1తిమోతి 2:8 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁸ ପାର୍‍ତନାଦୁ ମାପୁରୁଦି ଦାର୍ମୁ ଲୋକୁ କିୟୁ ମୁସ୍‌କୁ ପେର୍‌ଜି ରିସା ନି ସୁରିୱାର୍‍ଗିଏନ୍‍ଣ୍ତା ପାର୍‌ତାନା କିପିର୍‍ ।

Konda: కొండ బాసదు నెగ్గి కబ్రు

⁸ అందెఙె, దేవుణుదిఙ్‌ పార్దనం కిదెఙ్‌ మీరు కూడ్ఃజి వానివలె ఎంబెబా మొకకొడొఃర్‌ పార్దనం కిదెఙ్‌ ఇజి నాను కోరిజిన. వారు దేవుణు వందిఙ్‌ కేట ఆతి బత్కు బత్కిదెఙ్‌ వలె. వారు పార్దనం కినివలె, వరి మన్సుదు కోపం సిల్లెండ, ఎయెవెటబ జటిఙ్‌ ఆఏండ కిక్కు పెర్జి కిదెఙ్.

1తిమోతి 2:8 Referans Kwoze

ఎబ్రి 10:22

ମାରି ରାଦୁ, ମାଡୁ ନେଗି ମୋନ୍‌ତାନ୍ ମାରି ଆଟୁୱା ବିସ୍‍ବାସ୍‌ତି ୱାଲେ ମାପୁରୁଦି ଲାକୁତୁ ସୋନାଟ୍‍; ଇରିଙ୍ଗ୍‌ ମାଡୁ ଇଲେଇ ତାଗ୍‍ଇ ବୁଦିଦାନ୍‍ କ୍ରିସ୍ତଦି ନେତେର୍‍ତାନ୍ ନେଗେନ୍‌ ଆତିମାନିକା ମାରି ମା ମେନ୍ଦଲ୍‌ ନେଗି ଏରୁଦାନ୍ ଇବାତି ମାନିକା ।

తీతు 3:8

ଇୟା ମାଟା ପୁରା ସତ୍‍ । ଇୟାୱିଜୁ ବିସୟ୍‌ ମୁସ୍‌କୁ ମିର୍‌ ନାଣ୍ତ୍‌ ଦିୟାନ୍‌ ସିଜି ବୁଜାକିନିଦେର୍‌, ଆମାକାର୍‌ ମାପୁରୁମାନୁ ବିସ୍‌ବାସ୍‌ କିନାର୍‌, ୱାର୍‌ ସତ୍‌ପାଣି କିଜି ଦିନ୍‌ କାଟେକିନିକା ମାନାତ୍‌; ୱିଜେରି ଉଣ୍ତିଙ୍ଗ୍‌ ଆମାକା ନେଗିକା, ଆୟାୱିଜୁ ପାଣିଦୁ ତେବାନିକା ମାନାତ୍‌ ।

యాకోబు 4:8

ମାପୁରୁଦି ଲାକ୍‌ତୁ ରାଦୁ, ମାରି ୱାନ୍‌ ମି ଲାକ୍‌ତୁ ୱାନାନ୍‌ । ଏ ପାପି ଲୋକୁ, ମି କିକୁ ନର୍‍ଦୁ, ଏ ରିୟାଙ୍ଗାଁଆନି ଲୋକୁ, ମି ଜିବନ୍‌ ନେଗେନ୍‍ କିଦୁ,

లూకా 24:50

ତାନିୱେନ୍‍କା ଜିସୁ ୱାରିଙ୍ଗ୍‌ ବେତନିୟାଦୁ ସନି ସାରି ସାନ୍ଦି ଅତାନ୍‍ ମାରି ନିଜେଦି କିୟୁ ପେର୍‌ଜି ୱାରିଙ୍ଗ୍‌ ଆସିର୍ବାଦ୍‌ କିତାନ୍‍ ।

