అపొస్తు 1:13 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹³ ଗାଡ଼୍‌ତୁ ସୋଲ୍‌ସି ୱାର୍‌ ତେବାଜିମାର୍‌ଇ ମୁସ୍‌କୁରି ବାକ୍‌ରାଦୁ ଡ଼ୁଗିତାର୍‌ । ଆୟା ପ୍ରେରିତ ସିସୁର୍‍ ଆଜିନାର୍‌ ପିତର, ଜୋହନ, ଜାକୁବ, ଆନ୍ଦ୍ରିୟ, ପିଲିପ୍‌, ଥୋମା, ବାର୍ତଲମି, ମାତିଉ, ଆଲପିଦି ମାରିନ୍‌ ଜାକୁବ, ଦେସ୍‌ତିଙ୍ଗ୍‌ଜିବନ୍‌ନୋନି ସିମୋନ ମାରି ଜାକୁବଦି ମାରିନ୍‌ ଜିହୁଦା ।

Konda: కొండ బాసదు నెగ్గి కబ్రు

¹³ వారు యెరూసలేమ్‌దు సొహరె వారు మహి మేడః గదిదు ఎక్తార్. వారు ఎయెర్‌ ఎయెర్‌ ఇహిఙ, పేతురు, యోహాను, యాకోబు, అంద్రెయ, పిలిపు, తోమా, బర్తొలొమయి, మత్తయి, అల్‌పయ్‌ మరిసి ఆతి యాకోబు, జలొతె ఇని మరి ఉండ్రి పేరు మహి సీమోను, యాకోబు మరిసి ఆతి యూద ఇనికార్.

అపొస్తు 1:13 Referans Kwoze

అపొస్తు 20:8

ଆମା ମୁସ୍‌କୁରି ମହଲାଦୁ ମାପ୍‌ ମିଟିଙ୍ଗ୍‍ଁ କିଜିମାର୍ହାପ୍‍, ଆବେ ନାଣ୍ତ ଦିୱେଙ୍ଗ୍‌ କାସ୍‍ସି ମାର୍ହେ ।

లూకా 22:12

ଆବେଟ୍‌ ୱାନ୍‌ ମିଙ୍ଗିଁ ନେଗେନ୍‌ ସଜେ କିତିମାନି ଉଣ୍ତ୍ରି ମୁସ୍‌କୁରି ମୋହଲାଦି ପେରି ବାକ୍‍ରା ତର୍‌ନାସିନାନ୍‌; ଆୟାବାଡିଦୁ ବୋଜି ତିଆର୍‌ କିଦୁ ।”

మార్కు 14:15

ଆବେଟ୍‌ ୱାନ୍‌ ମିଙ୍ଗିଁ ନେଗ୍ରେଣ୍ତା ତିଆର୍ ଆତିମାନି ଉଣ୍ତ୍ରି ମୁସ୍‌କୁରି ପେରି ବାକ୍‍ରା ତର୍‍ନାନ୍‍; ଆୟା ବାଡିଦୁ ମାଡ୍‌ ପଣ୍ତ୍‌ୟ ଉଣ୍ତେଙ୍ଗ୍‌ ବୋଜି ତିଆର୍‌ କିଦୁ ।

మార్కు 2:14

ମାରି, ଜିସୁ ସଲ୍‍ପୁ ସଲ୍‍ପୁ ଆଲ୍‍ଫିତି ମାରିନ୍‌ ଲେବିଙ୍ଗ୍‍ ନିଜେଦି ସିସ୍‍ଟୁ ଲସ୍‌ନି ବାଡିଦୁ ବାସ୍‍ତି ମାର୍‌ଇକା ସୁଡ଼ୁତାନ୍‌ । ୱାନ୍‌ ୱାନିଙ୍ଗ୍‌ ଇର୍‌ଆନ୍‌, “ନା ୱେନ୍‌କା ରାଆ ।” ଆବେଟ୍‌ ୱାନ୍‌ ନିଂଇତାନ୍‍ନୋ ଜିସୁ ୱେନ୍‌କା ସର୍‌ଆନ୍‌ ।

యాకోబు 1:1

ସାରା ଦୁନିଆଦୁ ଇନ୍‌ଙ୍ଗାଁଆନିଙ୍ଗାଁ ଆତିମାନି ମାପୁରୁଦି ବାର କୁଟୁମ୍‍ତି ଲୋକାଙ୍ଗ୍‌ ମାପୁରୁଦି ମାରି ପ୍ରବୁ ଜିସୁ କ୍ରିସ୍ତଦି ଦାସ୍‍ ଜାକୁବ ମାଡ଼ିସ୍‍କିନିକା ଜାଣେକିଜି ଇୟା ଆକୁ ରାସ୍‌ସିନାନ୍‍ ।

