୧ ଜୋହନ 5:19 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁹ ମାଡୁ ଜେ ମାପୁରୁଦିମାଣୁକୁ ଜନମ୍‌ ମାରି ୱିଜୁ ଜଗତ୍‌ ଜେ ସୟତାନ୍‍ତି ଅଦିକାର୍‌, ଇକା ମାପୁ ନେସ୍‌ନାପ୍‌ ।

Konda: కొండ బాసదు నెగ్గి కబ్రు

¹⁹ మాటు దేవుణు కొడొఃర్‌ ఇజి నెసినాట్. దేవుణుదిఙ్‌ సెందితికార్‌ ఆఇకార్‌ సయ్‌తాను అడిఃగి మంజినార్‌ ఇజి నెసినాట్.

୧ ଜୋହନ 5:19 Referans Kwoze

2కొరింతి 4:4

ୱାର୍‌ ବିସ୍‍ବାସ୍ କିଏରେ, ଇରିଙ୍ଗ୍‌ ୱାରି ମନ୍‍ତିଙ୍ଗ୍ ଇୟା ଦୁନିଆଦି ଦିୟାମ୍‌ କାଣା କିତାମାନାତ୍ । ଇସାବ୍‍ତାନ୍ ମାପୁରୁଦି ମୁର୍ତିଦି କ୍ରିସ୍ତଦି ମହିମାନ୍ନିତ ସୁସମାଚାର୍‌ତି ଜାୟ୍‌ ୱାରି ଲାକୁତୁ ସଲ୍‌ଏତ୍‍ନି ।

ଏପିସିୟ 2:2

ଆୟା ବେଡ଼ାଦୁ ମିର୍‌ ଦୁନିଆଦି ସତ୍‌ସିଲି ସାରିଦୁ ବୁଲାଜି, ବାଦଡ଼ତି ରାଜିଦି ଅଦିପତିଦି ଆଡ୍‍ଗି ମାର୍‌ଇଦେର୍‌ । ଆୟା ଅଦିପତି ଇଲେଇ ମାପୁରୁଦି ମାଟା ଆସ୍‌ଇୱାରି ଲୋକା ମୁସ୍‌କୁ ସାସନ୍‌ କିଜିନାନ୍‌ ।

ଗାଲାତିୟ 1:4

ଇଲେଇତି ଇୟା ପାପ୍‌ ଦୁନିଆଦାନ୍‍ ମାଙ୍ଗିଁ ରକିୟା କିଦେଙ୍ଗ୍‍ଁ ଇଜି, ମା ବୁବା ମାପୁରୁଦି ବଦା ମାନାଜି, କ୍ରିସ୍ତ ମା ପାପ୍‍ ଉଣ୍ତିଙ୍ଗ୍‍ଁ ନିଜେଦିଙ୍ଗ୍‍ଁ ସର୍ପେ କିତାନ୍‍ ।

యోహాను 12:31

ଇଲେଇ ଇୟା ଦୁନିଆଦୁ ବିସାର୍‌ ଇଗା ୱାତାତ୍‍; ଇଲେଇ ଇୟା ଦୁନିଆଦି ବିସାର୍‍ପତିଙ୍ଗ୍‌ ଆତ୍‌ରେ ପକାନାନ୍‍ ।

ప్రకటన 12:9

ଆୟା ସାରାସ୍ ଆଜିନାତ୍, ୱିଜୁ ଦୁନିଆଦିଙ୍ଗ୍‍ ବାଣ୍ତିସ୍‍ କିତିମାନି ସାକ୍ତି ପୁର୍ବେଦି ସାରାସ୍, ସୟତାନ୍; ତାନି ଦୁତ୍‍କା ୱାଲେ ମୁସ୍‌କୁପୁର୍‌ଦାନ୍ ପୋକାୟ୍‌ଆଜି ଦୁନିଆଦି ମୁସୁକୁ ୱାଜି ଆର୍‌ତାତ୍ ।

యోహాను 16:11

ବିସାର୍‌ ବିସୟ୍‌ତାନ୍‌ ୱାର୍‌ ବୁଲ୍‌ ଇରିଙ୍ଗ୍‌ ଇୟା ଜଗତ୍‌ତି ପେରିକାନ୍‌ ବିସାର୍‌ ଆତାମାନାତ୍‌ ।

