అపొస్తు 11:24 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁴ ବର୍ଣ୍ଣବାସ୍‍ ପବିତ୍ର ଆତ୍ମା ନି ବିସ୍‌ବାସ୍‌ତୁ ପୁରାଆତି ଅରେନ୍‌ ନେଗି ଲୋକୁ ମାର୍ହାନ୍‍ । ୱାନି ପ୍ରଚାର୍‌ତାନ୍‍ ନାଣ୍ତ ଲୋକୁ ପ୍ରବୁଦି ଲାକ୍‌ତୁ ୱାତାର୍‌ ।

Konda: కొండ బాసదు నెగ్గి కబ్రు

²⁴ బర్నబ దేవుణు ఆత్మ సత్తుదాన్, నమకమ్‌దాన్ నిండ్రితికాన్, నెగ్గికాన్. వాండ్రు దేవుణు మాటెఙ్‌ బోదిస్తిఙ్‌ మంద లోకుర్‌ యేసుప్రబు ముస్కు నమకం ఇట్తార్.

అపొస్తు 11:24 Referans Kwoze

అపొస్తు 11:21

ମାପୁରୁଦି ସାକ୍ତି ୱାରି ୱାଲେ ମାର୍ହାତ୍‌ ମାରି ନାଣ୍ତ ଲୋକୁ ବିସ୍‌ବାସ୍‌ କିଜି ପ୍ରବୁଦି ତରିନ୍‌ ମନ୍‍ ଡ଼େପ୍‍ତାର୍‍ ।

అపొస్తు 5:14

ମାତର୍‌ ପ୍ରବୁମାନୁ ବିସ୍‌ବାସ୍‌ କିଜିମାନି ନାଣ୍ତ ଆଇମେକ୍‍ ନି ମେମାରିର୍‍ ଦଲ୍‍ତୁ ଡ଼ୁଗିତାର୍‍ ମାରି ଆୟା ବିସ୍‍ବାସି ଦଲ୍‌ ଦିନ୍‍ତିଙ୍ଗ୍‍ ଦିନ୍‌ ପିର୍‌ଦେଙ୍ଗ୍‌ ଆସ୍‌ତାର୍‌ ।

అపొస్తు 6:5

ଦଲ୍‌ତି ୱିଜେରେ ପ୍ରେରିତ ସିସୁରି ଇୟା ମାଟାଦୁ ୱେଡ଼ିକା ଆତାର୍‌ ମାରି ଇୟା ପାଣି ଉଣ୍ତିଙ୍ଗ୍‌ ବିସ୍‌ବାସ୍‌ ନି ପବିତ୍ର ଆତ୍ମାଦୁ ପୁରା ଆତିମାନି ସ୍ତିପାନ୍ ଦର୍‌ତି ଅରେନ୍‌ ଲୋକ୍‌ତିଙ୍ଗ୍‌, ମାରି ପିଲିପ୍‍ପ, ପ୍ରକର, ନିକାନୋର, ତିମୋନ, ପାର୍ମନା ମାରି ଆଗ୍‌ଡ଼ି ଜିହୁଦି ଦର୍ମଦୁ ବାଦ୍‍ଲେ ଆତିମାର୍‍ଇ ଆଣ୍ଟିୟୋକତି ଅଣଜିହୁଦି ନିକୋଲାୟତିଙ୍ଗ୍‍ ଆସ୍‌କିତାର୍‍ ।

ରୋମିୟ 15:15

ଇୟା ଆକୁଦୁ ମିଙ୍ଗିଁ ଏସ ବିସୟ୍‍ ଉଣ୍ତିଙ୍ଗ୍‍ଁ ଜାଗାର୍‌ତା କିଦେଙ୍ଗ୍‍ଁ ଇଜି ନାନୁ ମାପୁରୁ ଲାକୁତୁ ବପୁ ଆତାମାନା,

అపొస్తు 9:31

ଜିହୁଦା, ଗାଲିଲି ମାରି ସମିରୋଣଦୁ ମାନି କ୍ରିସ୍ଟିୟାନ୍‍ ମଣ୍ତଲିଙ୍ଗାଁ ଉଣ୍ତିଙ୍ଗ୍‌ ଆୟା ସମୟ୍‍ତି ଦିନ୍‌ ସାନ୍ତି ମାର୍ହାତ୍‌, ମାରି ପବିତ୍ର ଆତ୍ମାଦି ସାକ୍ତିଦାନ୍ ୱାରି ଲୋକୁ ନାଣ୍ତ ଆତାର୍‌ ମାରି ୱାର୍‌ ଡାଟ୍‍ ଆତାର୍‌ । ବିସ୍‍ବାସିର୍‍ ପ୍ରବୁଦି ଉଣ୍ତିଙ୍ଗ୍‌ ମାନାଜି ଜିବନ୍‌ କାଟେ କିତାର୍‍ ।

అపొస్తు 6:8

ମାପୁରୁମାଣାନ୍‌ ନାଣ୍ତବାବେ ଆସିର୍ବାଦ୍‌ ପୟଜି ମାରି ସାକ୍ତିଦୁ ପୁରା ଆତିମାନି ସ୍ତିପାନ୍, ଲୋକା ଲୋଇ ନାଣ୍ତ ସିନା ନି କାବାଆନି ପାଣି କିତାନ୍‌ ।