అపొస్తు 12:17

ୱାନ୍‌ କିୟୁଦାନ୍‌ ଜୁଟ୍‍ସି ଆଲ୍‍ଜ ମାନ୍‍ଡ୍ରେଙ୍ଗ୍‍ଁ ଇର୍ହାନ୍‌, ମାରି ପ୍ରବୁ ୱାନିଙ୍ଗ୍‌ ଏଣ୍ତେସ୍‌ ଜଇଲ୍‍ତାନ୍‍ ସପ୍‍ସି ତାତାନ୍‍, ଆୟା ବିସୟ୍‌ ୱାରି ଆଗ୍‌ଡ଼ି ୱେର୍‌ତାନ୍‌ । ତାନିୱେନ୍‍କା ଇୟାୱିଜୁ ମାଟା ଜାକୁବ ନି ଆଇ ୱିଜେରେ ବିସ୍‍ବାସିରି ତଡ଼ାନ୍‌କାଙ୍ଗ୍‌ ୱେର୍‍ତେଙ୍ଗ୍‍ଁ ଇଜି ଆଦେସ୍‌ ସିଜି ୱାନ୍‌ ଆବେଟ୍‌କୁ ଆଇତରିନ୍‍ ସର୍ହାନ୍‍ ।

అపొస్తు 2:38

ପିତର ୱାରିଙ୍ଗ୍‌ ଇର୍ହାନ୍‌, “ମିର୍‌ ୱିଜେରେ ପାପ୍‌ତାନ୍‌ ଡ଼େସିୱାଜି ମି ପାପ୍‌ କେମା ଆନି ଉଣ୍ତିଙ୍ଗ୍‌ ଜିସୁ କ୍ରିସ୍ତଦି ଦର୍‌ତାନ୍‌ ଡୁବନ୍‌ ଅତୁ; ଆର୍‌ତିଙ୍ଗ୍‌ ମିର୍‌ ମାପୁରୁଦି ଦାନ୍‌ ପବିତ୍ର ଆତ୍ମା ପୟ୍‌ନିଦେର୍‌ ।

ଜିହୁଦା 1:1

ଜିହୁଦା, ଜିସୁ କ୍ରିସ୍ତଦି ଅରେନ୍‌ ଦାସ୍‍ ମାରି ଜାକୁବଦି ତଡ଼ାସି, ଆମାକାର୍‌ ବୁବା ମାପୁରୁଦି ମାଣାନ୍‌ ବଦାଆତିକାର୍‌ ମାରି ୱାନି ଲାଡ୍‍ତିକାର୍‌, ମାରି ଜିସୁ କ୍ରିସ୍ତଦି ଉଣ୍ତିଙ୍ଗ୍‌ ନେଗେନ୍‌ମାନାର୍‌, ୱାରି ଲାକ୍‌ତୁ ଆକୁ ରାସ୍‌ସିନା ।

ଗାଲାତିୟ 2:9

ନାସ୍ତିୱାଲେ ମୁଣ୍ତା ୱାଜା ୱେଙ୍ଗିଁଜିମାନି ଜାକୁବ, ପିତର୍‍ ନି ଜୋହନ ମାନାତା ମାର୍ହାର୍‍ ଜେ, ମାପୁରୁ ନାଙ୍ଗିଁ ଇୟା ଦୟା ପାଣିଦି ଦାୟିତ୍ ସିତାମାନାନ୍‌ । ଆଦେଙ୍ଗ୍‌ ୱାର୍‍ ନାଙ୍ଗିଁ ନି ବର୍ଣ୍ଣବାଦିଙ୍ଗ୍‍ ଅର୍‌ସେମାନିକା ୱାଜା ୱେଡ଼ିକାଦାନ୍‍ ମାନାତାମାନାର୍‍ । ବର୍ଣ୍ଣବା ନି ନାନୁ ଅଣଜିହୁଦି ଲୋକା ଲାକ୍‍ତୁ ମାରି ୱାର୍‍ ଜିହୁଦିଲୋକା ଲାକ୍‍ତୁ ପାଣି କିନାପ୍‌ ଇଜି ମାପ୍‍ ଉନ୍‍ଣ୍ତ୍ରେମନ୍‍ ଆତାମାର୍ହାପ୍‍ ।

