అపొస్తు 14:1 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹ ଇକନିୟାଦୁ ଆୟା ଗଟନାଦି ବିସୟ୍‌ ମାରିଡ଼େସି ଆତାତ୍‌ : ପାଉଲ ନି ବର୍ଣ୍ଣବା ପାର୍‌ତନା ଇଲୁଦୁ ସଲ୍‍ସି ଇୟାୱାଜା ପ୍ରଚାର୍‌ କିତାନ୍‌ ଜେ ନାଣ୍ତ ଜିହୁଦି ଲୋକୁ ନି ଅଣଜିହୁଦିର୍‍ କ୍ରିସ୍ତଦିମାନୁ ବିସ୍‌ବାସ୍‌ କିତାର୍‍ ।

Konda: కొండ బాసదు నెగ్గి కబ్రు

¹ పవులుని బర్నబ కూడ్ఃజి ఇకొనియా‍దు సొహరె అంతియోకయాదు కిత్తిలె‍కెండ్ యూదురు మీటిఙ్‌ కిని ఇండ్రొ సొహార్. వారు నెగ్రెండ బోద వెహ్తిఙ్‌ ‌నండొండార్ ‌యూదురు, నండొండార్ ‌యూదురు ఆఇకార్‌బా ‌నమ్మితార్.

అపొస్తు 14:1 Referans Kwoze

అపొస్తు 18:4

ଜିହୁଦି ନି ଗ୍ରିକ୍‌ଲୋକା ମନ୍‌ତୁ ପ୍ରବୁଦି ଉଣ୍ତିଙ୍ଗ୍‍ଁ ବିସ୍‌ବାସ୍‌ କିବିସ୍‍ କିଦେଙ୍ଗ୍‍ଁ ଇଜି ୱିଜୁ ରମ୍‌ନି ଦିନ୍‍ତୁ ୱାନ୍‌ ପାର୍‌ତନା ଇଲୁଦୁ ୱାର୍‌ଗିଜି ମାର୍ହାନ୍‍ ।

అపొస్తు 13:51

ପ୍ରେରିତ ସିସୁର୍‍ ଆୟା ଲୋକା ବିରଦ୍‌ତାନ୍‌ ୱାରି ପାଦାମ୍‌ତି ଦୁଡ଼ି ସାଡ଼୍‍ସି ସିଜି ଇକନିୟାଦୁ ସର୍ହାର୍‍ ।

అపొస్తు 13:46

ମାତର୍‌ ପାଉଲ ନି ବର୍ଣ୍ଣବା ମାରି ନାଣ୍ତ ଆଟ୍‍ୱାଦାନ୍‍ ଇର୍ହାର୍‌, ମି ଲାକ୍‌ତୁ ପାର୍‌ତୁମ୍‌ ମାପୁରୁଦି ବାକ୍ୟ ପ୍ରଚାର୍‌ ଆନିକାମାର୍ହାତ୍‍ । ମାତର୍‌ ମିର୍‌ ଏସାଙ୍ଗ୍‌ୱିଜ୍‍ଇ ଜିବନ୍‌ ପୟ୍‍ଦେଙ୍ଗ୍‍ଁ ଇଜି ନିଜେଦିଙ୍ଗ୍‍ଁ ଜଗ୍‌ ସିଲିକା ଅଡ଼୍‍ବିଜି ତେନିଙ୍ଗ୍‍ଁ ବିସାର୍‌ କିତିମାନିଙ୍ଗ୍‍ଁ, ମାପ୍‌ ମିଙ୍ଗିଁ ଡ଼ିସ୍‌ସି ଅଣଜିହୁଦିରି ମାନୁ ସନାପ୍‌ ।

అపొస్తు 14:21

ପାଉଲ ନି ବର୍ଣ୍ଣବା ଦର୍ବିଦୁ ସୁସମାଚାର୍‌ ପ୍ରଚାର୍‌ କିଜି ନାଣ୍ତ ସିସୁରିଙ୍ଗ୍‌ ଲାବ୍‍ କିତାର୍‍ । ତାନିୱେନ୍‍କା ୱାର୍‌ ଲୁସ୍ତ୍ରା, ଇକନିୟା ନି ପିସିଦିଆଦି ଆଣ୍ଟିୟକଦୁ ଡ଼େସିସର୍ହାର୍‍ ।

