2కొరింతి 11:27 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁷ ବେସିନାଣ୍ତ ପାଣି କିତାମାନା ମାରି ଦୁକ୍ କାସ୍ଟୁ ବୋଗକିତାମାନାନ୍, ସୁଜୁଏଣ୍‌ଗା ମାରି ବାଙ୍ଗାଁ, ଏର୍‌କିଦାନ୍‌ ବେସିଦିନ୍ କାଟେ କିତାମାନା, ନେଗି କାଦି, ଆଙ୍ଗିଁ ମାରି ଡର୍‌ନିବାଡି ସିଲେତି ଉଣ୍ତିଙ୍ଗ୍‌ ବେସି କାସ୍ଟୁ ପୟ୍‌ତାମାନା ।

Konda: కొండ బాసదు నెగ్గి కబ్రు

²⁷ నాను నండొ కస్టమ్‌దాన్‌ స్రమెఙాణిఙ్‌ పణిఙ్‌ కిజి, రెయ్క నిద్ర సిల్లెండ మహ. ఏక, ఏక తిండి సిల్లెండ బఙ ఎహ్కిదాన్‌ మహ. ఒడొఃల్‌దు సొక్కెఙ్‌ సిల్లెండ పిన్నిదు నిగసాణె మహ.

2కొరింతి 11:27 Referans Kwoze

ପିଲିପିୟ 4:12

ଉଣା ଆପିତ୍‌ ମାରି ନାଣ୍ତ ଆପିତ୍‌, ଏଣ୍ତେସ୍‌ ତାନି ସାମାନା କିଦେଙ୍ଗ୍‌ ଆନାତ୍‌, ଆକା ନାନ୍‌ ନେସ୍‌ତାମାନା । ଆଦେଙ୍ଗ୍‌ ଆମା ଇନି ବେଡ଼ାଦୁ, ଆମା ଇନି ଅବସ୍ଥାଦାନ୍‌ ମାରି ବାଙ୍ଗାଁଦୁ ତେବାତି ୱାଲେ ଏଣ୍ତେସ୍‌, ପଟାପାଜିତି ୱେନ୍‌କା ବା ଆୟାୱାଜା, କାକୁର୍ତି ଆନି ବେଡ଼ାଦୁ ମାରି ନାଣ୍ତ ଦୁବା ନାନ୍‌ ୱିଜୁଦିନ୍‌ ସାମାନ୍‌ ।

2కొరింతి 6:5

ମାପ୍‌ ମାଡ୍‌ ତିର୍‌ଆର୍ହାପ୍‍, ଜେଲଦଣ୍ତ ବୋଗକିତାମାନାପ୍‍, ଜୁଦ୍‌ଦୁ ସାମ୍‍ନା କିତାମାନାପ୍‍; ନାଣ୍ତକାସ୍ଟୁପାଣି କିତାମାନାପ୍‍, ଅନିଦ୍ରାଆଜି ତେବାତାପ୍‍ ମାରି କାଦି ଉଣୁଏଣ୍‌ଗା ତେବାତାମାରାପ୍ ।

1దెస్స 2:9

ଏ ତଡ଼ାନ୍‌କୁ ନି ତାଙ୍ଗିଁକି, ମା ପାଣି ମାରି ଆଟ୍‌ୱା ପାଣି ମି ପୁରା ଏତ୍‌ ମାନାତ୍‌, ମି ଲାକ୍‌ତୁ ଏଣ୍ତେସ୍‌ ମାପୁରୁଦି ନେଗିକାବୁର୍‌ ୱେର୍‌ନି ୱାଲେ ମି ମୁସ୍‌କୁ ବୋଜୁ ଆଇ ଉଣ୍ତିଙ୍ଗ୍‌ ମାପ୍‌ ନାଡ଼ାୱେଡ଼େ କାସ୍ଟୁପାଣି କିତାମାର୍ହାପ୍‌ ।

2దెస్స 3:8

ମାରି ଇନିକା ସିଲେଣେଗା ମାପ୍‌ ଏମାଣାନ୍‌ ଜାୱା ଉଣୁଏପ୍‌ ମାର୍ହାପ୍‌, ମାରି ଏ ମୁସ୍‌କୁ ବୋଜୁ ଆଇ ଉଣ୍ତିଙ୍ଗ୍‌ ମାପ୍‌ କାସ୍ଟୁ ପୟ୍‌ଜି ୱେଡ଼େନାଡ଼ା ପାଣି କିତାମାର୍ହାପ୍‌ ।