ଗାଲାତିୟ 1:19

ପ୍ରବୁଦି ତଡ଼ାନ୍‍ ଜାକୁବଙ୍ଗ୍‍ଁ ଡ଼ିସ୍‍ତିଙ୍ଗ୍‍ଁ ନା ଆଇ ଏମେ ପେରିତ ସିସୁରି ୱାଲେ ମିସାଏତା ମାର୍ହା ।

అపొస్తు 15:13

ୱାର୍‌ ଇର୍ହି ୱିସ୍‌ତି ୱେନ୍‌କା ଜାକୁବ ଇର୍ହାନ୍‌, “ଏ ତଡ଼ାନ୍‌କୁ ନି ତାଙ୍ଗିଁକି, ନା ମାଟା ୱେନ୍‌ଡ୍ରୁ !

అపొస్తు 4:19

ମାତର୍‌ ପିତର ନି ଜୋହନ ଇର୍ହାର୍‌, “ମିଙ୍ଗିଁ ମାନାନିକା, ଅବା ମାପୁରୁଦିଙ୍ଗ୍‌ ମାନାନିକା ଏମେ ବିସୟ୍‌ ମାପୁରୁଦି ଆଗ୍‌ଡ଼ି ଟିକ୍‌, ଆକା ମିର୍‌ ବିସାର୍‌ କିଦୁ ।

అపొస్తు 4:13

ପିତର ନି ଜୋହନ ପଡ଼ାଇକାର୍‍ ମାରି ସାମାନ୍‌ତି ଲୋକୁ ଇଜି ପେରି ମିଟିଙ୍ଗ୍‍ତି ଜିହୁଦି ନେତାର୍‌ ନେସ୍‍ତାମାର୍ହାର୍‍ । ଆଦେଙ୍ଗ୍‌ ୱାରି ସାସ୍‌ ସୁଡ଼ୁଜି ୱାର୍‌ କାବାଆତାର୍‌ । ମାରି ୱାର୍‌ ନେସ୍‍ତାମାର୍ହାର୍‍, ଆୟା ରିଏର୍‌ ଜିସୁଦି ୱାଲେ ମାର୍ହାର୍‌ ।

అపొస్తు 2:14

ତାନିୱେନ୍‍କା ଆଇ ଏଗାର୍‍ ଲୋକୁ ପ୍ରେରିତ ସିସୁରି ୱାଲେ ପିତର୍‌ ନିଙ୍ଗ୍‍ଜି ନାଣ୍ତ ଆଉଲି ଆଜି ଇର୍ହାନ୍‌, ଏ ଜିହୁଦି ତଡ଼ାନ୍‌କୁ ତାଙ୍ଗିଁକ୍‌ ମାରି ଜିରୁସାଲାମ୍‍ତୁ ବାସାତିମାନି ମଣ୍ତଲି, ନା ମାଟା ନେଗେନ୍‌ତାନ୍‌ ୱେନ୍‌ଡ୍ରୁ, ନାନ୍ ଇୟା ବିସୟ୍‌ତାନ୍‌ ବୁଜାକିଜି ଇନା ।

యోహాను 21:2

ସିମୋନ ପିତର୍‌, ତୋମା, ଏଙ୍ଗ୍‌ ଦିଦୁମ ଇନାର୍‌, ଗାଲିଲିଦି କାନାଦିକାନ୍‌ ନିତନିଏଲ୍‍, ଜେବଦିରି ମାରିସିର୍‌ ମାରି ୱାନି ସିସୁରି ମାଣ୍‌କୁ ମାରି ରିଏର୍‌ ଉନ୍‌ଡ୍ରେମାନୁ ମାର୍ହାର୍‌ ।

యోహాను 18:17

ଆବେଟ୍‌ ଆୟା ଡେୱାଦୁ କାପ୍‍କିନି ସାକର୍‌ ପିତରତିଙ୍ଗ୍‌ ଇର୍ହାତ୍‌, “ନିନ୍‌ ବା ଇନିକା ଇୟା ଲୋକାଦି ସିସୁରି ଲୋଇରାନ୍‌ ଅରେନ୍‍ ଆଇନୋ ?” ପିତର୍‌ ଇର୍ହାନ୍‌, “ନାନ୍ ସିଲେ ।”

యోహాను 11:16

ଆବେଟ୍‌ ତୋମା ଆମାୱାନିଙ୍ଗ୍‌ ଦିଦୁମ ଇଜି ଇନାର୍‌, ୱାନ୍‌ ୱାନି ତଡ଼୍‍ ସିସୁରିଙ୍ଗ୍‌ ଇର୍ହାନ୍‌, “ସାଦୁ, ମାଡ୍‌ ବା ଗୁରୁୱାଲେ ସଲ୍‌ସି ୱାନିୱାଲେ ସାନାଟ୍‍ ।”