୧ ପିତର 3:7

ଏ କନ୍‌ଲିର୍‌, ଆୟାୱାଜା ମି ଆଡ଼ିକାଙ୍ଗ୍‌ ସାକିସିଲି ତଡ଼୍‍ ଇଜି ନେସ୍‌ସି ୱାନିକା ଉଣ୍ତିଙ୍ଗ୍‌ ସାସ୍‌ ଆସ୍‌ସି ତେବାଦୁ । ୱାନିକାଙ୍ଗ୍‌ ମାନାଦୁ । ୱାକ୍‌ ବା ମି ୱାଲେ ମାପୁରୁମାନୁ ଜିବନ୍‌ନୋନି ଦୟାଦାନ୍‌ ପଇନେ । ମିରୁ ୱାନିକା ଉଣ୍ତିଙ୍ଗ୍‌ ନେଗେନ୍‌ତାନ୍‌ ସୁଡ଼ୁତିଙ୍ଗ୍‌, ମି ପାର୍‍ତନା ଏଣ୍ତେସ୍‌ ବାଦା ଆଏତ୍‌ ।

1తిమోతి 5:14

ମାରି, ଉଣା ବୟସ୍‌ତି ରାଣ୍ତିଆଇମେକ୍‌ ପେଡ଼ି ଆପିୱି, କଡ଼ ଜନମ୍‌ କିପିୱି, ଇଲୁ ପାଣି ନେଗେନ୍‌ତାନ୍‌ ସାଲା କିପିୱି, ନିନ୍ଦା କିନି ଉଣ୍ତିଙ୍ଗ୍‌ ସାତ୍ରୁଦିଙ୍ଗ୍‌ ଇନି ସାରି ସିମାକିୱି ।

అపొస్తు 21:5

ମାତର୍‌ ୱାରି ୱାଲେ ଉନ୍‍ଣ୍ତ୍ରି ସାତା ତେବାତି ୱେନ୍‌କା ମାପ୍‌ ୱାରିଙ୍ଗ୍‌ ଡ଼ିସ୍‌ସି ନିଜେଦି ସାରିଦୁ ସର୍ହାପ୍‍ । ମାଙ୍ଗିଁ ଡ଼ିସ୍‌ତେଙ୍ଗ୍‌ ଇଜି ୱାର୍‌ ୱିଜେରେ ନିଜେଦି ଆଡ଼୍‍ସିକ୍‍ ମାରି କଡ଼ରି ୱାଲେ ଗାଡ଼୍‌ ଆତ୍‌ରେ ମାନି ସାମ୍‌ଦୁର୍‌ ପାଡ଼ି ସାନ୍ଦି ୱାତାର୍‌ । ଆବେ ମାପ୍‌ ୱିଜେରେ ମେଣ୍ତେଙ୍ଗ୍‍ ଗଟ୍‌କିଜି ପାର୍‌ତନା କିତାପ୍‍ ।

అపొస్తు 10:4

ୱାନ୍‌ ତିଲାଜି ଦୁତ୍‍ତି ତରିନ୍‌ ସୁଡ଼୍‌ଜି ଇର୍ହାନ୍‌, “ଏ ପ୍ରବୁ ଇନିକା ?” ଦୁତ୍‍ ଇର୍ହାନ୍‌, “ମାପୁରୁ ନି ପାର୍‌ତାନା ନି ଦାନ୍‍ସିନିମାନୁ ୱେଡ଼ିକା ଆତାମାନାନ୍‌ ମାରି ତେନି ବାଦ୍‌ଲୁ ସିଦେଙ୍ଗ୍‍ ଇଜି ତିଆର୍‌ ମାନାନ୍‌ ।

అపొస్తు 10:2

ୱାନ୍‌ ଅରେନ୍‌ ଦାର୍ମୁ ଲୋକୁ ମାର୍ହାନ୍‍ । ୱାନ୍‌ ମାରି ୱାନି ଇଲୁଦି ୱିଜେରେ ମାପୁରୁଙ୍ଗୁଁ ପାର୍‌ତନା କିଜିମାର୍ହାର୍‍ । ୱାନ୍‌ କାକୁର୍ତି ଜିହୁଦି ଲୋକାଦି ନେଗି ଉଣ୍ତିଙ୍ଗ୍‌ ନାଣ୍ତ ପାଣି କିଜି ମାର୍ହାନ୍‍ ମାରି ଦିନାମି ମାପୁରୁମାନୁ ପାର୍‌ତାନା କିଜିମାର୍ହାନ୍‍ ।

