అపొస్తు 11:22 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²² ଏସ୍ତିୱାଲେ ଇୟା କାବୁର୍‌ ଜିରୁସାଲାମ୍‍ତି ମଣ୍ତଲିଦୁ ଇତାତ୍‍, ୱାର୍‌ ବର୍ଣ୍ଣବାସ୍‍ତିଙ୍ଗ୍‍ ଆଣ୍ଟିୟକଦୁ ପକ୍‌ତାର୍‌ ।

Konda: కొండ బాసదు నెగ్గి కబ్రు

²² యెరూసలేమ్‌దు మన్ని సఙమ్‌దికార్‌ యాక వెహారె బర్నబెఙ్‌ అంతియోకయాదు పోక్తార్.

అపొస్తు 11:22 Referans Kwoze

అపొస్తు 9:27

ମାତର୍‌ ବର୍ଣ୍ଣବା ୱାନିଙ୍ଗ୍‌ ପ୍ରେରିତ ସିସୁରି ଲାକ୍‌ତୁ ଅସି ଦାମାସ୍‍କସ୍‍ ସାରିଦୁ ସାଉଲ ଏଣ୍ତେସ୍‌ ପ୍ରବୁଦି ଦର୍ସନ୍‍ ପୟ୍‍ତାମାର୍ହାନ୍‍ ମାରି ପ୍ରବୁ ଏଣ୍ତେସ୍‌ ୱାନିଙ୍ଗ୍‌ ମାଟା ଇର୍ହାମାର୍ହାନ୍‌, ଇୟାୱିଜୁ ବିସୟ୍‌ ୱାରିଙ୍ଗ୍‌ ବୁଜାକିଜି ଇର୍ହାନ୍‌ । ଦାମାସ୍‍କସ୍‍ତୁ ଜିସୁଦି ଦର୍‌ତାନ୍‌ ସାଉଲ ଏଣ୍ତେସ୍‌ ତିଲାଏଣ୍ତା ପ୍ରଚାର୍‌ କିତାମାର୍ହାନ୍‌, ୱାରିଙ୍ଗ୍‌ ନେଗେନ୍‌ କିଜି ବୁଜାକିଜି ଇର୍ହାନ୍‌ ।

1దెస్స 3:6

ଇଲେଇ ମି ଲାକ୍‌ତୁରାନ୍‌ ଡ଼େସି ୱାଜି ତିମତି ମି ବିସ୍‌ବାସ୍‌ ମାରି ଜିବନ୍‌ନୋନି ବିସୟ୍‌ତାନ୍‌ ନେଗି ମାଟା ତାତାମାନାନ୍‌ । ୱାନ୍‌ ମାଙ୍ଗିଁ ୱେର୍‌ତା ମାନାନ୍‌ ଜେ, ମିର୍‌ ୱିଜୁଦିନ୍ ମା ନେଗି ପାଣି କିଜିନିଦେର୍‌ ମାରି ମାପ୍‌ ଏଣ୍ତେସ୍‌ ମିଙ୍ଗିଁ ସୁଡ଼ୁଦେଙ୍ଗ୍‌ ବଦା, ମିର୍‌ ବା ଆୟାୱାଜା ମାଙ୍ଗିଁ ସୁଡ଼ୁଦେଙ୍ଗ୍‌ ଇଚ୍ଛା କିଜିନିଦେର୍‌ ।

అపొస్తు 15:22

ୱେନ୍‌କା ପ୍ରେରିତ ସିସୁର୍‍ ନି ମଣ୍ତଲିଦି ନେତାର୍‍ ମାରି ମଣ୍ତଲିଦି ୱିଜେରେ, ଦଲତି ଏସ ଲୋକାଙ୍ଗ୍‌ ବାସେକିଜି ପାଉଲ ନି ବର୍ଣ୍ଣବାଦି ୱାଲେ ୱାରିଙ୍ଗ୍‍ଁ ଆଣ୍ଟିୟକଦୁ ପକ୍‍ତେଙ୍ଗ୍‍ଁ ଇଜି ତିର୍‌ କିତାର୍‍ । ବର୍ସବା ଦର୍‌ତି ଜିହୁଦା ନି ସିଲା ବିସ୍‍ବାସ୍‌ତି ତଡ଼ାନ୍‌କା ଲୋଇ ସନ୍‍ମାନ୍‍ ପୟ୍‍ତାର୍‌ ।

అపొస్తు 15:2

ଇୟା ବିସୟ୍‌ତାନ୍‌ ୱାରି ୱାଲେ ପାଉଲ ନି ବର୍ଣ୍ଣବା ନାଣ୍ତ ଆସ୍‌ସିସାତାର୍‌ ଆକା, ଇକା ତିର୍‌ ଆତାତ୍‍ଜେ, ପାଉଲ, ବର୍ଣ୍ଣବା ମାରି ଆଣ୍ଟିୟକଦି ମାରି ଏସ ଲୋକୁ ଜିରୁସାଲାମ୍‍ତୁ ସଲ୍‍ସି ପ୍ରେରିତ ସିସୁର୍‍ ନି ମଣ୍ତଲିଦି ନେତାର୍‍ରି ୱାଲେ ଇୟା ବିସୟ୍‌ତାନ୍‌ ୱାର୍‌ଗିଜିସାନାର୍‍ ।

అపొస్తు 11:1

ଅଣଜିହୁଦିର୍‍ ବା ମାପୁରୁଦି ବାକ୍ୟ ୱେର୍‌ଆମାନାର୍‌ ଇଜି ପ୍ରେରିତ ସିସୁର୍‍ ମାରି ଜିହୁଦା ରାଜିଦି ଆଇ ବିସ୍‍ବାସି ତଡ଼ାନ୍‌କୁ ୱେର୍‌ଆର୍‌ ।

