అపొస్తు 13:26 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁶ “ଅବ୍ରାହାମ କୁଟୁମ୍‌ତି ଏ ଇସ୍ରାଏଲ୍‌ ତଡ଼ାନ୍‌କୁ ମାରି ମାପୁରୁଙ୍ଗ୍‍ଁ ପାର୍‌ତାନା କିଜିମାନି ଇବେମାନି ଅଣଜିହୁଦି ଲୋକୁ, ମାଙ୍ଗିଁ ନେ ଇୟା ପରିତ୍ରାଣଦି ମାଟା ସିଆୟ୍‍ ଆତାମାନାତ୍‌ ।

Konda: కొండ బాసదు నెగ్గి కబ్రు

²⁶ తంబెరిఙాండె, అబ్రాహాం కుటుమ్‌దికిదెరా, దేవుణుదిఙ్‌ తియెల్‌ ఆనికిదెరా, దేవుణు లోకాఙ్‌ ఎలాగ ‌గెల్పిస్నాన్లె ఇజి కబ్రు దేవుణు మఙి విజేరిఙె పోక్తాన్.

అపొస్తు 13:26 Referans Kwoze

కొలొసి 1:5

ଏସ୍ତିୱାଲେ ସୁସମାଚାର୍‌ତି ସତ୍‌ ବାକ୍ୟ ମି ଲାକ୍‍ତୁ ଆଗ୍‍ଡ଼ି ୱାତାତ୍‍, ମିର୍‌ ଆୟାମାଣାନ୍‍ ସିଆୟ୍‍ଆତିମାନି ଆସାଦି ମାଟା ୱେର୍‌ଇମାର୍‍ଇଦେର୍‌ । ମିର୍‌ ଆମାକା ଆସା କିନିଦେର୍‍, ଆମାକା ମି ଉଣ୍ତିଙ୍ଗ୍‌ ମୁସ୍‌କୁପୁର୍‌ତୁ ନେଗେନ୍‍ ତେବାନାତ୍‍, ତାନି ମୁସ୍‌କୁ ମି ବିସ୍‍ବାସ୍‍ ମାରି ଜିବନ୍‍ନୋନିକା ତିଆର୍‌ଆତାମାନାତ୍‌ ।

ଏପିସିୟ 1:13

ମିର୍‌ ବା ଏସ୍ତିୱାଲେ ରକିୟା ପୁଟ୍‍ନି ଇୟା ସୁସମାଚାର୍‍ତି ସତ୍‍ ମାଟା ୱେର୍‍ଇଦେର୍‍, ଆୟା ୱେଡ଼ାଦାନ୍‍ ମାପୁରୁଦି ଆତିମାନିଦେର୍‍ । ମିର୍‌ କ୍ରିସ୍ତଙ୍ଗ୍‍ଁ ବିସ୍‍ବାସ୍‍ କିତିମାନିଙ୍ଗ୍‍, ମାପୁରୁ ୱାନି ପାର୍‍ମାଣ୍‍ ଇସାବ୍‍ତାନ୍‍ ପବିତ୍ର ଆତ୍ମାଦିଙ୍ଗ୍‌ ସିଜି ମି ମୁସ୍‌କୁ ୱାନି ଅଦିକାର୍‍ତି ଟାପ୍‍ଡ଼େଇତା ମାନାନ୍‌ ।

ରୋମିୟ 1:16

ଆୟା ସୁସମାଚାର୍‌ ମୁସ୍‌କୁ ନା ପୁରା ଆସା ମାନାତ୍‌ । ଆକା ପାର୍‍ତୁମ୍‍ ଜିହୁଦି ଲୋକାମାନୁ ମାରି ୱେନ୍‌କା ଅଣଜିହୁଦି ବିସ୍‍ବାସି ଲୋକାମାନୁ ଉଦାର୍‌ ପାଣି କିଦେଙ୍ଗ୍‌ ଇଜି ମାପୁରୁଦି ସାକ୍ତି ୱାଜା ।

లూకా 1:77

ପାପ୍‌କେମା ପଇନି ମାଣାନ୍‌ ୱାର୍‌ ଜେ ରକିୟା ପୟନାର୍‌, ୱାନି ଲୋକାଙ୍ଗ୍‌ ଇୟା ମାଟା ଇଣ୍ତ୍ରେଙ୍ଗ୍‌ ସନାର୍‌ ।

లూకా 1:69

ୱାନ୍‌ ନିଜେଦି ଦାସ୍‌ ଦାଉଦଦି କୁଟୁମ୍‌ତି ଅରେନ୍‍ ସାକ୍ତିମାନି ରକିୟା କିନିୱାନିଙ୍ଗ୍‍ ମାଙ୍ଗିଁ ସିତାମାନାନ୍‌