అపొస్తు 7:60

ୱାନ୍‌ ମେଣ୍ତେଙ୍ଗ୍‍ ଗଟ୍‌କିଜି ନାଣ୍ତ ଆଉଲିଦାନ୍‍ ଇର୍ହାନ୍‌, “ପ୍ରବୁ ! ଇୟାୱାରି ବିରଦ୍‌ତାନ୍‌ ଇୟା ପାପ୍‌ ଏତ୍‌ କିମା ।” ଇକା ଇଜି ୱାନ୍‌ ପୁଣ୍ତା ଡ଼ିସ୍‍ସି ସାତାନ୍‍ ।

1కొరింతి 7:7

ମାରି, ମିର୍‌ ୱିଜୁ ଲୋକୁ ନା ୱାଜା ଆପିର୍‌ ଇଜି ଇକା ନା ଇଚ୍ଛା । ମାତର୍‌ ଏନ୍‌ ଇୟାୱାଜାଦିକା, ମାରି ଏନ୍‌ ଆୟାୱାଜାଦିକା, ୱିଜୁଲୋକୁ ମାପୁରୁଦିମାଣାନ୍‌ ଦାନ୍‍ ପୟ୍‌ତାମାନାର୍‌ ।

అపొస్తు 10:31

କର୍ଣ୍ଣିଲିୟ ! ମାପୁରୁ ନି ପାର୍‌ତାନା ୱେର୍ହାମାନାନ୍‍ ମାରି ନିନ୍‌ କାକୁର୍ତି ଲୋକାଙ୍ଗ୍‌ ସେବା କିନିକା ସୁଡ଼ୁତା ମାନାନ୍‌ ।

యోహాను 4:21

ଜିସୁ ତାନିଙ୍ଗ୍‌ ଇର୍‌ଆନ୍‌, ଏ ଆଇମା, ନା ମାଟା ବିସ୍‌ବାସ୍‌ କିଆ, ଇୟାୱାଜା ସମୟ ୱାଜିନାତ୍‍, ଏମେ ସମୟତୁ ମିର୍‌ ଇୟା ଗରନ୍‌ତୁ ମାରି ଜିରୁସାଲାମ୍‌ତୁ ବୁବାଦି ଉପାସନା କିଇଦେର୍‍ ।

లూకా 23:34

ନାସ୍ତିୱାଲେ ଜିସୁ ଇର୍ହାନ୍‌, “ଏ ବୁବା, ୱେରିଙ୍ଗ୍‌ କେମା କିଆ, ଇରିଙ୍ଗ୍‌ ଇକାର୍‌ ଇନିକା କିଜିନାର୍‌, ଆକା ୱାର୍‌ ନେସ୍‌ଏର୍‌ ।” ମାରି, ୱାର୍‌ ୱାନି ଆଙ୍ଗିଁୱିଜୁ ବାଗ୍ କିନି ଉଣ୍ତିଙ୍ଗ୍‌ କୁଡ଼ୁକୁଡି କିତାର୍‌ ।

మత్తయి 21:21

ଜିସୁ ଇର୍ହାନ୍‌, “ନାନ୍ ମିଙ୍ଗିଁ ସତ୍‌ ଇଜିନା, ମନ୍‌ତୁ ଅଡ଼ପ୍‍ବା ଅଡ଼୍‌ବିଏଣ୍‌ଗା ମିର୍‌ ଜଦି ପୁରାଦାନ୍‌ ବିସ୍‌ବାସ୍‌ କିନିଦେର୍‌, ନାନ୍ ଇୟା ତଗା ମାରାନ୍‌ ଉଣ୍ତିଙ୍ଗ୍‌ ଆମାକା କିତାମାନା, ମିର୍‌ ବା ଆକା କିଦେଙ୍ଗ୍‌ ଆଟ୍‌ନିଦେର୍‌ । କେବଲ୍‌ ନାସ ସିଲେ, ଏମେ ଲୋକୁ ଇୟା ଗରନ୍‍ତିଙ୍ଗ୍‍ ନିନ୍‌ ନିଙ୍ଗ୍‍ଜି ସାମ୍‌ଦୁର୍‌ତୁ ସଲ୍‍ସି ଆର୍‌ଆ ଇଜି ଇନାନ୍‌, ଆକାବା ଆନାତ୍‌ ।

మత్తయి 5:44

ମାତର୍‌ ନାନ୍ ମିଙ୍ଗିଁ ଇଜିନା, ଜିବନ୍‍ନୋଦୁ ମି ସାତ୍ରୁରିଙ୍ଗ୍ । ଏମେକାର୍‌ ମିଙ୍ଗିଁ ତାଡ଼ନାକିନାର୍‍, ୱାରି ଉଣ୍ତିଙ୍ଗ୍‌ ପାର୍‌ତନା କିଦୁ ।