୧ ଜୋହନ 5:20

ମାରି ବା ମାପୁ ନେସ୍‌ନାପ୍‌ ଜେ, ମାପୁରୁଦି ମାରିନ୍‌ ୱାତାମାନାନ୍‌ ମାରି ସତ୍‌ତିଙ୍ଗ୍‌ ନେସ୍‌ନି ଉଣ୍ତିଙ୍ଗ୍‌ ମାଙ୍ଗିଁ ବୁଦି ସିତାମାନାନ୍‌; ମାରି ମାଡୁ ଆୟା ସତ୍‌ତି ମାପୁରୁଦିମାନୁ ମାରି ୱାନି ମାରିନ୍‌ ଜିସୁ କ୍ରିସ୍ତଦି ୱାଲେ ମାନାତ୍‌ । ୱାନ୍‌ ନେ ସତ୍‌ତି ମାପୁରୁ ମାରି ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ।

୧ ଜୋହନ 5:13

ମାପୁରୁଦି ମାରିନ୍‌ତି ଦର୍‌ତାନ୍‌ ବିସ୍‌ବାସ୍‌ କିଜିନିଦେର୍‌ ଜେ ମିରୁ, ମିରୁ ଏଣ୍ତେସ୍‌ ନେସ୍‌ନିଦେର୍‌ ଜେ, ମିରୁ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ପୟ୍‌ତିମାନିଦେର୍‌, ଇୟାଉଣ୍ତିଙ୍ଗ୍‌ ନାନୁ ମିଙ୍ଗିଁ ଇୟା ଆକୁ ରାସ୍‌ସିନା ।

యాకోబు 4:4

ଏ ବିସ୍‌ବାସ୍‌ତୁ ବିସ୍‌ ସିନି ଲୋକୁ ! ମିର୍‌ ଇନିକା ନେସ୍‌ଇଦେର୍‌, ଦୁନିଆ ମାପୁରୁଦି ଉଣ୍ତିଙ୍ଗ୍‌ ସାତ୍ରୁଆନାତ୍‌ ? ଏନ୍‌ ଇୟା ଦୁନିଆଦି ୱାଲେ ସଙ୍ଗ୍‌ ଆଦେଙ୍ଗ୍‌ ବଦା କିନାନ୍‌; ୱାନ୍‌ ମାପୁରୁଦି ସାତ୍ରୁ ।

యోహాను 14:30

ନାନ୍ ମି ୱାଲେ ମାରି ନାଣ୍ତ ସମୟ୍ ୱାର୍‌ଗିଜିସାଦେଙ୍ଗ୍‌ କେଏନି, ଇରିଙ୍ଗ୍‌ ଦୁନିଆଦି ପେରିକାନ୍‌ ୱାଜିନାନ୍‍; ମାରି, ନା ମୁସ୍‌କୁ ୱାନି ସାକ୍ତି ଇନିକା ସିଲେତ୍‌;

୧ ଜୋହନ 5:10

ଏନ୍‌ ମାପୁରୁଦି ମାରିନ୍‌ତିମାନୁ ବିସ୍‌ବାସ୍‌ କିନାନ୍‌, ୱାନ୍‌ ନିଜେଦି ଜିବନ୍‌ତୁ ଇୟା ସାକି ପୟ୍‌ତା ମାନାନ୍‌; ଏନ୍‌ ମାପୁରୁଦି ସାକି ବିସ୍‌ବାସ୍‌ କିଏନ୍‌, ୱାନ୍‌ ମାପୁରୁଙ୍ଗୁଁ ମିଚ୍‌ୱେର୍‌ନିକାନ୍‌ କିତାମାନାନ୍‌, ଇରିଙ୍ଗ୍‌ ମାପୁରୁ ନିଜେଦି ମାରିନ୍‌ତି ବିସୟ୍‌ତାନ୍‌ ଆମା ସାକି ୱେର୍‌ତାମାନାନ୍‌, ଆବେନୁ ୱାନ୍‌ ବିସ୍‌ବାସ୍‌ କିଏନ୍‌ ।

୧ ଜୋହନ 3:24

ଏନ୍‌ ମାପୁରୁଦି ମାଟା ମାନାନାନ୍‌, ୱାନ୍‌ ମାପୁରୁଦି ମାଟା ଏତ୍‌ କିନାନ୍‌ : ମାପୁରୁ ୱାନିମାନୁ ତେବାନାନ୍‌ ମାରି ୱାନ୍‌ ମାପୁରୁଦିମାନୁ ତେବାନାନ୍‌, ମାରି ମାପୁରୁ ମାମାନୁ ତେବାନାନ୍‌, ଇୟା ମାଟା ମାଙ୍ଗିଁ ସିତିମାନି ୱାନି ଆତ୍ମାଦି ସାହାଜ୍ୟଦାନ୍‌ ମାଡୁ ନେସ୍‌ତେଙ୍ଗ୍‌ ଆଟ୍‌ସିନିକା ।