ଗାଲାତିୟ 3:28

ଆଦେଙ୍ଗ୍‍ଁ ଜିହୁଦି ନି ଅଣଜିହୁଦି, କଟିସାକର୍‌ ନି ମୁକ୍‍ଡ଼ାତି ଲୋକୁ, ମେମାରି ବା ଆଇମା ଲୋଇ ମାରି ଇନି ୱେର୍‍ଏ ସିଲେ । ମିର୍‍ ୱିଜେରେ ଜିସୁ କ୍ରିସ୍ତଦି ୱାଲେ ଜଡ଼ାଜି ଉନ୍‍ଣ୍ତ୍ରେମାନୁ ଆତିମାନିଦେର୍‍ ।

ରୋମିୟ 10:12

ଇରିଙ୍ଗ୍‌ ଜିହୁଦିଲୋକୁ ନି ଅଣଜିହୁଦି ଲୋକା ଲୋଇ ଇନିକା ୱେର୍‌ଏ ସିଲେତ୍‍; ଆଦେଙ୍ଗ୍‍ଁ ୱିଜେରି ଅରେନ୍‍ ପ୍ରବୁ, ଏମେକାର୍‌ ୱାନି ସାକା ପାର୍‍ତନା କିନାର୍‌, ୱାରିଙ୍ଗ୍‍ଁ ୱାନ୍‌ ନାଣ୍ତ ଆର୍ସିବାଦ୍‌ କିନାନ୍‍ ।

ରୋମିୟ 1:16

ଆୟା ସୁସମାଚାର୍‌ ମୁସ୍‌କୁ ନା ପୁରା ଆସା ମାନାତ୍‌ । ଆକା ପାର୍‍ତୁମ୍‍ ଜିହୁଦି ଲୋକାମାନୁ ମାରି ୱେନ୍‌କା ଅଣଜିହୁଦି ବିସ୍‍ବାସି ଲୋକାମାନୁ ଉଦାର୍‌ ପାଣି କିଦେଙ୍ଗ୍‌ ଇଜି ମାପୁରୁଦି ସାକ୍ତି ୱାଜା ।

అపొస్తు 19:17

ଏପିସସ୍‍ତୁ ବାସାନି ଜିହୁଦିଲୋକୁ ନି ଅଣଜିହୁଦିଲୋକ୍‍ ଇୟା ବିସୟ୍‌ତାନ୍‌ ୱେନ୍‌ଜି ତିଲାତାର୍‌ ମାରି ଆବେ ପ୍ରବୁ ଜିସୁଦି ଦର୍‌ ମାରି ନାଣ୍ତଦାନ୍‌ ମାନାନିକା ଆତାତ୍‌ ।

అపొస్తు 19:8

ୱେନ୍‌କା ପାଉଲ ଜିହୁଦିରି ପାର୍‌ତନା ଇଲୁଦୁ ଡ଼ୁଗୁଜି ମୁନ୍‍ଣ୍ତ୍ରି ଲେଜ୍‌କୁ ସାନ୍ଦି ସାହାସ୍‍ତାନ୍‍ ମାପୁରୁଦି ରାଜି ବିସୟ୍‌ତାନ୍‌ ୱେର୍‌ସି ବିସ୍‌ବାସ୍‌ କିବିସ୍‍ କିଦେଙ୍ଗ୍‍ଁ ସେସ୍ଟା କିଦେଙ୍ଗ୍‍ଁ ଆସ୍‌ତାନ୍‌ ।

అపొస్తు 18:8

ଜିହୁଦି ପାର୍‌ତନା ଇଲ୍‍ତି ପେରିକାନ୍‌ କ୍ରିସ୍‍ପସ୍‍ ନି ୱାନି ଇଲ୍‌ତି ୱିଜେରେ ପ୍ରବୁମାନୁ ବିସ୍‍ବାସ୍‍‍ କିତାର୍‍ ମାରି କରନ୍ତିଦି ମାରି ନାଣ୍ତ ଲୋକୁ ପାଉଲଦି ସିକିୟା ୱେନ୍‌ଜି ବିସ୍‌ବାସ୍‌ କିତାର୍‍ ମାରି ଡୁବନ୍‌ ଅତାର୍‌ ।

అపొస్తు 17:12

ୱାରି ଲୋଇ ନାଣ୍ତ ଲୋକୁ ବିସ୍‍ବାସ୍‍ କିତାର୍‍ । ନାଣ୍ତ ସନ୍‌ମାନ୍‍‍ତି ଗ୍ରୀକ୍‍ ଆଇମେକ୍‍ ମାରି ଗ୍ରିକ୍‌ ଲୋକୁ ବିସ୍‍ବାସିରି ୱାଲେ ମିସାତାର୍‍ ।