అపొస్తు 8:14

ସମିରୋଣଦି ଲୋକୁ ମାପୁରୁଦି ବାକ୍ୟ ଆସ୍‍ତାମାନାର୍‍ ଇଜି ଜିରୁସାଲାମ୍‍ତୁ ମାନି ପ୍ରେରିତ ସିସୁର୍‍ ୱେନ୍‌ଜି, ପିତର ମାରି ଜୋହନତିଙ୍ଗ୍‌ ୱାରି ଲାକ୍‌ତୁ ପକ୍‌ତାନ୍‌ ।

అపొస్తు 6:5

ଦଲ୍‌ତି ୱିଜେରେ ପ୍ରେରିତ ସିସୁରି ଇୟା ମାଟାଦୁ ୱେଡ଼ିକା ଆତାର୍‌ ମାରି ଇୟା ପାଣି ଉଣ୍ତିଙ୍ଗ୍‌ ବିସ୍‌ବାସ୍‌ ନି ପବିତ୍ର ଆତ୍ମାଦୁ ପୁରା ଆତିମାନି ସ୍ତିପାନ୍ ଦର୍‌ତି ଅରେନ୍‌ ଲୋକ୍‌ତିଙ୍ଗ୍‌, ମାରି ପିଲିପ୍‍ପ, ପ୍ରକର, ନିକାନୋର, ତିମୋନ, ପାର୍ମନା ମାରି ଆଗ୍‌ଡ଼ି ଜିହୁଦି ଦର୍ମଦୁ ବାଦ୍‍ଲେ ଆତିମାର୍‍ଇ ଆଣ୍ଟିୟୋକତି ଅଣଜିହୁଦି ନିକୋଲାୟତିଙ୍ଗ୍‍ ଆସ୍‌କିତାର୍‍ ।

అపొస్తు 11:19

ସ୍ତିପାନ୍‍ତି ସାତି ୱେନ୍‌କା ବିସ୍‍ବାସିର୍‍ ତାଡ଼ନା ପୟ୍‌ଜି ଇନିଙ୍ଗାଁ ଆନିଙ୍ଗାଁ ଆନିୱାଲେ ୱାରି ଲୋଇ ଏସଲୋକ୍‌ କେବଲ୍‌ ଜିହୁଦିର୍‌ ଲାକ୍‌ତୁ ବାକ୍ୟ ପ୍ରଚାର୍‌ କିଜି, ପିନିସିଆ, ସାଇପ୍ରସ୍‍ ମାରି ଆଣ୍ଟିୟକ ସାନ୍ଦି ସର୍ହାର୍‍ ।

అపొస్తు 11:20

ମାତର୍‌ ସାଇପ୍ରସ୍‍ ମାରି କୁରିଣିଦି ଆଇ ଏସ ବିସ୍‍ବାସିର୍‍ ଆଣ୍ଟିୟକଦୁ ସଲ୍‍ସି ଅଣଜିହୁଦିରି ଲାକ୍‌ତୁ ପ୍ରବୁ ଜିସୁଦି ନେଗି କାବୁର୍‌ ପ୍ରଚାର୍‌ କିତାର୍‍ ।

అపొస్తు 11:26

ଆବେ ୱାନିଙ୍ଗ୍‍ଁ ପୟ୍‌ଜି ଆଣ୍ଟିୟକଦୁ ତାତାନ୍‍ । ମାରି ପୁରା ଉନ୍‍ଣ୍ତ୍ରି ବାର୍‍ସେକ୍‍ ସାନ୍ଦି ଇୟା ରିଏର୍‌ ଆୟାବାଣି ମଣ୍ତଲିଦି ବିସ୍‍ବାସିରି ୱାଲେ ମିସାଜି ନାଣ୍ତ ଲୋକାଙ୍ଗ୍‌ ସିକିୟା ସିତାର୍‍ । ଇୟା ଆଣ୍ଟିୟକଦି ବିସ୍‍ବାସିରିଙ୍ଗ୍‍ଁ ଲୋକୁ ଆଗ୍‌ଡ଼ି କ୍ରିସ୍ଟିୟାନ୍‍ ଇଜି ଇର୍ହାମାର୍ହାର୍‍ ।

అపొస్తు 11:27

ଆୟା ବେଡ଼ାଦୁ ଜିରୁସାଲାମ୍‍ତାନ୍‍ ଏସ ବାବବାଦିର୍ ଆଣ୍ଟିୟକଦୁ ୱାତାର୍‍ ।

అపొస్తు 18:22

ସିସେରିଆଦୁ ଇଜି ଆବେଟାନ୍‍ ୱାନ୍‌ ଜିରୁସାଲାମ୍‍ତୁ ସର୍ହାନ୍‍ ମାରି ମଣ୍ତଲିଦିଙ୍ଗ୍‍ଁ ମାଡ଼ିସ୍‌ କିଜି ଆବେଟାନ୍‍ ଆଣ୍ଟିୟକଦୁ ସର୍ହାନ୍‍ ।

ଗାଲାତିୟ 2:11

ପିତର୍‍ ଆଣ୍ଟିୟକଦୁ ୱାତିମାର୍‌ଇୱାଲେ ନାନୁ ୱିଜେରି ଆଗ୍‍ଡ଼ି ୱାନିଙ୍ଗ୍‌ ଜାଟି କିତାମାର୍‌ଆ, ଇରିଙ୍ଗ୍‌ ୱାନ୍‍ ସତେନେ ବୁଲ୍‍ ପାଣି କିଜିମାର୍ହାନ୍‍ ।