ప్రకటన 20:3

ମାରି ପାତାଲ୍‍କୁଣ୍ତିଦୁ ପୋକ୍‌ସି ଆୟାତାନି ସେର୍‍ଲା କେର୍‌ତାତ୍‌ ମାରି ସେର୍‍ଲା ଦେସ୍‍ତିଙ୍ଗ୍‌ ସିଲ୍‍ କିତାତ୍‌ । ହଜାର୍ ବାର୍ସେକ୍ ଜିଣାଇ ସାନ୍ଦି ୱାଦ୍‌ ମାରି ଏମେ ଦେସ୍‍ତି ଲୋକାଙ୍ଗ୍‌ ବାୟାକିଦେଙ୍ଗ୍‌ ଆଟେତ୍‍ନି । ଟିକ୍ ବେଡ଼ା ଇଗା ୱାତିଙ୍ଗ୍‍, ତାନିଙ୍ଗ୍‌ ଏସ ବେଡ଼ା ଉଣ୍ତିଙ୍ଗ୍‌ ମାରି ଉଣ୍ତ୍ରି ଦେବା ମୁକୁଡ଼ାକିନାର୍ ।

୧ ଜୋହନ 5:18

ମାପୁ ନେସ୍‌ନାପ୍‌, ମାପୁରୁଦି ମାରିନ୍‌ ପାପ୍‌ତୁ ମିସାଜ ତେବାଏନ୍‌; ଇରିଙ୍ଗ୍‌ ମାପୁରୁଦି ମାରିନ୍‌ ୱାନିଙ୍ଗ୍‌ ରକ୍‌ୟା କିନାନ୍‌, ମାରି ସୟ୍‌ତାନ୍‌ ୱାନିଙ୍ଗ୍‌ ଇନିକା କିଦେଙ୍ଗ୍‌ ଆଟ୍‌ଏତ୍‌ ।

2కొరింతి 5:1

ମାପୁ ନେସିନିକା, ଏମେ ଦୁନିଆଦି ମେନ୍ଦଲ୍‍ତି ୱାଜା ଗୁଡ଼ାଦୁ ମାପୁ ଇଲେଇ ବାସା କିଜିନିକା, ଆକା ନାସ୍ଟୁ ଆତିଆଙ୍ଗାଁ, ମାଙ୍ଗିଁ ମାପୁରୁଦି ମୁସ୍‌କୁପୁର୍‌ତୁ ଉନ୍‌ଡ୍ରି ୱିଜୁଦିନିତି ଇଲୁ ଜଗେକିନାନ୍ । ଆକା ଲୋକ କିୟୁଦାନ୍‌ ତିଆର୍ କିତିକା ଆଏତ୍‍ ନିଜେ ମାପୁରୁ ଆକା ତିଆର୍ କିତାମାନାନ୍ । ଆକା ୱିଜୁଦିନ୍‍ ତେବାନାତ୍‌ ।

ରୋମିୟ 8:16

ମାପୁରୁଦି ଆତ୍ମା ମା ଲୋଇରି ଆତ୍ମାଦି ୱାଲେ ବଲୁ ମିସାକିଜି ମାଙ୍ଗିଁ ମାପୁରୁଦି କଡ଼ର୍‍ ଇଜି ୱେକ୍‍ସିନାତ୍‍ ।

୧ ଜୋହନ 3:14

ମାପୁ ନେସ୍‌ନାପ୍‌ ଜେ, ଇଲେଇ ମାପୁ ସାନିତାନିଙ୍ଗ୍‌ ଜିଣାଜି ଜିବନ୍‌ ପୟ୍‌ତା ମାନାପ୍‌, ଇରିଙ୍ଗ୍‌ ମାପୁ ତଡ଼ାନ୍‌କାଙ୍ଗ୍‌ ଜିବନ୍‌ନୋଜିନାପ୍‌ । ଏନ୍‌ ଜିବନ୍‌ନୋଏନ୍‌, ୱାନ୍‌ ସାନି ଅଦିକାର୍‌ତାନ୍‌ ତେବାନାନ୍‌ ।

తీతు 3:3

ମାପ୍‌ ନିଜେ ଅର୍‍ଲେନ୍‍ ବୁଦିସିଲିକା, ମାନାଏଜି ମାରି ବାୟା ମାର୍ହାପ୍‌, ୱିଜୁ ରକମ୍‍ତି ସୁକ୍‌ବୋଗ୍‌ ମାରି ତାଗ୍‍ଇ ବିସୟ୍‌କାଙ୍ଗ୍‌ ୱିଜୁ ତେବାତା ମାର୍ହାପ୍‌; ଆକାର୍‍ ମାରି ରିସାଦାନ୍‌ ଦିନ୍‌କାଟେକିଜି ମାର୍ହାପ୍‌; ଆଇକାର୍‌ ମାଙ୍ଗିଁ କାଡ଼୍‌ଜି ମାର୍ହାର୍‌, ମାପ୍‌ ବା ୱାରିଙ୍ଗ୍ କାଡ଼୍‌ଜି ମାର୍ହାପ୍‌ ।