ఎబ్రి 11:37

ୱାର୍‌ କାଲୁକାଣୁକୁ ଡାକ୍‍ତିଙ୍ଗ୍‌ ସାତାର୍, କରତ୍‌ଦାନ୍ ରୁଣ୍ତି ମକେଙ୍ଗ୍‌ ଆତାର୍‌ ମାରି କାଣ୍ତାଦାନ୍ ସାତାର୍ । ଏନ୍‍ ଏନ୍‍ ମେଣ୍ତା ନି ଗରିଆ ତୋଲୁ ଆରାଜି କାକୁର୍ତି ଆତାର୍‌, କାସ୍ଟୁ ନି ତାଡ଼ନା ଆଜି ଆୟାୱାଜା ବୁଲାତାର୍‍ ।

2కొరింతి 11:23

ୱାର୍‌ ଇନିକା କ୍ରିସ୍ତଦି ସେବାକିନିକାର୍‌ ? ନାନ୍‌ ବାୟାୱାଜା ଇଜିନା, ନାନ୍‌ ୱାରିମାଣୁକୁ ୱିଜେରିଙ୍ଗ୍‌ପେରି ସେବାକିନିକିନ୍ଦା । ନାନ୍‌ ୱାରିମାଣୁକୁ ନାଣ୍ତ କାସ୍ଟୁପାଣି କିତାମାନା, ନାଣ୍ତ ଜଇଲ୍‌ତୁ ତେବାତାମାନା ମାରି ବାଡିଗାଦାନ୍‌ ଡାଟ୍‌ତିମାନିକା ସାସ୍‌ କିତାମାନା ମାରି ନାଣ୍ତ ଦେବେଙ୍ଗ୍‌ ସାନିମାନୁ ସାମାନ୍‌ କିତାମାନା ।

1కొరింతి 7:5

ନିଜେନିଜେଦିଙ୍ଗ୍‌ ୱାର୍‌ ଆକ ତେବାମାକିର୍‌ । ମାତର୍‌ ରିଏର୍‌ ମତାମ୍‌ ଆଜି ପାର୍‌ତାନାଦୁ ସମୟ୍‌ସିନି ଉଣ୍ତିଙ୍ଗ୍‌ ଏସ ସମୟ୍‌ ୱେର୍‌ଏ ତେବାଦେଙ୍ଗ୍‌ ଆଟ୍‍ନାର୍‍ । ମାରି, ମି ଜିବନ୍‌ତୁମିସାନି ଉଣା ଉଣ୍ତିଙ୍ଗ୍‌ ସୟ୍‌ତାନ୍‌ ଏଣ୍ତେସ୍‌ ୱାରିଙ୍ଗ୍ ପରିକା କିଏତ୍‌, ଆୟାଉଣ୍ତିଙ୍ଗ୍‌ ୱାର୍‌ ମାରିଡ଼େସି ଉନ୍‌ଡ୍ରେମାନୁ ଆପିର୍‌ ।

అపొస్తు 14:23

ୱିଜୁ ମଣ୍ତଲିଦୁ ୱାର୍‌ କିକୁ ଇଡ୍‌ଜି ମଣ୍ତଲିଦି ପେରି ନେତାର୍‍ରିଙ୍ଗ୍‌ ବାସେ କିତାର୍‍ ମାରି ଏମେ ପ୍ରବୁଦିମାନୁ ୱାର୍‌ ବିସ୍‌ବାସ୍‌ କିତାମାର୍ହାର୍‍, ପାର୍‌ତନା ନି ଉପବାସତି ୱାଲେ ୱାରିଙ୍ଗ୍‍ଁ ଆୟା ପ୍ରବୁଦି ଲାକ୍‌ତୁ ସର୍ପେ କିତାର୍‍ ।

అపొస్తు 20:31

ନାସ୍ତିୱାଲେ ଜାଗାର୍‌ତା ମାନ୍‌ଡ଼୍ରୁ, ନାନୁ ଜେ ୱେଡ଼େ ନାଡ଼ା କାଣେରୁଙ୍ଗୁଁ ୱାକ୍‍ସି ମୁନ୍‍ଣ୍ତ୍ରି ବାର୍‍ସେକ୍‍ ସାନ୍ଦି ମି ୱିଜେରିଙ୍ଗ୍‍ ସିକିୟା ସିତାମାନା, ଇୟା ମାଟା ମନ୍‌ତୁ ଇଡ୍‌ଦୁ ।

మత్తయి 17:21

ମାତର୍‌ ପାର୍‌ତନା ନି ଉପବାସ୍‌ ଡ଼ିସ୍‌ତିଙ୍ଗ୍‌ ଆଇକା ଇନି ଉପାୟ୍‌ତାନ୍‌ ଇୟାୱାଜା ଦୁବା ସୋହସ ସଲ୍‌ଏତେ ।