అపొస్తు 17:4

ୱାରି ଲୋଇ ଏସ ଲୋକୁ ଇକା ବିସ୍‌ବାସ୍‌ କିଜି ପାଉଲ ନି ସିଲା ୱାଲେ ମିସାତାର୍‍; ଆୟାୱାଜା ନାଣ୍ତ ପେରି ଆଇମେକ୍‍ ମାରି ମାପୁରୁଦି ପାର୍‍ତନାକିନି ଗ୍ରିକ୍‌ ଲୋକା ଉନ୍‍ଣ୍ତ୍ରି ପେରି ଦଲ୍‌ ବା ୱାରି ୱାଲେ ମିସାତାର୍‍ ।

అపొస్తు 13:43

ଲୋକୁ ମିଟିଙ୍ଗ୍‌ଁ ଡ଼ିସ୍‌ସି ସର୍ହି ୱେନ୍‍କା ନାଣ୍ତ ଜିହୁଦି ନି ଜିହୁଦି ଦର୍ମଦି ଲୋକୁ ଅଣଜିହୁଦିର୍‍ ପାଉଲ ନି ବର୍ଣ୍ଣବାଦି ୱାଲେ ସର୍ହାର୍‍, ସିସୁର୍‍ ୱାରିୱାଲେ ମିସାଜି ମାପୁରୁଦି ଦୟାଦାନ୍‍ ଜିବନ୍‌ କାଟେ କିଦେଙ୍ଗ୍‌ ୱାରିଙ୍ଗ୍ଁ ୱେଡ଼ିକା ସିତାର୍‍ ।

అపొస్తు 11:21

ମାପୁରୁଦି ସାକ୍ତି ୱାରି ୱାଲେ ମାର୍ହାତ୍‌ ମାରି ନାଣ୍ତ ଲୋକୁ ବିସ୍‌ବାସ୍‌ କିଜି ପ୍ରବୁଦି ତରିନ୍‌ ମନ୍‍ ଡ଼େପ୍‍ତାର୍‍ ।

అపొస్తు 9:20

ୱାନ୍‌ ସିଦା ପାର୍‍ତନାକିନି ଇଲ୍‌କାଙ୍ଗ୍‌ ସଲ୍‍ସି, ଜିସୁ ଜେ ମାପୁରୁଦି ମାରିସି, ଇୟା ମାଟା ପ୍ରଚାର୍‌ କିଦେଙ୍ଗ୍‌ ଆସ୍‌ତାନ୍‌ ।

అపొస్తు 21:28

ୱାର୍‌ ଆଉଲି ଆଜି ଇର୍ହାର୍‌, “ଏ ଇସ୍ରାଏଲ୍‌ତି ଲୋକୁ, ମାଙ୍ଗିଁ ସାକା କିଦୁ ! ଇୟା ଲୋକୁ ସାରିବେଡ଼୍‍ତି ସଲ୍‍ସି ଇସ୍ରାଏଲ୍‌ତି ଲୋକା ବିରୁଦ୍‍ତାନ୍‍, ମସାଦି ନିୟମ୍‌ ନି ଇୟା ମନ୍ଦିର୍‌ ବିରଦ୍‌ତାନ୍‌ ସିକିୟା ସିଜିନାନ୍‌ । ମାରି ଇଲେଇ ୱାନ୍‌ ଏସ ଅଣଜିହୁଦି ଲୋକାଙ୍ଗ୍‌ ମନ୍ଦିର୍‌ ଲୋଇ ତାସି ଇୟା ପବିତ୍ର ବାଡିଦିଙ୍ଗ୍‍ଁ ତାଗ୍‌ଇକା କିଜିନାନ୍‍ ।”

అపొస్తు 20:21

ଜିହୁଦିଲୋକୁ ନି ଅଣଜିହୁଦି ଲୋକୁ ୱିଜେରିଙ୍ଗ୍‍ ନାନୁ ଆଟ୍‌ୱା ଜାଗାର୍‌ତା ସାକି ସିତାମାର୍ହା ଜେ, ୱାର୍‌ ପାପ୍‌ତାନ୍‌ ଡ଼େସି ଏତ୍‌କିଜି ମାପୁରୁ ତରିନ୍‌ ମନ୍‍ ସିନାର୍‍ ମାରି ପ୍ରବୁ ଜିସୁଦିମାନୁ ବିସ୍‌ବାସ୍‌ କିନାର୍‌ ।