మత్తయి 6:12

ମା ବିରଦ୍‌ତାନ୍‌ ଦୋସ୍‍ କିତିମାନି ଲୋକାଙ୍ଗ୍‌ ମାପ୍‌ ଏଣ୍ତେସ୍‌ କେମାକିନାପ୍‍, ଆୟାୱାଜା ମା ଦସ୍‌ ୱିଜୁ କେମା କିଆ ।

1కొరింతి 1:2

କରନ୍ତି ଗାଡ଼୍‌ଦୁ ମାନି ମାପୁରୁଦି ମଣ୍ତଲି ଲାକ୍‌ତୁ ରାସ୍‌ସିନାନ୍‌ : ଆମାକାର୍‌ ମାପୁରୁଦି ପବିତ୍ର ଲୋକୁ ଆନି ଉଣ୍ତିଙ୍ଗ୍‌ ବଦାମାନାର୍‌ ମାରି ଜିସୁ କ୍ରିସ୍ତଦି ୱାଲେ ମିସାନି ମାଣ୍‌କୁ ମାପୁରୁଦି ଲୋକୁଆତା ମାନାର୍‌ ମାରି ୱିଜୁ ମା ପ୍ରବୁ ଜିସୁ କ୍ରିସ୍ତଦି ଉପାସନା କିଜିନାର୍‌ :

2కొరింతి 2:14

ମାପୁରୁଦି ଦନ୍ୟବାଦ୍‌ ଆପିତ୍‌ । ଇରିଙ୍ଗ୍‌ ୱାନ୍‌ ଜିସୁ କ୍ରିସ୍ତଦିମାଣୁକୁ ୱିଜୁଦିନ୍ ମାଙ୍ଗିଁ ଜିଣାନି ସାରିଦୁ ଆଗ୍‍ଡ଼ି ଅନାନ୍ । ମାରି ବାସ୍‌ନା ଦୁପୁଣି ୱିଜୁତରିନ୍‌ ୱେଙ୍ଗିଁତି ୱାଜା କ୍ରିସ୍ତଦି ବୁଦି ଆଇୱାରିଙ୍ଗ୍‌ ସିନିଉଣ୍ତିଙ୍ଗ୍ ମାପୁରୁ ମାଙ୍ଗିଁ ବ୍ୟବହାର୍‌ କିତାମାନାନ୍ ।

ପିଲିପିୟ 1:12

ଏ ତଡ଼ାନ୍‌କୁ ନି ତାଙ୍ଗିଁକି, ନା ଉଣ୍ତିଙ୍ଗ୍‌ ଆମା ଆମାକା ଗଟାତାମାନାତ୍‌, ଆକା ସୁସମାଚାର୍‌ତି ପାଣିଦିଙ୍ଗ୍‌ ପିର୍‌ନି ଉଣ୍ତିଙ୍ଗ୍‌ ସାହାଜ୍ୟ କିତାମାନାତ୍‌, ଇକା ମିଙ୍ଗିଁ ୱେର୍‍ତେଙ୍ଗ୍‍ ନାନ୍‌ ଇଚ୍ଛା କିଜିନା ।

1దెస్స 1:8

ମି ଲାକ୍‌ତୁରାନ୍‌ ପ୍ରବୁଦି ବାକ୍ୟ ଜେ କେବଲ ମାସିଦୋନିଆ ଆକାୟାଦୁ ୱେଙ୍ଗିଁତା ମାର୍ହାତ୍‌, ଆକା ସିଲେ, ମାତର୍‌ ମାପୁରୁଦି ଉଣ୍ତିଙ୍ଗ୍‌ ମି ବିସ୍‌ବାସ୍‌ତି ବିସୟ୍‌ ୱିଜୁ ବାଡିଦୁ ଇୟାୱାଜା ୱେଙ୍ଗିଁତା ମାର୍ହାତ୍‌ ଜେ, ଆୟା ବିସୟ୍‌ତାନ୍‌ ମାଡୁ ଇନିକା ୱେର୍‍ତେଙ୍ଗ୍‍ ଦର୍‌କାର୍‌ ସିଲେତ୍‌ ।