మార్కు 14:33

ମାରି, ୱାନ୍‌ ପିତର, ଯାକୁବ ମାରି ଜୋହନତିଙ୍ଗ୍‍ ଅର୍‌ସେ ଅତାନ୍‌ନୋ ନାଣ୍ତ ସିମ୍ରା ମାରି ଦୁଃକ୍‌‍ କିଦେଙ୍ଗ୍‌ ଆସ୍‌ତାନ୍‌ ।

మార్కు 9:2

ଛଦିନ୍‍ ୱେନ୍‌କା ଜିସୁ କେବଲ୍‌ ପିତର୍‌, ଜାକୁବ ନି ଯୋହନତିଙ୍ଗ୍‍ ଅର୍‌ସେ ଆସ୍‌ସି ମିସାଜି ୱାରିଙ୍ଗ୍‌ ଉଣ୍ତ୍ରି ପେରି ଗରନ୍‍ତୁ ଅତାନ୍‍ ।

మార్కు 5:37

ତାନେ ୱେନ୍‌କା ଜିସୁ ଯାଇରସତି ଇଲ୍‌ତୁ ସନ୍‌ଡ଼୍ରେଙ୍ଗ୍‌ ଇଜି ଯାକୁବ, ୱାନି ତଡ଼ାନ୍‌ ଯୋହନ ମାରି ପିତର୍‍ତିଙ୍ଗ୍‍ ଡ଼ିସ୍‌ତିଙ୍ଗ୍‌ ମାରି ଏଙ୍ଗ୍‌ବା ୱାନିୱାଲେ ଇଲୁ ଲୋଇ ଅଏତାନ୍‍ ।

మత్తయి 9:9

ଜିସୁ ଆବେଟ୍‌କୁ ବୁଲାଜିସନିୱାଲେ ମାତିଉ ଦର୍‌ତି ଅରେନ୍‍ ସିସ୍‍ଟୁ ଲୋସ୍‍ନିୱାନିଙ୍ଗ୍‍ ନିଜେଦି ପାଣିକିନି ବାଡିଦୁ ବାସ୍‍ନିମାନିକା ସୁଡ଼ୁତାନ୍‍ ମାରି ୱାନିଙ୍ଗ୍‌ କୁକ୍‌ସି ଇର୍ହାନ୍‌, “ନା ୱେନ୍‌କା ୱେନ୍‌କା ରାଆ ।” ମାତିଉ ନିଙ୍ଗ୍‍ଜି ୱାନି ୱେନ୍‌କା ସର୍ହାନ୍‍ ।

୨ ଜୋହନ 1:1

ପ୍ରାଚିନ୍ ଜୋହନ ଯେ ନାନୁ ଅରେତ୍‌ ଆସ୍‌କିଆୟ୍‌ଆତି ଆଇମା ମାରି ତାନି କଡ଼ରି ଲାକ୍‌ତୁ ଇୟା ଆକୁ ରାସ୍‌ସିନା । ମିଙ୍ଗିଁ ନାନୁ ସତ୍‌ ୱାଜା ଜିବନ୍‌ନୋନା, ମାରି କେବଲ୍‌ ନାନ୍‌ ସିଲେ, ମାତର୍‌ ସତ୍‌ ନେସ୍‌ତିମାନି ୱିଜୁ ଲୋକୁ ବା ଜିବନ୍‌ନୋନାର୍‌ ।

1కొరింతి 15:7

ଇୟାତାନିୱେନ୍‌କା ଜେ ଯାକୁବଙ୍ଗ୍‌, ମାରି, ତାନିୱେନ୍‌କା ୱିଜୁ ସିସୁରିଙ୍ଗ୍‌ ତରାୟ୍‌ଆତାନ୍‌;

యోహాను 14:22

ଜିହୁଦା, ଇକାନ୍‌ ଇସ୍କାରିୟୋତିୟ ଜିହୁଦା ଆଏନ୍‍ ୱାନିଙ୍ଗ୍‌ ଇର୍ହାନ୍‌, ଏ ପ୍ରବୁ, ଇନିକା ଏଣ୍ତେସ୍‌ ଆନାତ୍‌ ? ନିଜେଦିଙ୍ଗ୍‍ ଦୁନିଆ ଲାକ୍‌ତୁ ତରାୟା ଆଏଣ୍‌ଗା ମା ଲାକ୍‌ତୁ ତର୍‍ତିମାନି ?