అపొస్తు 17:17

ଆଦେଙ୍ଗ୍‍ଁ ୱାନ୍‌ ପାର୍‌ତନା ଇଲୁଦୁ ଜିହୁଦି ଲୋକା ୱାଲେ ମାପୁରୁଦି ପାର୍‍ତନାକିନି ଅଣଜିହୁଦିରି ୱାଲେ ଇୟା ବିସୟ୍‌ତାନ୍‌ ସବୁଦିନ୍‍ ୱାର୍‍ଗିଦେଙ୍ଗ୍‍ଁ ଆସ୍‌ତାନ୍‌ । ଗାଡ଼୍‌ତି ଡେଣା ବାଡିଆଙ୍ଗ୍‍ଁ ସନିୱାନିକା ଆଜିମାନି ଲୋକା ୱାଲେ ଆୟା ବିସୟ୍‌ତାନ୍‌ ୱାର୍‍ଗିତାର୍‍ ।

అపొస్తు 16:1

ପାଉଲ ଦର୍ବି ନି ଲୁସ୍ତ୍ରାଦୁ ସର୍ହାର୍‍ । ଆବେ ତିମତି ଦର୍‌ତି ଅରେନ୍‌ କ୍ରିସ୍ଟିୟାନ୍‍ ବାସାଜି ମାର୍ହାନ୍‍ । ୱାନ୍‌ ଅରେନ୍‌ କ୍ରିସ୍ତ ବିସ୍‍ବାସି ଜିହୁଦି ଆଇମାଦି ମାରିସି । ମାତର୍‌ ୱାନି ବୁବାସି ଅରେନ୍‌ ଗ୍ରିକ୍‌ ଲୋକୁ ମାର୍ହାନ୍‍ ।

అపొస్తు 14:2

ମାତର୍‌ ଅବିସ୍‍ବାସି ଜିହୁଦିର୍‌ ଅଣଜିହୁଦିରିଙ୍ଗ୍‌ ବେମ୍‌ରି କିଜି ତଡ଼ାନ୍‌କା ବିରଦ୍‌ତାନ୍‌ ମନ୍‌ତିଙ୍ଗ୍‍ ଏଗ୍ରିସ୍‌କିତାର୍‍ ।

అపొస్తు 13:5

ସାଲାମି ଗାଡ଼୍‌ତୁ ଇଜି ଜିହୁଦିର୍‌ ପାର୍‍ତନାକିନି ଇଲ୍‌କାଙ୍ଗ୍‌ ମାପୁରୁଦି ବାକ୍ୟ ପ୍ରଚାର୍‌ କିତାର୍‍ । ଜୋହନ ମାର୍କ ୱାରିୱାଲେ ମାନ୍‌ଜି ସାହାଜ୍ୟ କିଜିମାର୍ହାନ୍‍ ।

యోహాను 12:20

ପଣ୍ତୟ୍‌ ସମୟ୍‍ତୁ ଉପାସନା କିଦେଙ୍ଗ୍‌ ଇଜି ଜିରୁସାଲାମ୍‍ତୁ ୱାତି ମାର୍‍ଇ ଲୋକା ଲୋଇ ଏସୋ ଗ୍ରିକ୍‌ ଲୋକୁ ମାର୍ହାର୍‌ ।

యోహాను 7:35

ଆବେନୁ ଜିହୁଦି ନେତାର୍‌ ନିଜେ ନିଜେଦିମାନୁ ଇର୍ହାର୍‌, “ଇକାନ୍‌ ଏମେମାନୁ ସନ୍‌ଡ଼୍ରେଙ୍ଗ୍‌ ଇଜି ସତାମାନ୍‌ନାନ୍‌ ଜେ, ମାଡ୍‌ ୱାନିଙ୍ଗ୍‌ ପୋୟଇକା ? ଇକାନ୍‌ ଇନିକା ଗ୍ରିକ୍‌ରି ଗାଡ଼୍‌କାଙ୍ଗ୍‌ ଲୋଇ ଇନିଙ୍ଗାଁ ଆନିଙ୍ଗାଁ ଜିହୁଦିର୍‌ ଲାକ୍‌ତୁ ସୋଲ୍‌ସି ଗ୍ରିକ୍‌ରିଙ୍ଗ୍‌ ସିକିୟା ସିଦେଙ୍ଗ୍‍ ସତାମାନ୍‌ନାନ୍‌ ?