అపొస్తు 13:46

ମାତର୍‌ ପାଉଲ ନି ବର୍ଣ୍ଣବା ମାରି ନାଣ୍ତ ଆଟ୍‍ୱାଦାନ୍‍ ଇର୍ହାର୍‌, ମି ଲାକ୍‌ତୁ ପାର୍‌ତୁମ୍‌ ମାପୁରୁଦି ବାକ୍ୟ ପ୍ରଚାର୍‌ ଆନିକାମାର୍ହାତ୍‍ । ମାତର୍‌ ମିର୍‌ ଏସାଙ୍ଗ୍‌ୱିଜ୍‍ଇ ଜିବନ୍‌ ପୟ୍‍ଦେଙ୍ଗ୍‍ଁ ଇଜି ନିଜେଦିଙ୍ଗ୍‍ଁ ଜଗ୍‌ ସିଲିକା ଅଡ଼୍‍ବିଜି ତେନିଙ୍ଗ୍‍ଁ ବିସାର୍‌ କିତିମାନିଙ୍ଗ୍‍ଁ, ମାପ୍‌ ମିଙ୍ଗିଁ ଡ଼ିସ୍‌ସି ଅଣଜିହୁଦିରି ମାନୁ ସନାପ୍‌ ।

అపొస్తు 13:43

ଲୋକୁ ମିଟିଙ୍ଗ୍‌ଁ ଡ଼ିସ୍‌ସି ସର୍ହି ୱେନ୍‍କା ନାଣ୍ତ ଜିହୁଦି ନି ଜିହୁଦି ଦର୍ମଦି ଲୋକୁ ଅଣଜିହୁଦିର୍‍ ପାଉଲ ନି ବର୍ଣ୍ଣବାଦି ୱାଲେ ସର୍ହାର୍‍, ସିସୁର୍‍ ୱାରିୱାଲେ ମିସାଜି ମାପୁରୁଦି ଦୟାଦାନ୍‍ ଜିବନ୍‌ କାଟେ କିଦେଙ୍ଗ୍‌ ୱାରିଙ୍ଗ୍ଁ ୱେଡ଼ିକା ସିତାର୍‍ ।

అపొస్తు 10:35

ଆମା ଇନି ଜାତିଦି ଆମା ଏମେ ଲୋକୁ ପ୍ରବୁଦି ପାର୍‌ତାନା କିତିଙ୍ଗ୍‍ଁ ମାରି ୱାନି ଆଗ୍‌ଡ଼ି ସତ୍‍ପାଣି କିତିଙ୍ଗ୍‍ଁ, ପ୍ରବୁ ୱାନିଙ୍ଗ୍‌ ଆସ୍‍ନାନ୍‍ ।

అపొస్తు 5:20

“ସାନ୍‍ଡ୍ରୁ, ମନ୍ଦିର୍‌ତୁ ନିଲ୍‍ସି ଲୋକାଙ୍ଗ୍‌ ଇୟା ପୁନି ଜିବନ୍‌ ବିସୟ୍‌ତାନ୍‌ ୱିଜୁ ମାଟା ୱେର୍‍ତୁ ।”

అపొస్తు 4:12

କେବଲ୍‌ ୱାନି ମାଣାନ୍‌ ରକିୟା ପୟ୍‌ନିକା ଆନାତ୍‌ । ସାରା ଦୁନିଆଦୁ ମାନି ଆଇ ଇନି ଦର୍‌ ମାଣାନ୍‌ ଲୋକୁ ରକିୟା ପୟ୍‌ଦେଙ୍ଗ୍‌ ଆଟ୍‌ଏନ୍‌ ।”

లూకా 24:47

ମାରି ଜିରୁସାଲମ୍‍ତାନ୍‍ ଆରାମ୍‌ କିଜି ୱିଜୁ ଜାତି ଲାକ୍‌ତୁ ୱାନି ଦର୍‌ତାନ୍‌ ପାପ୍‌କେମା ଉଣ୍ତିଙ୍ଗ୍‌ ମନ୍‍ତିଙ୍ଗ୍‍ ଡ଼େପ୍‍ନି ବିସୟ୍‌ତାନ୍‌ ଲୋକୁ ୱିକ୍‍ନାର୍‍ ।

మత్తయి 10:6

ମାତର୍‌ ମୁର୍‍ତିମାନି ମେଣ୍ତେଙ୍ଗାଁ ୱାଜା ଇସ୍ରାଏଲ୍‌ତି ଲୋକା ଲାକ୍‌ତୁ ସାନ୍‍ଡ୍ରୁ ।

మత్తయి 3:9

ଅବ୍ରାହାମ ମା ବୁବା, ମୋନ୍‌ତୁ ମୋନ୍‌ତୁ ବା ଇୟାୱାଜା ଇନ୍‌ମାଟ୍‌ । ନାନ୍ ମିଙ୍ଗିଁ ଇଜିନା ଜେ ମାପୁରୁ ଇୟା କାଲ୍‍କାଙ୍ଗ୍‍ ଅସି ଅବ୍ରାହାମତି କୁଟୁମ୍‌ ତିଆର୍‌କିଦେଙ୍ଗ୍‌ ଆଟ୍‍ନାନ୍‍ ।