అపొస్తు 6:3

ଆଦେଙ୍ଗ୍‌ ଏ ତଡ଼ାନ୍‌କୁ ନି ତାଙ୍ଗିଁକି ମି ମାଣ୍‌କୁ ପବିତ୍ର ଆତ୍ମା ନି ବୁଦିଦୁ ପୁରା ଆତିମାନି ସାତ୍ ଲୋକାଙ୍ଗ୍‌ ଆସ୍‍କିଦୁ । ମାଡ୍‌ ୱାରିଙ୍ଗ୍‌ ଇୟା ବିସୟ୍‌ତୁ ଦାୟିତ୍‍ ସିନାଟ୍‍ ।

ରୋମିୟ 5:7

ଦାର୍ମୁଲୋକା ଉଣ୍ତିଙ୍ଗ୍‌ ଆଇକାନ୍‍ ଏନ୍‌ ନିଜେଦି ଜିବନ୍‌ ସିଦେଙ୍ଗ୍‍ ବଦା କିଏନ୍‌ । ଆନାତ୍‌ ଆମା ନେଗି ଲୋକା ଉଣ୍ତିଙ୍ଗ୍‍ଁ ସାଦେଙ୍ଗ୍‍ ତିଆର୍‍ ଆନାନ୍‍ ।

అపొస్తు 24:16

ଆଦେଙ୍ଗ୍‍ଁ ମାପୁରୁ ନି ଲୋକା ଆଗ୍‌ଡ଼ି ନେଗି ବୁଦି ବ୍ୟବ୍‌ହାର୍‌ କିଦେଙ୍ଗ୍‌ ଇଜି ନାନୁ ୱିଜୁଦିନ୍‌ ବଦା କିଜିନା ।

యోహాను 7:12

ମାରି, ଜିସୁ ବିସୟ୍‌ତାନ୍‌ ଲୋକା ମାନୁ ପୁସୁରୁ ପାସୁରୁ ୱାର୍‍ଗିଦେଙ୍ଗ୍‍ ଆସ୍‌ତାର୍‌; ଏନ୍‌ ଏନ୍‌ ଇର୍ହାର୍‌, “ୱାନ୍‌ ଅରେନ୍‍ ନେଗି ଲୋକୁ,” ମାରି ଏନ୍‌ ଏନ୍‌ ଇର୍ହାର୍‌, “ସିଲେ, ୱାନ୍‌ ଲୋକାଙ୍ଗ୍‌ ବାୟା କିଜିନାନ୍‍ ।”

లూకా 23:50

ମାରି ସୁଡ଼ୁଦୁ, ଜିହୁଦିରି ହାରାମାତିୟା ଗାଡ଼୍‌ତି ଜୋସେପ୍‌ ଦର୍‌ତିକାନ୍‌ ଅରେନ୍‍ ଲୋକୁ ପେରିଦଲ୍‌ତି ନେତା ମାର୍ହାନ୍‌, ୱାନ୍‌ ଅରେନ୍‍ ନେଗିକାନ୍‌ ମାରି ଦାର୍ମୁଦି ଲୋକୁ,

మత్తయి 19:17

ଜିସୁ ୱାନିଙ୍ଗ୍‌ ଇର୍ହାନ୍‌, “ନେଗି ପାଣି ବିସୟ୍‌ତାନ୍‌ ନାଙ୍ଗିଁ ଏନ୍ଦା ୱେନ୍‌ବାଜିନି ? ମାପୁରୁ ନେ କେବଲ୍‌ ନେଗିକାନ୍‍ । ମାପୁରୁଦି ମାଟେଙ୍ଗ୍‌ ମାନାତିଙ୍ଗ୍‌, ଏସ୍‌କାଙ୍ଗ୍‌ୱିଜିଇ ଜିବନ୍‌ ପୟ୍‌ଦେଙ୍ଗ୍‌ ଆଟ୍‌ନି ।”

మత్తయి 12:35

ଅରେନ୍‍ ନେଗି ଲୋକୁ ନେଗି ସାମାନ୍‍ତୁ ବର୍ତିଆତିମାନି ୱାନି ଜିବନ୍‌ତାନ୍‌ ନେଗି ମାଟା ସପ୍‍ସି ତାନାନ୍‍ । ଅରେନ୍‍ ତାଗ୍‌ଇ ଗୁଣୁତି ଲୋକୁ ତାଗ୍‌ଇ ସାମାନ୍‍ତୁ ବର୍ତିଆତିମାନି ୱାନି ଜିବନ୍‌ତାନ୍‌ ତାଗ୍‌ଇ ମାଟା ସପ୍‍ସି ତାନାନ୍‍ ।

అపొస్తు 2:4

ୱାର୍‌ ୱିଜେରେ ପବିତ୍ର ଆତ୍ମାଦୁ ପୁରା ଆତାର୍‌ ମାରି ଆତ୍ମାଦାନ୍‌ ସାଲାଜି ଆଇ ଆଇ ବାସାଦାନ୍‍ ମାଟା ଇଣ୍ତ୍ରେଙ୍ଗ୍‌ ଆସ୍‌ତାର୍‌ ।

అపొస్తు 2:47

ମାପୁରୁଦି ଦନ୍ୟବାଦ୍‌ କିଜି ୱିଜେରେ ଲୋକା ୱାଲେ ନେଗି ୱେଡ଼ିକା କିତାର୍‍ । ମାରି ପ୍ରବୁ ରକିୟା ପୟ୍‌ନି ଲୋକାଙ୍ଗ୍‌ ୱିଜୁଦିନ୍‌ ୱାରି ଦଲ୍‍ତୁ ମିସା କିଦେଙ୍ଗ୍‌ ଆସ୍‌ତାନ୍‌ ।