కొలొసి 3:11

ଇୟାୱାଜା ଜିହୁଦି, ଅଣଜିହୁଦି, ସୁନ୍ନତ ମାରି ଅସୁନ୍ନତ, ନିଜେଦି ଦେସ୍‌, ଆଇଦେସ୍‌, ଗତିମୁରୁଲି ମାରି ଆରେଏମାନି ଲୋକ୍‌ତି ଲୋଇ ଆମାଇନି ଅଲଗା ସିଲେତ୍‌ । ମାତର୍‌ କ୍ରିସ୍ତ ୱିଜେରିମାନୁ ମାନାନ୍‌ ମାରି ୱାନ୍‌ ଆଜିନାନ୍‍ ୱିଜୁୱିଜୁନେ ।

ଗାଲାତିୟ 2:3

ନା ତଡ଼୍‍ ତିତସ୍‍ ଅରେନ୍‍ ଗ୍ରିକ୍‌ ଲୋକ୍‍ ଆତିମାରିଙ୍ଗ୍‌ବା, ୱାନିଙ୍ଗ୍‍ଁ ସୁନ୍ନତ ଆନି ଉଣ୍ତିଙ୍ଗ୍‍ଁ ଜବର୍‍ଦସ୍ତ କିଆୟ୍‍ ଆଏତ୍‍ମାର୍ହାତ୍‍ ।

అపొస్తు 19:10

ଇୟାୱାଜା ଦୁଇ ବାର୍ସୁ ସାନ୍ଦି ସାଲାତାତ୍‍; ଆବେଟ୍‌ ଆସିଆ ବାସାତିମାନି ଜିହୁଦି ଲୋକୁ ନି ଅଣଜିହୁଦି ଲୋକୁ ୱିଜେରେ ପ୍ରବୁଦି ବାକ୍ୟ ୱେର୍ହାର୍‍ ।

మార్కు 7:26

ଆୟା ସୁର ଦେଶ୍‍ତି ସୁରଫେନିକିୟା ଜାତିଦି ଅରେତ୍‌ ଗ୍ରୀକ୍‍ ଆଇମା ମାର୍‌ଆତ୍‌ । ତାନି ଆଇଲି ମାଣାନ୍‌ ଦୁବା ଡ଼ିସ୍‍ସିସ୍‍ କିଦେଙ୍ଗ୍‌ ଇଜି ଜିସୁଙ୍ଗୁଁ ଇନ୍‌ଡ୍ରେଙ୍ଗ୍‌ ଆସ୍‌ତାତ୍‌ ।

అపొస్తు 2:47

ମାପୁରୁଦି ଦନ୍ୟବାଦ୍‌ କିଜି ୱିଜେରେ ଲୋକା ୱାଲେ ନେଗି ୱେଡ଼ିକା କିତାର୍‍ । ମାରି ପ୍ରବୁ ରକିୟା ପୟ୍‌ନି ଲୋକାଙ୍ଗ୍‌ ୱିଜୁଦିନ୍‌ ୱାରି ଦଲ୍‍ତୁ ମିସା କିଦେଙ୍ଗ୍‌ ଆସ୍‌ତାନ୍‌ ।

అపొస్తు 14:19

ପିସିଦିଆଦି ଆଣ୍ଟିୟକ ନି ଇକନିୟାଦାନ୍‍ ଏସ ଜିହୁଦି ଲୋକୁ ୱାତାମାର୍ହାର୍‍, ୱାର୍‌ ଲୋକାଙ୍ଗ୍‌ ଏଗ୍ରିସ୍‌କିଜି ପାଉଲତିଙ୍ଗ୍‍ଁ କାଲ୍‌କାଣୁକୁ ଡାକ୍‍ତାର୍‍ ମାରି ୱାନିଙ୍ଗ୍‍ଁ ସାତାନ୍‍ ଇଜି ଅଡ଼୍‍ବିଜି ଗାଡ଼୍‌ତି ଆତ୍‌ରେ ରେଲ୍‌ଜି ଅତାର୍‌ ।

అపొస్తు 16:2

ଲୁସ୍ତ୍ରା ନି ଇକନିୟାଦୁ ମାନି ତଡ଼ାନ୍‌କା ଲୋଇ ତିମତିଦିଙ୍ଗ୍‌ ନେଗି ଲୋକ୍‌ ଇଜି ନେସ୍‌ତା ମାର୍‌ର୍ହାର୍‌ ।

2తిమోతి 3:11

ନା କାସ୍ଟୁ ମାରି ଦୁଃକ୍‌ବୋଗ୍‌ ନିନ୍‌ ସୁଡ଼ୁତିମାନି । ନିନ୍‌ ନେସ୍‌ତିମାନି, ଏଣ୍ତେସ୍‌ ଆଣ୍ଟିୟକ, ଇକନିୟା, ଲୁସ୍ତ୍ରାଦୁ ନାନ୍‌ ନାଣ୍ତ୍‌ କାସ୍ଟୁ ପୟ୍‌ତା ମାର୍‌ଆ । ମାତର୍‌ ଏଣ୍ତେସ୍‌ ୱାନ୍‌ ୱିଜୁଦାନ୍‌ ପ୍ରବୁ ନାଙ୍ଗିଁ ଉଦାର୍‌ କିତାମାନାନ୍‌ ।