିତାମାନାର୍‌ ।

మత్తయి 17:21

ମାତର୍‌ ପାର୍‌ତନା ନି ଉପବାସ୍‌ ଡ଼ିସ୍‌ତିଙ୍ଗ୍‌ ଆଇକା ଇନି ଉପାୟ୍‌ତାନ୍‌ ଇୟାୱାଜା ଦୁବା ସୋହସ ସଲ୍‌ଏତେ ।