2తిమోతి 1:12

ଆୟାଉଣ୍ତିଙ୍ଗ୍‌ ନାନ୍‌ ଇୟାୱିଜୁ ଦୁଃକ୍‌କାସ୍ଟୁ କିଜିନା । ଇରିଙ୍ଗ୍‌ ନାନ୍‌ ଆମାୱାନିଙ୍ଗ୍‌ ବିସ୍‌ବାସ୍‌ କିଜିନା, ନାନ୍‌ ୱାନିଙ୍ଗ୍‌ ନେଗେନ୍‌ତାନ୍‌ ନେସ୍‌ତାମାନା, ଆକା ସାଲାକିଦେଙ୍ଗ୍‌ ପେରିବିସାର୍‌ ଦିନ୍‌ ସାନ୍ଦି ୱାନ୍‌ ନାଙ୍ଗିଁ ନେଗେନ୍‌ତାନ୍‌ ଇଡ୍‌ନାନ୍‌, ଇକା ସତ୍‌ତାନ୍‌ ନେସ୍‌ସି ନାନ୍‌ ଇୟାସାନ୍ଦି ପୁରାପୁରି ଆସା ଆଜି ତେବାତାମାନା ।

2కొరింతి 1:12

ଦୁନିଆଦୁ ଜିବନ୍‌ ମାରି ବିସେସ୍‍କିଜି ମିୱାଲେ ମା ମିଲାମିସା ମାପୁରୁମାନୁ ପବିତ୍ର ମାରି ବିସ୍‍ବାସ୍ ବୁଲାଜିସାଜି ଇଜି ମା ବୁଦିଦୁ ସାକି । ଇୟାଉଣ୍ତିଙ୍ଗ୍‌ ମା ମୋନତୁ ଗର୍ବ ଆଜିନାତ୍ ଦୁନିଆଦି ବୁଦିଦାନ୍ ଆଏତେ, ମାତର୍‌ ମାପୁରୁଦି ଦୟାଦାନ୍ ଇକା କିଦେଙ୍ଗ୍ ମାପୁ ସାକି ଆତିମାନିକା ।

లూకా 4:6

ମାରି, ସୟତାନ୍ ୱାନିଙ୍ଗ୍‌ ଇର୍ହାତ୍‌, “ନାନ୍ ନିଙ୍ଗିଁ ଆୟାୱିଜୁଦି ଅଦିକାର୍‌ ସିନା ମାରି ଦନ୍‍ ସିନା, ଇରିଙ୍ଗ୍‌ ଇୟାୱିଜୁ ନାଙ୍ଗିଁ ଆକା ସର୍ପେଆତା ମାନାତ୍‌, ମାରି ନାନ୍ ଏଙ୍ଗ୍‌ ବଦା କିନା, ୱାନିଙ୍ଗ୍‌ ଆକା ସିନା ।

యోహాను 17:15

ନିନ୍‌ ୱାରିଙ୍ଗ୍‌ ଦୁନିଆଦାନ୍‌ ଅନିଉଣ୍ତିଙ୍ଗ୍‌ ପାର୍‌ତନା କିଏ, ମାତର୍‌ ୱାରିଙ୍ଗ୍‌ ତାଗ୍‌ଇ ପାଣିଦାନ୍‌ ରକ୍‌ୟା କିଦୁ ଇଜି ପାର୍‌ତନା କିଜିନା ।

୧ ଜୋହନ 5:15

ମାରି ମାଡୁ ୱାନି ଲାକ୍‌ତୁ ଆମାକା ଇନିକା ପାର୍‌ତାନା କିନିକା, ଆକା ୱାନ୍‌ ୱେନାନ୍‌ ଇଜି ଜଦି ମାଡୁ ନେସ୍‌ନିକା, ଆର୍‌ତିଙ୍ଗ୍‌ ୱାନି ଲାକ୍‌ତୁ ଆମାକା ପାର୍‌ତାନା କିତିମାନିକା, ଆୟାୱିଜୁ ଜେ ପୟ୍‌ତିମାନିକା, ଇକାବା ନେସ୍‌ନାପ୍‌ ।