అపొస్తు 16:17

ୱାଦ୍‌ ପାଉଲ ନି ମା ୱେନ୍‌କା ୱେନ୍‌କା ୱାଜି ଆଉଲି ଆଜି ଇର୍ହାତ୍‌, “ଇୟା ଲୋକୁ ୱିଜେରିଙ୍ଗ୍‍ଁ ପେରି ମାପୁରୁଦି ସେବାକିନିକାର୍‍ । ମିର୍‌ ଏଣ୍ତେସ୍‌ ପରିତ୍ରାଣ ପୟ୍‌ନିଦେର୍‌, ଇୟା ମାଟା ୱାର୍‌ ଇଜିନାର୍‍ !”

అపొస్తు 3:26

ଆଦେଙ୍ଗ୍‌ ମାପୁରୁ ୱାନି ଦାସ୍‌ତିଙ୍ଗ୍‌ ବାସେକିତାନ୍‍ ମାରି ମି ୱିଜେରିଙ୍ଗ୍‍ ତାଗ୍‌ଇ ସାରିଦାନ୍‍ ଡ଼େସିୱାନି ଆସିର୍ବାଦ୍‌ ସିଦେଙ୍ଗ୍‍ ଇଜି ଆଗ୍‌ଡ଼ି ୱାନିଙ୍ଗ୍‌ ମି ଲାକ୍‌ତୁ ପକ୍‌ତାନ୍‌ ।”

అపొస్తు 28:28

ସାରାସାରି ପାଉଲ ଇର୍ହାନ୍‌, “ମିର୍‌ ନେସ୍‍ସ ମାନ୍‌ଡ଼୍ରୁ, ପରିତ୍ରାଣ ଉଣ୍ତିଙ୍ଗ୍‍ଁ ମାପୁରୁଦି ସୁସମାଚାର୍‌ ଅଣଜିହୁଦି ଲୋକା ଲାକ୍‌ତୁ ପକାୟ୍‍ଆତାମାନାତ୍‍ । ୱାର୍‌ ଆକା ୱେନାର୍‌ ।”

యోహాను 6:68

ସିମୋନ ପିତର୍‌ ଜିସୁଙ୍ଗୁଁ ଇର୍ହାନ୍‌, “ପ୍ରବୁ, ଏ ଲାକ୍‌ତୁ ସନାଟ୍‌ ? ନି ଲାକ୍‌ତୁ ଏସ୍‌କାଙ୍ଗ୍‌ୱିଜିଇ ଜିବନ୍‌ତି ବାକ୍ୟ ମାନାତ୍‌;

అపొస్తు 10:2

ୱାନ୍‌ ଅରେନ୍‌ ଦାର୍ମୁ ଲୋକୁ ମାର୍ହାନ୍‍ । ୱାନ୍‌ ମାରି ୱାନି ଇଲୁଦି ୱିଜେରେ ମାପୁରୁଙ୍ଗୁଁ ପାର୍‌ତନା କିଜିମାର୍ହାର୍‍ । ୱାନ୍‌ କାକୁର୍ତି ଜିହୁଦି ଲୋକାଦି ନେଗି ଉଣ୍ତିଙ୍ଗ୍‌ ନାଣ୍ତ ପାଣି କିଜି ମାର୍ହାନ୍‍ ମାରି ଦିନାମି ମାପୁରୁମାନୁ ପାର୍‌ତାନା କିଜିମାର୍ହାନ୍‍ ।

అపొస్తు 22:5

ନା ଇୟା ମାଟା ସତ୍‌ ଜେ, ପେରି ଜାଜକ ନି ପେରି ଲୋକାମିଟିଙ୍ଗ୍‍ତି ସବାଦି ୱିଜେରେ ତେନି ସାକି । ଇୟା ଲୋକାଙ୍ଗ୍‌ ତର୍‌ସି ମାରି ସିକିଣିଦାନ୍‍ ତର୍‌ସି ଦଣ୍ଡ୍‌ ସିଦେଙ୍ଗ୍‌ ଇଜି ଜିରୁସାଲାମ୍‍ତୁ ତାତେଙ୍ଗ୍‍ଁ ଇଜି ନାନୁ ପେରି ଜାଜକତିମାଣାନ୍‌ ସିଟି ଅସି ଦାମାସ୍‍କସ୍‍ତୁ ମାନି ଜିହୁଦି ତଡ଼ାନ୍‌କା ଲାକ୍‌ତୁ ସର୍‌ଆ ।